လံာ်စီၤပၤခံဘ့ၣ်တဘ့ၣ် 5:9 - Sgaw Karen Common Bible

⁹ လၢတၢ်န့ၣ်အဃိ, စီၤနဧၤမၣ်လဲၤဝဲအိၣ်ဒီးအကသ့ၣ်တဖၣ်ဒီးအလ့ၣ် ကဟၣ်, ဒီးအိၣ်ကတီၢ်ဝဲဖဲစီၤအလံၤၡါအဟံၣ်အကျဲစၢၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 5:9 Iomraidhean Croise

လံာ်စီၤပၤခံဘ့ၣ်တဘ့ၣ် 3:12

စီၤပၤယဟိၡၤဖးစံးဆၢဝဲဒၣ်, “အဝဲမ့ၢ်ဒၣ်ဝံအမ့ၢ်အတီတဂၤ လီၤ.” လၢတၢ်န့ၣ်အဃိ, စီၤပၤသၢဂၤလဲၤဝဲဆူစီၤအလံၤၡါအအိၣ်န့ၣ် လီၤ.

လံာ်စီၤပၤခံဘ့ၣ်တဘ့ၣ် 5:10

စီၤအလံၤၡါမၢလီၤအခ့အပှၤတဂၤဒ်သိးကလဲၤတဲအီၤလၢအဝဲကလဲၤ ဒီးလုၣ်ထံနွံဘျီ, လၢထံကျိယၢ်ဒ့ၣ်အပူၤ, ဒီးအဝဲကဘျါက့ၤလၢာ်လၢာ်ဆ့ဆ့လၢ အတၢ်ဆါန့ၣ်လီၤ.

လံာ်စီၤပၤခံဘ့ၣ်တဘ့ၣ် 5:8

တုၤဝံအလံၤၡါနၢ်ဟူတၢ်လၢအမၤတ့ၢ်အသးန့ၣ်အဝဲဆှၢလီၤတၢ် ကစီၣ်ဆူအအိၣ်စံးဝဲ, “ဘၣ်မနုၤအဃိ, နဘၣ်သးတံာ်တာ်ထဲအံၤညါန့ၣ်လဲၣ်. ဆှၢလီၤပှၤတဂၤန့ၣ်ဆူယအိၣ်တက့ၢ်. ဒီးယကဒုးနဲၣ်အီၤလၢဝံအိၣ်ဝဲတဂၤလၢကီၢ်အံၣ်စရ့လးအပူၤ န့ၣ်လီၤ.”

လံာ်စီၤပၤခံဘ့ၣ်တဘ့ၣ် 6:32

ဒီးအဝဲဆှၢလီၤပှၤစိာ်တၢ်ကစီၣ်တဂၤလၢကလဲၤမၤန့ၢ်စီၤအလံၤ ၡါအဂီၢ်န့ၣ်လီၤ. အခါဖဲန့ၣ်, စီၤအလံၤၡါအိၣ်ဝဲဖဲအဟံၣ်ပူၤဃုာ်ဒီးပှၤသးပှၢ် တနီၤလၢအဟဲအိၣ်သကိးအီၤန့ၣ်လီၤ. တချုးလၢစီၤပၤအပှၤစိာ်တၢ်ကစီၣ်ဟဲတုၤဒံးဘၣ်န့ၣ်, စီၤအလံၤၡါစံးဘၣ်ပှၤသးပှၢ်တဖၣ်န့ၣ် “ပှၤမၤသံတၢ်တဂၤန့ၣ်ဆှၢ လီၤပှၤတဂၤလၢကဟဲမၤသံယၤလီၤ. ခဲကနံၣ်အံၤတုၤအဝဲဟဲတုၤဖဲအံၤန့ၣ်, ကးတံာ်ပဲတြီ, ဒီးပျဲအဟဲနုာ်တဂ့ၤ. စီၤပၤအကစၢ်ဒၣ်ဝဲကအိၣ်ဒၣ်ဖဲအဝဲ အလီၢ်ခံဖိန့ၣ်လီၤ.”

လံာ်ယၡါယၤ 60:14

ပှၤလၢအမၤအၢမၤနးနၤအဖိခွါတဖၣ်ကဟဲဝဲ ဒီးသကူးဖုၣ်လီၤအသးဒ်သိးကဒုးနဲၣ်အဝဲသ့ၣ်အ တၢ်ယူးယီၣ်ပာ်ကဲနၤအဂီၢ်လီၤ. ကယဲၢ်ပှၤလၢတဘျီ, အသးဘၣ်အၢတ့ၢ်နၤ ကဘူၣ်ထီၣ်ဘါထီၣ်တၢ်လၢနခီၣ်ထံးလီၤ. အဝဲသ့ၣ်ကကိးနၤလၢ, ယွၤအမူအဝ့ၢ်, ဝ့ၢ်စံယိၣ်, ပှၤအံၣ်စရ့လးဖိအကစၢ်ယွၤစီဆှံအခူအဝ့ၢ်န့ၣ်လီၤ.