လံာ်စီၤပၤခံဘ့ၣ်တဘ့ၣ် 25:8 - Sgaw Karen Common Bible

⁸ လၢကီၢ်ဘၤဘူၤလိၣ်အစီၤပၤနဘူၤကးန့စၢ်, အနံၣ်တဆံခွံနံၣ်တနံၣ်လါယဲၢ်လါတလါထီၣ်နွံသီတသီ အနံၤန့ၣ်, စီၤပၤအပှၤဟ့ၣ်ကူၣ်တၢ်ဒီးအသုးမုၢ်အသုးခိၣ်ကျၢၢ် စီၤနဘူစၢ်ရဒၣ်လဲၤနုာ်လီၤဝဲဆူဝ့ၢ်ယရူၡလ့ၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:8 Iomraidhean Croise

လံာ်စီၤပၤခံဘ့ၣ်တဘ့ၣ် 24:12

ဒီးစီၤပၤယဟိၤယါခံၣ်ဃုာ်ဒီးအဝဲအမိၢ်, အဝဲအဖိခွါတဖၣ်, သုးခိၣ်သုးနၢ်တဖၣ်, ဒီးပဒိၣ်ပပှၢ်လၢနူၢ်ပူၤစီၤပူၤတဖၣ်ဟ့ၣ် လီၤအသးဆူပှၤဘၤဘူၤလိၣ်ဖိတဖၣ်အစုပူၤန့ၣ်လီၤ. ဖဲစီၤပၤနဘူၤကးန့စၢ်ပၢတၢ်ဃိးနံၣ်တနံၣ်အပူၤန့ၣ်အဝဲစိာ် ထီၣ်ကွံာ်ဝဲစီၤယဟိၤယါခံၣ်ဒ်ပှၤဘၣ်စၢဃာ်အသိး,

လံာ်စီၤပၤခံဘ့ၣ်တဘ့ၣ် 25:1

စီၤစံးဒကံယၤပူထီၣ်တၢ်ထီဒါကီၢ်ဘၤဘူၤလိၣ်အစီၤပၤနဘူး ကးန့စၢ်, ဒီးလၢတၢ်န့ၣ်အဃိစီၤနဘူၤကးန့စၢ်ဟဲဝဲဒီးကယဲၢ်အသုးမုၢ် ခဲလၢာ်ဒီးဒုးဝ့ၢ်ယရူၤၡလ့ၣ်ဖဲစီၤစံးဒကံယၤပၢတၢ်ခွံနံၣ်တနံၣ်အပူၤ, လါဆံဆဲၣ်လါတလါထီၣ်ဆံဆဲၣ်သီအနံၤန့ၣ်လီၤ. အဝဲသ့ၣ်သူၣ်ဒဲဖဲဝ့ၢ်အချၢ, မၤထီၣ်တၢ်ဒူၣ်ဝးတရံးအီၤ,

လံာ်စီၤပၤခံဘ့ၣ်တဘ့ၣ် 25:27

ဖဲနံၣ်တနံၣ်လၢစီၤအ့ဝလးမရိဒးကဲထီၣ်ကီၢ်ဘၤဘူၤလိၣ်အစီၤ ပၤန့ၣ်, အဝဲပာ်ဖျါထီၣ်အတၢ်သးကညီၤဆူကီၢ်ယူဒၤအစီၤပၤယဟိၤယါခံၣ်, ခီဖျိတၢ်ပျၢ်ဖျဲးကွံာ်အီၤလၢတၢ်စၢဃာ်အပူၤန့ၣ်လီၤ. တၢ်အံၤမၤအသးဖဲစီၤယဟိၤယါခံၣ်ဘၣ်တၢ်စိာ်ကွံာ်အီၤဒ်ပှၤဘၣ် တၢ်စၢဃာ်အသိးပှဲၤထီၣ်သၢဆံနွံနံၣ်တနံၣ်ဝံၤအလီၢ်ခံ, လါတဆံခံလါတလါထီၣ်ခံဆံနွံသီအနံၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:17

လၢတၢ်န့ၣ်အဃိယွၤဒုးဟဲတ့ၢ်ကီၢ်ဘၤဘူၤလိၣ်အစီၤပၤလၢကဒုး အဝဲသ့ၣ်အဂီၢ်န့ၣ်လီၤ. စီၤပၤမၤသံကွံာ်ကီၢ်ယူဒၤအပှၤသးစၢ်တဖၣ်လၢယွၤအတၢ်လုၢ်ဟံၣ် အပူၤဒၣ်လဲာ်န့ၣ်လီၤ. အဝဲတသးကညီဘၣ်ပှၤနီတဂၤ, ပှၤသးစၢ်မ့ၢ်ဂ့ၤ, ပှၤသးပှၢ်မ့ၢ်ဂ့ၤ, ပှၤပိာ်ခွါမ့ၢ်ဂ့ၤ, ပှၤပိာ်မုၣ်မ့ၢ်ဂ့ၤ, ပှၤဆူးပှၤဆါမ့ၢ်ဂ့ၤ, ပှၤအိၣ်ဆူၣ်အိၣ်ချ့မ့ၢ်ဂ့ၤန့ၣ်ဘၣ်. ကစၢ်ယွၤဟ့ၣ်လီၤကွံာ်အဝဲသ့ၣ်ခဲလၢာ်ဆူကီၢ်ဘၤဘူၤလိၣ်အစီၤ ပၤအစုပူၤန့ၣ်လီၤ.

လံာ်စီၤဧ့စြၤ 5:12

ဘၣ်ဆၣ်ဒီးမ့ၢ်လၢပမိၢ်ပၢ်ဖံဖုလၢပျၢၤတဖၣ်မၤဒိၣ်ထီၣ်တ့ၢ် ကစၢ်ယွၤလၢမူခိၣ်အသးအဃိ, အဝဲပျဲကီၢ်ဘၤဘူၤလိၣ်အစီၤပၤနဘူၤကးန့စၢ်, စီၤပၤအစၢၤအသွဲၣ်တဂၤလၢပှၤက့ၤစ့းဖိအဘီအမုၢ်အပူၤမၤနၢၤ ကွံာ်အဝဲသ့ၣ်န့ၣ်လီၤ. တၢ်လုၢ်ဟံၣ်ဘၣ်တၢ်မၤဟးဂီၤကွံာ်အီၤဒီးပှၤဂီၢ်မုၢ်ဘၣ်တၢ်စိာ် မၢကဲကုၢ်ကွံာ်အီၤဆူကီၢ်ဘၤဘူၤလိၣ်န့ၣ်လီၤ.

လံာ်စီၤနဃ့မယၤ 2:3

ဒီးယစံးဆၢစီၤပၤ, “မ်ယစီၤပၤဖးဒိၣ်မူဝဲလီၤထူလီၤယိာ်တက့ၢ်. ဝ့ၢ်တဖျၢၣ်လၢယမိၢ်ပၢ်ဖံဖုလၢပျၢၤတဖၣ်ဘၣ်တၢ်ခူၣ်လီၤတ့ၢ်အီၤ အံၤအိၣ်လၢတၢ်ဟးဂူာ်ဟးဂီၤအပူၤဒီးအပဲတရီတဖၣ်ဘၣ်တၢ်မၤဟး ဂီၤကွံာ်အီၤလၢမ့ၣ်အူန့ၣ်, ယမဲာ်တလီၤသပှၢ်ဘၣ်န့ၣ်ယအိၣ်ကသ့ဒ်လဲၣ်.”

လံာ်သးသယုၢ်တၢ် 4:12

ပှၤအိၣ်လၢတၢ်လီၢ်တပူၤဂ့ၤတပူၤဂ့ၤ, ပှၤပၢတၢ်လၢတခီဘီ မုၢ်အထံကီၢ်တဖၣ်ဒၣ်လဲာ်မ့ၢ်ဂ့ၤ လၢအနာ်တ့ၢ်ဝဲလၢဒုၣ်ဒါတဖုဖုနုာ်လီၤဝ့ၢ်ယရူၤၡလ့ၣ် အတြဲၤတဖၣ်ကန့ၢ်န့ၣ်, တအိၣ်ဘၣ်.

လံာ်စကၤရယၤ 8:19

“တၢ်ဒုၣ်တၢ်အီၣ်တၢ်အီတဖၣ်လၢအဘၣ်တၢ်မၤအီၤလၢလါလွံၢ်လါ တလါ, လါယဲၢ်လါတလါ, လါနွံလါတလါ, ဒီးလါဆံဆဲၣ်လါတလါန့ၣ်ကကဲထီၣ်တၢ်သူၣ်ဖှံသးညီဒီး တၢ်သူၣ်ခုသးခုအဘူၣ်တဖၣ်လၢကီၢ်ယူဒၤအပှၤဂီၢ်မုၢ်အဂီၢ်လီၤ. ဒီးသုကဘၣ်အဲၣ်တၢ်မ့ၢ်တၢ်တီဒီးတၢ်ဃူတၢ်ဖိးန့ၣ်လီၤ.”