လံာ်စီၤပၤခံဘ့ၣ်တဘ့ၣ် 5:19 - Sgaw Karen Common Bible

¹⁹ စီၤအလံၤၡါစံးဝဲဒၣ်, “လဲၤတၢ်မုာ်မုာ်တက့ၢ်.” ဒီးစီၤနဧၤမၣ်ဟးထီၣ်ကွံာ်ဝဲန့ၣ်လီၤ. ဖဲအဝဲလဲၤတ့ၢ်ယံၤ ဒံးထဲတစဲးဧိၤန့ၣ်,

လံာ်စီၤပၤခံဘ့ၣ်တဘ့ၣ် 5:19 Iomraidhean Croise

လံာ်တၢ်ကဲထီၣ်အခီၣ်ထံး 35:16

စီၤယၤကိာ်ဒီးအပှၤဟံၣ်ဖိဃီဖိတဖၣ်ဟးထီၣ်ကွံာ်လၢဝ့ၢ်ဘ့ၤ သ့လး, ဒီးဖဲအဝဲသ့ၣ်အိၣ်တယံၤကဲာ်ဆိးဒီးဝ့ၢ်ဖရၤသးဘၣ်အခါန့ၣ်, အဆၢကတီၢ်ဘၣ်ဝဲဒၣ်လၢနီၢ်ရၤဃ့လးကဆံးစၢ်အဖိ, ဒီးအဟုးကီဝဲလီၤ.

လံာ်တၢ်ဟးထီၣ်ကွံာ် 4:18

တုၤနုၤတစု, စီၤမိၤၡ့က့ၤကဒါက့ၤဆူအမံၤပှၢ်စီၤယံးသရိၤ အအိၣ်ဒီးစံးဘၣ်အီၤ, “ဝံသးစူၤပျဲယက့ၤကဒါက့ၤဆူယ ဘူးယတံၢ်တဖၣ်အအိၣ်လၢကီၢ်အဲၤကူပတူးအပူၤဒီးကွၢ်, မ့ၢ်အဝဲသ့ၣ်အိၣ်မူဒံးတဂၤဂၤဧါ.” ဒီးစီၤယံးသရိၤစံးဘၣ်အီၤ, “က့ၤမုာ်မုာ်တက့ၢ်,” န့ၣ်လီၤ.

လံာ်မၢ်ကူး 5:34

ယ့ၣ်ၡူးစံးဘၣ်အီၤ, “ဖိမုၣ်ဧၢ, နတၢ်နာ်န့ၣ်မၤဘျါက့ၤနၤလံ. က့ၤမုာ်မုာ်တက့ၢ်. နတၢ်ဆါဘျါလံ.”

လံာ်လူၤကၣ် 7:50

ဘၣ်ဆၣ်ဒီးယ့ၣ်ၡူးစံးဘၣ်ပိာ်မုၣ်တဂၤန့ၣ်, “နတၢ်စူၢ်တၢ်နာ်အုၣ်က့ၤခီၣ်က့ၤနၤလံ. က့ၤက့ၤနဲလၢတၢ်သူၣ်မုာ်သးမုာ်အပူၤတက့ၢ်.”

လံာ်လူၤကၣ် 8:48

ယ့ၣ်ၡူးစံးဘၣ်ပိာ်မုၣ်န့ၣ်, “ယဖိမုၣ်ဧၢ, နတၢ်စူၢ်တၢ်နာ်မၤဘျါက့ၤနၤလံ, က့ၤက့ၤနဲလၢတၢ်သူၣ်မုာ်သးမုာ်အပူၤတက့ၢ်.”

လံာ်ယိၤဟၣ် 16:12

ယအိၣ်ဒံးဒီးတၢ်ဂ့ၢ်အါမးလၢယကစံးဘၣ်တဲဘၣ်သု, ဘၣ်ဆၣ်ဒီးခဲအံၤကမ့ၢ်တၢ်အါကဲၣ်ဆိးလၢသုကတူၢ်လိာ်အီၤ အဂီၢ်န့ၣ်လီၤ.

1 ကရံၣ်သူး 3:2

ယဘၣ်ဒုးအီသုလၢတၢ်နုၢ်ထံလီၤ. တမ့ၢ်တၢ်အီၣ်လၢအအိၣ်ဒီးအသံးအကာ်ဘၣ်. အဂ့ၢ်မ့ၢ်လၢသုတအိၣ်ကတဲာ်ကတီၤဒံးသုသးလၢသုကဟံးန့ၢ်အီၣ် တၢ်အီၣ်လၢအအိၣ်ဒီးအသံးအကာ်ဒံးဘၣ်အဃိန့ၣ်လီၤ. ဒီးခဲကနံၣ်အံၤဒၣ်လဲာ်န့ၣ်, သုတအိၣ်ကတဲာ်ကတီၤသုသးလၢတၢ်တမံၤန့ၣ်အဂီၢ်ဒံးဘၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:17

စီၤဧ့လံၤစံးဝဲ, “လဲၤမုာ်မုာ်တက့ၢ်. ဒီးမ်အံၣ်စရ့လး အကစၢ်ယွၤဟ့ၣ်နၤတၢ်လၢနဃ့တ့ၢ်အီၤန့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 25:35

အန့ၣ်ဝံၤဒီးစီၤဒၤဝံးတူၢ်လိာ်တၢ်လၢပိာ်မုၣ်န့ၣ်ဟဲစိာ်န့ၢ်အီၤ ဒီးစံးဘၣ်ပိာ်မုၣ်န့ၣ်, “က့ၤဆူဟံၣ်ဒီးဘၣ်ကိၢ်ဘၣ်ဂီၤတဂ့ၤ. ယကမၤတၢ်လၢနသးလီအီၤန့ၣ်လီၤ.”