လံာ်စီၤပၤခံဘ့ၣ်တဘ့ၣ် 5:15 - Sgaw Karen Common Bible

¹⁵ အဝဲက့ၤကဒါက့ၤဆူစီၤအလံၤၡါအအိၣ်ဃုာ်ဒီးအပှၤခဲလၢာ်ဒီး စံးဝဲဒၣ်, “ခဲကနံၣ်အံၤယသ့ၣ်ညါလၢ, လၢပှၤအံၣ်စရ့လးဖိအကစၢ်ယွၤအမဲာ် ညါန့ၣ်ကစၢ်အဂၤတအိၣ်နီတဂၤဘၣ်န့ၣ်လီၤ. လၢတၢ်န့ၣ်အဃိတၢ်ဒိၣ်ဧၢ, တူၢ်လိာ်ဘၣ်ယတၢ်ဟ့ၣ်တမံၤတက့ၢ်.”

လံာ်စီၤပၤခံဘ့ၣ်တဘ့ၣ် 5:15 Iomraidhean Croise

လံာ်တၢ်ကဲထီၣ်အခီၣ်ထံး 33:11

ဝံသးစူၤတူၢ်လိာ်တၢ်ဟ့ၣ်လၢယဟဲစိာ်လၢနဂီၢ်န့ၣ်တက့ၢ်. ကစၢ်ယွၤသူၣ်ကညီၤသးကညီၤတ့ၢ်ယၤဒီးဟ့ၣ်တ့ၢ်ယၤကယဲၢ်တၢ်လၢ ယလိၣ်ခဲလၢာ်န့ၣ်လီၤ.” စီၤယၤကိာ်ဃ့ကညးအီၤသပှၢ်ပှၢ်တုၤလၢစီၤဧ့ၡီၤတူၢ်လိာ်ဝဲ န့ၣ်လီၤ.

လံာ်စီၤပၤအခီၣ်ထံးတဘ့ၣ် 13:7

အန့ၣ်ဝံၤဒီးစီၤပၤစံးဘၣ်ဝံ, “ဟဲဃုာ်ဒီးယၤဆူယဟံၣ်ဒီး အီၣ်တၢ်တမံၤမံၤတက့ၢ်. ယကမၤဘျုးက့ၤနၤလၢတၢ်လၢနမၤတ့ၢ်အဃိန့ၣ်လီၤ.”

လံာ်စီၤပၤအခီၣ်ထံးတဘ့ၣ် 18:36

တုၤနၣ်ရံၣ်လၢမုၢ်ဃ့ၢ်လီၤတၢ်လုၢ်တၢ်ပာ်အကတီၢ်တုၤဝဲန့ၣ်, ဝံအ့ၤလံယၤသုးဘူးအသးဆူတၢ်လုၢ်လီၢ်ဒီးဘါထုကဖၣ်ဝဲ, “အိယွၤ, စီၤအၤဘြၤဟၣ်, စီၤအံၤစဲး, စီၤယၤကိာ်အကစၢ်ယွၤဧၢ, ဒုးနဲၣ်နသးခဲကနံၣ်အံၤလၢနမ့ၢ်ကီၢ်အံၣ်စရ့လးအကစၢ်ယွၤဒီး ယမ့ၢ်နခ့နပှၤဒီးယမၤတၢ်မၤခဲလၢာ်ဒ်နတၢ်မၤလိာ်အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:15

ဒီးဃ့ဘါထုကဖၣ်ဝဲဒ်အံၤ, “အိယွၤ, ကီၢ်အံၣ်စရ့လးအကစၢ်ယွၤ, လၢအဆ့ၣ်နီၤဝဲလၢလီၢ်ပစိာ်အိၣ်ဝဲလၢခ့ရူၢ်တဖၣ်အလိၤ တဂၤဧၢ, နမ့ၢ်နဲကစၢ်ယွၤထဲတဂၤဧိၤ, လၢကပၢကယဲၢ်ဘီမုၢ်ခဲလၢာ်လၢဟီၣ်ခိၣ်ချၢန့ၣ်လီၤ. နတ့လီၤပာ်လီၤဟီၣ်ခိၣ်ဒီးမူကပိာ်လိၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:19

ခဲကနံၣ်အံၤ, ယွၤပကစၢ်ယွၤဧၢ, မၤပူၤမၤဖျဲးပှၤလၢပှၤအၤၡူၢ် ဖိတဖၣ်အစုပူၤဒ်သိးကယဲၢ်ပှၤကလုာ်ခဲလၢာ်လၢဟီၣ်ခိၣ်ချၢကသ့ၣ် ညါဝဲလၢထဲနၤတဂၤဧိၤနမ့ၢ်ကစၢ်ယွၤတက့ၢ်, အိယွၤဧၢ.”

လံာ်စီၤပၤခံဘ့ၣ်တဘ့ၣ် 5:8

တုၤဝံအလံၤၡါနၢ်ဟူတၢ်လၢအမၤတ့ၢ်အသးန့ၣ်အဝဲဆှၢလီၤတၢ် ကစီၣ်ဆူအအိၣ်စံးဝဲ, “ဘၣ်မနုၤအဃိ, နဘၣ်သးတံာ်တာ်ထဲအံၤညါန့ၣ်လဲၣ်. ဆှၢလီၤပှၤတဂၤန့ၣ်ဆူယအိၣ်တက့ၢ်. ဒီးယကဒုးနဲၣ်အီၤလၢဝံအိၣ်ဝဲတဂၤလၢကီၢ်အံၣ်စရ့လးအပူၤ န့ၣ်လီၤ.”

လံာ်ယၡါယၤ 44:6

ယွၤလၢအပၢဒီးဒီဒၣ်အိၣ်ပှိၤကီၢ်အံၣ်စရ့လး, ယွၤသ့တၢ်လၢာ်အိၣ်ဒီးအတၢ်ကတိၤဒ်အံၤ, “ယဲဒၣ်အံၤယမ့ၢ်တၢ်အခီၣ်ထံး, ယဲဒၣ်အံၤယမ့ၢ်တၢ်အကတၢၢ်, ကစၢ်ယွၤထဲတဂၤဧိၤ, ဒီးယဲဒၣ်အံၤအမဲာ်ညါကစၢ်အဂၤတအိၣ်ဘၣ်.

လံာ်ယၡါယၤ 44:8

ယပှၤဂီၢ်မုၢ်သ့ၣ်ဧၢ, ပျံၤတၢ်တဂ့ၤ, အဂ့ၢ်ဒ်အံၤ, သုသ့ၣ်ညါလၢ, လၢပျၢၤလံၤလံၤဒီး တုၤလီၤခဲအံၤန့ၣ်, ယကတိၤဆိပာ်စၢၤတ့ၢ်တၢ်လၢအကမၤအသး ခဲလၢာ်န့ၣ်လီၤ. ဒီးသုမ့ၢ်ယပှၤအုၣ်အသးတဖၣ်လီၤ. မ့ၢ်ကစၢ်အဂၤအိၣ်ဒံးတဂၤဂၤဧါ. မ့ၢ်ကစၢ်တနီၤနီၤလၢအစိကမီၤဒိၣ်ဝဲလၢယတနၢ်ဟူတ့ၢ်ဘၣ်အဂ့ၢ် အိၣ်ဒံးဝဲတဂၤဂၤဧါ.”

လံာ်ယၡါယၤ 45:6

ယမၤတၢ်အံၤဒ်သိးပှၤတဂၤလၢ်လၢ်လၢဟီၣ်ခိၣ်အကတၢၢ်တခီဆူအဂၤ တခီကသ့ၣ်ညါဝဲလၢယမ့ၢ်ယွၤဒီးလၢကစၢ်အဂၤတအိၣ်ဘၣ်အဂ့ၢ်န့ၣ် လီၤ.

လံာ်ဒၤနံးယ့လး 2:47

စီၤပၤစံးဘၣ်စီၤဒၤနံးယ့လး, “မ့ၢ်မးနကစၢ်ယွၤန့ၣ်မ့ၢ် ဝဲကစၢ်တဖၣ်အကစၢ်ယွၤဒီးစီၤပၤတဖၣ်အယွၤ, ဒီးမ့ၢ်ပှၤလၢအမၤဖျါ ထီၣ်တၢ်ခူသူၣ်အဒိၣ်အယိာ်တဖၣ်လီၤ. ယသ့ၣ်ညါတၢ်အံၤ မ့ၢ်လၢနမၤဖျါထီၣ်တၢ်ခူသူၣ်အဒိၣ်အယိာ်အံၤသ့ဝဲဒၣ်အဃိ န့ၣ်လီၤ.”

လံာ်ဒၤနံးယ့လး 3:29

ဒီးခဲကနံၣ်အံၤ, ယခါလီၤယကလုၢ်လၢကယဲၢ်ပှၤတဂၤလၢ်လၢ် လၢထံကီၢ်တဘ့ၣ်လၢ်လၢ်အကျါမ့ၢ်ဂ့ၤ, ပှၤတကလုာ်လၢ်လၢ်အကျါမ့ၢ်ဂ့ၤ, ပှၤကတိၤကျိာ်တကျိာ်လၢ်လၢ်အကျါမ့ၢ်ဂ့ၤ, မ့ၢ်ကတိၤထီဒါစီၤၡၤဒရး, စီၤမ့ၤၡးဒီးစီၤဧဘ့ၤဒနကိၤအကစၢ်ယွၤလၢတၢ်တယူးတယီၣ်ဘၣ် အပူၤန့ၣ်ကဘၣ်တၢ်ဒီၣ်တဲာ်ကွံာ်အီၤတကူာ်တကူာ်, ဒီးအ ဟံၣ်ကကဲထီၣ်တၢ်ဟးဂီၤတဖၣ်အတၢ်ပာ်ဖှိၣ်န့ၣ်လီၤ. အဂ့ၢ်ဒ်အံၤ, ကစၢ်အဂၤလၢအကမၤပူၤဖျဲးတၢ်ဒ်သိးအံၤတအိၣ် ဘၣ်နီတဂၤဘၣ်.”

လံာ်ဒၤနံးယ့လး 4:34

“တုၤနွံနံၣ်ပူၤကွံာ်ဝဲဒီး, ယၤ, စီၤနဘူၤကးန့စၢ်ကွၢ်ထီၣ်တၢ်ဆူ မူခိၣ်ဒီးယအိၣ်က့ၤဒီးယတၢ်သူၣ်ထံသးဆးလီၤ. ယစံးထီၣ်ပ တြၢၤတၢ်ထီကတၢၢ်ကစၢ်ယွၤဒီးဟ့ၣ်တၢ်ယူးယီၣ်ဒီးတၢ်လၤ ကပီၤဆူပှၤလၢအမူဝဲအထူအယိာ်တဂၤအအိၣ်န့ၣ်လီၤ. “အဂ့ၢ်ဒ်အံၤ, အတၢ်ပၢတၢ်ပြးန့ၣ်မ့ၢ်တၢ်ပၢတၢ်ပြး အထူအယိာ်, ဒီးအဘီအမုၢ်အိၣ်ဂၢၢ်အိၣ်ကျၢၤ အစိၤစိၤအဃၣ်ဃၣ်လီၤ.

ရိမ့ၤ 10:10

အဂ့ၢ်ဒ်လဲၣ်န့ၣ်, ခီဖျိပနာ်တၢ်လၢပသးကံၢ်ပူၤန့ၣ်ပဘၣ်တၢ်ပာ် တီပာ်လိၤပှၤဒီးကစၢ်ယွၤ, ဒီးခီဖျိပအၢၣ်လီၤလၢပထးခိၣ်န့ၣ်ပတုၤလၢတၢ်အုၣ်က့ၤခီၣ်က့ၤပှၤ န့ၣ်လီၤ.

၂ ကရံၣ်သူး 9:5

လၢတၢ်န့ၣ်အဃိ, ယဆိကမိၣ်အလီၢ်အိၣ်လၢယကမၢန့ၢ်ဆီၣ်ခံဒီပုၢ်ဝဲၢ်သ့ၣ် တဖၣ်အံၤလၢအကလဲၤဆိလၢယမဲာ်ညါဒီးအိၣ်ကတဲာ် ကတီၤဆိပာ်စၢၤတၢ်ဟ့ၣ်လၢသုအၢၣ်လီၤတ့ၢ်လၢသု ကဟ့ၣ်သုဝဲန့ၣ်လီၤ. တုၤနုၤတစု, ဖဲယဟဲတုၤယဲအဆၢ ကတီၢ်န့ၣ်, ကအိၣ်ကတဲာ်ကတီၤလံအသး, ဒီးကမၤ ဖျါထီၣ်လၢသုဟ့ၣ်တၢ်မ့ၢ်လၢသုသးအိၣ်အဃိ, ဒီးတမ့ၢ်လၢတၢ်လီၤဘၣ်သုအဃိဘၣ်န့ၣ်လီၤ.

လံာ်စီၤယိၤၡူ 9:24

အဝဲသ့ၣ်စံးဆၢက့ၤစီၤယိၤၡူ, “ပမၤတၢ်အံၤမ့ၢ်လၢပဘၣ်တၢ်စံးဘၣ်တဲဘၣ်ပှၤလၢယွၤနကစၢ်ယွၤ မၤလိာ်တ့ၢ်အခ့အပှၤစီၤမိၤၡ့ လီၤတံၢ်လီၤဆဲးလၢအကဟ့ၣ်လီၤသုလၢကီၢ်ဒီဘ့ၣ်ညါ, ဒီးသုကဘၣ်မၤသံပှၤလၢကီၢ်ပူၤခဲလၢာ်ဖဲသုလဲၤထီၣ်ဒုးတၢ် အဃိန့ၣ်လီၤ. သတးဒီးပပျံၤတၢ်လၢပသးသမူအဂီၢ်ဒိၣ်မးဒီးပပျံၤနၤအဃိ, ပမၤဘၣ်တၢ်အံၤန့ၣ်လီၤ.

လံာ်စီၤယိၤၡူ 9:9

အဝဲသ့ၣ်စံးဘၣ်အီၤ, “ပဝဲနခ့နပှၤတဖၣ်အံၤပဟဲလၢထံကီၢ်လၢအယံၤတဘ့ၣ်, မ့ၢ်လၢပနၢ်ဟူဘၣ်ယွၤနကစၢ်အဂ့ၢ်အဃိလီၤ. ပနၢ်ဟူဘၣ်တၢ်ခဲလၢာ်လၢအဝဲမၤဝဲလၢကီၢ်အဲၤကူပတူး အပူၤ,

လံာ်စီၤၡမူၤအ့လးအခီၣ်ထံးတဘ့ၣ် 25:27

တၢ်ဒိၣ်ဧၢ, ဝံသးစူၤတူၢ်လိာ်တၢ်ဟ့ၣ်ကနၢၤလၢယဟဲစိာ်ဆူန အိၣ်, ဒီးဟ့ၣ်လီၤနပှၤတဖၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 9:7

စီၤစီလူးသံကွၢ်ဝဲ, “ပမ့ၢ်လဲၤဆူအအိၣ်ဒီး, ပဟ့ၣ်အီၤတၢ်မနုၤကန့ၢ်လဲၣ်. ပထၢၣ်ပူၤတၢ်အီၣ်တၢ်အီတအိၣ်လၢၤဘၣ်. ဒီးတၢ်တအိၣ်ဒီးပှၤနီတမံၤလၢပကဟ့ၣ်အီၤဘၣ်န့ၣ်တမ့ၢ်ဘၣ်ဧါ.”