လံာ်စီၤပၤခံဘ့ၣ်တဘ့ၣ် 3:15 - Sgaw Karen Common Bible

¹⁵ ခဲကနံၣ်အံၤဟဲကိးန့ၢ်ယၤပှၤဒ့တၢ်ဖိတဂၤတက့ၢ်.” ဖဲပှၤဒ့တၢ်ဖိဒ့ထီၣ်အသီတူၢ်န့ၣ်ယွၤအစိကမီၤလီၤဘၣ်ဝဲဒၣ် လၢစီၤအလံၤၡါအလိၤ,

လံာ်စီၤပၤခံဘ့ၣ်တဘ့ၣ် 3:15 Iomraidhean Croise

လံာ်စီၤပၤအခီၣ်ထံးတဘ့ၣ် 18:46

ယွၤအတၢ်စိတၢ်ကမီၤလီၤဘၣ်လၢစီၤအ့ၤလံယၤအလိၤ. အဝဲဒၣ်ကံၢ်တူာ်ထီၣ်အကူအသိးဃံးဃံးလၢအယီၢ်ဒ့အလိၤဒီးဃ့ၢ် ဝဲလၢစီၤအၤဃာ်အမဲာ်ညါဒီတကျဲညါဆူဝ့ၢ်ယံးစရ့လးန့ၣ်လီၤ.

လံာ်စီၤပၤခံဘ့ၣ်တဘ့ၣ် 3:16

ဒီးအဝဲစံးဝဲဒၣ်, “ယွၤစံးဒ်အံၤ, ခူၣ်လီၤတၢ်ကျိၤတဖၣ်လၢ ကယဲၢ်ထံကျိဖိလၢအဃ့ထီတဖၣ်အဖီခိၣ်တက့ၢ်.

စံးထီၣ်ပတြၢၤ 49:4

ယကဒိးယနၢ်ဆူတၢ်ကတိၤဒိ, ဒီးယကပာ်ဖျါထီၣ် အခီပညီဖဲယဒ့တနၢ်အဖၢမုၢ်န့ၣ်လီၤ.

လံာ်ယဃ့းစက့လး 1:3

ဖဲန့ၣ်လၢကီၢ်ဘၤဘူၤလိၣ်အပူၤ, လၢထံကျိကဘၢ်အနံၤန့ၣ်, ယနၢ်ဟူယွၤကတိၤတၢ်ဒီးယၤလီၤ. ဒီးယကလၢၢ်ဘၣ်အစိကမီၤလီၤ.

လံာ်ယဃ့းစက့လး 3:14

ယွၤအစိကမီၤလီၤဘၣ်လၢ ယလိၤအိၣ်ဒီး အသဟီၣ်ဆူၣ်ဒိၣ်မး, ဒီးဖဲအသး စိာ်ဆှၢကွံာ်ယၤန့ၣ်, ယသးခၣ်ဒီးယသးထီၣ်ယဲလီၤ.

လံာ်ယဃ့းစက့လး 3:22

ယကလၢၢ်ဘၣ် ယွၤအတၢ်အိၣ်လီၤစိလီၤကမီၤဒီး နၢ်ဟူအဝဲစံးဘၣ် ယၤ, “ဂဲၤဆၢထၢၣ်ဒီး လဲၤဟးထီၣ်ဆူ တၢ်တြီၤပူၤတက့ၢ်. ယကကတိၤ တၢ်ဒီး နၤဖဲန့ၣ်လီၤ.”

လံာ်ယဃ့းစက့လး 8:1

လၢပတၢ်ကဲကုၢ်ဃုနံၣ်တနံၣ်, လါဃုလါတလါထီၣ်ယဲၢ်သီ အနံၤန့ၣ်, ကီၢ်ယူဒၤအပှၤခိၣ်ပှၤနၢ်လၢတၢ်ကဲကုၢ်အပူၤတဖၣ် ဆ့ၣ်နီၤသကိးဒီးယၤလၢယဟံၣ်ပူၤန့ၣ်လီၤ. သတူၢ်ကလာ်, ယွၤပၢဘၣ်တၢ်ခဲလၢာ်ကစၢ်အစိကမီၤလီၤဘၣ်လၢယလိၤန့ၣ်လီၤ.

မၤတၢ် 11:21

ဒီးကစၢ်အစိကမီၤအိၣ်ဒီးအဝဲသ့ၣ်, ဒီးပှၤဂီၢ်မုၢ်ဂီၢ်ပၤစူၢ်က့ၤနာ်က့ၤတၢ်ဒီး ဃၣ်က့ၤအသးဆူကစၢ်အအိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 10:5

အန့ၣ်ဝံၤဒီးနကလဲၤဆူကစၢ်ယွၤအကစၢၢ်အအိၣ်လၢဝ့ၢ်ကံးဘဧးအပူၤ ဖဲပှၤဖလ့ၡသးဖိတဖၣ်သူၣ်ဒဲအလီၢ်အိၣ်ဝဲတတီၤန့ၣ်လီၤ. ဖဲတၢ်လဲၤနုာ်လီၤဆူဝ့ၢ်အကျဲစၢၤန့ၣ်နကထံၣ်လိာ်ဒီးဝံတဖု ဟဲလီၤလၢတၢ်လုၢ်လီၢ်အိၣ်လၢကစၢၢ်လိၤန့ၣ်ဒ့ဒီးသီတူၢ်တဖၣ်, ပှီၢ်ဒၢတဖၣ်, အူပံတဖၣ်ဒီးမၤသီၣ်စှၢၢ်စှံးတဖၣ်န့ၣ်လီၤ. အဝဲသ့ၣ်ကဂဲၤကလံာ်ဒီးကိးပသူဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 16:16

မၤသးဒ်န့ၣ်ဒီးတၢ်ဒိၣ်ဧၢ, ဟ့ၣ်လီၤပှၤလၢနကလုၢ်ဒီးပကဃုန့ၢ်နၤ ပှၤတဂၤလၢအနၢ်ပၢၢ်တၢ်ဒ့တနၢ်လီၤ. အန့ၣ်တစုဖဲသးအအၢဟဲလီၤလၢနလိၤန့ၣ်, ပှၤတဂၤန့ၣ်ကဒ့အတနၢ်, ဒီးနအိၣ်ကဘၣ်လီၢ်ဘၣ်စးကဒီးလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 16:23

စးထီၣ်ဖဲန့ၣ်ဒီးဆူညါန့ၣ်, တဘျီလၢ်လၢ်ဖဲသးအၢလၢဘၣ်တၢ် ဆှၢလီၤအီၤလၢကစၢ်ယွၤဟဲလီၤလၢစီၤစီလူးအလိၤန့ၣ်, စီၤဒၤဝံးဟံးထီၣ်အတနၢ်ဒီးဒ့ထီၣ်အီၤလီၤ. သးအၢဟးထီၣ်ကွံာ်ဝဲဒီးစီၤစီလူးအိၣ်မုာ်က့ၤဝဲဒီးဘၣ်လီၢ်ဘၣ်စးက့ၤကဒီးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 18:10

လၢမုၢ်ဆ့ၣ်ထီၣ်တနံၤန့ၣ်, သးအအၢအသီတဖျၢၣ်လၢအဟဲလၢကစၢ်ယွၤ ဟဲလီၤဒီးပၢၤဃာ်စီၤစီလူးသတူၢ်ကလာ်လီၤ. ဒီးအဝဲဒၣ်ကတိၤကလီကလီတၢ်ဒ်တၢ်ပျုၢ်တဂၤအသိးလၢအဟံၣ်ပူၤ န့ၣ်လီၤ. စီၤဒၤဝံးတခီဒ့တနၢ်ဒ်ညီနုၢ်မၤဝဲကိးမုၢ်နံၤအသိးန့ၣ် လီၤ. စီၤစီလူးဟံးဃးဘီတဘ့ၣ်လၢအစုပူၤ,