လံာ်စီၤပၤခံဘ့ၣ်တဘ့ၣ် 3:4 - Sgaw Karen Common Bible

⁴ ကီၢ်မိၤအးအစီၤပၤမ့ၡၤဘုၣ်ဝဲသိ, ဒီးကိးနံၣ်ဒဲးဟ့ၣ်ဝဲ သိဖိအဒုတကလီၢ်ဒီးသိအဒုတကလီၢ်အဆူၣ်ဆူကီၢ်အံၣ်စရ့လး အစီၤပၤအအိၣ်, ဒ်တၢ်ခိတၢ်သွဲအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 3:4 Iomraidhean Croise

လံာ်တၢ်ကဲထီၣ်အခီၣ်ထံး 13:2

စီၤအၤဘြၣ်မ့ၢ်ပှၤထူးဝဲတီၤဝဲဒိၣ်မးလၢအအိၣ်ဒီးသိ, မဲာ်တဲးလဲးဒီးဂီၤဘုၣ်ဂီၤဖံးဒီးထူဧိၤလွဲဧိၤ, ကျိၣ်ဧိၤစ့ဧိၤသ့ၣ်တဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:2

အန့ၣ်ဝံၤဒီးအဝဲမၤနၢၤကွံာ်ပှၤမိၤအးဖိတဖၣ်လီၤ. အဝဲမၢပှၤဃိာ်ဖိတဖၣ်မံလီၤလၢဟီၣ်ခိၣ်လိၤဒီးမၤသံကွံာ်ပှၤ သၢဂၤအကျါခံဂၤစုာ်စုာ်လီၤ. မၤသးဒ်န့ၣ်ဒီး, ပှၤမိၤအးဖိတဖၣ်ကဲထီၣ်ပှၤဃၣ်ကွံာ်လၢအဝဲပၢ ဘၣ်အီၤဒီးဘၣ်ဟ့ၣ်အီၤလၢတၢ်အခိအသွဲတဖၣ်န့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:6

အန့ၣ်ဝံၤဒီး, အဝဲဆီလီၤသုးမုၢ်အသူၣ်ဒဲလီၢ်တဖၣ်လၢအဝဲသ့ၣ် အလီၢ်ကဝီၤပူၤဒီးအဝဲသ့ၣ်ကဲထီၣ်ပှၤတဖၣ်လၢအဝဲ ပၢဘၣ်အီၤဒီးဘၣ်ဟ့ၣ်အီၤလၢတၢ်အခိအသွဲတဖၣ်န့ၣ်လီၤ. ယွၤဒုးမၤနၢၤစီၤဒၤဝံးအတၢ်လၢတၢ်လီၢ်ကိးပူၤဒဲးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 18:2

အဝဲမၤနၢၤကွံာ်စ့ၢ်ကီးပှၤမိၤအးဖိတဖၣ်လၢအကဲထီၣ်ပှၤတဖၣ် လၢအပၢဘၣ်ဝဲ, ဒီးအဝဲသ့ၣ်ဘၣ်ဟ့ၣ်အီၤတၢ်ခိတၢ်သွဲတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 26:10

အဝဲသူၣ်ထီၣ်စ့ၢ်ကီးပှၤပၢၤတၢ်အလီၢ်တိာ်ဧိၤတာ်ဧိၤတဖၣ်လၢတၢ် လီၢ်လီၤပျီဒီးခူၣ်လီၤစ့ၢ်ကီးထံပူၤအါပူၤ, မ့ၢ်လၢအဝဲအိၣ်ဒီးဆၣ်ဖိကီၢ်ဖိအဖုအဂီၢ်အါမး, လၢမုၢ်နုာ်ကစၢၢ်ခီၣ်ထံးမ့ၢ်ဂ့ၤ, ပျီပူၤတဖၣ်မ့ၢ်ဂ့ၤအဃိန့ၣ်လီၤ. မ့ၢ်လၢအဝဲအဲၣ်တၢ်သူၣ်တၢ်ဖျးအဃိ, အဝဲဟ့ၣ်ဂံၢ်ဟ့ၣ်ဘါပှၤဂီၢ် မုၢ်လၢကသူၣ်လီၤစပံးလီၢ်တဖၣ်လၢတၢ်လူၢ်တၢ်တြီၤတဖၣ်ဒီးထဲၣ် ထီၣ်တၢ်လီၢ်လၢဟီၣ်ခိၣ်ညၣ်ထ့ၣ်ဂ့ၤဝဲတဖၣ်န့ၣ်လီၤ.

လံာ်စီၤယိၤဘး 1:3

ဒီးအတၢ်ဖိတၢ်လံၤမ့ၢ်သိနွံကထိ, ကီၤလၤအူးသၢကထိ, ဂီၤဖံးတကထိ, ဒီးကသ့ၣ်ယီၤမိၢ်ယဲၢ်ကယၤ, ဒီးအခ့အပှၤ အိၣ်ဝဲအါအါကလဲာ်န့ၣ်လီၤ. ပှၤတဂၤအံၤမ့ၢ်ပှၤအကဲဒိၣ် ကတၢၢ်လၢပှၤမုၢ်ထီၣ်ဖိခဲလၢာ်အကျါန့ၣ်လီၤ.

လံာ်စီၤယိၤဘး 42:12

ဒီးယွၤဆိၣ်ဂ့ၤစီၤယိၤဘးအတၢ်အိၣ်မူလၢခံတပတီၢ်အါန့ၢ် ဒံးအဆိၣ်ဂ့ၤတ့ၢ်အီၤလၢအခီၣ်ထံးန့ၣ်လီၤ. စီၤယိၤဘးအိၣ်ဝဲဒီးသိတကလးလွံၢ်ကထိ, ကီၤလၤအူးဃု ကထိ, ဂီၤဖံးအဆိတကထိဒီးကသ့ၣ်ယီၤမိၢ်တကထိလီၤ.

စံးထီၣ်ပတြၢၤ 60:8

မိၤအးမ့ၢ်ယသ့စီတၢ်အသရာ်တဖျၢၣ်, ယကွံာ်တ့ၢ်ယခီၣ်ဖံးလၢအဒိၣ်အဖီခိၣ် ယကကိးထီၣ်တၢ်မၤနၢၤလၢ ဖလ့ၡသးအဖီခိၣ်လီၤ.”