လံာ်စီၤပၤခံဘ့ၣ်တဘ့ၣ် 3:11 - Sgaw Karen Common Bible

¹¹ စီၤပၤယဟိၡၤဖးသံကွၢ်ဝဲဒၣ်, “ဖဲအံၤ, မ့ၢ်ဝံအိၣ်ဝဲတဂၤဂၤလၢပကသံကွၢ်တၢ်ဆူယွၤခီဖျိအီၤန့ၣ် ဧါ.” စီၤပၤယဟိရၣ်အသုးမုၢ်အသုးခိၣ်တဂၤစံးဆၢဝဲဒၣ်, “စီၤၡၤဖးအဖိခွါစီၤအလံၤၡါအိၣ်ဖဲအံၤလီၤ. အဝဲမ့ၢ်စီၤအ့ၤလံယၤအပှၤမၤစၢၤတၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 3:11 Iomraidhean Croise

လံာ်တၢ်ကဲထီၣ်အခီၣ်ထံး 18:4

ပျဲယဟဲစိာ်န့ၢ်သုထံတစဲးလၢသုကသ့သုခီၣ်န့ၣ်တက့ၢ်. သုအိၣ်ဘှံးလၢသ့ၣ်ကဒုအံၤသ့ဝဲဒၣ်လီၤ.

လံာ်စီၤပၤအခီၣ်ထံးတဘ့ၣ် 19:21

အန့ၣ်ဝံၤဒီး, စီၤအလံၤၡါလဲၤဆူအဂီၤဖံးဖါတဖုအအိၣ်, မၤသံကွံာ်ဝဲဒီးဖီထီၣ်တၢ်ညၣ်, သူနီၣ်ယိးဘိဒ်သ့ၣ်မုၣ်အသိး လၢမ့ၣ်အူအဂီၢ်န့ၣ်လီၤ. အဝဲဒုးအီၣ်ပှၤဂီၢ်မုၢ်လၢတၢ်ညၣ်ဒီးအဝဲသ့ၣ်အီၣ်ဝဲလီၤ. ဝံၤဒီးအဝဲလဲၤဒီးပိာ်ထီၣ်စီၤအ့ၤလံယၤအခံဒ်အဝဲအပှၤမၤ စၢၤအီၤအသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:7

ဘၣ်ဆၣ်စီၤယဟိၡၤဖးသံကွၢ်ဝဲ, “မ့ၢ်ယွၤအဝံတအိၣ်ဘၣ်ဖဲအံၤ တဂၤလၢပကသံကွၢ်သံဒိးတၢ်ဒီးယွၤန့ၣ်ဘၣ်ဧါ.”

လံာ်စီၤပၤခံဘ့ၣ်တဘ့ၣ် 2:25

စီၤအလံၤၡါလဲၤဆူညါဆူကစၢၢ်ကၢ်မ့ၤလးအလိၤ, ဒီးလၢခံဟဲက့ၤကဒါက့ၤဆူၡၤမရံန့ၣ်လီၤ.

လံာ်စီၤပၤခံဘ့ၣ်တဘ့ၣ် 3:10

စီၤပၤယဟိရၣ်စံးဝဲဒၣ်, “ဝံၤတၢ်လၢာ်လံ. ယွၤပာ်ဖှိၣ်ပဝဲသၢဂၤအံၤလၢကီၢ်မိၤအးအစီၤပၤအတၢ်သူၣ်ကညီၤ သးကညီၤအပူၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 3:12

စီၤပၤယဟိၡၤဖးစံးဆၢဝဲဒၣ်, “အဝဲမ့ၢ်ဒၣ်ဝံအမ့ၢ်အတီတဂၤ လီၤ.” လၢတၢ်န့ၣ်အဃိ, စီၤပၤသၢဂၤလဲၤဝဲဆူစီၤအလံၤၡါအအိၣ်န့ၣ် လီၤ.

လံာ်စီၤပၤခံဘ့ၣ်တဘ့ၣ် 3:3

မ့ၢ်နာ်သက့ဒ်န့ၣ်ဒီး, ဒ်စီၤနဘးအဖိခွါစီၤပၤယၤရၤဘၣ်လၢအ ကဲစီၤပၤလၢအဝဲအမဲာ်ညါတဂၤအသိးန့ၣ်, အဝဲဆှၢဃီၤကီၢ်အံၣ်စရ့ လးဆူတၢ်ဒဲးဘးအပူၤဒီးတဆိကတီၢ်ဘၣ်ဝဲဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 10:13

စီၤစီလူးသံဝဲ, မ့ၢ်လၢတတီဒီးယွၤအဃိန့ၣ်လီၤ. အဝဲတဒိကနၣ်, ယွၤအတၢ်မၤလိာ်တဖၣ်ဘၣ်. အဝဲကျဲးစၢးတ့ၢ်ဒ်သိးကမၤန့ၢ်တၢ်နဲၣ်ကျဲတဖၣ်ခီဖျိဃ့တၢ် ဟ့ၣ်ကူၣ်လၢပှၤသံအကလၤတဖၣ်အအိၣ်, လၢကဃ့ဝဲလၢယွၤအအိၣ်အလီၢ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 14:10

စီၤဒၤဝံးသံကွၢ်ကစၢ်ယွၤ, “မ့ၢ်ယဘၣ်ဒုးပှၤဖလ့ၡသးဖိတဖၣ် န့ၣ်ဧါ. ဒီးမ့ၢ်နကဟ့ၣ်ယၤတၢ်မၤနၢၤန့ၣ်ဧါ.” ဒီးယွၤစံးဆၢဝဲ, “မ့ၢ်, ဒုးတၢ်တက့ၢ်. ယကဟ့ၣ်နၤတၢ်မၤနၢၤန့ၣ်လီၤ.”

လံာ်ကွဲးနီၣ်တၢ်အခီၣ်ထံးတဘ့ၣ် 14:14

မၤကဒီးတစုစီၤဒၤဝံးကူၣ်လိာ်တၢ်ဒီးကစၢ်ယွၤ, ဒီးကစၢ်ယွၤစံးဆၢအီၤ “လဲၤထီၣ်ဒုးတၢ်ဒီးအဝဲသ့ၣ်ဖဲအံၤတဂ့ၤ. မ့မ့ၢ်လဲၤတရံးဒီးကဝီၤဃာ်အဝဲသ့ၣ်ဒီးကတဲာ်ကတီၤတၢ်ဒုးလၢ အဂၤတကပၤဘူးဒီးသ့ၣ်ပံၢ်သလိဘကၤတဖၣ်န့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 15:13

အဂ့ၢ်ဒ်အံၤ, လၢအခီၣ်ထံးကတၢၢ်တဘျီန့ၣ်, သုတအိၣ်ဘၣ်ဖဲန့ၣ်လၢ သုကစိာ်အီၤအဃိ, ယွၤ, ပကစၢ်ယွၤစံၣ်ညီၣ်တ့ၢ်ပှၤ, လၢပတဘူၣ်ထီၣ်ဘါထီၣ်ဘၣ်အီၤဒ်ပကြၢးမၤတ့ၢ်အီၤအသိးဘၣ်အဃိ န့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 18:6

ဘၣ်ဆၣ်စီၤယဟိၡၤဖးသံကွၢ်ဝဲ, “ယွၤအဝံတအိၣ်ဘၣ်ဖဲအံၤနီ တဂၤလၢပသံကွၢ်အီၤတၢ်ကသ့န့ၣ်ဘၣ်ဧါ.”

စံးထီၣ်ပတြၢၤ 74:9

ပတထံၣ်ဘၣ်ပတၢ်ပနီၣ်စီဆှံတဖၣ်လၢၤဘၣ်, ဝံတအိၣ်လၢၤနီတဂၤဘၣ်, ဒီးတၢ်အံၤကယံာ်ဆံးယံာ်လဲၣ်န့ၣ် ပှၤလၢပကျါတသ့ၣ်ညါနီတဂၤဘၣ်.

လံာ်ယံးရမံယၤ 37:17

လၢခံဒီး, စီၤပၤစံးဒကံယၤမၢပှၤလဲၤကိးယၤ, ဒီးဖဲန့ၣ်လၢနူၢ်အပူၤန့ၣ်, အဝဲသံကွၢ်ခူသူၣ်ယၤ, “မ့ၢ်တၢ်ကစီၣ်အိၣ်တမံၤမံၤလၢ ယွၤအအိၣ်ဧါ.” ယစံးဆၢအီၤ, “အိၣ်လီၤ.” ဒီးယစံးအါထီၣ်အီၤ, “နကဘၣ်တၢ်ဟ့ၣ်လီၤကွံာ်နၤဆူ ကီၢ်ဘၤဘူၤလိၣ်အစီၤပၤအစုပူၤန့ၣ်လီၤ.”

လံာ်ဧၤမိၣ် 3:7

ယွၤမ့ၢ်တလီၣ်ဖျါထီၣ်အတၢ်ကူၣ်တၢ်ကျဲၤလၢအခ့ အပှၤဝံတဖၣ်ဘၣ်ဒီးမ့ၢ်မးတၢ်စိတၢ်ကမီၤခဲလၢာ်အကစၢ်တမၤ ဘၣ်တၢ်ဘၣ်.

ဖံလံးပံၤ 2:22

ဒီးသုနီၢ်ကစၢ်ဒၣ်သုဝဲသုသ့ၣ်ညါလၢအဝဲမ့ၢ်ပှၤလုၢ်ဒိၣ် ပှ့ၤဒိၣ်ဒ်လဲၣ်တဂၤဒီးအဝဲဒီးယၤဒ်ဖိဒီးပၢ်အသိး, ပမၤသကိးတၢ်တပူၤဃီလၢတၢ်သးခုကစီၣ်အတၢ်ဒိၣ်ထီၣ်လဲၢ်ထီၣ် အဂီၢ်ဒ်လဲၣ်အဂ့ၢ်န့ၣ်လီၤ.

၁ တံၤမသ့း 5:10

ဒီးအမံၤကဘၣ်ဂ့ၤလၢအတၢ်မၤဂ့ၤတဖၣ်အဃိ, လၢအမ့ၢ်တ့ၢ်လံပိာ်မုၣ်တဂၤလၢအအံးကွၢ်ဒုးဒိၣ်ထီၣ်ဖိလံၤ ဂ့ၤဂ့ၤဘၣ်ဘၣ်, တူၢ်လိာ်သမှံၤသပျီၤတဖၣ်လၢအဟံၣ်ပူၤဃီပူၤ, သ့စီပှၤစီဆှံတဖၣ်အခီၣ်, မၤစၢၤပှၤဘၣ်ကီဘၣ်ခဲတဖၣ်, ဒီးဟ့ၣ်လီၤအသးလၢတၢ်မၤဂ့ၤတၢ်အပူၤန့ၣ်လီၤ.

လံာ်စီၤယိၤၡူ 1:1

ယွၤအခ့အပှၤစီၤမိၤၡ့သံဝံၤအလီၢ်ခံန့ၣ်, ယွၤကတိၤတၢ်ဒီးပှၤလၢအမၤစၢၤစီၤမိၤၡ့, စီၤယိၤၡူလၢအမ့ၢ်စီၤနိၣ်အဖိခွါန့ၣ်လီၤ.

လံာ်စီၤယိၤၡူ 9:14

ပှၤအံၣ်စရ့လးဖိတဖၣ်တူၢ်လိာ်တၢ်အီၣ်တနီၤလၢအဝဲသ့ၣ်ဟဲစိာ် ဝဲ, ဘၣ်ဆၣ်ဒီး အဝဲသ့ၣ်တဃ့တၢ်ဟ့ၣ်ကူၣ်လၢ ယွၤလၢတၢ်ဂ့ၢ်အံၤ ဘၣ်.

လံာ်ပှၤစံၣ်ညီၣ်ကွီၢ် 20:18

ဒီးပှၤအံၣ်စရ့လးဖိတဖၣ်လဲၤဆူတၢ်ဘူၣ်တၢ်ဘါအလီၢ်ဖဲ ဘ့ၤသ့လးဒီးသံကွၢ်ကစၢ်ယွၤ, “မ့ၢ်မတၤအဒူၣ်ကဘၣ်ဒုးပှၤဘံၣ်ယၤမံၣ်ဖိတဖၣ်အဆိကတၢၢ်လဲၣ်.” ဒီးယွၤစံးဆၢဝဲဒၣ်, “ပှၤယူဒၤဖိအဒူၣ်လီၤ.”

လံာ်ပှၤစံၣ်ညီၣ်ကွီၢ် 20:23

လၢတၢ်န့ၣ်အဃိ, အံၣ်စရ့လးအသုးမုၢ်အသးဆူၣ်ထီၣ်ဒီးပာ်လီၤ ကဒီးအသုးမုၢ်အလီၢ်ဒ်လၢအပူၤကွံာ်တနံၤအသိးန့ၣ်လီၤ.