လံာ်စီၤပၤခံဘ့ၣ်တဘ့ၣ် 5:25 - Sgaw Karen Common Bible

²⁵ စီၤက့ၤဃစံက့ၤနုာ်ကဒါက့ၤဆူဟံၣ်ပူၤဒီးစီၤအလံၤၡါသံ ကွၢ်အီၤ, “နလဲၤဖဲလဲၣ်.” အဝဲစံးဆၢဝဲ, “အိ, တၢ်ဒိၣ်ဧၢ, ယတလဲၤတၢ်နီတပူၤဘၣ်.”

လံာ်စီၤပၤခံဘ့ၣ်တဘ့ၣ် 5:25 Iomraidhean Croise

လံာ်တၢ်ကဲထီၣ်အခီၣ်ထံး 16:8

ဒီးစံးဘၣ်အီၤ, “နီၢ်စၤရဲအကုၢ်ပိာ်မုၣ်နီၢ်ဟၤကၢ်ဧၢ, နဟဲလၢလဲၣ်ဒီးနကလဲၤဆူလဲၣ်.” ဒီးနီၢ်ဟၤကၢ်စံးဆၢအီၤ, “ယဟးထီၣ်ဃ့ၢ်လၢယကစၢ်မုၣ်နီၢ်စၤ ရဲအအိၣ်န့ၣ်လီၤ.”

လံာ်တၢ်ကဲထီၣ်အခီၣ်ထံး 4:9

ဒီးယွၤသံကွၢ်စီၤကၤယံၣ်, “နပုၢ်စီၤဟ့းဘ့းလးန့ၣ်အိၣ်ဖဲလဲၣ်.” ဒီးအဝဲဒၣ်စံးဆၢဝဲ, “ယတသ့ၣ်ညါဘၣ်. နဆိကမိၣ်ယမ့ၢ်ပှၤဘၣ်ကွၢ် ထွဲယပုၢ်ဧါ.”

လံာ်စီၤပၤခံဘ့ၣ်တဘ့ၣ် 20:14

တုၤနုၤတစုဝံယၡါယၤလဲၤဆူစီၤပၤဃံးစကံယၤအအိၣ်ဒီးသံ ကွၢ်အီၤ, “ပှၤတဖၣ်အံၤဟဲလၢလဲၣ်ခီလဲၣ်ဒီးအဝဲသ့ၣ်စံးဘၣ်နၤတၢ်မနုၤ လဲၣ်.” စီၤဃံးစကံယၤစံးဆၢဝဲဒၣ်, “အဝဲသ့ၣ်ဟဲဝဲလၢထံကီၢ်လၢ အယံၤမးတဘ့ၣ်လၢအမ့ၢ်ကီၢ်ဘၤဘူၤလိၣ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 5:22

စီၤက့ၤဃစံစံးဆၢဝဲ, “တမ့ၢ်နီတမံၤဘၣ်.” ဘၣ်ဆၣ်ယကစၢ်မၢလီၤယၤလၢယကတဲဘၣ်နၤလၢခဲအံၤဒၣ်လဲာ်, ပှၤခံဂၤလၢဝံတဖၣ်အကရူၢ်ပူၤလၢကစၢၢ်အ့ဖရဲၣ်တခီဟဲတုၤဝဲ, ဒီးအဝဲအဲၣ်ဒိးဝဲလၢနကဟ့ၣ်အဝဲသ့ၣ်စ့အဘ့ၣ်သၢကထိဒီးတၢ်ကူ တၢ်သိးအဂ့ၤလၢကကလံၤအသးခံဘျီအဂီၢ်န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 26:19

စီၤဧူးစံယါဆၢထၢၣ်ဝဲဖဲန့ၣ်လၢယွၤအတၢ်လုၢ်ဟံၣ်အပူၤဖဲတၢ် လုၢ်လီၢ်လၢပှၤဆူးကဲၤတၢ်နၢမူအကပၤ, ဒီးစိာ်ဃာ်ဝဲတၢ်လုၢ်နၢမူအသပၢၤတဖျၢၣ်လီၤ. အဝဲအသးဒိၣ်ထီၣ်ဘၣ်ပှၤလုၢ်တၢ်အခိၣ်တဖၣ်, ဒီးတကီၢ်ခါန့ၣ်တၢ်ဆါအၢလၢအလီၤပျံၤမးတမံၤဟဲ အိၣ်ဖျါထီၣ်လၢအခိၣ်တိသၣ်အလိၤန့ၣ်လီၤ.

တၢ်ကတိၤဒိ. 30:20

တၢ်အံၤမ့ၢ်မါလၢအတတီတဂၤမၤဝဲန့ၣ်လီၤ. အဝဲအဲၣ်ဘၢအဝၤ, လုၣ်ထံလုၣ်နိဝံၤဒီးစံးဝဲ, “ယတမၤကမၣ်တၢ်နီတမံၤမးလဲၣ်.”

လံာ်ယဃ့းစက့လး 33:31

လၢတၢ်န့ၣ်အဃိ, ယပှၤဂီၢ်မုၢ်ပာ်ဖှိၣ်ထီၣ်အသးဒ်သိးကနၢ်ဟူ တၢ်လၢနကစံးအီၤ, ဘၣ်ဆၣ်အဝဲသ့ၣ်တမၤတၢ်လၢနတဲဘၣ် အဝဲသ့ၣ်လၢကဘၣ်မၤဝဲန့ၣ်ဘၣ်. တၢ်ကတိၤတဖၣ်လၢအလီၤ အဲၣ်လီၤကွံန့ၣ်အိၣ်ဝဲလၢအနိးဖံးတဖၣ်အလိၤ, ဘၣ်ဆၣ်အဝဲသ့ၣ် မၤထွဲဒံးဒၣ်အတၢ်သူၣ်လီသးကွံအကျဲတဖၣ်န့ၣ်လီၤ.

လံာ်မးသဲ 26:21

ဖဲအအီၣ်သကိးတၢ်အဖၢမုၢ်န့ၣ်, ယ့ၣ်ၡူးစံးဘၣ်အဝဲသ့ၣ်, “ယစံးဘၣ်တဲဘၣ်သု, သုဝဲအကျါတဂၤကဆါလီၤကွံာ်ယၤလီၤ.”

လံာ်ယိၤဟၣ် 13:2

ယ့ၣ်ၡူးဒီးအပျဲၢ်အဘီၣ်တဖၣ်အီၣ်ဟါတၢ်အီၣ်အခါ, မုၣ်ကီၤလံၢ်ဒၢနုာ်တ့ၢ်လံဝဲတၢ်ကူၣ်လၢအကဟ့ၣ်လီၤကွံာ် ယ့ၣ်ၡူးလၢစီၤၡံမိၣ်အဖိခွါစီၤယူဒၤအံၣ်စကၤရံၤအိာ် အသးပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:14

စီၤစီလူးအဖါတံၢ်ထံၣ်အီၤဒီးအကုၢ်ဒီးသံကွၢ်အဝဲသ့ၣ်, “သုလဲၤတုၤဆူလဲၣ်.” ဒီးစီၤစီလူးစံးဆၢဝဲ, “ပဟးဃုကသ့ၣ်ယီၤတဖၣ်လီၤ. တုၤမ့ၢ်ပတထံၣ်အီၤဘၣ်ဒီးပလဲၤထံၣ်လိာ်စီၤၡမူၤအ့လးလီၤ.”