လံာ်စီၤပၤခံဘ့ၣ်တဘ့ၣ် 5:26 - Sgaw Karen Common Bible

²⁶ ဘၣ်ဆၣ်စီၤအလံၤၡါစံးဝဲ, “ဖဲပှၤတဂၤန့ၣ်စံၣ်လီၤလၢအလ့ၣ် ကဟၣ်အလိၤလၢကသဂၢၢ်နၤအဂီၢ်န့ၣ်, မ့ၢ်ယတအိၣ်ဖဲန့ၣ်လၢသူၣ်လၢသးဘၣ်ဧါ. အကတီၢ်အံၤတမ့ၢ်ဘၣ်တၢ် အကတီၢ်လၢပကတူၢ်လိာ်စ့ဒီးတၢ်ကူတၢ်သိး, သ့ၣ်စၤယံးအလီၢ်ဒီးစပံးမုၢ်အလီၢ်, ဒီးဂီၤဘုၣ်ဂီၤဖံးမ့တမ့ၢ်တၢ်ခ့တၢ်ပှၤတဖၣ်န့ၣ်ဘၣ်.

လံာ်စီၤပၤခံဘ့ၣ်တဘ့ၣ် 5:26 Iomraidhean Croise

လံာ်တၢ်ကဲထီၣ်အခီၣ်ထံး 14:23

လၢယတဟံးဃာ်တၢ်ဘၣ်ဃးဒီးနၤနီတမံၤထဲလုၣ်တဘိမ့ၢ်ဂ့ၤထဲ ခီၣ်ဖံးပျံၤတဘိမ့ၢ်ဂ့ၤန့ၣ်ဒၣ်လဲာ်ဘၣ်. ဒီးနစံးလၢ “ယမ့ၢ်ပှၤလၢအဒုးထူးထီၣ်တီၤထီၣ်စီၤအၤဘြၣ်” န့ၣ်တသ့နီတစုဘၣ်.

လံာ်စီၤပၤခံဘ့ၣ်တဘ့ၣ် 5:16

စီၤအလံၤၡါစံးဆၢဝဲဒၣ်, “လၢယွၤလၢအမူဝဲလၢယမၤအတၢ်တဂၤ အမံၤအပူၤန့ၣ်, ယဆိၣ်လီၤယသးလၢယတတူၢ်လိာ်တၢ်ဟ့ၣ်တမံၤအံၤန့ၣ်ဘၣ်.” စီၤနဧၤမၣ်ဃ့ကညးအီၤသပှၢ်ပှၢ်လၢအဝဲ ကတူၢ်လိာ်တၢ်ဟ့ၣ်အံၤ, ဘၣ်ဆၣ်အဝဲတတူၢ်လိာ်ဝဲဒၣ်ဘၣ်.

လံာ်စီၤပၤခံဘ့ၣ်တဘ့ၣ် 6:12

ပှၤလၢအဝဲသ့ၣ်အကျါတဂၤစံးဆၢဝဲဒၣ်, “တၢ်ဒိၣ်ကစၢ်စီၤပၤ ဧၢ, ပှၤတအိၣ်လၢကီၢ်အံၣ်စရ့လးအစီၤပၤအအိၣ်တကပၤနီတဂၤဘၣ်. တၢ်လၢနစံးအီၤလၢဒၢးပူၤလၢတၢ်ခူသူၣ်ဒၣ်လဲာ်န့ၣ်ဝံအလံၤၡါ တဲဘၣ်ကီၢ်အံၣ်စရ့လးအစီၤပၤန့ၣ်လီၤ.”

စံးထီၣ်ပတြၢၤ 63:11

ဘၣ်ဆၣ်စီၤပၤန့ၣ် ကသးခုလၢကစၢ်ယွၤအပူၤလီၤ. ကယဲၢ်ပှၤလၢအဆိၣ်တၢ်ဒီးအီၤလၢကစၢ်ယွၤအမံၤန့ၣ် ကစံးထီၣ်ပတြၢၤယွၤလီၤ. မ့မ့ၢ်ပှၤလၢအကတိၤတၢ်ကဘျံးကဘျၣ် အထးခိၣ်ကဘၣ်တၢ်ဆွံတံာ်အီၤလီၤ.

တၢ်ကတိၤဒိ. 12:19

တၢ်လီတၢ်ဝ့ၤတမံၤအိၣ်ဒီးတၢ်အိၣ်မူလၢအဖုၣ်လီၤ. မ့မ့ၢ်, တၢ်မ့ၢ်တၢ်တီမူဝဲဆူညါအစိၤစိၤအဃၣ်ဃၣ်လီၤ.

တၢ်ကတိၤဒိ. 12:22

ယွၤအသးဟ့ပှၤလီတၢ်တဖၣ်လီၤ. မ့မ့ၢ်ဘၣ်သူၣ်ဘၣ်သးဝဲလၢပှၤ တဖၣ်လၢအမၤတီအကလုၢ်န့ၣ်လီၤ.

လံာ်ယံးရမံယၤ 45:5

မ့ၢ်နဃုထံၣ်န့ၢ်တၢ်လၢကမၤန့ၢ်နၤ တၢ်လီၤလီၤဆီ ဆီလၢနဂီၢ်န့ၣ်ဧါ. မၤဒ်န့ၣ်တဂ့ၤ. ယဟဲစိာ်တၢ်တတၢးတနါလၢ ဟီၣ်ခိၣ်ဖိခဲလၢာ် အဖီခိၣ်လီၤ. ဘၣ်ဆၣ်ဒီး, အစှၤကတၢၢ်နသးသမူ ကပူၤဖျဲးဝဲဖဲနလဲၤတၢ်တပူၤလၢ်လၢ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ဃးကဲ 1:4

“ယပှၤဂီၢ်မုၢ်သ့ၣ်ဧၢ, ဘၣ်မနုၤသုအိၣ်ဆိးလၢဟံၣ်တဖၣ်လၢတၢ်ဘှီအီၤဂ့ၤဂ့ၤအပူၤ, ဖဲယတၢ်လုၢ်ဟံၣ်အိၣ်လၢတၢ်ဟးဂီၤတဖၣ်အပူၤအခါန့ၣ်လဲၣ်.

လံာ်မးသဲ 10:8

မၤဘျါပှၤဆူးပှၤဆါ, မၤမူထီၣ်က့ၤပှၤသံ, မၤကဆှီထီၣ်က့ၤပှၤလိၤတဂ့ၤတဖၣ်, ဒီးဟီထီၣ်ကွံာ်တၢ်နါတဖၣ်န့ၣ်တက့ၢ်. သုဒိးန့ၢ်ကလီလံတၢ်လံ, ဟ့ၣ်ကလီတၢ်သုဝဲတက့ၢ်.

မၤတၢ် 20:33

ယတသးလီသးကွံပှၤနီတဂၤအစ့မ့ၢ်ဂ့ၤ, ထူမ့ၢ်ဂ့ၤ, တၢ်ကူတၢ်ကၤမ့ၢ်ဂ့ၤန့ၣ်ဘၣ်.

မၤတၢ် 20:35

လၢတၢ်ကိးမံၤဒဲးအပူၤန့ၣ်, ယဒုးနဲၣ်တ့ၢ်သုလၢပကဘၣ်မၤတၢ်ဆူၣ်ဆူၣ်လၢတၢ်မၤစၢၤ ပှၤဂံၢ်စၢ်ဘါစၢ်တဖၣ်အဂီၢ်ဒီးတဘျီဃီသ့ၣ်နီၣ်ထီၣ်ကစၢ် ယ့ၣ်ၡူးအတၢ်ကတိၤလၢအစံးဝဲ, ‘ဟ့ၣ်တၢ်န့ၣ်ဘၣ်ဆိၣ်ဂ့ၤအါန့ၢ်ဒံးဒိးန့ၢ်တၢ်တက့ၢ်လီၤ.’

မၤတၢ် 5:9

အန့ၣ်ဒီးစီၤပ့းတရူးစံးဘၣ်အီၤ, “ဘၣ်မနုၤလၢနၤဒီးနဝၤ, သုပာ်လီၤသုသးလၢသုကမၤကွၢ်ကစၢ်အသးစီဆှံန့ၣ်လဲၣ်. ပှၤတဖၣ်လၢအလဲၤခူၣ်လီၤနဝၤအစိၣ်န့ၣ်ဟဲက့ၤတုၤဖဲတြဲၤအခီၣ် ထံးလံ. ဒီးကစိာ်ထီၣ်ကွံာ်စ့ၢ်ကီးနၤန့ၣ်လီၤ.”

1 ကရံၣ်သူး 5:3

ဒီးယမ့ၢ်အိၣ်ယံၤဒီးသုလၢနီၢ်ခိနီၢ်ခီသနာ်က့, ယအိၣ်ဒံးဒၣ်လဲာ်ဒီးသုဖဲန့ၣ်လၢသူၣ်လၢသး, ဒီးလၢပကစၢ်ယ့ၣ်ၡူးအမံၤန့ၣ်ယဟ့ၣ်ထီၣ်တ့ၢ်လံတၢ်စံၣ်ညီၣ်, ဒ်ယအိၣ်ဒီးသုဖဲန့ၣ်အသိး, လၢပှၤမၤတ့ၢ်တၢ်မၤလီၤပျံၤလီၤဖုး တဂၤအံၤန့ၣ်လီၤ. ဖဲသုအိၣ်ဖှိၣ်သကိးတပူၤဃီ, ဒီးယထံၣ်လိာ်ယသးဒီးသုလၢယနီၢ်သးအပူၤ, ခီဖျိပကစၢ်ယ့ၣ်ၡူးအစိကမီၤလၢအအိၣ်ဒီးသုန့ၣ်,

ကလီးစဲ 2:5

အဂ့ၢ်ဒ်အံၤယမ့ၢ်တအိၣ်ဒီးသုလၢနီၢ်ခိနီၢ်ခီသနာ်က့, ယအိၣ်ဒီးသုလၢသူၣ်လၢသးဒီးယသးခုလၢယထံၣ်ဘၣ် သုဟံးဃာ်လိာ်သုသးဒီးဆၢထၢၣ်သကိးလၢတၢ်စူၢ် တၢ်နာ်အဂၢၢ်အကျၢၤလၢခရံာ်အပူၤအဃိန့ၣ်လီၤ.