လံာ်စီၤပၤခံဘ့ၣ်တဘ့ၣ် 4:24 - Sgaw Karen Common Bible

²⁴ တုၤနုၤတစု, အဝဲမၢတၢ်ဂီၤကၢ်ထီၣ်ကသ့ၣ်ယီၤဝံၤဒီးမၤလိာ် တၢ်ခ့တၢ်ပှၤန့ၣ်, “ဒုးလဲၤကသ့ၣ်ယီၤအတၢ်တချ့ဖဲအချ့တက့ၢ်. ဒီးမ့တမ့ၢ်လၢယတဲနၤတၢ်နီတမံၤဘၣ်အဃိန့ၣ်, မၤဃၢလီၤအီၤတဂ့ၤ.”

လံာ်စီၤပၤခံဘ့ၣ်တဘ့ၣ် 4:24 Iomraidhean Croise

လံာ်တၢ်ကဲထီၣ်အခီၣ်ထံး 22:3

ဒီးလၢခံတနံၤဂီၤဂီၤန့ၣ်စီၤအၤဘြၤဟၣ်တိသ့ၣ်ဖးသ့ၣ်မုၣ် လၢကလုၢ်တၢ်ပာ်တၢ်အဂီၢ်ဒီးပဒၢးထီၣ်အီၤလၢအကသ့ၣ်ယီၤအလိၤဝံၤ ကိးဝဲစီၤအံၤစဲးဒီးအခ့အပှၤခံဂၤဃုာ်ဒီးအီၤန့ၣ်လီၤ. အဝဲသ့ၣ်စးထီၣ်လဲၤတၢ်ဆူတၢ်လီၢ်လၢကစၢ်ယွၤတဲတ့ၢ်အီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 13:13

ဒီးအဝဲတဲဘၣ်အဝဲသ့ၣ်လၢကဂီၤကၢ်ထီၣ်န့ၢ်အီၤလၢအကသ့ၣ်ယီၤ န့ၣ်လီၤ. အဝဲသ့ၣ်မၤဝဲဒ်န့ၣ်ဒီးအဝဲဒိးထီၣ်ဝဲ,

လံာ်စီၤပၤအခီၣ်ထံးတဘ့ၣ် 13:23

တုၤအဝဲသ့ၣ်အီၣ်သကိးတၢ်ဝံၤန့ၣ်ဝံသးပှၢ်ဂီၤကၢ်ထီၣ်ကသ့ၣ်ယီၤ လၢကီၢ်ယူဒၤအဝံအဂီၢ်,

လံာ်စီၤပၤခံဘ့ၣ်တဘ့ၣ် 4:23

အဝၤသံကွၢ်အီၤ, “ဘၣ်မနုၤလၢနကဘၣ်လဲၤတၢ်တနံၤအံၤန့ၣ်လဲၣ်. တနံၤအံၤတမ့ၢ်မုၢ်အိၣ်ဘှံးနံၤမ့ၢ်ဂ့ၤ, လါထီၣ်သီအနံၤအမူး မ့ၢ်ဂ့ၤန့ၣ်ဘၣ်.” ပိာ်မုၣ်န့ၣ်စံးဆၢအီၤ, “အတွးတအိၣ်ဘၣ်.”

လံာ်စီၤပၤခံဘ့ၣ်တဘ့ၣ် 4:25

လၢတၢ်န့ၣ်အဃိအဝဲဟးထီၣ်ဒီးလဲၤဝဲဆူကစၢၢ်ကၢ်မ့ၤလးဖဲစီၤ အလံၤၡါအိၣ်ဝဲအလီၢ်န့ၣ်လီၤ. စီၤအလံၤၡါထံၣ်အီၤဖဲအဝဲအိၣ်ယံၤဒံးအခါ, ဒီးအဝဲစံးဘၣ်အခ့အပှၤစီၤက့ၤဃစံ, “ကွၢ်တက့ၢ်. ပိာ်မုၣ်လၢဝ့ၢ်ၡူန့ၣ်တဂၤဟဲဝဲလၢန့ၣ်လီၤ.”

လံာ်တၢ်ဟးထီၣ်ကွံာ် 4:20

ဒီးစီၤမိၤၡ့ဟံးန့ၢ်အမါဒီးအဖိခွါတဖၣ်, ဒီးဒုးဒိးအီၤလၢကသ့ၣ်ယီၤ, ဒီးက့ၤက့ၤဝဲဒၣ်ဆူကီၢ်အဲၤကူပတူးလီၤ. ဒီးစီၤမိၤၡ့စိာ်ထီၣ်နီၣ်ထိးဘိလၢအစူပူၤလၢကစၢ်ယွၤစံး ဘၣ်အီၤလၢကဘၣ်ဟံးန့ၢ်ဝဲန့ၣ်လီၤ.