လံာ်စီၤပၤခံဘ့ၣ်တဘ့ၣ် 6:10 - Sgaw Karen Common Bible

¹⁰ လၢတၢ်န့ၣ်အဃိကီၢ်အံၣ်စရ့လးအစီၤပၤဟ့ၣ်ပလီၢ်ပှၤတဖၣ်လၢအအိၣ် ဆိးဖဲတၢ်လီၢ်န့ၣ်ဒီးအဝဲသ့ၣ်စီၣ်မဲာ်စီၣ်နါ, ပာ်သူၣ်ပာ်သးန့ၣ်လီၤ. တၢ်အံၤမၤအသးတဘျုးဘျီန့ၣ်လီၤ.

လံာ်စီၤပၤခံဘ့ၣ်တဘ့ၣ် 6:10 Iomraidhean Croise

လံာ်စီၤပၤအခီၣ်ထံးတဘ့ၣ် 20:15

လၢတၢ်န့ၣ်အဃိ, စီၤပၤကိးထီၣ်ပှၤသုးခိၣ်သးစၢ်တဖၣ်လၢအအိၣ် လၢကီၢ်ဆၣ်အသုးခိၣ်ဖးဒိၣ်တဖၣ်အတၢ်ပၢအဖီလာ်ဒီးပှၤခဲလၢာ် အိၣ်ဝဲခံကယၤသၢဆံဂၤန့ၣ်လီၤ. အန့ၣ်ဝံၤအဝဲကိးထီၣ်ဝဲကီၢ်အံၣ်စရ့လးအသုးမုၢ်ဒီးပှၤခဲ လၢာ်အိၣ်ဝဲနွံကထိဂၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 13:14

ဝံအလံၤၡါဆါဝဲလၢတၢ်ဆါလၢအသံန့ၢ်ပှၢ်န့ၢ်ပှၤဒီးဖဲ အဝဲမံလီၤဘူးလၢအကသံအခါန့ၣ်ကီၢ်အံၣ်စရ့လးအစီၤပၤစီၤ ယိၤအၣ်လဲၤအိၣ်သကိးအီၤန့ၣ်လီၤ. လၢတၢ်ဟီၣ်တၢ်ယၢၤအပူၤန့ၣ်အဝဲတဲထီၣ်ဖျဲးဝဲဒၣ်, “ယပၢ်ဧၢ, ယပၢ်ဧၢ, နမ့ၢ်တ့ၢ်နဲပှၤဂံၢ်ဆူၣ်ဘါဆူၣ်လၢအအိၣ်ပှိၤ ဒီဒၣ်ကီၢ်အံၣ်စရ့လးန့ၣ်လီၤ.”

လံာ်စီၤပၤခံဘ့ၣ်တဘ့ၣ် 2:12

စီၤအလံၤၡါထံၣ်တၢ်အံၤဒီးကိးထီၣ်ဝဲဆူစီၤအ့ၤလံယၤအ အိၣ်, “ယပၢ်ဧၢ, ယပၢ်ဧၢ, ပှၤအဆူၣ်တဂၤလၢအကဟုကယာ်တ့ၢ်ကီၢ်အံၣ်စရ့ လးဧၢ, နဘၣ်တၢ်ဟံးထီၣ်ကွံာ်နၤလံ.” ဒီးစီၤအလံၤၡါတထံၣ်ဘၣ်ကဒီးလၢၤစီၤအ့ၤလံယၤနီတစုလၢၤဘၣ်. လၢတၢ်သူၣ်အုးသးအုးအပူၤန့ၣ်စီၤအလံၤၡါဖှီယာ်ကွံာ်အဆ့ဖး ဒိၣ်ခံခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 5:14

လၢတၢ်န့ၣ်အဃိ, စီၤနဧၤမၣ်လဲၤလီၤဆူထံကျိယၢ်ဒ့ၣ်အပူၤ, ဘျၢလီၤအသးလၢထံကျိအပူၤနွံဘျီ, ဒ်စီၤအလံၤၡါနဲၣ်တ့ၢ်အီၤကျဲအသိး, ဒီးအဝဲဘၣ်တၢ်မၤဘျါက့ၤအီၤလၢာ်လၢာ်ဆ့ဆ့န့ၣ်လီၤ. အဝဲအဖံးအညၣ်တဖၣ်ဂ့ၤထီၣ်ကဒါက့ၤဒီးကဆှီထီၣ်က့ၤဝဲဒ်ဖိသၣ် တဂၤအဖံးအညၣ်အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 6:11

ပှၤစူၤရံဖိအစီၤပၤအသးဘၣ်တံာ်တာ်ဖးဒိၣ်လၢတၢ်ဂ့ၢ်အံၤအဃိ လီၤ. အဝဲကိးနုာ်ဃီၤအသုးခိၣ်သုးနၢ်တဖၣ်, ဒီးသံကွၢ်အဝဲသ့ၣ်, “မ့ၢ်မတၤလၢသုကျါတဂၤအိၣ်လၢကီၢ်အံၣ်စရ့လးအစီၤပၤအ အိၣ်တကပၤန့ၣ်လဲၣ်.”

လံာ်စီၤပၤခံဘ့ၣ်တဘ့ၣ် 6:9

ဘၣ်ဆၣ်စီၤအလံၤၡါဆှၢလီၤတၢ်ကစီၣ်ဆူကီၢ်အံၣ်စရ့လးအစီၤပၤ အအိၣ်, ဒီးဟ့ၣ်ပလီၢ်အီၤဒ်သိးအသုတလဲၤဘူးဒီးတၢ်လီၢ်န့ၣ်တဂ့ၤ, မ့ၢ်လၢ, ပှၤစူၤရံဖိတဖၣ်အိၣ်ခိးခူသူၣ်လၢကဒုးတၢ်ဖဲန့ၣ် အဃိလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:20

လၢမုၢ်ဆ့ၣ်ထီၣ်ဂီၤဂီၤန့ၣ်, ပှၤဂီၢ်မုၢ်လဲၤဃီၤဝဲဆူပှၢ်မုၢ် ကနၢဘူးဒီးသဝီတကိၤန့ၣ်လီၤ. တချုးလၢအဝဲသ့ၣ်စးထီၣ်လဲၤတၢ်ဒံးန့ၣ်, စီၤယဟိၡၤဖးကတိၤလီၤတၢ်ဆူအဝဲသ့ၣ်အအိၣ်လၢတၢ်ကတိၤတဖၣ်အံၤ န့ၣ်လီၤ. “ပှၤကီၢ်ယူဒၤဒီးဝ့ၢ်ယရူၤၡလ့ၣ်ဖိသ့ၣ်ဧၢ, ပာ်သုတၢ်နာ်လၢယွၤ, သုကစၢ်ယွၤအပူၤဒီး, သုကဆၢထၢၣ်ဂၢၢ်ကျၢၤန့ၣ်လီၤ. စူၢ်က့ၤနာ်က့ၤတၢ်လၢအဝဲအဝံတဖၣ်တဲဘၣ်သု, ဒီးသု ကမၤနၢၤတၢ်န့ၣ်လီၤ.”

တၢ်ကတိၤဒိ. 27:12

ပှၤလၢအအိၣ်ဒီးတၢ်သူၣ်ဆးသးဆးန့ၣ်, ကထံၣ်ဆိတၢ်ကိၢ်တၢ်ဂီၤဟဲဝဲဒီးပဒ့ၣ်အီၤလီၤ. မ့မ့ၢ်, ပှၤလၢအတဆိကမိၣ်တၢ်တဂၤန့ၣ်ကလဲၤနုာ်ဝဲဆူအပူၤလိၤ လိၤဒီးကပီၢ်ယၢ်လီၤက့ၤအသးလၢခံလီၤ.

လံာ်ယံးရမံယၤ 11:18

ယွၤဒုးသ့ၣ်ညါတ့ၢ်ယၤလၢတၢ်ကူၣ်အၢခူသူၣ်တဖၣ်လၢယဒုၣ်ယဒါ တဖၣ်မၤဝဲထီဒါယၤန့ၣ်လီၤ.

လံာ်မးသဲ 2:12

ဒီးဒ်ကစၢ်ယွၤဒုးပလီၢ်အဝဲသ့ၣ်အသးခီဖျိတၢ်မံမီၢ်လၢ အသုတက့ၤကဒါက့ၤဆူစီၤပၤဟ့ၤရိာ်အအိၣ်တဂ့ၤအသိးန့ၣ်, အဝဲသ့ၣ်က့ၤက့ၤဆူအထံအကီၢ်ဒၣ်ဝဲလၢကျဲအဂၤတဘိလီၤ.

လံာ်မးသဲ 3:7

တုၤစီၤယိၤဟၣ်ထံၣ်ဘၣ်ပှၤဖၤရံၤၡဲဒီးပှၤစးဒူၤကဲအါဒံအါ ဂၤလၢအဟဲလၢကဒိးဘျၢအသးလၢထံအဂီၢ်န့ၣ်ဒီးစံးဘၣ်အဝဲသ့ၣ်, “ဂုၢ်ဘီၣ်အီးသ့ၣ်ဧၢ, မတၤဟ့ၣ်ပလီၢ်သုလၢသုကဃ့ၢ်ပူၤကွံာ်လၢ ကစၢ်ယွၤအတၢ်စံၣ်ညီၣ်လၢအကဟဲန့ၣ်လဲၣ်.

မၤတၢ် 27:24

ဒီးစံးဘၣ်ယၤ, ‘စီၤပီလူးဧၢ, ပျံၤတၢ်တဂ့ၤ. နကဘၣ်ဂဲၤဆၢထၢၣ်ဒံးလၢစီၤပၤဖးဒိၣ်အမဲာ်ညါလီၤ. သတးဒီးကစၢ်ယွၤပျဲပူၤဖျဲးပှၤလၢအဒိးကဘီဒီးနၤကိးဂၤ ဒဲးလီၤ.’

ဧ့ၤဘြံၤ 11:7

လၢတၢ်စူၢ်တၢ်နာ်န့ၣ်စီၤနိအၤနၢ်ဟူကစၢ်ယွၤအတၢ်ဟ့ၣ် ပလီၢ်အီၤဘၣ်ဃးဒီးတၢ်ကမၤအသးလၢအတထံၣ်ဘၣ်ဒံးဝဲ တဖၣ်န့ၣ်လီၤ. အဝဲဒၣ်စူၢ်ကစၢ်ယွၤဒီးဘှီထီၣ်ကဘီတဘ့ၣ်လၢ အဝဲဒၣ်အပှၤဟံၣ်ဖိအတၢ်ပူၤဖျဲးအဂီၢ်န့ၣ်လီၤ. လၢတၢ်အံၤအဃိဟီၣ်ခိၣ်ဘၣ်တၢ်စံၢ်ၣ်ညီၣ်အီၤ, ဒီးစီၤနိအၤဒိးန့ၢ်ဘၣ်ကစၢ်ယွၤအတၢ်တီတၢ်လိၤလၢ အတၢ်စူၢ်တၢ်နာ်အီၤအဃိန့ၣ်လီၤ.