လံာ်စီၤပၤခံဘ့ၣ်တဘ့ၣ် 25:7 - Sgaw Karen Common Bible

⁷ ဖဲစီၤစံးဒကံယၤကွၢ်တၢ်အဖၢမုၢ်န့ၣ်, အဝဲအဖိခွါတဖၣ်ဘၣ်တၢ် မၤသံအီၤဝံၤဒီးစီၤနဘူၤကးန့စၢ်အူခွဲးထီၣ်ကွံာ်စီၤစံး ဒကံယၤအမဲာ်ချံစၢဃာ်အီၤလၢထးသွဲဒီးက့ၤမိၤအီၤဆူ ဝ့ၢ်ဘၤဘူၤလိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 25:7 Iomraidhean Croise

လံာ်တၢ်ကဲထီၣ်အခီၣ်ထံး 21:16

ဒီးလဲၤဆ့ၣ်နီၤယံၤဒီးအီၤအပျၢ်ခံကယၤဘျဲၣ်လီၤ. ဒီးစံးလီၤက့ၤအသး, “ယကထံၣ်ယဖိသံန့ၣ်ယတူၢ်တပှဲၤဘၣ်.” ဒီးဖဲအဆ့ၣ်နီၤဝဲဖဲန့ၣ်အခါအမဲာ်ထံလီၤဝဲဒၣ်န့ၣ်လီၤ.

လံာ်တၢ်ကဲထီၣ်အခီၣ်ထံး 44:34

ပိာ်ခွါဖိသၣ်မ့ၢ်တက့ၤဃုာ်ဒီးယၤဘၣ်ဒီး, ယက့ၤကဒါက့ၤဆူ ယပၢ်အအိၣ်ကသ့ဒ်လဲၣ်. တၢ်တတၢးတနါအံၤလၢကလီၤဘၣ် လၢယပၢ်အလိၤန့ၣ်, ယကွၢ်အီၤတကဲဘၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 33:11

လၢတၢ်န့ၣ်အဃိ, ယွၤပျဲကီၢ်စူၤရံအသုးမုၢ်အခိၣ်အနၢ်တဖၣ်လၢ ကလဲၤနုာ်လီၤဒုးကီၢ်ယူဒၤန့ၣ်လီၤ. ဒီးအဝဲသ့ၣ်ဖီၣ်န့ၢ်စီၤမနၤၡ့ၤ, ဘျးထီၣ်ထးက့ၣ်ခိၣ်တဖၣ်လၢအလိၤ, စၢဃးအီၤလၢထးသွဲဒီးက့ၤမိၤအီၤဆူကီၢ်ဘၤဘူၤလိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:6

ကီၢ်ဘၤဘူၤလိၣ်အစီၤပၤနဘူးကးန့စၢ်ဟဲဒုးကီၢ်ယူဒၤဒီး ဖီၣ်န့ၢ်စီၤယဟိယါကံၣ်, ဒီးစၢဃးအီၤလၢထးသွဲဒီးက့ၤကိးအီၤဆူ ကီၢ်ဘၤဘူၤလိၣ်န့ၣ်လီၤ.

စံးထီၣ်ပတြၢၤ 149:8

ဒ်သိးအကစၢဃာ်အစီၤပၤတဖၣ်လၢထးသွဲတဖၣ် ဒီးအခိၣ်တဖၣ်လၢပျံၤထး,

လံာ်ယၡါယၤ 22:3

တချုးလၢသုပှၤခိၣ်ပှၤနၢ်တဖၣ်ခးဘၣ်ပျၢ်တဘိဧိၤန့ၣ်, အဝဲသ့ၣ်, ထွးထီၣ်ဃ့ၢ်ဝဲဒီးဘၣ်တၢ်ဖီၣ်န့ၢ်အီၤခဲလၢာ်လီၤ.

လံာ်ယံးရမံယၤ 21:7

ဘၣ်ဆၣ်ဒီးမ့မ့ၢ်နဲဒၣ်, နပဒိၣ်ပပှၢ်တဖၣ်ဒီးပှၤဂီၢ်မုၢ်လၢအ အိၣ်လီၤတဲာ်ဒံးလၢတၢ်ဒုးတၢ်ယၤ, တၢ်သၣ်ဝံၤလီၤဒိဒီးတၢ်ဆူးတၢ်ဆါခဲလၢာ်န့ၣ်, ယကပျဲသုဝဲခဲလၢာ်ဘၣ်တၢ်ဖီၣ်န့ၢ်အီၤလၢစီၤပၤနဘူးကးန့စၢ်, ဒီးသုဒုၣ်သုဒါတဖၣ်လၢသးအိၣ်မၤသံသုန့ၣ်လီၤ. စီၤနဘူးကးန့စၢ်ကမၤသံသုန့ၣ်လီၤ. အဝဲတပျၢ်ဖျဲးသုနီတဂၤမ့ၢ်ဂ့ၤ, တဒုးနဲၣ်အတၢ်သးကညီၤလၢသုနီတဂၤမ့ၢ်ဂ့ၤ န့ၣ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 22:30

“ပှၤတဂၤအံၤဘၣ်တၢ်စံၣ်ညီၣ်ဃၣ်အီၤလၢကမ့ၢ်ပှၤတူာ်ဖိ, ဒီးတကဲထီၣ်ပှၤတဂၤလၢကမၤန့ၢ်မၤနၢၤတၢ် နီတစုဘၣ်လီၤ. အဝဲအစၢၤအသွဲၣ်တဖၣ်လၢကပၢဘၣ်တၢ်လၢ ကီၢ်ယူဒၤအပူၤ ဒ်ပှၤထီၣ်က့ၤစီၤဒၤဝံးအလီၢ်ပစိာ်တအိၣ်နီတဂၤဘၣ်. ယွၤအံၤ, ကတိၤလံတၢ်လံ.”

လံာ်ယံးရမံယၤ 34:3

နတပူၤဖျဲးလၢ အစုပူၤဘၣ်. နကဘၣ်တၢ်ဖီၣ်န့ၢ်နၤဒီး ဟ့ၣ်လီၤကွံာ် နၤဆူအဝဲအစုပူၤန့ၣ်လီၤ. နကထံၣ်ဘၣ်အီၤလၢ မဲာ်သကိးမဲာ်ဒီး ကတိၤတၢ်ဒီးအီၤလၢ နနီၢ်ကစၢ်ဒၣ်နဲ, ဝံၤဒီးနကလဲၤဆူ ကီၢ်ဘၤဘူၤလိၣ်လီၤ.

လံာ်ယံးရမံယၤ 37:17

လၢခံဒီး, စီၤပၤစံးဒကံယၤမၢပှၤလဲၤကိးယၤ, ဒီးဖဲန့ၣ်လၢနူၢ်အပူၤန့ၣ်, အဝဲသံကွၢ်ခူသူၣ်ယၤ, “မ့ၢ်တၢ်ကစီၣ်အိၣ်တမံၤမံၤလၢ ယွၤအအိၣ်ဧါ.” ယစံးဆၢအီၤ, “အိၣ်လီၤ.” ဒီးယစံးအါထီၣ်အီၤ, “နကဘၣ်တၢ်ဟ့ၣ်လီၤကွံာ်နၤဆူ ကီၢ်ဘၤဘူၤလိၣ်အစီၤပၤအစုပူၤန့ၣ်လီၤ.”

လံာ်ယံးရမံယၤ 38:23

အန့ၣ်ဒီး ယတဲအါထီၣ်အီၤ, “ကယဲၢ်နပှၤပိာ်မုၣ်ခဲလၢာ်ဒီး နဖိနလံၤတဖၣ် ကဘၣ်တၢ်စိာ်ကွံာ်အီၤဆူ ပှၤဘၤဘူၤလိၣ်ဖိတဖၣ် အအိၣ်, ဒီးနဲနကစၢ်ဒၣ်နဲ နတထူၣ်ဖျဲးလၢအဝဲသ့ၣ်အစုပူၤဘၣ်. ကီၢ်ဘၤဘူၤလိၣ် အစီၤပၤ ကစိာ်ထီၣ်ကွံာ်နၤဒ် ပှၤဃိာ်ဖိအသိး, ဒီၤဝ့ၢ်အံၤကဘၣ်တၢ်ဒွဲၣ်အူထီၣ်ကွံာ်အီၤလၢာ် လၢာ်ဆ့ဆ့န့ၣ်လီၤ.”

လံာ်သးသယုၢ်တၢ် 2:9

ဝ့ၢ်အပဲတြီတဖၣ်ဒါလီၤအသးလီၤဘျၢကွံာ်လၢတၢ်လီၤပှီၢ်လီၤ ကလဲတဖၣ်အဖီလာ်ဒီးအနီၣ်ဘိတဖၣ်ဘၣ်တၢ်ဒိကၢ်လီၤကလဲကွံာ်အီၤ န့ၣ်လီၤ. စီၤပၤဒီးပှၤတူၢ်ဒိၣ်ကီၤဒိၣ်တဖၣ်န့ၣ်ခဲအံၤအိၣ်လၢတၢ်စိာ် မၢကဲကုၢ်အီၤအပူၤလီၤ. ပှၤယူဒၤဖိအတၢ်သိၣ်တၢ်သီန့ၣ်တဘၣ်တၢ်သိၣ်လိသီလိအီလၢၤဘၣ် ဒီးဝံတဖၣ်တန့ၢ်ဘၣ်တၢ်ထံၣ်လၢညါခီလၢယွၤအအိၣ်နီတမံၤလၢၤ ဘၣ်.

လံာ်ယဃ့းစက့လး 12:11

တဲဘၣ်အဝဲသ့ၣ်လၢ, တၢ်လၢနမၤတ့ၢ်န့ၣ်, မ့ၢ်တၢ်ပနီၣ်တမံၤလၢတၢ် လၢယဟဲဘၣ်အဝဲသ့ၣ်အဂီၢ်န့ၣ်တက့ၢ်. အဝဲသ့ၣ်ကကဲထီၣ်ပှၤဘၣ်ဃ့ၢ်ကွံာ်ဆူထံဂၤကီၢ်ဂၤတဖၣ်ဒီးပှၤလၢ အဘၣ်တၢ်ဖီၣ်န့ၢ်အီၤတဖၣ်န့ၣ်လီၤ.

လံာ်ယဃ့းစက့လး 7:27

စီၤပၤကဟီၣ်တၢ်ယၢၤတၢ်, စီၤပၤဖိခွါကပျဲကွံာ်တၢ်မုၢ်လၢ်, ဒီးပှၤဂီၢ်မုၢ်ကကနိးကစုာ်ဝဲလၢတၢ်ပျံၤတၢ်ဖုးအပူၤလီၤ. ယကသိၣ်ဃီၣ်သုလၢတၢ်ခဲလၢာ်လၢသုမၤတ့ၢ်အီၤအဃိ, ဒီးစံၣ်ညီၣ်သုဒ်သုစံၣ်ညီၣ်တ့ၢ်ပှၤအဂၤတဖၣ်အသိးန့ၣ်လီၤ. တၢ်ဝဲအံၤကဒုးနဲၣ်သုလၢယမ့ၢ်ယွၤန့ၣ်လီၤ.”

လံာ်သိၣ်လီၤသီလီၤတၢ် 28:34

သုတၢ်တူၢ်ဘၣ်ခီၣ်ဘၣ်တဖၣ်ကမၤလီၤမၢ်ကွံာ်သုသးလၢအသ့ၣ်ညါတၢ် သ့န့ၣ်လီၤ.

လံာ်သိၣ်လီၤသီလီၤတၢ် 28:36

ယွၤကစိာ်ယံၤကွံာ်သုဒီးသုစီၤပၤဆူထံကီၢ်အဂၤတဘ့ၣ်, ဖဲသုဝဲမ့ၢ်ဂ့ၤ, သုမိၢ်ပၢ်ဖံဖုလၢပျၢၤမ့ၢ်ဂ့ၤတအိၣ်ဆိး တ့ၢ်ဘၣ်လၢအပူၤကွံာ်နီတဘျီဘၣ်န့ၣ်လီၤ. ဖဲန့ၣ်သုကမၤကစၢ်တဖၣ်လၢတၢ်ဘှီအီၤလၢသ့ၣ်ဒီးလၢၢ်အတၢ်န့ၣ် လီၤ.

လံာ်ပှၤစံၣ်ညီၣ်ကွီၢ် 16:21

ပှၤဖလ့ၡသးဖိတဖၣ်ဖီၣ်န့ၢ်အီၤဒီးထုးထီၣ်ကွံာ်အမဲာ်ချံလီၤ. ဒီးအဝဲသ့ၣ်လဲၤစိာ်အီၤဆူဝ့ၢ်ဂါစၤ, စၢအီၤလၢထးသွဲတိၢ်ဘီတဖၣ်ဒီးမၢအဂူာ်ဆၢၣ်ဂူာ်လၢဃိာ်ပူၤန့ၣ်လီၤ.