လံာ်စီၤပၤခံဘ့ၣ်တဘ့ၣ် 5:16 - Sgaw Karen Common Bible

¹⁶ စီၤအလံၤၡါစံးဆၢဝဲဒၣ်, “လၢယွၤလၢအမူဝဲလၢယမၤအတၢ်တဂၤ အမံၤအပူၤန့ၣ်, ယဆိၣ်လီၤယသးလၢယတတူၢ်လိာ်တၢ်ဟ့ၣ်တမံၤအံၤန့ၣ်ဘၣ်.” စီၤနဧၤမၣ်ဃ့ကညးအီၤသပှၢ်ပှၢ်လၢအဝဲ ကတူၢ်လိာ်တၢ်ဟ့ၣ်အံၤ, ဘၣ်ဆၣ်အဝဲတတူၢ်လိာ်ဝဲဒၣ်ဘၣ်.

လံာ်စီၤပၤခံဘ့ၣ်တဘ့ၣ် 5:16 Iomraidhean Croise

လံာ်စီၤပၤအခီၣ်ထံးတဘ့ၣ် 13:8

ဝံစံးဆၢအီၤ, “နမ့ၢ်ဟ့ၣ်ယၤလၢနတၢ်ထူးတၢ်တီၤတဝာ်ဒၣ်လဲာ် န့ၣ်, ယတလဲၤဃုာ်ဒီးနၤမ့ၢ်ဂ့ၤ, အီၣ်ဃုာ်တၢ်ဒီး, အီဃုာ်တၢ်ဒီးနၤနီတမံၤမ့ၢ်ဂ့ၤဘၣ်.

လံာ်စီၤပၤအခီၣ်ထံးတဘ့ၣ် 17:1

ဝံတဂၤလၢအမံၤမ့ၢ်စီၤအ့ၤလံယၤ, လၢဝ့ၢ်တံးၡဘး, ကီၢ်ကံးလဧးအပူၤန့ၣ်စံးဘၣ်စီၤပၤအၤဃာ်, “လၢယွၤ, ကီၢ်အံၣ်စရ့လးအကစၢ်ယွၤလၢအမူဝဲလၢယမၤအတၢ်တဂၤ အမံၤအပူၤန့ၣ်, ယတဲဘၣ်နၤလၢမ့တမ့ၢ်လၢယစံးတၢ်တမံၤမံၤဒံးဘၣ်န့ၣ်, ပစီၤထံမ့ၢ်ဂ့ၤတၢ်စူၤထံမ့ၢ်ဂ့ၤတအိၣ်ဘၣ်နီတစဲးလၢဆူညါ ခံနံၣ်မ့တမ့ၢ်သၢနံၣ်အတီၢ်ပူၤဘၣ်လီၤ.”

လံာ်စီၤပၤအခီၣ်ထံးတဘ့ၣ် 18:15

စီၤအ့ၤလံယၤစံးဆၢဝဲ, “လၢယွၤသ့တၢ်လၢာ်ကစၢ်လၢအမူဝဲ ဒီးယမၤအတၢ်တဂၤအမံၤအပူၤန့ၣ်, ယအၢၣ်လီၤယသးလၢယကလဲၤဒုးနဲၣ် ဖျါယသးလၢစီၤပၤတနံၤအံၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 3:14

စီၤအလံၤၡါစံးဆၢဝဲဒၣ်, “လၢယွၤလၢအမူဝဲ, လၢယမၤအတၢ်တဂၤအမံၤအပူၤန့ၣ်, ယဆိၣ်လီၤယသးလၢ, မ့တမ့ၢ်ဘၣ်လၢယပာ်ကဲဘၣ်နသိၣ်နမှံၤကီၢ်ယူဒၤအစီၤပၤယဟိၡၤ ဖးအဃိဘၣ်န့ၣ်, ယမၤဘၣ်ဃးယသးဒီးနၤအလီၢ်တအိၣ်နီတမံၤဘၣ်.

လံာ်စီၤပၤခံဘ့ၣ်တဘ့ၣ် 5:20

စီၤအလံၤၡါအခ့အပှၤစီၤက့ၤဃစံစံးလီၤအသး, “ယကစၢ်ပျဲဟးထီၣ်ကွံာ်ကလီကွံာ်စီၤနဧၤမၣ်, တအိၣ်ဘၣ်ဒီးတၢ်ဟံးန့ၢ်တ့ၢ်တၢ်ဟ့ၣ်ဘၣ်လီၤ. အဝဲကြၢးတူၢ်လိာ်တၢ်လၢပှၤစူၤရံဖိစီၤနဧၤမၣ်ဟ့ၣ်အီၤန့ၣ် လီၤ. ခီဖျိယွၤလၢအမူဝဲန့ၣ်, ယကလဲၤဃ့ၢ်ပိာ်ထွဲအခံဒီးမၤန့ၢ် တၢ်တမံၤမံၤလၢအအိၣ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 5:26

ဘၣ်ဆၣ်စီၤအလံၤၡါစံးဝဲ, “ဖဲပှၤတဂၤန့ၣ်စံၣ်လီၤလၢအလ့ၣ် ကဟၣ်အလိၤလၢကသဂၢၢ်နၤအဂီၢ်န့ၣ်, မ့ၢ်ယတအိၣ်ဖဲန့ၣ်လၢသူၣ်လၢသးဘၣ်ဧါ. အကတီၢ်အံၤတမ့ၢ်ဘၣ်တၢ် အကတီၢ်လၢပကတူၢ်လိာ်စ့ဒီးတၢ်ကူတၢ်သိး, သ့ၣ်စၤယံးအလီၢ်ဒီးစပံးမုၢ်အလီၢ်, ဒီးဂီၤဘုၣ်ဂီၤဖံးမ့တမ့ၢ်တၢ်ခ့တၢ်ပှၤတဖၣ်န့ၣ်ဘၣ်.

လံာ်ဒၤနံးယ့လး 5:17

ဒီးစီၤဒၤနံးယ့လးစံးဆၢတၢ်လၢစီၤပၤအမဲာ်ညါ, “ပာ်နတၢ်ဟ့ၣ်တဖၣ်လၢနဂီၢ်ဒၣ်နဲမ့တမ့ၢ်ဒီးဟ့ၣ်အီၤဆူပှၤအဂၤ တဂၤအအိၣ်တက့ၢ်. ယကဖးန့ၢ်နဲဒၣ်စီၤပၤလၢတၢ်ကွဲးတ့ၢ် အသးဒီးတဲဘၣ်နၤလၢအခီပညီတဖၣ်န့ၣ်လီၤ.

လံာ်မးသဲ 10:8

မၤဘျါပှၤဆူးပှၤဆါ, မၤမူထီၣ်က့ၤပှၤသံ, မၤကဆှီထီၣ်က့ၤပှၤလိၤတဂ့ၤတဖၣ်, ဒီးဟီထီၣ်ကွံာ်တၢ်နါတဖၣ်န့ၣ်တက့ၢ်. သုဒိးန့ၢ်ကလီလံတၢ်လံ, ဟ့ၣ်ကလီတၢ်သုဝဲတက့ၢ်.

1 ကရံၣ်သူး 6:12

ပှၤတဂၤကစံးဝဲ, “ယဘၣ်တၢ်ဟ့ၣ်ယၤအခွဲးလၢယကမၤတၢ်တမံၤလၢ်လၢ်န့ၣ်လီၤ.” မ့ၢ်လံ, ဘၣ်ဆၣ်ဒီးတၢ်ကိးမံၤဒဲးတမ့ၢ်တၢ်ဂ့ၤလၢသုဂီၢ်ဘၣ်. ယစံးယဲဒၣ်သ့ဝဲလၢယဘၣ်တၢ်ဟ့ၣ်ယၤအခွဲးလၢယကမၤတၢ် တမံၤလၢ်လၢ်လီၤ. ဘၣ်ဆၣ်ဒီးယတပျဲတၢ်တမံၤမံၤဒုးကဲယၤလၢ အကုၢ်အပှၤဘၣ်.

၂ ကရံၣ်သူး 12:14

အဝဲအံၤမ့ၢ်ဝဲသၢဘျီတဘျီလၢယအိၣ်ကတဲာ်ကတီၤယသးဒ်သိး ယကဟဲအိၣ်သကိးသု, ဒီးယတဃ့တၢ်လၢသုနီတမံၤဘၣ်. တၢ်လၢယအဲၣ်ဒိးန့ၢ်ဘၣ်န့ၣ်တမ့ၢ်သုတိၢ်သုစ့ဘၣ်, မ့ၢ်ဝဲသုနီၢ်ကစၢ်လီၤ. အဂ့ၢ်ဒ်အံၤ, ဖိလံၤတဖၣ်အလီၢ်တအိၣ်လၢအကဟ့ၣ်တၢ်လၢအမိၢ် အပၢ်ဘၣ်. မ့မ့ၢ်, မိၢ်ပၢ်ကဘၣ်ဟ့ၣ်တၢ်လၢအဖိအလံၤတခီလီၤ.