လံာ်စီၤပၤခံဘ့ၣ်တဘ့ၣ် 3:23 - Sgaw Karen Common Bible

²³ အဝဲသ့ၣ်စံးဝဲဒၣ်, “တၢ်အံၤမ့ၢ်တၢ်သွံၣ်လီၤ. ဒုၣ်ဒါသၢဖုအသုးမုၢ်တဖၣ်ကဒုးလိာ်ယၤလိာ်အသးဒီးမၤသံလိာ် အသးလံန့ၣ်လီၤ. မ်ပလဲၤသကိးဒီးဂုာ်န့ၢ်အဝဲသ့ၣ်သူၣ်ဒဲအလီၢ်တဖၣ်န့ၣ် တက့ၢ်.”

လံာ်စီၤပၤခံဘ့ၣ်တဘ့ၣ် 3:23 Iomraidhean Croise

လံာ်စီၤပၤခံဘ့ၣ်တဘ့ၣ် 3:22

မုၢ်ဆ့ၣ်ထီၣ်တနံၤ, ဖဲအဝဲသ့ၣ်မံပၢၢ်ထီၣ်ဝဲန့ၣ်, မုၢ်အဧူၢ်အတၢ်ဆဲးကပီၤလီၤဝဲလၢထံအဖီခိၣ်န့ၣ်, ဒုးထံၣ်ပှၤမိၤအးဖိတဖၣ်လၢထံန့ၣ်ဂီၤဝဲဒ်တၢ်သွံၣ်အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 3:24

ဘၣ်ဆၣ်ဖဲအဝဲသ့ၣ်လဲၤတုၤဝဲဆူသူၣ်ဒဲအလီၢ်န့ၣ်, ပှၤအံၣ်စရ့လးဖိတဖၣ်ဒုးအဝဲသ့ၣ်ဒီးနီၣ်ကဒါက့ၤအဝဲသ့ၣ်န့ၣ် လီၤ. ပှၤအံၣ်စရ့လးတဖၣ်လူၤထွဲအဝဲသ့ၣ်အခံ, မၤသံပှၤမိၤအးဖိ တဖၣ်,

လံာ်စီၤပၤခံဘ့ၣ်တဘ့ၣ် 7:6

ယွၤဒုးနၢ်ဟူတ့ၢ်ပှၤစူၤရံဖိတဖၣ်လၢတၢ်အသီၣ်လၢအလီၤဂာ်ဒီး သုးမုၢ်ဖးဒိၣ်ဟဲထီၣ်ဝဲတဖုလၢအအိၣ်ဒီးကသ့ၣ်တဖၣ်ဒီးလ့ၣ် ကဟၣ်တဖၣ်န့ၣ်လီၤ. ပှၤစူၤရံဖိတဖၣ်ဆိကမိၣ်ဝဲလၢကီၢ်အံၣ်စရ့လးအစီၤပၤဒိးလဲ ပှၤဃ့ၤသးဖိဒီးပှၤအဲၤကူပတူးဖိအစီၤပၤတဖၣ်ဒီးအဝဲသ့ၣ် အသုးမုၢ်တဖၣ်လၢကဟဲထီၣ်ဒုးအဝဲသ့ၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:25

စီၤယဟိၡၤဖးဒီးအပှၤသုးဖိတဖၣ်ဟဲနုာ်လၢကဟံးန့ၢ်တၢ်ဂုာ် န့ၢ်တဖၣ်ဒီးအဝဲသ့ၣ်ထံၣ်ဘၣ်ဂီၤဘုၣ်ဂီၤဖံးအါအါဂီၢ်ဂီၢ်, တၢ်လၢပှၤသူအီၤအလီၢ်အိၣ်တဖၣ်, တၢ်ကူတၢ်ကၤဒီးတၢ်ပီးတၢ်လီလုၢ်ဒိၣ်ပှ့ၤဒိၣ်အဂုၤအဂၤတဖၣ်န့ၣ်လီၤ. အဝဲသ့ၣ်ထၢဖှိၣ်တၢ်ဂုာ်န့ၢ်ယံာ်ဝဲသၢသီ, ဘၣ်ဆၣ်, တၢ်အိၣ်ဝဲ ဂီၢ်မုၢ်ဂီၢ်ပၤတုၤဒၣ်လဲာ်အဝဲသ့ၣ်က့ၤစိာ်တၢ်တန့ၢ်ခဲလၢာ်ဘၣ်န့ၣ်လီၤ.

လံာ်တၢ်ဟးထီၣ်ကွံာ် 15:9

ဒုၣ်ဒါန့ၣ်စံးဝဲဒၣ်, ယကလူၤထွဲဒီးဖီၣ်န့ၢ်အဝဲသ့ၣ်, ယကနီၤဖးအတၢ်စုလီၢ်ခီၣ်ခိၣ်ဒီးဟံးန့ၢ်ကယဲၢ်တၢ်လၢယသးလီခဲလၢာ်, ယကထုးထီၣ်ယနးဒီးဟံးန့ၢ်တၢ်အိၣ်ဒီးအဝဲသ့ၣ်ခဲလၢာ်န့ၣ်လီၤ.

လံာ်ယၡါယၤ 10:14

ဟီၣ်ခိၣ်အပှၤကလုာ်တဖၣ်လီၤဂာ်ဒ်ထိၣ်တဘ့ၣ်အသွံအသိး, ဒီးယထၢဖှိၣ်အတၢ်ထူးတၢ်တီၤညီကဒၣ်ဖိဒ်တၢ်ထၢဖှိၣ်ထိၣ် အဒံၣ်တဖၣ်အသိးလီၤ. ထိၣ်အဒံးတခီတတပျုာ်အသး လၢကမၤပျံၤမၤဖုးကွံာ်ယၤအဂီၢ်ဘၣ်. ထိၣ်အနိးတအိးထီၣ် အသးနီတဘီလၢကကဲးကလူကဲးကလီထီဒါယၤဘၣ်.”

လံာ်ပှၤစံၣ်ညီၣ်ကွီၢ် 5:30

“အဝဲသ့ၣ်လူၤဃုဒၣ်ထဲတၢ်တဖၣ်လၢကမၤန့ၢ်ဝဲ ဒီးနီၤဖးဝဲအဂီၢ်, ပိာ်မုၣ်ဖိတဂၤမ့တမ့ၢ်ခံဂၤလၢပှၤသုးဖိတဂၤ စုာ်စုာ်အဂီၢ်, တၢ်ကူတၢ်သိးအလုၢ်ဒိၣ်ပှ့ၤဒိၣ်လၢစီၤစံစရၤအဂီၢ်, တၢ်ဆးကံၣ်ဆးဝ့ၤအတၢ်ကယၢကယဲတဖၣ်လၢနီၢ်ပၤမုၣ်အကိာ်အဂီၢ်လီၤ.