လံာ်စီၤပၤခံဘ့ၣ်တဘ့ၣ် 3:18 - Sgaw Karen Common Bible

¹⁸ ဒီးစီၤအလံၤၡါစံးအါထီၣ်ဝဲ, “ဘၣ်ဆၣ်တၢ်အံၤမ့ၢ်တၢ်အညီ ကဒၣ်တမံၤလၢယွၤအဂီၢ်လၢကမၤဝဲန့ၣ်လီၤ. အဝဲကဟ့ၣ်လီၤစ့ၢ်ကီးသုတၢ်မၤနၢၤလၢပှၤမိၤအးဖိအဖီခိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 3:18 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 7:19

အန့ၣ်ဒၣ်လဲာ်, ခဲကနံၣ်အံၤ, ယွၤပၢဘၣ်တၢ်ခဲလၢာ်ကစၢ်ဧၢ, နမၤတၢ်အါန့ၢ်အန့ၣ်တက့ၢ်လီၤ. နမၤတ့ၢ်တၢ်အၢၣ်လီၤအီလီၤတဖၣ်ဘၣ်ဃးဒီးယစၢၤယသွဲၣ်တဖၣ်လၢ နံၣ်လၢအကဟဲတဖၣ်အပူၤန့ၣ်လီၤ. ဒီးယွၤ, ပၢဘၣ်တၢ်ခဲလၢာ်ကစၢ်ဧၢ, နပျဲပှၤတဂၤထံၣ်တၢ်အံၤလီၤ.

လံာ်စီၤပၤအခီၣ်ထံးတဘ့ၣ် 16:31

တၢ်မၤတၢ်ဒဲးဘးဒ်စီၤယၤရၤဘၣ်အသိးန့ၣ်, လၢအဂီၢ်တလၢမၤဘၣ် အီၤအဃိအဝဲမၤအါထီၣ်ဝဲဒီးဟံးန့ၢ်အမါလၢကီၢ်စံဒိၣ်အစီၤ ပၤအ့သဘၤလးအဖိမုၣ်နီၢ်အံၤစ့ဘ့ၤလးဒီးဘူၣ်ထီၣ်ဘါထီၣ် ဘဧၤလးန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:13

အကတီၢ်ဖဲန့ၣ်ဝံတဂၤလဲၤဆူစီၤပၤအၤဃာ်အအိၣ်ဒီးစံးဝဲ, “ယွၤစံးဝဲဒၣ်, ပျံၤသုးမုၢ်ဖးဒိၣ်န့ၣ်တဂ့ၤ. ယကဟ့ၣ်နၤတၢ်မၤနၢၤအီၤလၢမုၢ်မဆါတနံၤအံၤန့ၣ်လီၤ. ဒီးနကသ့ၣ်ညါလၢယမ့ၢ်ယွၤလီၤ.”

လံာ်စီၤပၤအခီၣ်ထံးတဘ့ၣ် 20:21

စီၤပၤအၤဃာ်လဲၤထီၣ်ဆူတၢ်ဒုးအပျီပူၤဒီးမၤန့ၢ်ကွံာ်ကသ့ၣ် တဖၣ်ဒီးလ့ၣ်ကဟၣ်တဖၣ်ဒီးဒုးတူၢ်ဘၣ်ပှၤစူၤရံဖိတဖၣ်လၢတၢ်ဃၣ် ကွံာ်လၢအနးဒိၣ်မးတမံၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:28

ဝံတဂၤလဲၤဆူစီၤပၤအၤဃာ်အအိၣ်ဒီးစံးဝဲ, “အအံၤမ့ၢ်တၢ်လၢယွၤစံးဝဲန့ၣ်လီၤ. မ့ၢ်လၢပှၤစူၤရံဖိ သ့ၣ်တဖၣ်စံးဝဲလၢယမ့ၢ်ကစၢၢ်ကလိအကစၢ်တဂၤဒီးတမ့ၢ်ဘၣ်တၢ်ပၢၤ ခိၣ်အကစၢ်ဘၣ်အဃိယကဟ့ၣ်နၤတၢ်မၤနၢၤလၢအဝဲသ့ၣ်အသုးမုၢ်ဖး ဒိၣ်အဖီခိၣ်ဒီး, နၤဒီးနပှၤဂီၢ်မုၢ်ကသ့ၣ်ညါလၢယမ့ၢ်ယွၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 3:13

ယကဟ့ၣ်လီၤစ့ၢ်ကီးနၤတၢ်လၢနတဃ့တဖၣ်န့ၣ်လီၤ. လၢနသးသမူဒီတစိၤန့ၣ်နကအိၣ်ဒီးတၢ်ထူးတၢ်တီၤဒီးတၢ်လၤတၢ် ကပီၤအါန့ၢ်ဒိၣ်န့ၢ်ဒံးစီၤပၤအဂၤ, တဂၤလၢ်လၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 20:10

စီၤဃံးစကံယၤစံးဆၢဝဲဒၣ်, “တၢ်ဒုးလဲၤတၢ်ကဒုဆူညါအတီၤ တဆံန့ၣ်တကီဘၣ်. မ်အက့ၤကဒါက့ၤအတီၤတဆံတက့ၢ်.”

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်ယၡါယၤ 7:13

ဘၣ်ဃးတၢ်အံၤန့ၣ်ဝံယၡါယၤစံးဆၢတၢ်ဒီးစံးဝဲ, “အခဲအံၤ, ဒိကနၣ်တက့ၢ်, စီၤပၤစီၤဒၤဝံးအစၢၤအသွဲၣ်သ့ၣ် ဧၢ, သုမၤလၢာ်ကွံာ်ပှၤကညီအတၢ်သးစူၤန့ၣ်အၢတ့ၢ်မးလံ. မ့ၢ်သုကမၤလၢာ်ကွံာ်ကစၢ်ယွၤအတၢ်သးစူၤစ့ၢ်ကီးဧါ.

လံာ်ယံးရမံယၤ 32:17

“ယွၤပၢဘၣ်တၢ်ခဲလၢာ်တဂၤဧၢ, နတ့လီၤပာ်လီၤဟီၣ်ခိၣ်ဒီး မူခိၣ်လၢ နစိကမီၤဒီး နဂံၢ်ဆူၣ်ဘါဆူၣ်အပူၤလီၤ. တၢ်ကီကဲၣ်ဆိးလၢနဂီၢ်တအိၣ်နီတမံၤဘၣ်.

လံာ်ယဃ့းစက့လး 8:17

ယွၤစံးဘၣ်ယၤ, “ပှၤကညီလၢအသံသ့ဧၢ, နထံၣ်တၢ်န့ၣ်ကစီဒီဧါ. ကီၢ်ယူဒၤအပှၤဂီၢ်မုၢ်တဖၣ်အံၤတသးမံထဲလၢအမၤ တၢ်လီၤသးဘၣ်အၢတဖၣ်လၢနထံၣ်ဘၣ်တ့ၢ်ဖဲအံၤ, ဒီးရၤလီၤတၢ်စုဆူၣ်ခီၣ်တကးလၢထံကီၢ်ဒီဘ့ၣ်ညါဧိၤန့ၣ်ဘၣ်. မ့မ့ၢ်အဝဲသ့ၣ်ကဘၣ်ဟဲဒီးမၤတၢ်သ့ၣ်တဖၣ်အံၤ, ဖဲအံၤလၢယွၤအတၢ်လုၢ်ဟံၣ်အပူၤအံၤ, ဒီးမၤသးဒိၣ်အါထီၣ်ယၤ ဒၣ်လဲာ်န့ၣ်လီၤ. အဝဲသ့ၣ်မၤတရီတပါယၤလၢကျဲအၢအၢသီသီထဲလဲၣ်န့ၣ်ကွၢ် တက့ၢ်. တၢ်န့ၣ်မ့ၢ်တၢ်လီၤသးဆါကတၢၢ်န့ၣ်လီၤ.

လံာ်မၢ်ကူး 10:27

ယ့ၣ်ၡူးကွၢ်ဃီၤအဝဲသ့ၣ်ဒီးစံးဘၣ်အီၤ, “တၢ်တမံၤအံၤပှၤကညီမၤတသ့လ့ၤတက့ၤဘၣ်. ဘၣ်ဆၣ်လၢကစၢ်ယွၤအဂီၢ်တမ့ၢ်တၢ်ဒ်န့ၣ်ဘၣ်. အဂ့ၢ်ဒ်လဲၣ်န့ၣ်, ယွၤမၤတၢ်သ့ကိးမံၤဒဲးလီၤ.”

လံာ်လူၤကၣ် 1:37

အဂ့ၢ်ဒ်အံၤတၢ်လၢကစၢ်ယွၤမၤတသ့န့ၣ်တအိၣ်နီတမံၤဘၣ်.”

အ့းဖ့းစူး 3:20

ခီဖျိလၢအစိအကမီၤလၢအမၤတၢ်လၢပပူၤန့ၣ်, ယွၤမၤတၢ်သ့ဝဲဒိၣ်န့ၢ်အါန့ၢ်ဒၣ်လဲာ်တၢ်လၢပဃ့ဒီးဆိ ကမိၣ်ဝဲသ့တက့ၢ်န့ၣ်လီၤ.