လံာ်စီၤပၤခံဘ့ၣ်တဘ့ၣ် 5:13 - Sgaw Karen Common Bible

¹³ အခ့အပှၤတဖၣ်လဲၤဆူအအိၣ်ဒီးစံးဘၣ်အီၤ, “တၢ်ဒိၣ်ဧၢ, ဝံမ့ၢ်တဲဘၣ်နၤလၢနကဘၣ်မၤတၢ်အကီအခဲတမံၤမံၤန့ၣ်နကမၤနဲလီၤ. ခဲကနံၣ်အံၤဒ်အဝဲစံးတ့ၢ်အသိး, ထဲနကလဲၤလုၣ်ထံလၢနနီၢ်ကစၢ် ဒၣ်နဲဒီးဘၣ်တၢ်မၤဘျါက့ၤနၤန့ၣ်, ဘၣ်မနုၤနမၤတကဲန့ၣ်လဲၣ်.”

လံာ်စီၤပၤခံဘ့ၣ်တဘ့ၣ် 5:13 Iomraidhean Croise

လံာ်တၢ်ကဲထီၣ်အခီၣ်ထံး 41:43

စီၤပၤဟ့ၣ်လီၤအီၤလၢစီၤပၤအလ့ၣ်ကဟၣ်ခံဆိတဆိလၢကဒိးဝဲ အဂီၢ်, ဒီးပှၤဃ့ၢ်ဆိတၢ်တဖၣ်လၢစီၤပၤအလ့ၣ်ကဟၣ်မဲာ်ညါန့ၣ် ကိးထီၣ်ဝဲ, “ဟ့ၣ်ကျဲတက့ၢ်, ဟ့ၣ်ကျဲတက့ၢ်” န့ၣ်လီၤ. အန့ၣ်ဒီးစီၤယိၤသးဘၣ်တၢ်ဃုထၢပာ်လီၤအီၤဒ်ပဒိၣ် ဖးဒိၣ်လၢကီၢ်အဲၤကူပတူးဒီဘ့ၣ်အဖီခိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 20:23

စီၤပၤဘ့ၣ်ဟဒးအပဒိၣ်ပပှၢ်တဖၣ်စံးဘၣ်အီၤ, “ကီၢ်အံၣ်စရ့လးအကစၢ်တဖၣ်မ့ၢ်ကစၢၢ်ကလိအကစၢ်တဖၣ်, ဒီးလၢတၢ်န့ၣ်အဃိပှၤအံၣ်စရ့လးဖိတဖၣ်မၤနၢၤပှၤန့ၣ်လီၤ. ဘၣ်ဆၣ်ပမ့ၢ်ဒုးအဝဲသ့ၣ်လၢတၢ်ပၢၤခိၣ်တဖၣ်န့ၣ်, ပကနၢၤအဝဲသ့ၣ်သပှၢ်ကတၢၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 20:31

အဝဲအပဒိၣ်ပပှၢ်တဖၣ်လဲၤဆူအအိၣ်ဒီးစံးဘၣ်အီၤ, “ပနၢ်ဟူတ့ၢ်လၢကီၢ်အံၣ်စရ့လးအစီၤပၤတဖၣ်သးကညီၤတၢ်သ့ လီၤ. ဟ့ၣ်ပှၤတၢ်ပျဲလၢပကလဲၤဆူကီၢ်အံၣ်စရ့လးအစီၤပၤအအိၣ်, အိၣ်ဒီးဆ့ကၤထၢၣ်တၢ်ကံးယာ်လၢပယီၢ်ဒ့တဖၣ်အလိၤဒီးပျံၤတဖၣ် လၢပကိာ်တဖၣ်အလိၤဒီးဘၣ်သ့ၣ်သ့ၣ်အဝဲကပျဲပူၤဖျဲးနသးသမူ န့ၣ်လီၤ.”

လံာ်စီၤပၤခံဘ့ၣ်တဘ့ၣ် 13:14

ဝံအလံၤၡါဆါဝဲလၢတၢ်ဆါလၢအသံန့ၢ်ပှၢ်န့ၢ်ပှၤဒီးဖဲ အဝဲမံလီၤဘူးလၢအကသံအခါန့ၣ်ကီၢ်အံၣ်စရ့လးအစီၤပၤစီၤ ယိၤအၣ်လဲၤအိၣ်သကိးအီၤန့ၣ်လီၤ. လၢတၢ်ဟီၣ်တၢ်ယၢၤအပူၤန့ၣ်အဝဲတဲထီၣ်ဖျဲးဝဲဒၣ်, “ယပၢ်ဧၢ, ယပၢ်ဧၢ, နမ့ၢ်တ့ၢ်နဲပှၤဂံၢ်ဆူၣ်ဘါဆူၣ်လၢအအိၣ်ပှိၤ ဒီဒၣ်ကီၢ်အံၣ်စရ့လးန့ၣ်လီၤ.”

လံာ်စီၤပၤခံဘ့ၣ်တဘ့ၣ် 2:12

စီၤအလံၤၡါထံၣ်တၢ်အံၤဒီးကိးထီၣ်ဝဲဆူစီၤအ့ၤလံယၤအ အိၣ်, “ယပၢ်ဧၢ, ယပၢ်ဧၢ, ပှၤအဆူၣ်တဂၤလၢအကဟုကယာ်တ့ၢ်ကီၢ်အံၣ်စရ့ လးဧၢ, နဘၣ်တၢ်ဟံးထီၣ်ကွံာ်နၤလံ.” ဒီးစီၤအလံၤၡါတထံၣ်ဘၣ်ကဒီးလၢၤစီၤအ့ၤလံယၤနီတစုလၢၤဘၣ်. လၢတၢ်သူၣ်အုးသးအုးအပူၤန့ၣ်စီၤအလံၤၡါဖှီယာ်ကွံာ်အဆ့ဖး ဒိၣ်ခံခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 5:10

စီၤအလံၤၡါမၢလီၤအခ့အပှၤတဂၤဒ်သိးကလဲၤတဲအီၤလၢအဝဲကလဲၤ ဒီးလုၣ်ထံနွံဘျီ, လၢထံကျိယၢ်ဒ့ၣ်အပူၤ, ဒီးအဝဲကဘျါက့ၤလၢာ်လၢာ်ဆ့ဆ့လၢ အတၢ်ဆါန့ၣ်လီၤ.

လံာ်စီၤပၤခံဘ့ၣ်တဘ့ၣ် 5:3

ဘၣ်မုၢ်တနံၤ, အဝဲစံးဘၣ်အကစၢ်မုၣ်ဒ်အံၤ, “ယဆၢမးလၢယကစၢ်လဲၤဆူဝံတဂၤလၢအအိၣ်ဆိးလၢကီၢ်ၡၤမရံ အပူၤအအိၣ်, ကသ့ဝဲန့ၣ်လီၤ. အဝဲကမၤဘျါအီၤလၢအတၢ်ဆါန့ၣ်လီၤ.”

လံာ်စီၤပၤခံဘ့ၣ်တဘ့ၣ် 6:21

တုၤကီၢ်အံၣ်စရ့လးအစီၤပၤထံၣ်ဘၣ်ပှၤစူၤရံဖိတဖၣ်န့ၣ်အဝဲ သံကွၢ်စီၤအလံၤၡါဒ်အံၤ, “ယကဘၣ်မၤသံအဝဲသ့ၣ်ဧါတၢ်ဒိၣ်ဧၢ, ယကဘၣ်မၤသံအဝဲသ့ၣ်ဧါ.”

လံာ်စီၤပၤခံဘ့ၣ်တဘ့ၣ် 8:9

လၢတၢ်န့ၣ်အဃိစီၤဃစ့လးဂီၤကၢ်ထီၣ်ကီၤလၤအူးအဒုလွံၢ်ဆံ ဒီးကယဲၢ်တၢ်ဟ့ၣ်အဂ့ၤကတၢၢ်အကလုာ်ကလုာ်လၢဝ့ၢ်ဒၤမ့ၤစ့းဒီး လဲၤဝဲဆူစီၤအလံၤၡါအအိၣ်န့ၣ်လီၤ. တုၤစီၤဃစ့လးထံၣ်စီၤအလံၤၡါန့ၣ်စံးဝဲဒၣ်, “နခ့နပှၤစီၤပၤဘ့ၣ်ဟဒးဆှၢလီၤယၤဒ်သိးယကသံကွၢ်နၤလၢမ့ၢ် အဝဲကဘျါက့ၤဧါမ့တမ့ၢ်တဘျါက့ၤလၢၤဘၣ်လဲၣ်အဂ့ၢ်န့ၣ်လီၤ.”

စံးထီၣ်ပတြၢၤ 51:2

သ့စီယၤလၢယတၢ်အၢစီစီ, ဒီးမၤကဆှီယၤလၢယတၢ်ဒဲးဘးတက့ၢ်.

စံးထီၣ်ပတြၢၤ 51:7

မၤကဆှီယၤလၢကဖျီၣ်အ့စိးတက့ၢ်. ဒီးယကကဆှီထီၣ်လီၤ. သ့စီယၤတက့ၢ်, ဒီးယကဝါန့ၢ်မူခိၣ်ဖီလီၤ.

လံာ်ယၡါယၤ 1:16

သ့စီကွံာ်သုသးဒီးမၤကဆှီထီၣ်သုသးတက့ၢ်. ဆိကတီၢ်တၢ်အၢလၢယထံၣ်လၢသုမၤအီၤအံၤန့ၣ်တက့ၢ်. မ့ၢ်လီၤ, ဆိကတီၢ်တၢ်မၤအၢမၤသီတၢ်,

လံာ်မၤလကံ 1:6

တၢ်သုးမုၢ်ဂီၢ်မုၢ်အယွၤစံးဘၣ်ပှၤလုၢ်တၢ်အခိၣ်တဖၣ်ဒ်အံၤ, “ဖိခွါမၤလၤကပီၤအပၢ်, ဒီးတၢ်ခ့တၢ်ပှၤမၤလၤကပီၤအကစၢ်လီၤ. ယဲဒၣ်အံၤယမ့ၢ်သုပၢ်လီၤ, ဘၣ်မနုၤအဃိသုတမၤလၤကပီၤယၤလဲၣ်. ယဲဒၣ်အံၤယမ့ၢ်သုကစၢ်, ဘၣ်မနုၤအဃိသုတပာ်ကဲယၤလဲၣ်. သုမၤတရီတပါယၤဒီးသုသံကွၢ်, ပမၤတရီတပါနၤဒ်လဲၣ်.”

လံာ်မးသဲ 23:9

သုတဘၣ်ကိးပှၤအိၣ်လၢဟီၣ်ခိၣ်ချၢလၢပၢ်နီတဂၤဘၣ်. အဂ့ၢ်ဒ်အံၤ, သုအိၣ်ဒီးပၢ်ထဲတဂၤဧိၤလၢမူခိၣ်လီၤ.

လံာ်ယိၤဟၣ် 13:8

စီၤပ့းတရူးစံးဝဲ “နတဘၣ်သ့ယခီၣ်နီတဘျီဘၣ်.” ယ့ၣ်ၡူးစံးဆၢအီၤ, “ယမ့ၢ်တသ့ဘၣ်နခီၣ်ဒီးနတဘၣ် ဃးဒီးယၤလၢၤဘၣ်.”

လံာ်ယိၤဟၣ် 9:7

ဒီးစံးဘၣ်အီၤ, “လဲၤဒီးပျၢ်နမဲာ်လၢနိၣ်ၡံလိၤန့ၣ်တက့ၢ်.” (မံၤဝဲအံၤအခီပညီမ့ၢ်တၢ်မၢလီၤ) အန့ၣ်ဒီးပှၤတဂၤအံၤလဲၤဝဲဒီးပျၢ် အမဲာ်, ဒီးထံၣ်ထီၣ်က့ၤတၢ်ဒီးဟဲက့ၤဝဲလီၤ.

မၤတၢ် 22:16

ဒီးခဲကနံၣ်အံၤဘၣ်မနုၤဃိနမၤယံာ်မၤနီၢ်နသးလဲၣ်. ဂဲၤဆၢထၢၣ်ဒီးဒိးဘျၢနသးလၢထံဒီးပျဲနတၢ်ဒဲးဘးဘၣ် တၢ်သ့စီကွံာ်အီၤခီဖျိနကိးထီၣ်အမံၤန့ၣ်တက့ၢ်.’

1 ကရံၣ်သူး 1:21

အဂ့ၢ်ဒ်အံၤ, လၢအဝဲဒၣ်အတၢ်ကူၣ်ဘၣ်ကူၣ်သ့အပူၤန့ၣ်, ကစၢ်ယွၤမၤဝဲဒ်သိးပှၤဟီၣ်ခိၣ်ဖိအသုတသ့ၣ်ညါအီၤခီဖျိ အဝဲသ့ၣ်အတၢ်ကူၣ်ဘၣ်ကူၣ်သ့ဒၣ်ဝဲတဂ့ၤ. မ့မ့ၢ်ခီဖျိ, တၢ်ကစီၣ်လၢပစံၣ်တဲၤတဲလီၤ, လၢပှၤစံးလၢအလၢအပှဲၤဒီးတၢ်သူၣ်တဆးသးတဆးန့ၣ်, ကစၢ်ယွၤပာ်လီၤအသးလၢအကအုၣ်က့ၤခီၣ်က့ၤပှၤစူၢ်က့ၤနာ်က့ၤ တၢ်တဖၣ်လီၤ.

1 ကရံၣ်သူး 1:27

ကစၢ်ယွၤဃုထၢဝဲဒ်အတၢ်တိာ်ပာ်အိၣ်ဝဲအသိး, တၢ်လၢပှၤဟီၣ်ခိၣ်ဖိထံၣ် လၢအတအိၣ်ဒီးတၢ်သူၣ်ဆးသးဆးဒ်သိးအကမၤမဲာ်ဆှးပှၤကူၣ် ဘၣ်ကူၣ်သ့, ဒီးအဝဲဒၣ်ဃုထၢတၢ်လၢပှၤဟီၣ်ခိၣ်ဖိထံၣ်လၢ အဂံၢ်စၢ်ဘါစၢ်, ဒ်သိးအကမၤမဲာ်ဆှးပှၤဂံၢ်ဆူၣ်ဘါဆူၣ်အဂီၢ် န့ၣ်လီၤ.

1 ကရံၣ်သူး 4:15

အဂ့ၢ်ဒ်အံၤ, လၢသုတၢ်အိၣ်မူဒ်ခရံာ်ဖိအသိးအပူၤန့ၣ်, သုမ့ၢ်အိၣ်ဒီးပှၤသိၣ်သီပၢဆှၢသုအဂၤတကလးသနာ်က့သုပၢ် အိၣ်ဒၣ်ထဲတဂၤဧိၤလီၤ. အဂ့ၢ်ဒ်အံၤ, လၢသုတၢ်အိၣ်မူပာ်ဖှိၣ်ဃုာ်သုသးဒီးယ့ၣ်ၡူးခရံာ်အပူၤန့ၣ် ယကဲထီၣ်တ့ၢ်ယဲလၢသုပၢ်, ခီဖျိယဟဲစိာ်တၢ်သးခုကစီၣ်ဆူသုအိၣ် န့ၣ်လီၤ.

တံတူး 3:5

အဝဲဒၣ်အုၣ်က့ၤခီၣ်က့ၤပှၤလီၤ. ဒီးတၢ်အံၤတမ့ၢ်လၢပကစၢ်ဒၣ်ပဝဲပမၤတၢ်အဂ့ၤတမံၤမံၤအဃိ ဘၣ်. မ့ၢ်ဒၣ်လၢအဝဲအတၢ်သးကညီၤဒၣ်ဝဲအဃိအဝဲအုၣ်က့ၤ ခီၣ်က့ၤပှၤ, ခီဖျိတၢ်သ့စီပှၤဘၣ်ဃးဒီးတၢ်အိၣ်ဖျဲၣ်ထီၣ်အသီဒီး တၢ်ဟ့ၣ်ပှၤတၢ်မူအသီခီဖျိသးစီဆှံ,

ဧ့ၤဘြံၤ 10:22

မ်ပသုးဘူးပသးဆူကစၢ်ယွၤအအိၣ်လၢသးလၢအမ့ၢ်အတီ အပူၤအိၣ်ဒီးတၢ်နာ်အဂၢၢ်အကျၢၤ, သးလၢအဘၣ်တၢ်မၤ ကဆှီထီၣ်အီၤလၢတၢ်ပာ်ဒ့ၣ်ပာ်ကမၢ်လီၤက့ၤအသး, ဒီးနီၢ်ခိလၢအဘၣ်တၢ်သ့စီအီၤလၢထံအဆှံန့ၣ်တက့ၢ်.

၁ ပ့းတရူး 3:21

လၢအမ့ၢ်တၢ်ပနီၣ်လၢအနဲၣ်ပှၤဆူတၢ်ဒိးဘျၢလၢအခဲအံၤ အုၣ်က့ၤခီၣ်က့ၤသုန့ၣ်လီၤ. တမ့ၢ်တၢ်သ့စီကွံာ်နီၢ်ခိအတၢ်ဘၣ်အၢတဖၣ်န့ၣ်ဘၣ်, မ့မ့ၢ်, မ့ၢ်ပသးလၢအသ့ၣ်ညါဒၣ်တၢ်လၢအဂ့ၤအတၢ်အၢၣ်လီၤကစၢ်ယွၤ လၢတၢ်သးမံအပူၤန့ၣ်လီၤ. တၢ်အံၤအုၣ်က့ၤခီၣ်က့ၤသုခီဖျိယ့ၣ်ၡူးခရံာ်အတၢ်ဂဲၤဆၢထၢၣ် သမူထီၣ်က့ၤ,

လံာ်လီၣ်ဖျါ 7:14

“ယတသ့ၣ်ညါဘၣ်, တၢ်ဒိၣ်ဧၢ, နသ့ၣ်ညါနဲလီၤ” ယစံးဆၢယဲ. အဝဲဒၣ်စံးဘၣ်ယၤ, “ပှၤသ့ၣ်တဖၣ်အံၤမ့ၢ်ပှၤတဖၣ်လၢ အလဲၤခီဖျိဘၣ်တၢ်မၤအၢမၤနးလီၤပျံၤလီၤဖုးတမံၤန့ၣ်လီၤ. အဝဲသ့ၣ်သ့စီကွံာ်တ့ၢ်ဝဲအဆ့ကၤဖးထီတဖၣ်, ဒီးမၤဝါထီၣ်အီၤလၢသိဖိတဒုန့ၣ်အသွံၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:11

ကွၢ်တက့ၢ်, ယပၢ်ဧၢ, ကွၢ်ဃီၤနဆ့ကၤဖးထီအက့တက့လၢယဖီၣ်ဃး အီၤအံၤတက့ၢ်. ယမၤသံနၤသ့လီၤ. ဘၣ်ဆၣ်ဒီး, အခိၣ်တလိာ်န့ၣ်, ယကူးတဲာ်ထဲတၢ်အံၤဧိၤလီၤ. တၢ်အံၤဒုးနၢ်ပၢၢ်လီၤတံၢ်နၤလၢယတအိၣ်ဒၣ်လဲာ်ဒီးတၢ်ဆိကမိၣ် လၢတၢ်ပူထီၣ်ထီဒါနၤမ့ၢ်ဂ့ၤမၤဆါနၤမ့ၢ်ဂ့ၤဘၣ်. နလူၤဖီၣ်န့ၢ်ယၤလၢနကမၤသံယၤအဂီၢ်ဖဲယတမၤကမၣ်ဘၣ်နၤနီတမံၤ ဘၣ်ဒၣ်လဲာ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 28:23

စီၤစီလူးဂ့ၢ်လိာ်ဝဲဒီးစံးလၢအဝဲတအီၣ်တၢ်နီတမံၤဘၣ်. ဘၣ်ဆၣ်ဒီးအသုးခိၣ်သုးနၢ်တဖၣ်မၢဆူၣ်အီၤဒ်သိးကအီၣ်တၢ်အဂီၢ်လီၤ. လၢခံကတၢၢ်န့ၣ်အဝဲတူၢ်လိာ်ဝဲဒီးဂဲၤဆၢထၢၣ်လၢဟီၣ်ခိၣ်ဒီး ဆ့ၣ်နီၤလၢလီၢ်မံခးအလိၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:10

ဖဲအဝဲသ့ၣ်လဲၤထီၣ်ဆူဝ့ၢ်လၢအအိၣ်လၢတၢ်လူၢ်ခိၣ်န့ၣ်, အဝဲသ့ၣ်ထံၣ်ဘၣ်ပိာ်မုၣ်ဖိတနီၤလၢအဟဲထီၣ်ဒ်သိးအကဒၢၣ်ထံ အဂီၢ်လီၤ.