လံာ်စီၤပၤခံဘ့ၣ်တဘ့ၣ် 4:6 - Sgaw Karen Common Bible

⁶ တုၤအဝဲသ့ၣ်မၤပှဲၤကိခဲလၢာ်ဝံၤန့ၣ်, ပိာ်မုၣ်န့ၣ်သံကွၢ်ဝဲ မ့ၢ်ကိအဂၤအိၣ်ဒံးဧါ. အဖိခွါအကျါတဂၤစံးဆၢဝဲ, ကိအဝဲန့ၣ်မ့ၢ်ကိလၢခံကတၢၢ်တဖျၢၣ်န့ၣ်လီၤ. ဒီးသ့ၣ်စၤယံးအသိဆိကတီၢ်ယွၤလီၤဝဲဒၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 4:6 Iomraidhean Croise

လံာ်စီၤပၤအခီၣ်ထံးတဘ့ၣ် 17:14

အဂ့ၢ်ဒ်အံၤ, တၢ်အံၤမ့ၢ်တၢ်လၢယွၤကီၢ်အံၣ်စရ့လးအကစၢ်ယွၤ စံးဝဲန့ၣ်လီၤ. တချုးဒံးလၢမုၢ်တနံၤလၢယၤ, ယွၤ, မၢလီၤတၢ်ဟဲစူၤဒံးဘၣ်န့ၣ်, နလီခီအပူၤကိၣ်ကမူၣ်တလၢာ်မ့ၢ်ဂ့ၤ, နကိအပူၤသိတလၢာ်မ့ၢ်ဂ့ၤန့ၣ်ဘၣ်.”

လံာ်စီၤပၤခံဘ့ၣ်တဘ့ၣ် 13:19

တၢ်အံၤမၤသးဒိၣ်ထီၣ်စီၤအလံၤၡါ, ဒီးအဝဲစံးဘၣ်စီၤပၤ, “နကြၢးတီၢ်တၢ်ယဲၢ်ဘျီမ့တမ့ၢ်ဃုဘျီဒီးနကအိၣ်ဒီးတၢ်မၤ နၢၤတၢ်လၢာ်လၢာ်ဆ့ဆ့လၢပှၤစူၤရံတဖၣ်အဖီခိၣ်န့ၣ်လီၤ. မ့မ့ၢ်ခဲကနံၣ်အံၤနကမၤနၢၤအဝဲသ့ၣ်ထဲသၢဘျီဧိၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 4:5

လၢတၢ်န့ၣ်အဃိ, ပိာ်မုၣ်န့ၣ်လဲၤနုာ်ဆူအဟံၣ်ပူၤဃုာ်ဒီးအဖိ ခွါတဖၣ်, ဒီးကးတံာ်ပဲတြီဒီးဟံးထီၣ်သ့ၣ်စၤယံးအသိကိအဆံးတဖျၢၣ် န့ၣ်ဒီးလူလီၤသိဆူကိတဖၣ်အပူၤ, ဒ်အဖိခွါဟဲက့ၤစိာ်န့ၢ်အီၤအသိးန့ၣ်လီၤ.

လံာ်မးသဲ 13:58

ယ့ၣ်ၡူးတမၤတၢ်လီၤလးအါအါဖဲန့ၣ်ဘၣ်, မ့ၢ်လၢအဝဲသ့ၣ်အတၢ်နာ်အီၤတအိၣ်ဘၣ်အဃိလီၤ.

လံာ်မးသဲ 14:20

ပှၤခဲလၢာ်အီၣ်ဝဲဒီးဘျဲးအီၣ်ဝဲလီၤ. ဒီးအဝဲသ့ၣ်ထၢဖှိၣ်က့ၤတၢ်အီၣ်အဘျဲၣ်အစဲၢ်ပှဲၤကုတဆံခံဒုလီၤ.

လံာ်မးသဲ 15:37

အဝဲသ့ၣ်ကိးဂၤဒဲးအီၣ်ဝဲဒီးဘျဲးအီၣ်ဘျဲးအီဝဲလီၤ. အပျဲၢ်အဘီၣ်တဖၣ်ထၢဖှိၣ်က့ၤတၢ်အဘျဲၣ်အစဲၢ်ပှဲၤကုနွံဒုလီၤ.

လံာ်မးသဲ 9:29

တုၤနုၤတစုယ့ၣ်ၡူးထိးဘၣ်အဝဲသ့ၣ်အမဲာ်ချံတဖၣ်ဒီးစံး, “မ်သုထံၣ်ထီၣ်က့ၤတၢ်ဒ်သုနာ်တၢ်အသိးန့ၣ်တက့ၢ်.”

လံာ်လူၤကၣ် 6:19

ပှၤကိးဒံကိးဂၤဒဲးဂုာ်ကျဲးစၢးထိးဘၣ်အီၤ, မ့ၢ်လၢတၢ်စိတၢ်ကမီၤဟဲထီၣ်လၢအဝဲဒၣ်အလိၤ, ဒီးမၤဘျါက့ၤအဝဲသ့ၣ်ကိးဂၤဒဲးအဃိန့ၣ်လီၤ.

လံာ်ယိၤဟၣ် 6:12

တုၤအဝဲသ့ၣ်အီၣ်တၢ်ဘျဲးအီၣ်န့ၣ်, ယ့ၣ်ၡူးစံးဘၣ်အပျဲၢ်အဘီၣ် တဖၣ်, “ထၢဖှိၣ်က့ၤတၢ်အဘျဲၣ်အစဲၢ်တဖၣ်တက့ၢ်. တဘၣ်ပျဲလၢာ်ဂီၤကလီတၢ်နီတစဲးတဂ့ၤ.”

လံာ်စီၤယိၤၡူ 5:12

တနံၤဃီန့ၣ်, ကိၣ်မၤနၤတလီၤလၢၤဘၣ်, ဒီးလၢပှၤအံၣ်စရ့လးဖိအဂီၢ်ကိၣ်မၤ နၤတအိၣ်ဘၣ်လၢၤဘၣ်န့ၣ်လီၤ. နံၣ်အဝဲန့ၣ်ဒီးဆူညါအဝဲသ့ၣ်အီၣ်တၢ်အီၣ်လၢအဟးထီၣ်လၢကီၢ်ကနၤဧၣ်န့ၣ်လီၤ.