လံာ်စီၤပၤခံဘ့ၣ်တဘ့ၣ် 4:27 - Sgaw Karen Common Bible

²⁷ ဘၣ်ဆၣ်ဒီးဖဲအဝဲဟဲတုၤဆူစီၤအလံၤၡါအအိၣ်န့ၣ်, အဝဲတီၤလီၤကဒွံကျိာ်လၢအမဲာ်ညါဒီးဖီၣ်ဃးဝဲအခီၣ်န့ၣ်လီၤ. စီၤက့ၤဃစံသါကဆီၣ်ကွံာ်အီၤ, ဘၣ်ဆၣ်စီၤအလံၤၡါစံးဝဲဒၣ်, “မၤတံာ်တာ်အီၤတဂ့ၤ. မ့ၢ်နတထံၣ်လၢအဝဲအိၣ်လၢတၢ်ကိၢ်တၢ် ဂီၤယိာ်မးအပူၤဘၣ်ဧါ. ယွၤတတဲယၤတၢ်မၤအသးဒ်လဲၣ်အဂ့ၢ်နီတမံၤဒံးဘၣ်.”

လံာ်စီၤပၤခံဘ့ၣ်တဘ့ၣ် 4:27 Iomraidhean Croise

လံာ်တၢ်ကဲထီၣ်အခီၣ်ထံး 18:17

ဒီးယွၤစံးလီၤအသး, “တၢ်လၢယကမၤအီၤန့ၣ်ယတပာ်ခူ သူၣ်အီၤလၢစီၤအၤဘြၤဟၣ်ဘၣ်.

လံာ်စီၤၡမူၤအ့လးခံဘ့ၣ်တဘ့ၣ် 7:3

စီၤနၤသၣ်စံးဆၢဝဲ, “ကယဲၢ်တၢ်တမံၤလၢ်လၢ်လၢအအိၣ်လၢနသးပူၤန့ၣ်မၤအီၤတက့ၢ်. အဂ့ၢ်ဒ်အံၤ, ယွၤအိၣ်ဒီးနၤလီၤ.”

လံာ်စီၤပၤခံဘ့ၣ်တဘ့ၣ် 4:25

လၢတၢ်န့ၣ်အဃိအဝဲဟးထီၣ်ဒီးလဲၤဝဲဆူကစၢၢ်ကၢ်မ့ၤလးဖဲစီၤ အလံၤၡါအိၣ်ဝဲအလီၢ်န့ၣ်လီၤ. စီၤအလံၤၡါထံၣ်အီၤဖဲအဝဲအိၣ်ယံၤဒံးအခါ, ဒီးအဝဲစံးဘၣ်အခ့အပှၤစီၤက့ၤဃစံ, “ကွၢ်တက့ၢ်. ပိာ်မုၣ်လၢဝ့ၢ်ၡူန့ၣ်တဂၤဟဲဝဲလၢန့ၣ်လီၤ.”

လံာ်စီၤပၤခံဘ့ၣ်တဘ့ၣ် 4:26

လဲၤချ့ချ့ဆူအအိၣ်ဒီးဃုသ့ၣ်ညါလၢ, မ့ၢ်တၢ်ခဲလၢာ်ဘၣ်လီၢ် ဘၣ်စးလၢအဝဲအဂီၢ်မ့ၢ်ဂ့ၤ, အဝဲအဝၤအဂီၢ်မ့ၢ်ဂ့ၤဒီးအဝဲ အဖိခွါအဂီၢ်မ့ၢ်ဂ့ၤကစီဒီဧါ. ဒီးပိာ်မုၣ်န့ၣ်တဲဘၣ်စီၤက့ၤဃစံလၢတၢ်ခဲလၢာ်ဘၣ်လီၢ်ဘၣ်စး ကစီဒီန့ၣ်လီၤ.

လံာ်စီၤပၤခံဘ့ၣ်တဘ့ၣ် 6:12

ပှၤလၢအဝဲသ့ၣ်အကျါတဂၤစံးဆၢဝဲဒၣ်, “တၢ်ဒိၣ်ကစၢ်စီၤပၤ ဧၢ, ပှၤတအိၣ်လၢကီၢ်အံၣ်စရ့လးအစီၤပၤအအိၣ်တကပၤနီတဂၤဘၣ်. တၢ်လၢနစံးအီၤလၢဒၢးပူၤလၢတၢ်ခူသူၣ်ဒၣ်လဲာ်န့ၣ်ဝံအလံၤၡါ တဲဘၣ်ကီၢ်အံၣ်စရ့လးအစီၤပၤန့ၣ်လီၤ.”

လံာ်စီၤယိၤဘး 10:1

တၢ်ဘှံးယသးလၢယတၢ်အိၣ်မူန့ၣ်လီၤ. ဒိကနၣ်လၢ်ယတၢ် ကအုကစွါလၢတၢ်နးတၢ်ဖှီၣ်အပူၤန့ၣ်တက့ၢ်.

တၢ်ကတိၤဒိ. 14:10

နတၢ်သးခုမ့ၢ်နတၢ်ဒၣ်နဲဒီးနတၢ်သးခၣ်မ့ၢ်နတၢ်ဒၣ်နဲလီၤ. ပှၤဒိးဃုာ်တၢ်ဒီးနၤတသ့ဘၣ်နီတဂၤဘၣ်.

တၢ်ကတိၤဒိ. 18:14

ဖဲနဆူးနဆါအခါန့ၣ်နတၢ်သးဆူၣ်အိၣ်မူ, ဟံးဃာ်ကျၢၤနၤသ့ဝဲ လီၤ. ဘၣ်ဆၣ်တၢ်န့ၣ်မ့ၢ်လီၤမၢ်ကွံာ်န့ၢ်နၤဒီး, နတၢ်မုၢ်လၢ်လၢခံ ကတၢၢ်လၢာ်ကွံာ်ဝဲလီၤ.

လံာ်ဧၤမိၣ် 3:7

ယွၤမ့ၢ်တလီၣ်ဖျါထီၣ်အတၢ်ကူၣ်တၢ်ကျဲၤလၢအခ့ အပှၤဝံတဖၣ်ဘၣ်ဒီးမ့ၢ်မးတၢ်စိတၢ်ကမီၤခဲလၢာ်အကစၢ်တမၤ ဘၣ်တၢ်ဘၣ်.

လံာ်မးသဲ 15:23

ဘၣ်ဆၣ် ယ့ၣ်ၡူးတကတိၤဆၢအီၤနီတဘီဘၣ်. အပျဲၢ်အဘီၣ်တဖၣ်ဟဲဆူအအိၣ်ဒီးဃ့ကညးအီၤဒီးစံး, “မၢအက့ၤတက့ၢ်. အဂ့ၢ်ဒ်အံၤအဝဲဟးပိာ်ပခံဒီးကိးပသူထီၣ်ဝဲလၢပလီၢ်ခံလီၤ.”

လံာ်မးသဲ 20:31

ပှၤဂီၢ်မုၢ်အ့ၣ်လိာ်အဝဲသ့ၣ်အလိၤ, ဒီးမၢအဝဲသ့ၣ်အိၣ်ဘှီၣ် ကလာ်လီၤ. ဘၣ်ဆၣ်, အဝဲသ့ၣ်ကိးပသူထီၣ်ဒိၣ်ဒၣ်တၢ်တက့ၢ်, ဒီးစံး, “စီၤဒၤဝံးအဖိခွါ, ကစၢ်ဧၢ, သူၣ်ကညီၤသးကညီၤပှၤတက့ၢ်.”

လံာ်မးသဲ 28:9

သတူၢ်ကလာ်ယ့ၣ်ၡူးဟဲသဂၢၢ်အဝဲသ့ၣ်ဒီးစံး, “မ်တၢ်ဃူတၢ်မုာ်အိၣ်ဒီးသုတက့ၢ်.” အဝဲသ့ၣ်လဲၤဃီၤဆူယ့ၣ်ၡူးအအိၣ်, ဟံးဃာ်အခီၣ်ဒီးဘူၣ်ထီၣ်ဘါထီၣ်အီၤလီၤ.

လံာ်မၢ်ကူး 10:13

ပှၤဟဲကိးဖိသၣ်တဖၣ်ဆူယ့ၣ်ၡူးအအိၣ် လၢကပာ်ထီၣ် အစုလၢအဝဲသ့ၣ်အလိၤအဂီၢ်, ဘၣ်ဆၣ်ဒီးအပျဲၢ်အဘီၣ်တဖၣ်ဒူပှၤတဖၣ်န့ၣ်အလိၤလီၤ.

လံာ်မၢ်ကူး 14:6

မ့မ့ၢ်ယ့ၣ်ၡူးစံးဝဲ, “ကတိၤအီၤနီတမံၤတဂ့ၤ. ဘၣ်မနုၤသုဘၣ်မၤတံာ်တာ်အီၤလဲၣ်. တၢ်လၢအဝဲဒၣ်မၤ ဘၣ်ယၤအံၤမ့ၢ်တၢ်လၢအဃံလၤဂ့ၤမးလီၤ.

လံာ်လူၤကၣ် 7:38

ဒီးဆၢထၢၣ်လၢယ့ၣ်ၡူးအလီၢ်ခံဖဲအခီၣ်ထံး, ဟီၣ်ဝဲ, ဒီးမၤဘၣ်စီၣ်ယ့ၣ်ၡူးအခီၣ်လၢအဝဲဒၣ်အမဲာ်ထံလီၤ. အန့ၣ်ဝံၤဒီးထွါကွံာ်ယ့ၣ်ၡူးအခီၣ်လၢအဝဲဒၣ်အခိၣ်သူ, နၢမူဝဲ, ဒီးလူလီၤထံနၢမူန့ၣ်လၢအလိၤလီၤ.

လံာ်ယိၤဟၣ် 15:15

ယတကိးသုလၢတၢ်ခ့တၢ်ပှၤတဖၣ်လၢၤဘၣ်. မ့ၢ်လၢတၢ်ခ့ တၢ်ပှၤတဂၤန့ၣ်တသ့ၣ်ညါတၢ်လၢအဝဲအကစၢ်မၤဝဲ န့ၣ်ဘၣ်အဃိလီၤ. မ့မ့ၢ်, ယကိးသုလၢတံၤသကိးတဖၣ်, မ့ၢ်လၢယစံးဘၣ်တဲဘၣ်သုတၢ်ခဲလၢာ်လၢယနၢ် ဟူလၢယပၢ်အအိၣ်အဃိလီၤ.

လံာ်ယိၤဟၣ် 4:27

အကတီၢ်ဖဲန့ၣ်ယ့ၣ်ၡူးအပျဲၢ်အဘီၣ်တဖၣ်ဟဲက့ၤတုၤဝဲ ဒီးကမၢကမၣ်ဝဲဒိၣ်မးလၢအထံၣ်ဘၣ်ယ့ၣ်ၡူးကတိၤတၢ်ဒီး ပိာ်မုၣ်န့ၣ်အဃိလီၤ. ဘၣ်ဆၣ်ဒီးအဝဲသ့ၣ်တသံကွၢ်ဝဲ, “နအဲၣ်ဒိးတၢ်မနုၤလၢအအိၣ်လဲၣ်” မ့တမ့ၢ် “နကတိၤတၢ်ဒီးအီၤဘၣ်မနုၤလဲၣ်” န့ၣ်နီတဂၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 1:10

အကတီၢ်ဖဲန့ၣ်ပှၤလုၢ်တၢ်အခိၣ်စီၤဧ့လံၤဆ့ၣ်နီၤလၢအလီၢ်လၢ တြဲၤကပၤန့ၣ်လီၤ.