လံာ်စီၤပၤခံဘ့ၣ်တဘ့ၣ် 4:41 - Sgaw Karen Common Bible

⁴¹ စီၤအလံၤၡါဃ့တၢ်အီၣ်တနီၤ, တ့ၢ်နုာ်လီၤဝဲဆူသပၢၤပူၤဒီး စံးဝဲဒၣ်, “ဂၢ်လီၤအါထီၣ်ကသူထံတနီၤလၢအဝဲသ့ၣ်အဂီၢ်တက့ၢ်.” အန့ၣ်တစု, ကသူထံန့ၣ်, ဂ့ၤထီၣ်က့ၤဒၣ်တၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 4:41 Iomraidhean Croise

လံာ်စီၤပၤခံဘ့ၣ်တဘ့ၣ် 2:21

ဒီးအဝဲလဲၤဝဲဆူထံထီၣ်ပၢၢ်, တ့ၢ်လီၤအံသၣ်ဆူထံကျါဒီး စံးဝဲဒၣ်, “အအံၤမ့ၢ်တၢ်လၢယွၤစံးဝဲလီၤ. ယမၤကဆှီထီၣ်ထံလံ, တဒုးအိၣ်ထီၣ်လၢၤတၢ်သံမ့ၢ်ဂ့ၤ, ပိာ်မုၣ်တဖၣ်အတၢ်ဟုးဟးဂီၤမ့ၢ်ဂ့ၤနီတစုလၢၤဘၣ်.”

လံာ်စီၤပၤခံဘ့ၣ်တဘ့ၣ် 5:10

စီၤအလံၤၡါမၢလီၤအခ့အပှၤတဂၤဒ်သိးကလဲၤတဲအီၤလၢအဝဲကလဲၤ ဒီးလုၣ်ထံနွံဘျီ, လၢထံကျိယၢ်ဒ့ၣ်အပူၤ, ဒီးအဝဲကဘျါက့ၤလၢာ်လၢာ်ဆ့ဆ့လၢ အတၢ်ဆါန့ၣ်လီၤ.

လံာ်စီၤပၤခံဘ့ၣ်တဘ့ၣ် 6:6

စီၤအလံၤၡါသံကွၢ်အီၤ, “လီၤတဲာ်ဝဲဖဲလဲၣ်.” ပှၤတဂၤန့ၣ်ဒုးနဲၣ်အီၤတၢ်လီၢ်န့ၣ်ဒီးစီၤအလံၤၡါကျီတဲာ် သ့ၣ်တဘိ, တ့ၢ်လီၤဝဲဆူထံကျါဒီးမၤထီၣ်ဖီက့ၤ, ကွါကနၣ်န့ၣ်လီၤ.

လံာ်တၢ်ဟးထီၣ်ကွံာ် 15:25

ဒီးစီၤမိၤၡ့ဘါထုကဖၣ်တၢ်လၢအသူၣ်ကံၢ်သးလဲဆူယွၤအအိၣ် ဒီးယွၤဒုးနဲၣ်အီၤလၢသ့ၣ်တကူးလာ်လီၤ. အဝဲကွံာ်နုာ်ဝဲဆူထံအကျါဒီးထံန့ၣ်ကဲထီၣ်ထံလၢတၢ်အီ အီၤသ့န့ၣ်လီၤ. ဖဲန့ၣ်ယွၤဟ့ၣ်လီၤအဝဲသ့ၣ်လၢတၢ်ဘူၣ်တၢ်ဘါအတၢ်သိၣ်တၢ်သီ တဖၣ်လၢကအိၣ်မူထွဲဝဲအဂီၢ်, ဒီးမၤကွၢ်စ့ၢ်ကီးအဝဲသ့ၣ်န့ၣ်လီၤ.

လံာ်ယိၤဟၣ် 9:6

ယ့ၣ်ၡူးကတိၤတၢ်အံၤဝံၤဒီး, အဝဲထူးပှဲာ်လီၤတၢ်လၢဟီၣ်ခိၣ် အလိၤဒီးကၢကပံာ်လၢအထူးပျ့ၤထံဝံၤဒီးပဲလီၤကပံာ်အံၤလၢပှၤ တဂၤအံၤအမဲာ်ချံအလိၤ,

မၤတၢ် 28:5

ဘၣ်ဆၣ်ဒီးစီၤပီလူးတဆ့လီၤကွံာ်ဂုၢ်သ့ၣ်ဆူမ့ၣ်အူအပူၤ, ဒီးအနီၢ်ကစၢ်ဒၣ်ဝဲတဘၣ်တၢ်နီတမံၤဘၣ်.

1 ကရံၣ်သူး 1:25

အဂ့ၢ်ဒ်အံၤ, တၢ်လၢအအိၣ်ဖျါလီၤဂာ်ဒ်အမ့ၢ်ကစၢ်ယွၤအတၢ်သး တဆးန့ၣ်ကူၣ်ဘၣ်ကူၣ်သ့ဒိၣ်န့ၢ်ပှၤကညီအတၢ်ကူၣ်ဘၣ်ကူၣ်သ့, ဒီးတၢ်လၢအအိၣ်ဖျါလီၤဂာ်ဒ်အမ့ၢ်ကစၢ်ယွၤအတၢ်ဂံၢ်စၢ်ဘါစၢ်န့ၣ် အဂံၢ်အဘါဆူၣ်န့ၢ်ပှၤကညီအဂံၢ်အဘါလီၤ.