လံာ်စီၤပၤခံဘ့ၣ်တဘ့ၣ် 3:20 - Sgaw Karen Common Bible

²⁰ မုၢ်ဆ့ၣ်ထီၣ်တနံၤ, ဖဲတၢ်ဆၢကတီၢ်လၢညီနုၢ်မုၢ်ဂီၤအတၢ်လုၢ် ထီၣ်ပာ်ထီၣ်ဘၣ်တၢ်မၤအီၤန့ၣ်, ထံဟဲယွၤလီၤဝဲဒၣ်လၢကီၢ်အဒိၣ်တခီဒီးလုၣ်ဘၢကွံာ်ဟီၣ်ခိၣ် န့ၣ်လီၤ.

လံာ်စီၤပၤခံဘ့ၣ်တဘ့ၣ် 3:20 Iomraidhean Croise

လံာ်စီၤပၤအခီၣ်ထံးတဘ့ၣ် 18:36

တုၤနၣ်ရံၣ်လၢမုၢ်ဃ့ၢ်လီၤတၢ်လုၢ်တၢ်ပာ်အကတီၢ်တုၤဝဲန့ၣ်, ဝံအ့ၤလံယၤသုးဘူးအသးဆူတၢ်လုၢ်လီၢ်ဒီးဘါထုကဖၣ်ဝဲ, “အိယွၤ, စီၤအၤဘြၤဟၣ်, စီၤအံၤစဲး, စီၤယၤကိာ်အကစၢ်ယွၤဧၢ, ဒုးနဲၣ်နသးခဲကနံၣ်အံၤလၢနမ့ၢ်ကီၢ်အံၣ်စရ့လးအကစၢ်ယွၤဒီး ယမ့ၢ်နခ့နပှၤဒီးယမၤတၢ်မၤခဲလၢာ်ဒ်နတၢ်မၤလိာ်အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 3:21

တုၤပှၤမိၤအးဖိတဖၣ်နၢ်ဟူဘၣ်ဝဲလၢစီၤပၤသၢဂၤဟဲဝဲလၢ ကဒုးအဝဲသ့ၣ်အဂီၢ်န့ၣ်, ကယဲၢ်ပှၤပိာ်ခွါလၢအစိာ်အစုကဝဲၤသ့တဖၣ်, စးထီၣ်လၢပှၤအသးပှၢ်ကတၢၢ်ဒီးတုၤလီၤလၢပှၤအသးစၢ်ကတၢၢ်, ဘၣ်တၢ်ကိးထီၣ်အီၤဒီးဘၣ်တၢ်ပာ်အီၤဖဲကီၢ်အဆၢန့ၣ်လီၤ.

စံးထီၣ်ပတြၢၤ 107:35

အဝဲဒုးဆီတလဲက့ၤမဲးမုၢ်ခိၣ်ဆူနိၣ်တဖၣ်, ဒီးဟီၣ်ခိၣ်လၢအဃ့ဆူထံထီၣ်ပၢၢ်တဖၣ်န့ၣ်လီၤ.

စံးထီၣ်ပတြၢၤ 78:20

အဝဲတီၢ်လၢၢ်တဖျၢၣ်, ဒီးထံဖျိးထီၣ်ဒီးယွၤလီၤလုၣ်ဘၢတၢ်လံ. ဘၣ်ဆၣ်ဟ့ၣ်လီၤကိၣ်မ့တမ့ၢ်, ကတဲာ်ကတီၤတၢ်ညၣ်လၢအပှၤဂီၢ်မုၢ်အဂီၢ် ဘၣ်ကသ့ဧါ.” န့ၣ်လီၤ.

လံာ်ဒၤနံးယ့လး 9:21

ဖဲယဘါထုကဖၣ်ဒံးတၢ်အဖၢမုၢ်ဒီး, ကလူးကၤဘြံၤအ့လးလၢယထံၣ်ဘၣ် တ့ၢ်လၢတၢ်ထံၣ်လၢညါခီအခီၣ်ထံးတဘျီအပူၤ န့ၣ်ဟဲယူၤလီၤဆူယအိၣ်တၢ်အလီၢ်န့ၣ်လီၤ. အကတီၢ်န့ၣ်မ့ၢ်ဝဲတၢ်လုၢ်မၤဘူၣ်လၢဟါ ကဘၣ်တၢ်လုၢ်ထီၣ်အီၤအကတီၢ်န့ၣ်လီၤ.