လံာ်စီၤပၤခံဘ့ၣ်တဘ့ၣ် 3:12 - Sgaw Karen Common Bible

¹² စီၤပၤယဟိၡၤဖးစံးဆၢဝဲဒၣ်, “အဝဲမ့ၢ်ဒၣ်ဝံအမ့ၢ်အတီတဂၤ လီၤ.” လၢတၢ်န့ၣ်အဃိ, စီၤပၤသၢဂၤလဲၤဝဲဆူစီၤအလံၤၡါအအိၣ်န့ၣ် လီၤ.

လံာ်စီၤပၤခံဘ့ၣ်တဘ့ၣ် 3:12 Iomraidhean Croise

လံာ်စီၤပၤခံဘ့ၣ်တဘ့ၣ် 2:21

ဒီးအဝဲလဲၤဝဲဆူထံထီၣ်ပၢၢ်, တ့ၢ်လီၤအံသၣ်ဆူထံကျါဒီး စံးဝဲဒၣ်, “အအံၤမ့ၢ်တၢ်လၢယွၤစံးဝဲလီၤ. ယမၤကဆှီထီၣ်ထံလံ, တဒုးအိၣ်ထီၣ်လၢၤတၢ်သံမ့ၢ်ဂ့ၤ, ပိာ်မုၣ်တဖၣ်အတၢ်ဟုးဟးဂီၤမ့ၢ်ဂ့ၤနီတစုလၢၤဘၣ်.”

လံာ်စီၤပၤခံဘ့ၣ်တဘ့ၣ် 3:11

စီၤပၤယဟိၡၤဖးသံကွၢ်ဝဲဒၣ်, “ဖဲအံၤ, မ့ၢ်ဝံအိၣ်ဝဲတဂၤဂၤလၢပကသံကွၢ်တၢ်ဆူယွၤခီဖျိအီၤန့ၣ် ဧါ.” စီၤပၤယဟိရၣ်အသုးမုၢ်အသုးခိၣ်တဂၤစံးဆၢဝဲဒၣ်, “စီၤၡၤဖးအဖိခွါစီၤအလံၤၡါအိၣ်ဖဲအံၤလီၤ. အဝဲမ့ၢ်စီၤအ့ၤလံယၤအပှၤမၤစၢၤတၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 3:13

စီၤအလံၤၡါစံးဘၣ်ကီၢ်အံၣ်စရ့လးအစီၤပၤ, “ဘၣ်မနုၤလၢယကဘၣ်မၤစၢၤနၤန့ၣ်လဲၣ်. လဲၤဒီးသံကွၢ်တၢ်လၢ ဝံတဖၣ်လၢနပၢ်မ့ၢ်ဂ့ၤ, နမိၢ်မ့ၢ်ဂ့ၤသံကွၢ်တ့ၢ်အီၤတၢ်တက့ၢ်.” စီၤယဟိရၣ်စံးဆၢအီၤ “တမ့ၢ်ဘၣ်, ပှၤလၢအကိးဖှိၣ်ပဝဲ စီၤပၤသၢဂၤဆူကီၢ်မိၤအးအစီၤပၤအတၢ်သူၣ်ကညီၤသးကညီၤအပူၤ န့ၣ်မ့ၢ်ယွၤလီၤ.”

လံာ်စီၤပၤခံဘ့ၣ်တဘ့ၣ် 5:15

အဝဲက့ၤကဒါက့ၤဆူစီၤအလံၤၡါအအိၣ်ဃုာ်ဒီးအပှၤခဲလၢာ်ဒီး စံးဝဲဒၣ်, “ခဲကနံၣ်အံၤယသ့ၣ်ညါလၢ, လၢပှၤအံၣ်စရ့လးဖိအကစၢ်ယွၤအမဲာ် ညါန့ၣ်ကစၢ်အဂၤတအိၣ်နီတဂၤဘၣ်န့ၣ်လီၤ. လၢတၢ်န့ၣ်အဃိတၢ်ဒိၣ်ဧၢ, တူၢ်လိာ်ဘၣ်ယတၢ်ဟ့ၣ်တမံၤတက့ၢ်.”

လံာ်ယၡါယၤ 49:23

စီၤပၤတဖၣ်ကလီၤဂာ်ဒီးပၢ်တဖၣ်လၢသုဂီၢ်ဒီးနီၢ်ပၤမုၣ်တဖၣ် ကလီၤဂာ်ဒီးမိၢ်တဖၣ်လီၤ. အဝဲသ့ၣ်ကသကူးလီၤအသးလၢသုမဲာ်ညါဒီး မၤလၤကပီၤသုလီၤ. အဝဲသ့ၣ်ကပာ်ဖျါအတၢ်ယူးယီၣ်ပာ်ကဲသုလၢ တၢ်ဆီၣ်လီၤသးအပူၤလီၤ. အန့ၣ်ဒီးသုကသ့ၣ်ညါလၢယမ့ၢ်ယွၤလီၤ. ပှၤလၢအမုၢ်လၢ်ယတၢ်မၤစၢၤန့ၣ်, တသးဟးဂီၤဘၣ်နီတဂၤန့ၣ်ဘၣ်.”

လံာ်ယၡါယၤ 60:14

ပှၤလၢအမၤအၢမၤနးနၤအဖိခွါတဖၣ်ကဟဲဝဲ ဒီးသကူးဖုၣ်လီၤအသးဒ်သိးကဒုးနဲၣ်အဝဲသ့ၣ်အ တၢ်ယူးယီၣ်ပာ်ကဲနၤအဂီၢ်လီၤ. ကယဲၢ်ပှၤလၢတဘျီ, အသးဘၣ်အၢတ့ၢ်နၤ ကဘူၣ်ထီၣ်ဘါထီၣ်တၢ်လၢနခီၣ်ထံးလီၤ. အဝဲသ့ၣ်ကကိးနၤလၢ, ယွၤအမူအဝ့ၢ်, ဝ့ၢ်စံယိၣ်, ပှၤအံၣ်စရ့လးဖိအကစၢ်ယွၤစီဆှံအခူအဝ့ၢ်န့ၣ်လီၤ.

လံာ်ယံးရမံယၤ 37:17

လၢခံဒီး, စီၤပၤစံးဒကံယၤမၢပှၤလဲၤကိးယၤ, ဒီးဖဲန့ၣ်လၢနူၢ်အပူၤန့ၣ်, အဝဲသံကွၢ်ခူသူၣ်ယၤ, “မ့ၢ်တၢ်ကစီၣ်အိၣ်တမံၤမံၤလၢ ယွၤအအိၣ်ဧါ.” ယစံးဆၢအီၤ, “အိၣ်လီၤ.” ဒီးယစံးအါထီၣ်အီၤ, “နကဘၣ်တၢ်ဟ့ၣ်လီၤကွံာ်နၤဆူ ကီၢ်ဘၤဘူၤလိၣ်အစီၤပၤအစုပူၤန့ၣ်လီၤ.”

လံာ်လီၣ်ဖျါ 3:9

ဒိကနၣ်တက့ၢ်. မ့မ့ၢ်ပှၤတဖုတကရၢလၢအဘၣ်ထွဲဒီးမုၣ် ကီၤလံၢ်, ပှၤလီတၢ်သ့ၣ်တဖၣ်လၢအစံးလီၤအသးလၢအမ့ၢ် ပှၤယူဒၤဖိဘၣ်ဆၣ်တမ့ၢ်ဘၣ်တဖၣ်န့ၣ်, ယကမၤဒ်သိးအဝဲသ့ၣ်ကဟဲဒီးချံးခီၣ်တီၤလီၤလၢသုခီၣ်ထံး န့ၣ်လီၤ. အဝဲသ့ၣ်ကိးဂၤဒဲးကသ့ၣ်ညါလၢယအဲၣ်သုလီၤ.