လံာ်စီၤပၤခံဘ့ၣ်တဘ့ၣ် 6:13 - Sgaw Karen Common Bible

¹³ စီၤပၤဟ့ၣ်လီၤအကလုၢ်စံးဝဲ, “အဝဲအိၣ်ဖဲတၢ်လီၢ်မတၤလဲၣ် န့ၣ်ဃုထံၣ်အီၤတက့ၢ်ဒီးယကလဲၤဖီၣ်န့ၢ်အီၤလီၤ.” တုၤစီၤပၤဘၣ်တၢ်တဲဘၣ်အီၤလၢစီၤအလံၤၡါအိၣ်ဝဲဖဲဝ့ၢ်ဒိၤ သၣ်န့ၣ်,

လံာ်စီၤပၤခံဘ့ၣ်တဘ့ၣ် 6:13 Iomraidhean Croise

လံာ်တၢ်ကဲထီၣ်အခီၣ်ထံး 37:17

ပှၤတဂၤန့ၣ်စံးဘၣ်အီၤ, “အဝဲသ့ၣ်ဟးထီၣ်ကွံာ်လံ. ယနၢ်ဟူအဝဲသ့ၣ်စံးဝဲဒၣ်လၢကလဲၤဝဲဆူဒိၤသၣ်န့ၣ်လီၤ.” လၢတၢ်န့ၣ်အဃိစီၤယိၤသးလဲၤပိာ်ထွဲအဒီပုၢ်ဝဲၢ်ခွါသ့ၣ်တဖၣ် အခံဒီးထံၣ်ဘၣ်အဝဲသ့ၣ်ဖဲဝ့ၢ်ဒိၤသၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 1:9

တုၤနုၤတစုအဝဲဆှၢလီၤသုးခိၣ်တဂၤဃုာ်ဒီးပှၤအဂၤယဲၢ်ဆံလၢ ကလဲၤကိးန့ၢ်စီၤအ့ၤလံယၤအဂီၢ်န့ၣ်လီၤ. သုးခိၣ်န့ၣ်ထံၣ်ဘၣ်စီၤအ့ၤလံယၤလၢအဆ့ၣ်နီၤဝဲလၢတၢ်လူၢ်ဒီ ခိၣ်ဒီးစံးဘၣ်အီၤ, “ကစၢ်ယွၤအပှၤကညီဧၢ, စီၤပၤဟ့ၣ်လီၤအကလုၢ်လၢနကဟဲက့ၤလီၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 6:12

ပှၤလၢအဝဲသ့ၣ်အကျါတဂၤစံးဆၢဝဲဒၣ်, “တၢ်ဒိၣ်ကစၢ်စီၤပၤ ဧၢ, ပှၤတအိၣ်လၢကီၢ်အံၣ်စရ့လးအစီၤပၤအအိၣ်တကပၤနီတဂၤဘၣ်. တၢ်လၢနစံးအီၤလၢဒၢးပူၤလၢတၢ်ခူသူၣ်ဒၣ်လဲာ်န့ၣ်ဝံအလံၤၡါ တဲဘၣ်ကီၢ်အံၣ်စရ့လးအစီၤပၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 6:14

အဝဲဆှၢလီၤသုးဖိဂံၢ်ဆူၣ်ဘါဆူၣ်တဖုဖဲန့ၣ်အိၣ်ဃုာ်ဒီး ကသ့ၣ်တဖၣ်ဒီးလ့ၣ်ကဟၣ်တဖၣ်န့ၣ်လီၤ. အဝဲသ့ၣ်လဲၤတုၤဝဲဖဲဝ့ၢ်ဒိၤသၣ်န့ၣ်လၢမုၢ်နၤအကတီၢ်ဒီး ကဝီၤဃာ်အီၤန့ၣ်လီၤ.

လံာ်ယံးရမံယၤ 36:26

အန့ၣ်ဝံၤဒီး, စီၤပၤခါလီၤအကလုၢ်ဆူ စီၤပၤဖိခွါစီၤယရၤဃမအ့လး, ဃုာ်ဒီးစီၤဧၤစရံၤအ့လးအဖိခွါစီၤစရါယၤ ဒီၤစီၤဧၤဘံးဒ့လးအဖိခွါ စီၤၡလ့မယၤဒ်သိး ယကဖီၣ်ယၤဒီး အပှၤကွဲးလံာ်စီၤဘၤရူးန့ၣ်လီၤ. ဘၣ်ဆၣ်ယွၤပာ်ခူသူၣ်ပှၤန့ၣ်လီၤ.