လံာ်စီၤပၤခံဘ့ၣ်တဘ့ၣ် 4:42 - Sgaw Karen Common Bible

⁴² မၤကဒီးအဂၤတဘျီန့ၣ်, ပှၤတဂၤဟဲဝဲလၢဘဧၤလးၡလံၡၤ, ဟဲစိာ်န့ၢ်စီၤအလံၤၡါလၢကိၣ်အလိၣ်ခံဆံ, လၢအဘၣ်တၢ်မၤအီၤလၢဘုမုယီၤလၢတၢ်ကူးအီၤအဆိကတၢၢ်ဖဲနံၣ် အဝဲန့ၣ်ဒီးဘုစဲၤလၢတၢ်ကူးအီၤသီသီတနီၤန့ၣ်လီၤ. စီၤအလံၤၡါတဲဘၣ်အခ့အပှၤလၢကဒုးအီၣ်ဝံတဖုအံၤလၢတၢ်သ့ၣ် တဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 4:42 Iomraidhean Croise

လံာ်စီၤပၤအခီၣ်ထံးတဘ့ၣ် 14:3

လဲၤစိာ်န့ၢ်အီၤကိၣ်ဆံဆဲၣ်လိၣ်, ကိၣ်ဘ့ၣ်ဘၣ်တနီၤ, ဒီးကနဲစီတကိန့ၣ်တက့ၢ်. သံကွၢ်အီၤတၢ်ကမၤအသးဒီးပဖိခွါဒ်လဲၣ်, ဒီးအဝဲဒၣ်ကတဲဘၣ်နၤ လီၤ.”

လံာ်စီၤပၤခံဘ့ၣ်တဘ့ၣ် 4:38

ဘၣ်တဘျီ, ဖဲတၢ်သၣ်ဝံၤလီၤဒိတမံၤမၤအသးလၢထံကီၢ်ဒီဘ့ၣ် ညါအခါန့ၣ်, စီၤအလံၤၡါဟဲက့ၤကဒါက့ၤဆူဝ့ၢ်ကံးလကၤလးန့ၣ်လီၤ. ဖဲအဝဲသိၣ်လိဝံတဖၣ်အခါန့ၣ်အဝဲတဲဘၣ်အခ့အပှၤလၢကဒိထီၣ် သပၢၤဖးဒိၣ်တဖျၢၣ်လၢမ့ၣ်အူအဖီခိၣ်ဒီးဖီန့ၢ်အဝဲသ့ၣ်ကသူ ထံတကပၢၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 5:5

စီၤပၤစံးဝဲဒၣ်, “လဲၤဆူကီၢ်အံၣ်စရ့လးအစီၤပၤအအိၣ်ဒီး လဲၤစိာ်လံာ်ပရၢအံၤဆူအအိၣ်န့ၣ်တက့ၢ်.” လၢတၢ်န့ၣ်အဃိစီၤနဧၤမၣ်ဟးထီၣ်ဝဲ, လဲၤစိာ်စ့ညၣ်အဘ့ၣ်သၢက လး, ထူအဘ့ၣ်ဃုကထိဒီးတၢ်ကူတၢ်သိးအဂ့ၤလၢတၢ်ကလံၤအသးအဂီၢ် အဘ့ၣ်တဆံန့ၣ်လီၤ.

လံာ်စီၤပၤခံဘ့ၣ်တဘ့ၣ် 7:1

စီၤအလံၤၡါစံးဆၢဝဲဒၣ်, “ဒိကနၣ်တၢ်လၢယွၤစံးဝဲန့ၣ်တ က့ၢ်. ခဲမုၢ်ဆ့ၣ်လၢတၢ်ဆၢကတီၢ်ဒ်အံၤန့ၣ်, နပှ့ၤကိၣ်ကမူၣ်အဂ့ၤကတၢၢ် အလီၤတယၢၢ်တစ့အၤမ့ၢ်ဂ့ၤ, ဘုမုယီၤခံစ့အၤမ့ၢ်ဂ့ၤလၢစ့တဘ့ၣ်လၢၡၤမရံကန့ၢ်ဝဲလီၤ.

လံာ်တၢ်ဟးထီၣ်ကွံာ် 23:16

ဖဲသုစးထီၣ်ကူးက့ၤသုတၢ်မုၢ်တၢ်ဘိတဖၣ်န့ၣ်မၤတၢ်ကူးက့ၤ တၢ်အဘူၣ်တက့ၢ်. မၤဘူၣ်ဒဲတဖၣ်အမူးဖဲတၢ်ကိၢ်ခါလၢာ်ဝဲဒီး ဖဲသုပာ်ဖှိၣ်သုတၤသူ တၤသၣ်လၢသုစပံးလီၢ်ဒီးတၤသၣ်လီၢ်တဖၣ်အကတီၢ်န့ၣ်တက့ၢ်.

လံာ်တၢ်ဂံၢ် 18:12

ကယဲၢ်တၤသၣ်ဆိအဂ့ၤကတၢၢ်လၢပှၤအံၣ်စရ့လးဖိတဖၣ်ဟ့ၣ်ထီၣ်ယၤ ကိးနံၣ်ဒဲးလၢအမ့ၢ်သ့ၣ်စၤယံးအသိ, စပံးထံ, ဒီးဘုဧိၤဟုဧိၤတဖၣ်န့ၣ်ယဟ့ၣ်နၤလီၤ.

လံာ်တၢ်ဂံၢ် 18:13

တၢ်န့ၣ်ဘၣ်ဃးဒီးနၤလီၤ. ပှၤကိးဂၤဒဲးလၢနဟံၣ်ဖိဃီဖိတဖၣ်အကျါလၢအကဆှီဝဲဒ်တၢ်ဘူၣ် တၢ်ဘါအလုၢ်အလၢ်အသိးန့ၣ်အီၣ်အီၤသ့ဝဲလီၤ.

လံာ်ယိၤဟၣ် 6:13

အန့ၣ်ဒီး, အဝဲသ့ၣ်ထၢဖှိၣ်က့ၤကိၣ်လၢအအိၣ်ဘျဲၣ်တ့ၢ် တဖၣ်, ဒီးကိၣ်ယဲၢ်ဖျၢၣ်လၢပှၤဂီၢ်မုၢ်အီၣ်ဝဲဒၣ်န့ၣ် အိၣ်ဘျဲၣ်တ့ၢ်ပှဲၤကုတဆံခံဒုန့ၣ်လီၤ.

လံာ်ယိၤဟၣ် 6:9

“ပိာ်ခွါဖိသၣ်အိၣ်ဖဲအံၤတဂၤ, အကိၣ်အိၣ်ယဲၢ်ဖျၢၣ်ဒီးအညၣ် အိၣ်ခံဘ့ၣ်လီၤ. ဘၣ်ဆၣ်တၢ်သ့ၣ်တဖၣ်အံၤကလၢဝဲလၢပှၤခဲလၢာ်အဂီၢ်ဒ်လဲၣ်.”

1 ကရံၣ်သူး 9:11

ပဖှံလီၤတ့ၢ်သးအတၢ်ချံလၢသုသိးသုကျါလီၤ. ပမ့ၢ်ကူးဘၣ် က့ၤတၢ်ဘျုးတၢ်ဖှိၣ်ဘၣ်ဃးဒီးတၢ်ဖံးတၢ်ညၣ်လၢသုအိၣ်န့ၣ်, တမ့ၢ်တၢ်အါကဲၣ်ဆိးဧါ.

ကလၤတံ 6:6

ပှၤတဂၤလၢအဘၣ်တၢ်သိၣ်လိအီၤလၢတၢ်အကလုၢ်ကထါန့ၣ်, ကြၢးနီၤဟ့ၣ်လီၤကယဲၢ်တၢ်အဂ့ၤလၢအအိၣ်ဒီးအီၤခဲလၢာ်ဆူ အသရၣ်လၢအသိၣ်လိအီၤတဖၣ်အအိၣ်လီၤ.

လံာ်သိၣ်လီၤသီလီၤတၢ် 12:6

ဒီးဖဲန့ၣ်သုကဘၣ်လုၢ်ထီၣ်တၢ်လုၢ်တၢ်ပာ်တဖၣ်လၢတၢ်ဆိၣ်ကဲၤထီၣ် အဂီၢ်ဒီးတၢ်လုၢ်တၢ်ပာ်အဂၤတဖၣ်ဒီးတၢ်မၤဘူၣ်တဖၣ်, သုတၢ်ဟ့ၣ်လၢသုအၢၣ်လီၤဒီးယွၤ, သုတၢ်သူၣ်အိၣ်သးအိၣ်အတၢ်မၤ ဘူၣ်တဖၣ်ဒီးသုဂီၤဘုၣ်ဂီၤဖံးဒီးသုသိအဝဲၢ်ကိတဖၣ်န့ၣ်လီၤ.

လံာ်သိၣ်လီၤသီလီၤတၢ် 32:14

အဝဲသ့ၣ်အဂီၤဖံးမိၢ်တဖၣ်ဒီးအမဲာ်တဲးလဲးတဖၣ်ဟ့ၣ်ထီၣ်တၢ်နုၢ်ထံအါအါဂီၢ်ဂီၢ်, အဝဲသ့ၣ်အိၣ်ဒီးသိအဂ့ၤကတၢၢ်တဖၣ်, မဲာ်တဲးလဲးအဂ့ၤကတၢၢ်တဖၣ်ဒီးဂီၤဘုၣ်ဂီၤဖံးအဂ့ၤကတၢၢ်တဖၣ်, ဘုကၠူၣ်အဂ့ၤကတၢၢ်ဒီးစပံးထံအဂ့ၤကတၢၢ်န့ၣ်လီၤ.

လံာ်သိၣ်လီၤသီလီၤတၢ် 8:8

မ့ၢ်ကီၢ်တဘ့ၣ်လၢအဟ့ၣ်ထီၣ်ဘုကၠူၣ်ဒီးဘုမုယီၤ, စပံးသၣ်တဖၣ်, ချၢၣ်ဒၢတဖၣ်, သလဲသၣ်တဖၣ်, သ့ၣ်စၤယံးအသၣ်တဖၣ်ဒီးကနဲစီန့ၣ် လီၤ.

လံာ်စီၤၡမူၤအ့လးအခီၣ်ထံးတဘ့ၣ် 9:4

အဝဲသ့ၣ်လဲၤသကုၤအကစၢၢ်ကလိကီၢ်အ့ဖရဲၣ်ဒီဘ့ၣ်ဒီးဆူကီၢ်ၡၤ လံၡၤအလီၢ်ကဝီၤဘၣ်ဆၣ်ဒီးတထံၣ်က့ၤဝဲဘၣ်. မၤသးဒ်န့ၣ်ဒီးလဲၤဆူညါဆူကီၢ်ၡၤလံၣ်လီၤ. ဘၣ်ဆၣ်ဒီးကသ့ၣ်ယီၤတဖၣ်တအိၣ်ဖဲန့ၣ်ဘၣ်. အန့ၣ်ဝံၤဒီးအဝဲသ့ၣ်လဲၤခီဂာ်ဘံၣ်ယၤမံၣ်အလီၢ်ကဝီၤဘၣ်ဆၣ် တထံၣ်ဒံးအဝဲသ့ၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 9:7

စီၤစီလူးသံကွၢ်ဝဲ, “ပမ့ၢ်လဲၤဆူအအိၣ်ဒီး, ပဟ့ၣ်အီၤတၢ်မနုၤကန့ၢ်လဲၣ်. ပထၢၣ်ပူၤတၢ်အီၣ်တၢ်အီတအိၣ်လၢၤဘၣ်. ဒီးတၢ်တအိၣ်ဒီးပှၤနီတမံၤလၢပကဟ့ၣ်အီၤဘၣ်န့ၣ်တမ့ၢ်ဘၣ်ဧါ.”