လံာ်စီၤပၤခံဘ့ၣ်တဘ့ၣ် 25:6 - Sgaw Karen Common Bible

⁶ စီၤစံးဒကံယၤဘၣ်တၢ်လဲၤကိးအီၤဆူစီၤပၤနဘူၤကးန့စၢ် အအိၣ်, လၢအအိၣ်ဝဲဖဲဝ့ၢ်ရံးဘလၤ, ဒီးဖဲန့ၣ်စီၤပၤနဘူၤကးန့စၢ်စံၣ်ညီၣ်အီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:6 Iomraidhean Croise

လံာ်စီၤပၤခံဘ့ၣ်တဘ့ၣ် 23:33

အဝဲအတၢ်ပၢကတၢၢ်ကွံာ်ဝဲဒၣ်, ဖဲကီၢ်အဲၤကူပတူးအစီၤပၤနကိၤ က့ၤကိးအီၤဆူဝ့ၢ်ရံးဘလၤလၢကီၢ်ဃမါသး, ဒ်ပှၤဘၣ်တၢ်စၢဃာ် တဂၤအသိးအခါ, ဒီးမၢကီၢ်ယူဒၤဟ့ၣ်စ့လီၤတယၢၢ်အကံကၢ် တကယၤဒီးထူလီၤတယၢၢ်တကံကၢ်ဒ်တၢ်ခိတၢ်သွဲအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:5

ဘၣ်ဆၣ်ပှၤဘၤဘူၤလိၣ်ဖိအသုးမုၢ်လူၤထွဲစီၤပၤစံးဒကံယၤအ ခံ, ဖီၣ်န့ၢ်အီၤ, ဖဲတၢ်ပၢၤခိၣ်ဘူးဒီးဝ့ၢ်ယရံၤဃိ, ဒီးအဝဲအသုးဖိခဲလၢာ်ဃ့ၢ်သဒၣ်ကွံာ်အီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:11

လၢတၢ်န့ၣ်အဃိ, ယွၤပျဲကီၢ်စူၤရံအသုးမုၢ်အခိၣ်အနၢ်တဖၣ်လၢ ကလဲၤနုာ်လီၤဒုးကီၢ်ယူဒၤန့ၣ်လီၤ. ဒီးအဝဲသ့ၣ်ဖီၣ်န့ၢ်စီၤမနၤၡ့ၤ, ဘျးထီၣ်ထးက့ၣ်ခိၣ်တဖၣ်လၢအလိၤ, စၢဃးအီၤလၢထးသွဲဒီးက့ၤမိၤအီၤဆူကီၢ်ဘၤဘူၤလိၣ်န့ၣ်လီၤ.

လံာ်ယံးရမံယၤ 21:7

ဘၣ်ဆၣ်ဒီးမ့မ့ၢ်နဲဒၣ်, နပဒိၣ်ပပှၢ်တဖၣ်ဒီးပှၤဂီၢ်မုၢ်လၢအ အိၣ်လီၤတဲာ်ဒံးလၢတၢ်ဒုးတၢ်ယၤ, တၢ်သၣ်ဝံၤလီၤဒိဒီးတၢ်ဆူးတၢ်ဆါခဲလၢာ်န့ၣ်, ယကပျဲသုဝဲခဲလၢာ်ဘၣ်တၢ်ဖီၣ်န့ၢ်အီၤလၢစီၤပၤနဘူးကးန့စၢ်, ဒီးသုဒုၣ်သုဒါတဖၣ်လၢသးအိၣ်မၤသံသုန့ၣ်လီၤ. စီၤနဘူးကးန့စၢ်ကမၤသံသုန့ၣ်လီၤ. အဝဲတပျၢ်ဖျဲးသုနီတဂၤမ့ၢ်ဂ့ၤ, တဒုးနဲၣ်အတၢ်သးကညီၤလၢသုနီတဂၤမ့ၢ်ဂ့ၤ န့ၣ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 32:4

ဒီးစီၤပၤစံးဒကံယၤတပူၤဖျဲး ဝဲဒၣ်ဘၣ်, အဝဲကဘၣ် တၢ်ဟ့ၣ်လီၤကွံာ်အီၤဆူ ကီၢ်ဘၤဘူၤလိၣ် အစီၤပၤ အစုပူၤလီၤ. အဝဲကထံၣ်ဘၣ်အီၤလၢ မဲာ်သကိးမဲာ်ဒီး ကကတိၤဘၣ်တၢ်ဒီးအီၤ ခီဂၤဂၤန့ၣ်လီၤ.

လံာ်ယံးရမံယၤ 34:3

နတပူၤဖျဲးလၢ အစုပူၤဘၣ်. နကဘၣ်တၢ်ဖီၣ်န့ၢ်နၤဒီး ဟ့ၣ်လီၤကွံာ် နၤဆူအဝဲအစုပူၤန့ၣ်လီၤ. နကထံၣ်ဘၣ်အီၤလၢ မဲာ်သကိးမဲာ်ဒီး ကတိၤတၢ်ဒီးအီၤလၢ နနီၢ်ကစၢ်ဒၣ်နဲ, ဝံၤဒီးနကလဲၤဆူ ကီၢ်ဘၤဘူၤလိၣ်လီၤ.

လံာ်ယံးရမံယၤ 38:23

အန့ၣ်ဒီး ယတဲအါထီၣ်အီၤ, “ကယဲၢ်နပှၤပိာ်မုၣ်ခဲလၢာ်ဒီး နဖိနလံၤတဖၣ် ကဘၣ်တၢ်စိာ်ကွံာ်အီၤဆူ ပှၤဘၤဘူၤလိၣ်ဖိတဖၣ် အအိၣ်, ဒီးနဲနကစၢ်ဒၣ်နဲ နတထူၣ်ဖျဲးလၢအဝဲသ့ၣ်အစုပူၤဘၣ်. ကီၢ်ဘၤဘူၤလိၣ် အစီၤပၤ ကစိာ်ထီၣ်ကွံာ်နၤဒ် ပှၤဃိာ်ဖိအသိး, ဒီၤဝ့ၢ်အံၤကဘၣ်တၢ်ဒွဲၣ်အူထီၣ်ကွံာ်အီၤလၢာ် လၢာ်ဆ့ဆ့န့ၣ်လီၤ.”

လံာ်ယံးရမံယၤ 52:9

စီၤစံးဒကံယၤဘၣ်တၢ်က့ၤကိးအီၤဆူ စီၤပၤနဘူၤကးန့ စၢ်အအိၣ်လၢအအိၣ်ဝဲဖဲဝ့ၢ်ရံးဘလးလၢ ဃမါသးအလီၢ်ကဝီၤအပူၤ, ဒီးဖဲန့ၣ်စီၤနဘူၤကးန့စၢ် စံၣ်ညီၣ်အီၤန့ၣ်လီၤ.