လံာ်စီၤပၤခံဘ့ၣ်တဘ့ၣ် 25:5 - Sgaw Karen Common Bible

⁵ ဘၣ်ဆၣ်ပှၤဘၤဘူၤလိၣ်ဖိအသုးမုၢ်လူၤထွဲစီၤပၤစံးဒကံယၤအ ခံ, ဖီၣ်န့ၢ်အီၤ, ဖဲတၢ်ပၢၤခိၣ်ဘူးဒီးဝ့ၢ်ယရံၤဃိ, ဒီးအဝဲအသုးဖိခဲလၢာ်ဃ့ၢ်သဒၣ်ကွံာ်အီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:5 Iomraidhean Croise

လံာ်စီၤပၤခံဘ့ၣ်တဘ့ၣ် 25:4

ဝ့ၢ်ခိၣ်ဒူတဖၣ်ဘၣ်တၢ်ဘၢၣ်ဖျိကွံာ်အီၤန့ၣ်လီၤ. ပှၤဘၤဘူၤလိၣ်ဖိတဖၣ်ကဝီၤဝ့ၢ်ဒၣ်လဲာ်န့ၣ်, ကယဲၢ်ပှၤသုးဖိ ခဲလၢာ်ဃ့ၢ်ပူၤဖျဲးကွံာ်ဝဲဒၣ်လၢမုၢ်နၤအခါန့ၣ်လီၤ. အဝဲသ့ၣ်ဟးထီၣ်ကွံာ်လၢစီၤပၤအတၤသၣ်လီၢ်အကျဲ, လဲၤခီဖျိဝဲကျဲစၢၤလၢအဒုးစဲဘူးတၢ်ဒူၣ်ခံခါဒီးဃ့ၢ် ပူၤဖျဲးကွံာ်ဝဲဒၣ်ဆူယၢ်ဒ့ၣ်အတၢ်တြီၤပူၤတခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:6

စီၤစံးဒကံယၤဘၣ်တၢ်လဲၤကိးအီၤဆူစီၤပၤနဘူၤကးန့စၢ် အအိၣ်, လၢအအိၣ်ဝဲဖဲဝ့ၢ်ရံးဘလၤ, ဒီးဖဲန့ၣ်စီၤပၤနဘူၤကးန့စၢ်စံၣ်ညီၣ်အီၤန့ၣ်လီၤ.

လံာ်ယၡါယၤ 30:16

အခိၣ်တလိာ်, သုကူၣ်ကျဲၤလၢသုကဃ့ၢ်ပူၤဖျဲးကွံာ်လၢသုဒုၣ် သုဒါတဖၣ်ခီဖျိတၢ်ဒိးကသ့ၣ်လၢအဃ့ၢ်ချ့တဖၣ်လီၤ. ဒီးသုတၢ်န့ၣ်, ဘၣ်လီၤ. အဂ့ၢ်ဒ်အံၤ, တၢ်ဃ့ၢ်ပူၤဖျဲးကွံာ်န့ၣ်, သုကဘၣ်မၤအီၤလီၤ. သုဆိကမိၣ်လၢသုကသ့ၣ်တဖၣ်ချ့တ့ၢ်မးလံ. ဘၣ်ဆၣ်, ပှၤလၢအလူၤသုတဖၣ်ချ့န့ၢ်သုတက့ၢ်လီၤ.

လံာ်ယံးရမံယၤ 21:7

ဘၣ်ဆၣ်ဒီးမ့မ့ၢ်နဲဒၣ်, နပဒိၣ်ပပှၢ်တဖၣ်ဒီးပှၤဂီၢ်မုၢ်လၢအ အိၣ်လီၤတဲာ်ဒံးလၢတၢ်ဒုးတၢ်ယၤ, တၢ်သၣ်ဝံၤလီၤဒိဒီးတၢ်ဆူးတၢ်ဆါခဲလၢာ်န့ၣ်, ယကပျဲသုဝဲခဲလၢာ်ဘၣ်တၢ်ဖီၣ်န့ၢ်အီၤလၢစီၤပၤနဘူးကးန့စၢ်, ဒီးသုဒုၣ်သုဒါတဖၣ်လၢသးအိၣ်မၤသံသုန့ၣ်လီၤ. စီၤနဘူးကးန့စၢ်ကမၤသံသုန့ၣ်လီၤ. အဝဲတပျၢ်ဖျဲးသုနီတဂၤမ့ၢ်ဂ့ၤ, တဒုးနဲၣ်အတၢ်သးကညီၤလၢသုနီတဂၤမ့ၢ်ဂ့ၤ န့ၣ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 24:8

မ့မ့ၢ်လၢကီၢ်ယူဒၤအစီၤပၤစံးဒကံယၤ, ပှၤလူၤထံဂ့ၢ်ကီၢ် ဂ့ၢ်တဖၣ်လၢအအိၣ်ဝးတရံးအီၤ, ဒီးဝ့ၢ်ယရူၤၡလ့ၣ်အပှၤဂီၢ်မုၢ်အဂၤလၢအအိၣ်လၢကီၢ်အံၤအပူၤ မ့ၢ်ဂ့ၤ, သုးအသးဆူကီၢ်အဲၤကူပတူးအပူၤမ့ၢ်ဂ့ၤအဂီၢ်န့ၣ်, ယၤ, ယွၤအံၤယကမၤဘၣ်အဝဲသ့ၣ်ခဲလၢာ်ဒ်ချၢၣ်ဒၢသၣ်လၢအတဂ့ၤတ ဖၣ်, တဂ့ၤဝဲတုၤဒၣ်လဲာ်နအီၣ်အီၤတသ့ဘၣ်အသိးန့ၣ်လီၤ.

လံာ်ယံးရမံယၤ 34:3

နတပူၤဖျဲးလၢ အစုပူၤဘၣ်. နကဘၣ်တၢ်ဖီၣ်န့ၢ်နၤဒီး ဟ့ၣ်လီၤကွံာ် နၤဆူအဝဲအစုပူၤန့ၣ်လီၤ. နကထံၣ်ဘၣ်အီၤလၢ မဲာ်သကိးမဲာ်ဒီး ကတိၤတၢ်ဒီးအီၤလၢ နနီၢ်ကစၢ်ဒၣ်နဲ, ဝံၤဒီးနကလဲၤဆူ ကီၢ်ဘၤဘူၤလိၣ်လီၤ.

လံာ်ယံးရမံယၤ 39:5

ဘၣ်ဆၣ်ဒီး, ကီၢ်ဘၤဘူၤလိၣ် အသုးမုၢ်လူၤ ထွဲအဝဲသ့ၣ်ဒီး ဖီၣ်န့ၢ်စီၤစံးဒကံယၤဖဲ ပျီပူၤဘူးဒီး ဝ့ၢ်ယရံၤဃိန့ၣ်လီၤ. အန့ၣ်ဒီၤ, အဝဲသ့ၣ်လဲၤစိာ်အီၤဆူ စီၤပၤနဘူၤကးန့စၢ်အအိၣ် လၢအအိၣ်ဖဲဝ့ၢ်ရံးဘလၤလၢ ကီၢ်ဃမါသးအပူၤ, ဖဲန့ၣ်, စီၤနဘူးကးန့စၢ် စံၣ်ညီၣ်အီၤန့ၣ်လီၤ.

လံာ်ယံးရမံယၤ 52:8

ဘၣ်ဆၣ်ဒီး, ကီၢ်ဘၤဘူၤလိၣ်အသုးမုၢ် လူၤစီၤပၤစံးဒကံယၤ, ဖီၣ်န့ၢ်အီၤဖဲ ပျီပူၤဘူးဒီး ဝ့ၢ်ယရံၤဃိ, ဒီးအဝဲအသုးဖိခဲလၢာ်ဃ့ၢ်သဒၣ်ကွံာ်အီၤန့ၣ်လီၤ.

လံာ်သးသယုၢ်တၢ် 1:3

ကီၢ်ယူဒၤအပှၤဂီၢ်မုၢ်ဘၣ်တၢ်နီၣ်ထီၣ်ဆူၣ်အီၤယံၤဒီးအဟံၣ် အဃီဒီးကဲထီၣ်ကုၢ်တဖၣ်လၢအစုကတၢၢ်ခီၣ်ကတၢၢ်န့ၣ်လီၤ. အဝဲသ့ၣ်အိၣ်ဝဲလၢထံဂုၤကီၢ်ဂၤတဖၣ်အပူၤဒီး တၢ်အလီၢ်တအိၣ်ဘၣ် နီတပူၤလၢကကိးဝဲလၢအတၢ်ဒၣ်ဝဲဘၣ်. ဘၣ်တၢ်ကဝီၤဃာ်အီၤလၢအဒုၣ်အဒါတဖၣ်ဒီး တၢ်ထူၣ်ဖျဲးအကျဲတအိၣ်နီတဘိဘၣ်.

လံာ်သးသယုၢ်တၢ် 1:6

ဝ့ၢ်ယရူၤၡလ့ၣ်အတၢ်ကဟုကညီၢ်န့ၣ်မ့ၢ်တၢ်လၢအမၤတ့ၢ်အသးတမံၤ လီၤ. အပှၤခိၣ်ပှၤနၢ်တဖၣ်လီၤဂာ်ဒီးတၤဟိဖါလၢအဂံၢ်စၢ်ဘါစၢ်လၢ အသၣ်ဝံၤလီၤဒိအဃိ ဒီးအဂံၢ်အဘါဘူးကလၢာ်ကွံာ်လၢအဘၣ်ဃ့ၢ်ပူၤဖျဲးအသးလၢပှၤခး တၢ်ဖိတဖၣ်အဃိန့ၣ်လီၤ.

လံာ်ယဃ့းစက့လး 12:14

ယကမၤလီၤပြံလီၤပြါကယဲၢ်ပှၤလၢအအိၣ်လၢအနူၢ်ဧိၤစီၤဧိၤအဂၢၤပူၤ, ဒီးအပှၤဟ့ၣ်ကူၣ်တၢ်တဖၣ်ဒီးအပှၤခိးအသးသမူတဖၣ် ဆူတၢ်လီၢ်ကိးကပၤဒဲး, ဒီးပှၤဂီၢ်မုၢ်ကဃုအဝဲသ့ၣ်လၢကမၤ သံအဝဲသ့ၣ်အဂီၢ်န့ၣ်လီၤ.

လံာ်ယဃ့းစက့လး 17:21

အဝဲအသုးဖိအဂ့ၤကတၢၢ်တဖၣ်ကဘၣ်တၢ်မၤသံကွံာ်အီၤလၢတၢ်ဒုးတၢ် ယၤအပူၤ, ဒီးပှၤလၢအအိၣ်လီၤတဲာ်တဖၣ်ကဘၣ်တၢ်မၤလီၤ ပြံလီၤပြါအီၤဆူတၢ်လီၢ်ကိးကပၤဒဲးန့ၣ်လီၤ. အန့ၣ်ဒီး, သုကသ့ၣ်ညါလၢယၤ, ယွၤအံၤ, ကတိၤလံတၢ်လံန့ၣ်လီၤ.”

လံာ်ယဃ့းစက့လး 19:1

ယွၤတဲဘၣ်ယၤလၢယကဘၣ်သးဝံၣ်တၢ်သူၣ်အုးသးအုး အတၢ်သးဝံၣ်အံၤလၢကီၢ်အံၣ်စရ့လးအစီၤပၤဖိခွါခံဂၤ အဂီၢ်န့ၣ်လီၤ.