လံာ်စီၤပၤခံဘ့ၣ်တဘ့ၣ် 3:22 - Sgaw Karen Common Bible

²² မုၢ်ဆ့ၣ်ထီၣ်တနံၤ, ဖဲအဝဲသ့ၣ်မံပၢၢ်ထီၣ်ဝဲန့ၣ်, မုၢ်အဧူၢ်အတၢ်ဆဲးကပီၤလီၤဝဲလၢထံအဖီခိၣ်န့ၣ်, ဒုးထံၣ်ပှၤမိၤအးဖိတဖၣ်လၢထံန့ၣ်ဂီၤဝဲဒ်တၢ်သွံၣ်အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 3:22 Iomraidhean Croise

လံာ်စီၤပၤခံဘ့ၣ်တဘ့ၣ် 3:21

တုၤပှၤမိၤအးဖိတဖၣ်နၢ်ဟူဘၣ်ဝဲလၢစီၤပၤသၢဂၤဟဲဝဲလၢ ကဒုးအဝဲသ့ၣ်အဂီၢ်န့ၣ်, ကယဲၢ်ပှၤပိာ်ခွါလၢအစိာ်အစုကဝဲၤသ့တဖၣ်, စးထီၣ်လၢပှၤအသးပှၢ်ကတၢၢ်ဒီးတုၤလီၤလၢပှၤအသးစၢ်ကတၢၢ်, ဘၣ်တၢ်ကိးထီၣ်အီၤဒီးဘၣ်တၢ်ပာ်အီၤဖဲကီၢ်အဆၢန့ၣ်လီၤ.

လံာ်စီၤပၤခံဘ့ၣ်တဘ့ၣ် 3:23

အဝဲသ့ၣ်စံးဝဲဒၣ်, “တၢ်အံၤမ့ၢ်တၢ်သွံၣ်လီၤ. ဒုၣ်ဒါသၢဖုအသုးမုၢ်တဖၣ်ကဒုးလိာ်ယၤလိာ်အသးဒီးမၤသံလိာ် အသးလံန့ၣ်လီၤ. မ်ပလဲၤသကိးဒီးဂုာ်န့ၢ်အဝဲသ့ၣ်သူၣ်ဒဲအလီၢ်တဖၣ်န့ၣ် တက့ၢ်.”

လံာ်စီၤပၤခံဘ့ၣ်တဘ့ၣ် 7:6

ယွၤဒုးနၢ်ဟူတ့ၢ်ပှၤစူၤရံဖိတဖၣ်လၢတၢ်အသီၣ်လၢအလီၤဂာ်ဒီး သုးမုၢ်ဖးဒိၣ်ဟဲထီၣ်ဝဲတဖုလၢအအိၣ်ဒီးကသ့ၣ်တဖၣ်ဒီးလ့ၣ် ကဟၣ်တဖၣ်န့ၣ်လီၤ. ပှၤစူၤရံဖိတဖၣ်ဆိကမိၣ်ဝဲလၢကီၢ်အံၣ်စရ့လးအစီၤပၤဒိးလဲ ပှၤဃ့ၤသးဖိဒီးပှၤအဲၤကူပတူးဖိအစီၤပၤတဖၣ်ဒီးအဝဲသ့ၣ် အသုးမုၢ်တဖၣ်လၢကဟဲထီၣ်ဒုးအဝဲသ့ၣ်န့ၣ်လီၤ.