လံာ်စီၤပၤခံဘ့ၣ်တဘ့ၣ် 3:17 - Sgaw Karen Common Bible

¹⁷ နမ့ၢ်တထံၣ်ဘၣ်တၢ်ဟဲစူၤမ့ၢ်ဂ့ၤ, ကလံၤမုၢ်မ့ၢ်ဂ့ၤနီတမံၤဘၣ် ဆၣ်, ထံကျိဖိလၢအဃ့ထီတဖၣ်အံၤကဘၣ်တၢ်မၤပှဲၤအီၤလၢထံ, ဒီးသုဝဲဒၣ်, သုဆၣ်ဖိကီၢ်ဖိလၢသုဘုၣ်အီၤ, သုဆၣ်ဖိကီၢ်ဖိတဖၣ်လၢအဝံတၢ်စိာ်တၢ်န့ၣ်, ကဒိးန့ၢ်ဘၣ်ထံအါအါကလဲာ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 3:17 Iomraidhean Croise

လံာ်စီၤပၤခံဘ့ၣ်တဘ့ၣ် 3:16

ဒီးအဝဲစံးဝဲဒၣ်, “ယွၤစံးဒ်အံၤ, ခူၣ်လီၤတၢ်ကျိၤတဖၣ်လၢ ကယဲၢ်ထံကျိဖိလၢအဃ့ထီတဖၣ်အဖီခိၣ်တက့ၢ်.

စံးထီၣ်ပတြၢၤ 107:35

အဝဲဒုးဆီတလဲက့ၤမဲးမုၢ်ခိၣ်ဆူနိၣ်တဖၣ်, ဒီးဟီၣ်ခိၣ်လၢအဃ့ဆူထံထီၣ်ပၢၢ်တဖၣ်န့ၣ်လီၤ.

စံးထီၣ်ပတြၢၤ 84:6

ဖဲအဝဲသ့ၣ်လဲၤခီဂာ်မဲာ်ထံအကစၢၢ်ကဆူး တြီၤလၢအဃ့ထီန့ၣ်, တၢ်လီၢ်န့ၣ် ကဲထီၣ်ထံထီၣ်ပၢၢ်တဖၣ်လီၤ. တၢ်ဟဲစူၤဆိမၤပှဲၤတၢ်လီၢ်န့ၣ် ဒီးကမါတဖၣ်လီၤ.

လံာ်တၢ်ဟးထီၣ်ကွံာ် 17:6

ယကဆၢထၢၣ်လၢသုမဲာ်ညါလၢလ့တဖျၢၣ်အဖီခိၣ်ဖဲကစၢၢ်စံၤနါန့ၣ် လီၤ. တီၢ်လ့န့ၣ်ဒီးထံကဟဲထီၣ်လၢအပူၤလၢပှၤဂီၢ်မုၢ်ကအီအီၤအဂီၢ် လီၤ.” ဒီးစီၤမိၤၡ့မၤဝဲဒ်န့ၣ်လၢကီၢ်အံၣ်စရ့လးအခိၣ်အနၢ်တဖၣ်အမဲာ်ညါန့ၣ်လီၤ.

လံာ်ယၡါယၤ 48:21

ဖဲယွၤဆှၢခီဖျိအပှၤဂီၢ်မုၢ်လၢမဲးမုၢ်ခိၣ်တတီၤလၢအကိၢ် ဒီးအဃ့ထီအခါန့ၣ်, အဝဲသ့ၣ်တတူၢ်ဘၣ်တၢ်သူအသးလၢထံဘၣ်. ဒုးယွၤလီၤထံလၢလၢၢ်တဖျၢၣ်အပူၤ လၢအဝဲသ့ၣ်အဂီၢ်လီၤ. အဝဲဒိသ့ၣ်ဖးလၢၢ်ဒီးထံပုာ်ထီၣ်ယွၤလီၤဝဲလီၤ.