လံာ်စီၤပၤခံဘ့ၣ်တဘ့ၣ် 5:12 - Sgaw Karen Common Bible

¹² လၢန့ၣ်အမဲာ်ညါ, လၢပအိၣ်ပဆိးအလီၢ်လၢဝ့ၢ်ဒၤမ့ၤစ့းန့ၣ်, ထံကျိတဖၣ်လၢအမ့ၢ်ထံကျိအဘၤနါ, ဒီးဖၢ်ပၢ်တဂ့ၤဒိၣ်န့ၢ်ဒံး ထံကျိတဘိဘိလၢကီၢ်အံၣ်စရ့လးအပူၤန့ၣ်ဘၣ်ဧါ. ယလုၣ်ထံလၢထံကျိတဖၣ်န့ၣ်အပူၤဒီးဘျါက့ၤသ့ဝဲလီၤ.”

လံာ်စီၤပၤခံဘ့ၣ်တဘ့ၣ် 5:12 Iomraidhean Croise

လံာ်စီၤပၤခံဘ့ၣ်တဘ့ၣ် 2:14

အဝဲတီၢ်ထံလၢစီၤအ့ၤလံယၤအဆ့ကၤဖးဒိၣ်န့ၣ်ဒီးစံးဝဲဒၣ်, “ယွၤ, စီၤအ့ၤလံယၤအကစၢ်ယွၤန့ၣ်အိၣ်ဖဲလဲၣ်.” အန့ၣ်ဝံၤဒီးအဝဲတီၢ်ကဒီးထံဒီးထံန့ၣ်နီၤဖးကွံာ်အသးခံ ခီဒီးအဝဲလဲၤခီဂာ်ဝဲဆူထံကျိအဝၢ်ဘးခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:8

အန့ၣ်ဒီး, စီၤအ့ၤလံယၤဘ့ၣ်လီၤအဆ့ကၤဖးဒိၣ်ဒီးထူထီၣ်ဝဲ ဒီးတီၢ်ထံလၢဆ့ကၤန့ၣ်, ဒီးထံသ့ၣ်ဖးကွံာ်ဝဲနီၤဖးကွံာ်အသးခံခီဒီးအဝဲဒီးစီၤ အလံၤၡါခီဂာ်ဝဲဆူထံကျိအဝၢ်ဘးခီလၢခိန့ၣ်လီၤ.

လံာ်စီၤပၤခံဘ့ၣ်တဘ့ၣ် 5:11

ဘၣ်ဆၣ်စီၤနဧၤမၣ်ဟးထီၣ်ကွံာ်လၢတၢ်သးကဲၤထီၣ်အပူၤဒီးစံး ဝဲဒၣ်, “ယဆိကမိၣ်လၢအစှၤကတၢၢ်အဝဲကဟဲထီၣ်ဆူယအိၣ်, ဘါထုကဖၣ်တၢ်ဆူအယွၤအဝဲအကစၢ်ယွၤအအိၣ်, ယၤထီၣ်အစုလၢတၢ်ဆါအပူၤလီၢ်အဖီခိၣ်ဒီးမၤဘျါက့ၤယၤန့ၣ် လီၤ.

လံာ်စီၤပၤခံဘ့ၣ်တဘ့ၣ် 5:17

လၢတၢ်န့ၣ်အဃိစီၤနဧၤမၣ်စံးဝဲဒၣ်, “နမ့ၢ်တတူၢ်လိာ်ဘၣ်ယတၢ် ဟ့ၣ်အံၤန့ၣ်, ပျဲယမၤန့ၢ်ဟီၣ်ခိၣ်လၢယကက့ၤစိာ်အီၤဆူဟံၣ်ဒီးယၤ, ဘျဲးစိာ်ကသ့ၣ်လၤခံဒုတက့ၢ်. အဂ့ၢ်ဒ်အံၤ, စးထီၣ်ခဲအံၤဒီးဆူညါန့ၣ်, ယတလုၢ်လၢၤဘၣ်တၢ်လုၢ်တၢ်ပာ်မ့ၢ် ဂ့ၤ, တၢ်လုၢ်မ့ၣ်အူမ့ၢ်ဂ့ၤဆူကစၢ်အဂၤတဖၣ်လၢၤဘၣ်. ယကလုၢ်တၢ်ထဲဆူယွၤတဂၤဧိၤအအိၣ်လီၤ.

တၢ်ကတိၤဒိ. 14:17

ပှၤလၢအသးထီၣ်ကဲၤတဖၣ်မၤပှၤဟးဂီၤဖိအတၢ်မၤလီၤ. ပှၤလၢအကူၣ်သ့ဒိၣ်ဒၣ်တၢ်တက့ၢ်တဖၣ်အိၣ်ဝဲခုၣ်ခုၣ်မုာ်မုာ်လီၤ.

တၢ်ကတိၤဒိ. 16:32

တၢ်ဝံသးစူၤဂ့ၤဒိၣ်န့ၢ်တၢ်ဂံၢ်ဆူၣ်ဘါဆူၣ်တက့ၢ်လီၤ. တၢ်မၤနၢၤဒီးတၢ်ပၢၤနသးဒၣ်နဲန့ၣ်ဂ့ၤဒိၣ်န့ၣ်ဒံးတၢ်ပၢၤ ဝ့ၢ်ဒီဝ့ၢ်တက့ၢ်လီၤ.

တၢ်ကတိၤဒိ. 19:11

နမ့မ့ၢ်ပှၤသူၣ်ထံသးဆးန့ၣ်နကပၢၤနသးလီၤ. ဖဲပှၤတဂၤဂၤမၤကမၣ်နၤန့ၣ်, နမ့ၢ်ကွၢ်ကပာ်ကွံာ်အီၤဒီးတၢ်န့ၣ် မ့ၢ်တၢ်ဂ့ၤတၢ်ဝါဖးဒိၣ်တမံၤလီၤ.

လံာ်တၢ်သးဝံၣ်တဖၣ်အတၢ်သးဝံၣ် 4:8

ဟဲဃုာ်ဒီးယၤလၢလဘၤနိၣ်အကစၢၢ်ကလိတဖၣ်တက့ၢ်, ယတလးမူးပိာ်မုၣ်ဧၢ, ဟဲဃုာ်ဒီးယၤလၢကီၢ်လဘၤနိၣ်တက့ၢ်. ဟဲလီၤလၢကစၢၢ်အမါနၤအဒီခိၣ်, လၢကစၢၢ်စနံၣ်ဒီးကစၢၢ်ဃ့ရမိၣ်, ဖဲခ့ယုၢ်ဒီးခ့စံၣ်ပိၣ်တဖၣ်အိၣ်ဆိးဝဲအလီၢ်တက့ၢ်.

လံာ်ယံးရမံယၤ 49:23

အအံၤမ့ၢ်တၢ်လၢ ယွၤစံးဝဲဘၣ်ဃးဒီးဝ့ၢ်ဒၤမ့ၤစ့းလီၤ. “ပှၤဂီၢ် မုၢ်လၢ ဝ့ၢ်ဃမါသးဒီးဝ့ၢ်အ့ၢ်ဖးတဖၣ်ဘၣ်ကိၢ်ဘၣ်ဂီၤဒီး အသးဘၣ်တံာ်တာ်ဝဲ မ့ၢ်လၢအဝဲသ့ၣ်နၢ်ဟူတ့ၢ်တၢ်ကစီၣ် အအၢအသီအဃိန့ၣ်လီၤ. တၢ်သူၣ်ကိၢ်သးဂီၤတလ့ၣ်အသး လၢအဝဲသ့ၣ်အဖီခိၣ်ဒ်ပီၣ်လဲၣ်လၢတအိၣ်ဘှံးဘၣ်အသိးန့ၣ်လီၤ.

လံာ်စကၤရယၤ 13:1

ဒီးသ့တၢ်လၢာ်အယွၤစံးဝဲဒၣ်, “ဖဲအဆၢကတီၢ်အဝဲန့ၣ်ဟဲ တုၤဃီၤန့ၣ်, ထံမူထီၣ်ပၢၢ်တပူၤကဘၣ်တၢ်အိးထီၣ်အီၤလၢကမၤ ကဆှီစီၤဒၤဝံးအစၢၤအသွဲၣ်တဖၣ်ဒီးဝ့ၢ်ယရူၤၡလ့ၣ် အပှၤဂီၢ်မုၢ်လၢအတၢ်ဒဲးဘးဒီးအတၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

လံာ်စကၤရယၤ 14:8

ဖဲမုၢ်နံၤအဝဲန့ၣ်တုၤဃီၤန့ၣ်, ထံမူကယွၤလီၤဝဲဒၣ်လၢဝ့ၢ်ယရူၤၡလ့ၣ်, တဝာ်န့ၣ်ကယွၤလီၤဆူပီၣ်လဲၣ်သံ, ဒီးအဂၤတဝာ်န့ၣ်ကယွၤလီၤဝဲဒၣ်ဆူပီၣ်လဲၣ်ဖးဒိၣ်မဲးထံးထၢၣ် ရ့နယၢၣ်န့ၣ်လီၤ. ထံမူအံၤကယွၤလီၤဝဲဒၣ်လၢဒီတနံၣ်ညါအတီၢ်ပူၤ, လၢတၢ်ယီၤအကတီၢ်ဒီးတၢ်စူၤအကတီၢ်စ့ၢ်ကီးန့ၣ်လီၤ.

လံာ်မၢ်ကူး 1:9

တၢ်န့ၣ်ဝံၤအလီၢ်ခံတယံာ်တမီၢ်ဘၣ်န့ၣ်, ယ့ၣ်ၡူးဟဲဝဲလၢဝ့ၢ်နစၤရ့းဘၣ်ဃးဒီးကီၢ်ကၤလံၤလါဒီးဒိး ဘျၢအသးလၢစီၤယိၤဟၣ်အစုပူၤလၢထံကျိယၢ်ဒ့ၣ်အပူၤန့ၣ်လီၤ.