လံာ်စီၤပၤခံဘ့ၣ်တဘ့ၣ် 3:25 - Sgaw Karen Common Bible

²⁵ ဒီးမၤဟးဂီၤကွံာ်အဝဲသ့ၣ်အဝ့ၢ်တဖၣ်န့ၣ်လီၤ. တုၤအဝဲသ့ၣ်လဲၤခီဂာ်စံာ်ဧိၤပျီဧိၤလၢဟီၣ်ခိၣ်ညၣ်ထ့ၣ်ဂ့ၤ ဝဲန့ၣ်, ပှၤအံၣ်စရ့လးဖိကိးဂၤဒဲးကကွံာ်လီၤလၢၢ်တဂၤတဖျၢၣ်လၢအဖီ ခိၣ်, တုၤလၢ, လၢခံကတၢၢ်န့ၣ်, ကယဲၢ်စံာ်ဧိၤပှဲၤဧိၤခဲလၢာ်ဘၣ်တၢ် ကးဘၢကွံာ်အီၤန့ၣ်လီၤ. အဝဲသ့ၣ်ဆွံကတံာ်စ့ၢ်ကီးထံထီၣ်ပၢၢ်တဖၣ်ဒီးကူာ်လီၤကွံာ်သ့ၣ် အထူၣ်တဖၣ်န့ၣ်လီၤ. လၢခံကတၢၢ်ထဲဒၣ်ဝ့ၢ်ခိၣ်ကံၢ်ဃရၤၡ့းတဖျၢၣ်ဧိၤအိၣ်တီၢ်ဝဲ ဒီးပှၤခးနီၣ်ဘျုးတဖၣ်ကဝီၤဃာ်အီၤဒီးဒုးအီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 3:25 Iomraidhean Croise

လံာ်တၢ်ကဲထီၣ်အခီၣ်ထံး 26:15

လၢတၢ်န့ၣ်အဃိ, ပှၤဖလ့ၡသးဖိသ့ၣ်တဖၣ်အံၤမၤပှဲၤမၤတံာ်တၢၤ ကယဲၢ်ထံပူၤခဲလၢာ်လၢအပၢ်စီၤအၤဘြၤဟၣ်အခ့အပှၤတဖၣ်ခူၣ်တ့ၢ် ဃာ်ဝဲဖဲစီၤအၤဘြၤဟၣ်အိၣ်မူဒံးဝဲအခါန့ၣ်လီၤ.

လံာ်တၢ်ကဲထီၣ်အခီၣ်ထံး 26:18

ဒီးစီၤအံၤစဲးခူၣ်လီၤကဒီးထံပူၤတဖၣ်လၢတၢ်ခူၣ်တ့ၢ်အီၤလၢ စီၤအၤဘြၤဟၣ်အစိၤ, ဒီးဘၣ်တၢ်မၤတံာ်တၢၤကွံာ်အီၤလၢပှၤဖလ့ၡသးဖိတဖၣ်ဖဲစီၤအၤ ဘြၤဟၣ်သံဝံၤအလီၢ်ခံန့ၣ်လီၤ. ဒီးစီၤအံၤစဲးကိးန့ၢ်ထံပူၤသ့ၣ်တဖၣ်အံၤအမံၤဒ်သိးသိး အပၢ်ကိးတ့ၢ်ဝဲန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 8:2

အန့ၣ်ဝံၤဒီးအဝဲမၤနၢၤကွံာ်ပှၤမိၤအးဖိတဖၣ်လီၤ. အဝဲမၢပှၤဃိာ်ဖိတဖၣ်မံလီၤလၢဟီၣ်ခိၣ်လိၤဒီးမၤသံကွံာ်ပှၤ သၢဂၤအကျါခံဂၤစုာ်စုာ်လီၤ. မၤသးဒ်န့ၣ်ဒီး, ပှၤမိၤအးဖိတဖၣ်ကဲထီၣ်ပှၤဃၣ်ကွံာ်လၢအဝဲပၢ ဘၣ်အီၤဒီးဘၣ်ဟ့ၣ်အီၤလၢတၢ်အခိအသွဲတဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 3:19

သုကမၤနၢၤကွံာ်အဝဲသ့ၣ်အဝ့ၢ်အဃံအလၤလၢတၢ်မၤခၢၣ်သနၢၣ်အီၤတ ဖၣ်, ဒီးသုကကူာ်လီၤကွံာ်ကယဲၢ်အသ့ၣ်လၢပှၤအီၣ်အသၣ်အထူၣ်တဖၣ်, ဆွံကတံာ်ကွံာ်အထံထီၣ်ပၢၢ်ခဲလၢာ်, ဒီးမၤဟးဂီၤကွံာ်အစံာ်ဧိၤပှဲၤဧိၤလၢဟီၣ်ခိၣ်ညၣ်ထ့ၣ်ဂ့ၤခီဖျိ တၢ်မၤဘၢကွံာ်အီၤလၢလၢၢ်တဖၣ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 3:24

ဘၣ်ဆၣ်ဖဲအဝဲသ့ၣ်လဲၤတုၤဝဲဆူသူၣ်ဒဲအလီၢ်န့ၣ်, ပှၤအံၣ်စရ့လးဖိတဖၣ်ဒုးအဝဲသ့ၣ်ဒီးနီၣ်ကဒါက့ၤအဝဲသ့ၣ်န့ၣ် လီၤ. ပှၤအံၣ်စရ့လးတဖၣ်လူၤထွဲအဝဲသ့ၣ်အခံ, မၤသံပှၤမိၤအးဖိ တဖၣ်,

လံာ်စီၤပၤခံဘ့ၣ်တဘ့ၣ် 3:26

တုၤကီၢ်မိၤအးအစီၤပၤသ့ၣ်ညါဝဲဒၣ်လၢအဝဲဃၣ်ကွံာ်လၢတၢ်ဒုး အပူၤလံန့ၣ်, အဝဲကိးထီၣ်ပှၤစိာ်နးအဂၤနွံကယၤဃုာ်ဒီးအီၤ, ဒီးကျဲးစၢးဟးထီၣ်ဆူၣ်လၢဒုၣ်ဒါတဖၣ်အကဆူး, ဒ်သိးကဃ့ၢ်ပူၤဖျဲးထီၣ်ကွံာ်ဆူကီၢ်စူၤရံအစီၤပၤအအိၣ်န့ၣ် လီၤ. ဘၣ်ဆၣ်အဝဲအတၢ်ကျဲးစၢးတကဲထီၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 32:4

ပဒိၣ်ပပှၢ်တဖၣ်မၢပှၤဂီၢ်မုၢ်အါဂၤဟးထီၣ်ဆူဝ့ၢ်အချၢဒီးဆွံ တံာ်ကယဲၢ်ထံထီၣ်ပၢၢ်တဖၣ်ဒ်သိးထံသုတဟဲယွၤထီၣ်လၢအပူၤတဂ့ၤ အဂီၢ်န့ၣ်လီၤ.

လံာ်ယၡါယၤ 15:1

အအံၤမ့ၢ်တၢ်ကစီၣ်ဘၣ်ဃးမိၤအးအကီၢ်လီၤ. ဝ့ၢ်ဧၢ်ဒီးဝ့ၢ်ကံၢ်တဖၣ်ဘၣ်တၢ်မၤဟးဂီၤ အီၤလၢတနၤဃီအတီၢ်ပူၤဒီးတၢ်ဘှ့ၣ် တၢ်ဘှီၣ်လုၣ်ဘၢကီၢ်မိၤအးဒီဘ့ၣ်န့ၣ်လီၤ.

လံာ်ယၡါယၤ 16:11

ယကအုလၢတၢ်သးအုးအပူၤလၢကီၢ်မိၤအးအဂီၢ်, ဒီးယကအုလၢတၢ်ကိၢ်တၢ်ဂီၤအပူၤလၢဝ့ၢ်ကံၢ်ဃ့ရ့းအဂီၢ်လီၤ.

လံာ်ယၡါယၤ 16:7

ပှၤမိၤအးဖိတဖၣ်ကဟီၣ်ဝဲယၢၤဝဲလၢအဘၣ်တူၢ်တၢ်နးတၢ်ဖှီၣ် အဃိလီၤ. အဝဲသ့ၣ်ခဲလၢာ်ကဟီၣ်ဝဲယၢၤဝဲဖဲ အသ့ၣ်နီၣ်ထီၣ်တၢ်အီၣ်အဝံၣ်လၢအဝဲသ့ၣ်အီၣ်ညီနူၢ်ဝဲ လၢဝ့ၢ်ကံၢ်ဃရ့ၡးအပူၤလီၤ. အဝဲသ့ၣ်ကတုၤဆူတၢ်သးဟးဂီၤအပူၤလီၤ.

လံာ်ယံးရမံယၤ 48:31

ဒီးလၢတၢ်န့ၣ်အဃိ, ယကဟီၣ်ကယၢၤလၢ ပှၤကိးဂၤ ဒဲးလၢ အအိၣ်လၢကီၢ်မိၤအးပူၤအဃိ ဒီးလၢဝ့ၢ်ကံၢ်ဃ့ရ့း အပှၤဂီၢ်မုၢ်အဃိန့ၣ်လီၤ.

လံာ်ယံးရမံယၤ 48:36

လၢတၢ်န့ၣ်အဃိ ယသးအတၢ်သးအုးအသီၣ်လၢ ကီၢ်မိၤအးအဂီၢ်ဒီးလၢဝ့ၢ်ကံၢ်ဃ့ရ့းအပှၤဂီၢ်မုၢ်အဃိန့ၣ်, လီၤဂာ်ဒ်ပှၤတဂၤအူတၢ်သံအတၢ်သးဝံၣ်တယုၢ်လၢပံအသိးန့ၣ်လီၤ. အဂ့ၢ်ဒ်အံၤ, တၢ်လၢအမ့ၢ်အဝဲသ့ၣ် အတၢ်ခဲလၢာ်န့ၣ်, လီၤမၢ်ကွံာ်လံ.

လံာ်သိၣ်လီၤသီလီၤတၢ် 2:9

ယွၤစံးဘၣ်ယၤ, မၤကီမၤခဲပှၤဂီၢ်မုၢ်လၢကီၢ်မိၤအး, လၢအမ့ၢ်စီၤလိာ်အစၢၤအသွဲၣ်တဖၣ်မ့ၢ်ဂ့ၤ, စးထီၣ်တၢ်ဒုးတၢ်ယၤ ထီဒါအဝဲသ့ၣ်မ့ၢ်ဂ့ၤန့ၣ်တဂ့ၤ. ယဟ့ၣ်လီၤတ့ၢ်အဝဲသ့ၣ်လၢဝ့ၢ်ဧၢ်, ဒီးယတဟ့ၣ်သုလၢအဝဲသ့ၣ်အကီၢ် နီတစဲးဘၣ်.

လံာ်ပှၤစံၣ်ညီၣ်ကွီၢ် 9:45

ဒီးတၢ်ဒုးတၢ်ယၤယံာ်ဝဲဒီနံၤညါန့ၣ်လီၤ. စီၤအဘံၤမ့လ့းမၤန့ၢ်ဝ့ၢ်ၡက့ၣ် ဒီးမၤသံကွံာ်အပှၤဂီၢ်မုၢ်, မၤလီၤပှီၢ်ကွံာ်အီၤဒီးမၤဘၢတၢ်လီၢ်န့ၣ်လၢအံသၣ်လီၤ.