လံာ်စီၤပၤခံဘ့ၣ်တဘ့ၣ် 4:30 - Sgaw Karen Common Bible

³⁰ ပိာ်မုၣ်န့ၣ်စံးဘၣ်စီၤအလံၤၡါ, “လၢယတၢ်သူၣ်တီသးလိၤအပူၤ န့ၣ်ယဆိၣ်တၢ်ဒီးယွၤလၢအမူဝဲ, ဒီးနၤလၢယတဟးဖးဒီးနၤဘၣ်.” လၢတၢ်န့ၣ်အဃိ, အဝဲသ့ၣ်ခံဂၤလိာ်စးထီၣ်က့ၤကဒါက့ၤသကိးဝဲ ဒၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 4:30 Iomraidhean Croise

လံာ်တၢ်ကဲထီၣ်အခီၣ်ထံး 32:27

ပှၤတဂၤန့ၣ်သံကွၢ်အီၤ, “နမံၤဒ်လဲၣ်” ဒီးအဝဲစံးဆၢဝဲ, “စီၤယၤကိာ်လီၤ.”

လံာ်စီၤပၤခံဘ့ၣ်တဘ့ၣ် 2:2

ဒီးဖဲအလဲၤတၢ်အခါန့ၣ်, စီၤအ့ၤလံယၤစံးဘၣ်စီၤအလံၤၡါ, “ခဲအံၤအိၣ်တ့ၢ်ဖဲအံၤတက့ၢ်. ယွၤမၤလိာ်တ့ၢ်ယၤလၢယကဘၣ်လဲၤဆူဝ့ၢ်ဘ့ၤသ့လးန့ၣ်လီၤ.” ဘၣ်ဆၣ်စီၤအလံၤၡါစံးဆၢဝဲဒၣ်, “လၢယတၢ်သးတီအပူၤ, ယဆိၣ်တၢ်ဒီးယွၤလၢအမူဝဲတဂၤဒီးနၤလၢယတဟးဖးဒီးနၤဘၣ်.” လၢတၢ်န့ၣ်အဃိအဝဲသ့ၣ်လဲၤသကိးဝဲဆူဝ့ၢ်ဘ့ၤသ့လးန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:4

အန့ၣ်ဝံၤဒီး, စီၤအ့ၤလံယၤစံးဘၣ်စီၤအလံၤၡါ, “ခဲအံၤအိၣ်တ့ၢ်ဖဲအံၤတက့ၢ်. ယွၤမၤလိာ်တ့ၢ်ယၤလၢယကဘၣ် လဲၤဆူဝ့ၢ်ယရံၤဃိန့ၣ်လီၤ.” ဘၣ်ဆၣ်စီၤအလံၤၡါစံးဆၢဝဲဒၣ်, “လၢယတၢ်သးတီအပူၤယဆိၣ်တၢ်ဒီးယွၤလၢအမူဝဲတဂၤဒီးနၤလၢ ယတဟးဖးဒီးနၤဘၣ်.” လၢတၢ်န့ၣ်အဃိလဲၤသကိးဝဲဆူဝ့ၢ်ယရံၤဃိန့ၣ်လီၤ.

လံာ်စီၤပၤခံဘ့ၣ်တဘ့ၣ် 2:6

အန့ၣ်ဝံၤဒီး, စီၤအ့ၤလံယၤစံးဘၣ်စီၤအလံၤၡါ, “ခဲအံၤအိၣ်တ့ၢ်ဖဲအံၤတက့ၢ်, ယွၤမၤလိာ်တ့ၢ်ယၤလၢယကဘၣ် လဲၤဆူထံကျိယၢ်ဒ့ၣ်န့ၣ်လီၤ.” ဘၣ်ဆၣ်စီၤအလံၤၡါစံးဆၢအီၤ, “လၢယတၢ်သးတီအပူၤယဆိၣ်တၢ် ဒီးယွၤလၢအမူဝဲတဂၤဒီးနၤလၢယတဟးဖးဒီးနၤန့ၣ်ဘၣ်.” လၢတၢ်န့ၣ်အဃိအဝဲသ့ၣ်လဲၤတၢ်ဆူညါ,

လံာ်စီၤပၤခံဘ့ၣ်တဘ့ၣ် 6:3

ပှၤလၢအဝဲသ့ၣ်အကျါတဂၤဃ့ကညးဆူၣ်စီၤအလံၤၡါလၢကလဲၤဃုာ်တၢ် ဒီးအဝဲသ့ၣ်, ဒီးအဝဲအၢၣ်လီၤဝဲဒၣ်,

လံာ်စီၤၡမူၤအ့လးအခီၣ်ထံးတဘ့ၣ် 1:26

ဒီးနီၢ်ဃးနၤစံးဘၣ်အီၤ, “ဝံသးစူၤယၤတဘျး, တၢ်ဒိၣ်ဧၢ, နသ့ၣ်နီၣ်ယၤဒံးဧါ. ယမ့ၢ်ပိာ်မုၣ်တဂၤလၢနထံၣ်တ့ၢ်အိၣ်ဆၢထၢၣ် ဖဲအံၤဒီးဘါထုကဖၣ်တၢ်ဆူယွၤအအိၣ်န့ၣ်လီၤ.