လံာ်စီၤပၤခံဘ့ၣ်တဘ့ၣ် 4:14 - Sgaw Karen Common Bible

¹⁴ စီၤအလံၤၡါသံကွၢ်စီၤက့ၤဃစံ, “မ့မ့ၢ်ဒ်န့ၣ်ဒီး, ယမၤတၢ်မနုၤလၢအဝဲအဂီၢ်သ့လဲၣ်.” အဝဲစံးဆၢဝဲဒၣ်, “ဂ့ၤလံ. အဝဲတအိၣ်ဒီးအဖိခွါနီတဂၤဘၣ်. ဒီးအဝၤမ့ၢ်ပှၤတဂၤလၢအသးပှၢ်လံန့ၣ်လီၤ.”

လံာ်စီၤပၤခံဘ့ၣ်တဘ့ၣ် 4:14 Iomraidhean Croise

လံာ်တၢ်ကဲထီၣ်အခီၣ်ထံး 17:17

စီၤအၤဘြၤဟၣ်တီၤလီၤကဒွံကျိာ်ဒီးကျးလီၤအမဲာ်လၢဟီၣ်ခိၣ် လိၤန့ၣ်လီၤ. ဘၣ်ဆၣ်နံၤထီၣ်ဝဲဒၣ်ဖဲအဆိကမိၣ်ထီၣ်ဝဲ, “ပှၤလၢအသးအိၣ်လံအနံၣ်တကယၤန့ၣ်အဖိအိၣ်ဘၣ်ကသ့ စ့ၢ်ကီးဧါ. မ့ၢ်နီၢ်စၤရါလၢအသးအိၣ်အနံၣ်ခွံဆံန့ၣ်အဖိ အိၣ်ဘၣ်ကသ့စ့ၢ်ကီးဧါ.”

လံာ်တၢ်ကဲထီၣ်အခီၣ်ထံး 25:21

ဒီးမ့ၢ်လၢနီၢ်ရံးဘကၤအဖိတအိၣ်ဘၣ်အဃိစီၤအံၤစဲးဘါထုကဖၣ် လၢအဂီၢ်န့ၣ်လီၤ. ဒီးယွၤစံးဆၢအတၢ်ထုကဖၣ်ဒီးနီၢ်ရံးဘကၤဒၢထီၣ်ဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 30:1

မ့မ့ၢ်နီၢ်ရၤဃ့လးန့ၣ်တဆံးစၢ်န့ၢ်အဖိနီတဂၤလၢစီၤယၤကိာ် အဂီၢ်ဘၣ်. ဒီးအသးက့ၣ်အဒီပုၢ်ဝဲၢ်မုၣ်နီၢ်လ့ၤအၤဒီးစံးဘၣ်စီၤယၤကိာ်, “ဟ့ၣ်ယၤလၢဖိတဖၣ်တက့ၢ်. မ့တမ့ၢ်ဘၣ်ဒီးယကသံလီၤ.”

လံာ်စီၤပၤခံဘ့ၣ်တဘ့ၣ် 4:13

စီၤအလံၤၡါစံးဘၣ်စီၤက့ၤဃစံ, “သံကွၢ်ပိာ်မုၣ်အံၤလၢ, လၢတၢ်မၤဆၢက့ၤကယဲၢ်တၢ်လၢအဝဲမၤပှဲၤန့ၢ်ပတၢ်လိၣ်တဖၣ်အဂီၢ်, မ့ၢ်ယမၤတၢ်မနုၤသ့လၢအဝဲအဂီၢ်န့ၣ်လဲၣ်. ဘၣ်သ့ၣ်သ့ၣ်အဝဲကအဲၣ်ဒိးဝဲလၢယကလဲၤန့ၢ်အီၤဆူစီၤပၤအအိၣ် မ့ၢ်ဂ့ၤ, ဆူသုးခိၣ်ခိၣ်ကျၢၢ်အအိၣ်မ့ၢ်ဂ့ၤ, လၢတၢ်ကတိၤဂ့ၤအီၤအဂီၢ်န့ၣ်လီၤ.” ပိာ်မုၣ်န့ၣ်စံးဆၢဝဲ, “လၢယပှၤဂီၢ်မုၢ်ဒၣ်ယဲအကျါန့ၣ်, တၢ်လၢပှဲၤလၢယဂီၢ်ခဲလၢာ်လီၤ.”

လံာ်စီၤပၤခံဘ့ၣ်တဘ့ၣ် 4:15

စီၤအလံၤၡါမၤလိာ်ဝဲ, “တဲဘၣ်အီၤလၢအကဟဲဖဲအံၤတက့ၢ်.” ပိာ်မုၣ်န့ၣ်ဟဲဒီးဆၢထၢၣ်လၢကျဲစၢၤအခီၣ်ထံး,

လံာ်လူၤကၣ် 1:7

အဝဲသ့ၣ်အဖိတအိၣ်နီတဂၤဘၣ်. အဂ့ၢ်မ့ၢ်လၢ နီၢ်အ့းလံၤစါဘ့းမ့ၢ်ပှၤတူာ်ဖိဒီးအဝဲဒၣ်ဒီးစီၤစဃၤရံခံဂၤလၢာ် အသးပှၢ်ထီၣ်ဖးဒိၣ်လံအဃိန့ၣ်လီၤ.

လံာ်ပှၤစံၣ်ညီၣ်ကွီၢ် 13:2

အကတီၢ်ဖဲန့ၣ်ပှၤအိၣ်ဝဲတဂၤအမံၤလၢစီၤမၤနိလီၤ. အဝဲဒၣ်အိၣ်လၢဝ့ၢ်စိးရၤလီၤ. အဝဲဒၣ်မ့ၢ်ဝဲစီၤဒၣ်အဒူၣ်ဖိထၢဖိအကျါတဂၤလီၤ. အဝဲအမါန့ၣ်အိၣ်ဒံၣ်အိၣ်ဖိတန့ၢ်ဝဲနီတစုဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 1:2

စီၤအ့လကါနၤအိၣ်ဒီးအမါခံဂၤ, နီၢ်ဃးနၤဒီးနီၢ်ပနံးနၤလီၤ. နီၢ်ပနံးနၤအိၣ်ဒီးအဖိတဖၣ်ဘၣ်ဆၣ်ဒီးနီၢ်ဃးနၤအဖိတအိၣ်ဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 1:8

အဝၤစီၤအ့လကါနၤမ့ၢ်သံကွၢ်အီၤ, “နီၢ်ဃးနၤဧၢ, ဘၣ်မနုၤနဟီၣ်လဲၣ်. ဘၣ်မနုၤလၢနတအီၣ်တၢ်လဲၣ်. ဘၣ်မနုၤနဘၣ်သးအုးတဘိယူၢ်ဃီန့ၣ်လဲၣ်. မ့ၢ်ယၤအံၤယအခီပညီတအိၣ်အါန့ၢ်ဒံးဖိခွါအဂၤတဆံန့ၣ်ဘၣ်ဧါ.”