လံာ်စီၤပၤခံဘ့ၣ်တဘ့ၣ် 4:16 - Sgaw Karen Common Bible

¹⁶ ဒီးစီၤအလံၤၡါစံးဘၣ်အီၤ, “ဆူညါတနံၣ်တုၤအကတီၢ်ဒ်အံၤ န့ၣ်, နကစိာ်ဘၣ်နဖိခွါတဂၤလၢနစုတီၤလိၤန့ၣ်လီၤ.” ပိာ်မုၣ်န့ၣ်စံးဆၢအီၤ, “တၢ်ဒိၣ်ဧၢ, နမ့ၢ်ကစၢ်ယွၤအပှၤကညီ တဂၤလီၤ. ဝံသးစူၤလီယၤတဂ့ၤ.”

လံာ်စီၤပၤခံဘ့ၣ်တဘ့ၣ် 4:16 Iomraidhean Croise

လံာ်တၢ်ကဲထီၣ်အခီၣ်ထံး 17:21

ဘၣ်ဆၣ်ဒီး, ယကဟံးဃာ်ယတၢ်အၢၣ်လီၤအီလီၤဒီးနဖိခွါစီၤအံၤ စဲးလၢနီၢ်စၤရါကဆံးစၢ်န့ၢ်နၤလၢခဲကိာ်တနံၣ်ဖဲအကတီၢ်အံၤ န့ၣ်လီၤ.

လံာ်တၢ်ကဲထီၣ်အခီၣ်ထံး 18:10

ဒီးလၢအဝဲသ့ၣ်အကျါတဂၤစံးဝဲ, “စးထီၣ်ခဲအံၤဒီးဆူညါ ခွံလါန့ၣ်ယကဟဲက့ၤဒီးနမါနီၢ်စၤရါကအိၣ်ဒီးအဖိခွါတဂၤလီၤ.” နီၢ်စၤရါအိၣ်လၢအဝဲအလီၢ်ခံဖဲဒဲအတြဲၤဒီးဒိကနၣ်တၢ်လီၤ.

လံာ်စီၤပၤအခီၣ်ထံးတဘ့ၣ် 17:18

အဝဲစံးဘၣ်စီၤအ့ၤလံယၤ, “ကစၢ်ယွၤအပှၤကညီတဂၤဧၢ, နမၤဘၣ်ယၤတၢ်အံၤဘၣ်မနုၤအဃိလဲၣ်. မ့ၢ်နဟဲဖဲအံၤဒ်သိး နကဒုးသ့ၣ်နီၣ်ကစၢ်ယွၤလၢယတၢ်ဒဲးဘးတဖၣ်ဒီးလၢတၢ်န့ၣ်အဃိ ကဒုးအိၣ်ထီၣ်ယဖိခွါအတၢ်သံန့ၣ်ဧါ.”

လံာ်စီၤပၤအခီၣ်ထံးတဘ့ၣ် 17:24

မုၣ်ကမဲစံးဆၢအီၤ, “ဒီးခဲကနံၣ်အံၤ, ယသ့ၣ်ညါလၢနမ့ၢ်ကစၢ် ယွၤအပှၤကညီတဂၤဒီးလၢယွၤကတိၤတၢ်နီၢ်နီၢ်ခီဖျိနၤလီၤ.”

လံာ်စီၤပၤအခီၣ်ထံးတဘ့ၣ် 18:9

စီၤဧိၤဘါဒယၤစံးဆၢဝဲ, “မ့ၢ်ယမၤတ့ၢ်တၢ်မနုၤတမံၤလၢ နကအဲၣ်ဒိးဒုးလီၤဘၣ်ယၤလၢတၢ်ကီတၢ်ခဲအပူၤလၢစီၤပၤအၤဃာ် ကမၤသံကွံာ်ယၤန့ၣ်လဲၣ်.

လံာ်စီၤပၤခံဘ့ၣ်တဘ့ၣ် 2:19

ပှၤတနီၤလၢဝ့ၢ်ယရံၤဃိလဲၤဆူစီၤအလံၤၡါအအိၣ်ဒီးစံးဝဲ ဒၣ်, “တၢ်ဒိၣ်ဧၢ, ဒ်နသ့ၣ်ညါနဲအသိးဝ့ၢ်အံၤမ့ၢ်ဝ့ၢ်လၢအဂ့ၤ တဖျၢၣ်လီၤ. ဘၣ်ဆၣ်ထံတဂ့ၤဘၣ်ဒီးဒုးအိၣ်ထီၣ်တၢ်တကဲထီၣ်ကဲထီမ့ၢ်ဂ့ၤ, ပိာ်မုၣ်တဖၣ်အတၢ်ဟုးဟးဂီၤမ့ၢ်ဂ့ၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 4:15

စီၤအလံၤၡါမၤလိာ်ဝဲ, “တဲဘၣ်အီၤလၢအကဟဲဖဲအံၤတက့ၢ်.” ပိာ်မုၣ်န့ၣ်ဟဲဒီးဆၢထၢၣ်လၢကျဲစၢၤအခီၣ်ထံး,

လံာ်စီၤပၤခံဘ့ၣ်တဘ့ၣ် 4:17

ဘၣ်ဆၣ်ဒီးဒ်စီၤအလံၤၡါစံးတ့ၢ်ဝဲအသိးန့ၣ်, ဆူညါတနံၣ်, အကတီၢ်ဒ်သိးအံၤန့ၣ်ပိာ်မုၣ်အံၤဆံးစၢ်န့ၢ်အဖိခွါတဂၤန့ၣ် လီၤ.

လံာ်စီၤပၤခံဘ့ၣ်တဘ့ၣ် 4:28

ပိာ်မုၣ်န့ၣ်စံးဘၣ်အီၤ, “တၢ်ဒိၣ်ဧၢ, မ့ၢ်ယဃ့တ့ၢ်နၤလၢ နကဟ့ၣ်ယၤလၢဖိခွါတဂၤန့ၣ်ဧါ. မ့ၢ်ယတတဲတ့ၢ်နၤလၢတဘၣ်ထိၣ်ဂဲၤယတၢ်မုၢ်လၢ်တဂ့ၤန့ၣ်ဘၣ်ဧါ.”

စံးထီၣ်ပတြၢၤ 116:11

ဒီးဖဲယပျံၤတၢ်ဒီးစံး, “ပနာ်န့ၢ်ပှၤတသ့နီတဂၤဘၣ်” အခါဒၣ်လဲာ်န့ၣ်လီၤ.

လံာ်လူၤကၣ် 1:13

ဘၣ်ဆၣ်ဒီးကလူးန့ၣ်စံးဘၣ်အီၤ, “ပျံၤတၢ်တဂ့ၤ စီၤစဃၤရံဧၢ, ကစၢ်ယွၤနၢ်ဟူလံနတၢ်ထုကဖၣ်လံ. ဒီးနမါနီၢ်အ့းလံၤစါဘ့းကဆံးစၢ်န့ၢ်နၤလၢဖိခွါတဂၤလီၤ. နကဘၣ်ယုၢ်န့ၢ်အမံၤလၢစီၤယိၤဟၣ်လီၤ.