လံာ်စီၤပၤခံဘ့ၣ်တဘ့ၣ် 3:3 - Sgaw Karen Common Bible

³ မ့ၢ်နာ်သက့ဒ်န့ၣ်ဒီး, ဒ်စီၤနဘးအဖိခွါစီၤပၤယၤရၤဘၣ်လၢအ ကဲစီၤပၤလၢအဝဲအမဲာ်ညါတဂၤအသိးန့ၣ်, အဝဲဆှၢဃီၤကီၢ်အံၣ်စရ့ လးဆူတၢ်ဒဲးဘးအပူၤဒီးတဆိကတီၢ်ဘၣ်ဝဲဘၣ်.

လံာ်စီၤပၤခံဘ့ၣ်တဘ့ၣ် 3:3 Iomraidhean Croise

လံာ်စီၤပၤအခီၣ်ထံးတဘ့ၣ် 13:33

ကီၢ်အံၣ်စရ့လးအစီၤပၤစီၤယၤရၤဘၣ်တဃၣ်ကဒါက့ၤဒံးဘၣ်အသး လၢအကျဲအၢကျဲသီတဖၣ်န့ၣ်ဘၣ်. မ့မ့ၢ်မၤထွဲဒံးတၢ်ဃုထၢပှၤလုၢ်တၢ်အခိၣ်တဖၣ်လၢပှၤပတီၢ်မုၢ် အဒူၣ်ဖိထၢဖိတဖၣ်အကျါ, ဒ်သိးကမၤတၢ်လၢတၢ်လုၢ်လီၢ်တဖၣ်လၢအဝဲဘှီထီၣ်တ့ၢ်ဝဲန့ၣ် လီၤ. ပှၤတဂၤလၢ်လၢ်လၢအသးအိၣ်ကဲထီၣ်ပှၤလုၢ်တၢ်အခိၣ်န့ၣ်အဝဲပာ်စီ ဆှံထီၣ်ဝဲဒ်ပှၤလုၢ်တၢ်အခိၣ်တဂၤအသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 14:16

ယွၤပာ်လီၤတဲာ်ကွံာ်ကီၢ်အံၣ်စရ့လး, မ့ၢ်လၢစီၤယၤရၤဘၣ်မၤ တ့ၢ်တၢ်ဒဲးဘးဒီးဆှၢဃီၤကီၢ်အံၣ်စရ့လးအပှၤဂီၢ်မုၢ်ဆူတၢ် ဒဲးဘးအပူၤအဃိန့ၣ်လီၤ.”

လံာ်စီၤပၤအခီၣ်ထံးတဘ့ၣ် 14:9

နမၤတ့ၢ်တၢ်ဒဲးဘးတဖၣ်ဒိၣ်အါန့ၢ်ဒံးပှၤပၢတ့ၢ်တၢ်လၢနမဲာ်ညါ တဖၣ်တက့ၢ်န့ၣ်လီၤ. နညိကွံာ်ယၤဒီးနထိၣ်ဂဲၤထီၣ်ယတၢ်သးထီၣ်ခီဖျိဘါထီၣ်ကစၢ် အဂၤတဖၣ်ဒီးမၤထီၣ်တၢ်ဂီၤတၢ်ဖီၣ်တဖၣ်လၢစ့, တိၢ်, ထး, ဒ်သိးနကဘါထီၣ်အီၤအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 15:26

ဒ်အပၢ်လၢအမဲာ်ညါအသိး, အဝဲမၤတ့ၢ်တၢ်ဒဲးဘးထီဒါယွၤဒီး ဆှၢဃီၤပှၤအံၣ်စရ့လးဖိတဖၣ်ဆူတၢ်ဒဲးဘးအပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:34

ဒ်စီၤပၤယၤရၤဘၣ်လၢအဝဲအမဲာ်ညါအသိးန့ၣ်အဝဲမၤတ့ၢ်တၢ်ဒဲး ဘးထီဒါယွၤဒီးဆှၢဃီၤပှၤအံၣ်စရ့လးဖိတဖၣ်လၢကမၤတၢ်ဒဲး ဘးန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:31

တၢ်မၤတၢ်ဒဲးဘးဒ်စီၤယၤရၤဘၣ်အသိးန့ၣ်, လၢအဂီၢ်တလၢမၤဘၣ် အီၤအဃိအဝဲမၤအါထီၣ်ဝဲဒီးဟံးန့ၢ်အမါလၢကီၢ်စံဒိၣ်အစီၤ ပၤအ့သဘၤလးအဖိမုၣ်နီၢ်အံၤစ့ဘ့ၤလးဒီးဘူၣ်ထီၣ်ဘါထီၣ် ဘဧၤလးန့ၣ်လီၤ.

လံာ်စီၤပၤခံဘ့ၣ်တဘ့ၣ် 13:11

အဝဲစ့ၢ်ကီးမၤတ့ၢ်တၢ်ဒဲးဘးထီဒါယွၤ, ဒီးပိာ်ထွဲဒိအၢ တဲာ်သီတဖၣ်လၢစီၤပၤယၤရၤဘၣ်မၤတ့ၢ်ဝဲလၢအဆှၢဃီၤကီၢ်အံၣ်စရ့လး ဆူတၢ်ဒဲးဘးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 13:2

ဒ်စီၤပၤယၤရၤဘၣ်လၢအဝဲအမဲာ်ညါအသိးန့ၣ်အဝဲမၤတ့ၢ်တၢ်ဒဲး ဘးထီဒါယွၤဒီးဆှၢဃီၤကီၢ်အံၣ်စရ့လးဆူတၢ်ဒဲးဘးအပူၤ န့ၣ်လီၤ. အဝဲတညိကွံာ်ဘၣ်အကျဲအၢကျဲသီတဖၣ်နီတဘျီဘၣ်.

လံာ်စီၤပၤခံဘ့ၣ်တဘ့ၣ် 13:6

ဘၣ်ဆၣ်အဝဲသ့ၣ်တညိကွံာ်ဒံးဘၣ်တၢ်ဒဲးဘးတဖၣ်လၢစီၤပၤယၤရၤ ဘၣ်ဒုးမၤတ့ၢ်ကီၢ်အံၣ်စရ့လးန့ၣ်ဘၣ်. မ့မ့ၢ်အဝဲသ့ၣ်မၤဒံးဒၣ်တၢ်ဒဲးဘးတဖၣ်န့ၣ်ဒီးကစၢ်မုၣ်အၡ့ ရၤအဂီၤအိၣ်ဒံးဒၣ်လၢကီၢ်ၡၤမရံအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 14:24

အဝဲမၤတ့ၢ်တၢ်ဒဲးဘးထီဒါယွၤ, ပိာ်ထွဲပှၤလၢအဝဲအမဲာ်ညါလၢ အမ့ၢ်စီၤနဘးအဖိခွါစီၤပၤယၤရၤဘၣ်အဒိအၢတဲာ်သီတဖၣ်လၢအ မ့ၢ်, တၢ်ဆှၢဃီၤကီၢ်အံၣ်စရ့လးဆူတၢ်ဒဲးဘးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:18

တုၤလၢမုၢ်နံၤလၢအဝဲသံဒၣ်လဲာ်န့ၣ်စီၤမနၤဃ့ၣ်မၤတ့ၢ်တၢ် ဒဲးဘးထီဒါယွၤ, ခီဖျိပိာ်ထွဲစီၤနဘးအဖိခွါစီၤပၤယၤရၤဘၣ်အဒိအၢတဲာ်သီ လၢအမ့ၢ်တၢ်ဆှၢဃီၤကီၢ်အံၣ်စရ့လးဆူတၢ်ဒဲးဘးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:9

ဒ်ပှၤလၢအမဲာ်ညါတဖၣ်အသိးန့ၣ်, အဝဲမၤတ့ၢ်တၢ်ဒဲးဘးထီ ဒါယွၤန့ၣ်လီၤ. အဝဲပိာ်ထွဲဒိအၢတဲာ်သီလၢစီၤနဘးအဖိခွါ စီၤပၤယၤရၤဘၣ်မၤတ့ၢ်ဝဲ, လၢအမ့ၢ်တၢ်ဆှၢဃီၤကီၢ်အံၣ်စရ့လးဆူတၢ်ဒဲးဘးအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:21

တုၤယွၤမၤလီၤဖးကွံာ်ကီၢ်အံၣ်စရ့လးလၢကီၢ်ယူဒၤဝံၤအလီၢ် ခံန့ၣ်, ပှၤအံၣ်စရ့လးဖိတဖၣ်ပာ်ထီၣ်စီၤနဘးအဖိခွါစီၤယၤရၤဘၣ်လၢ အဝဲသ့ၣ်အစီၤပၤန့ၣ်လီၤ. စီၤယၤရၤဘၣ်ဒုးကဲထီၣ်အဝဲသ့ၣ်လၢပှၤစူးကွံာ်ညိကွံာ်ယွၤ, ဒီးဆှၢဃီၤအဝဲသ့ၣ်ဆူတၢ်ဒဲးဘးလီၤပျံၤလီၤဖုးတဖၣ်အပူၤ န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:22

အဝဲသ့ၣ်ပိာ်ထွဲစီၤယၤရၤဘၣ်အခံ, ဒီးမၤထွဲကယဲၢ်တၢ်ဒဲးဘး ခဲလၢာ်လၢစီၤယၤရၤဘၣ်မၤတ့ၢ်ဝဲ,

လံာ်စီၤပၤခံဘ့ၣ်တဘ့ၣ် 17:23

တုၤလၢ, လၢခံကတၢၢ်ယွၤနီၣ်ထီၣ်ဟီထီၣ်ကွံာ်အဝဲသ့ၣ်လၢအမဲာ် ညါ, ဒ်အဝဲဟ့ၣ်ပလီၢ်တ့ၢ်ဝဲခီဖျိအခ့အပှၤဝံတဖၣ်လၢကမၤဝဲဒၣ်န့ၣ် လီၤ. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်ဘၣ်တၢ်စိာ်မၢကဲကုၢ် ကွံာ်အီၤဆူကီၢ်အၤၡူၢ်အပူၤဖဲအဝဲသ့ၣ်အိၣ်ဆိးဒံးဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:16

စီၤမနၤၡ့ၤမၤသံပှၤလၢအတၢ်ကမၣ်တအိၣ်ဘၣ်တဖၣ်အါဂၤတုၤဒၣ်လဲာ် ဝ့ၢ်ယရူၤၡလ့ၣ်အကျဲတဖၣ်, ယွၤဝဲဒီးတၢ်သွံၣ်န့ၣ်လီၤ. လၢတၢ်ဆှၢဃီၤကီၢ်ယူဒၤအပှၤဂီၢ်မုၢ်ဆူတၢ်ဘါထီၣ်တၢ်ဂီၤတၢ် ဖီၣ်အပူၤဒီးဒုးမၤအဝဲသ့ၣ်တၢ်ဒဲးဘးထီဒါယွၤ, အမဲာ်ညါန့ၣ်, အဝဲမၤအါထီၣ်တၢ်အံၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:15

စီၤယိၤၡံယၤမၤလီၤပှီၢ်ကွံာ်စ့ၢ်ကီးတၢ်ဘူၣ်ထီၣ်ဘါထီၣ်အလီၢ် လၢဝ့ၢ်ဘ့ၤသ့လးအပူၤ, လၢအဘၣ်တၢ်ဘှီထီၣ်တ့ၢ်အီၤလၢစီၤနဘးအဖိခွါစီၤပၤယၤရၤ ဘၣ်, ပှၤလၢအဆှၢဃီၤကီၢ်အံၣ်စရ့လးဆူတၢ်ဒဲးဘးအပူၤန့ၣ်လီၤ. စီၤယိၤၡံယၤမၤလီၤပှီၢ်ကွံာ်တၢ်လုၢ်လီၢ်, မၤလီၤကလဲကွံာ်ဝဲအလၢၢ်တဖၣ်ဆူအက့အခီ, ဒီးတိၢ်လီၤကလဲကွံာ်အီၤဆူဖၣ်ကမူၣ်ဖၣ်ဆါန့ၣ်လီၤ. အဝဲဒွဲၣ်အူထီၣ်ကွံာ်စ့ၢ်ကီးအၡ့ရၤအဂီၤန့ၣ်လီၤ.