လံာ်စီၤပၤခံဘ့ၣ်တဘ့ၣ် 25:4 - Sgaw Karen Common Bible

⁴ ဝ့ၢ်ခိၣ်ဒူတဖၣ်ဘၣ်တၢ်ဘၢၣ်ဖျိကွံာ်အီၤန့ၣ်လီၤ. ပှၤဘၤဘူၤလိၣ်ဖိတဖၣ်ကဝီၤဝ့ၢ်ဒၣ်လဲာ်န့ၣ်, ကယဲၢ်ပှၤသုးဖိ ခဲလၢာ်ဃ့ၢ်ပူၤဖျဲးကွံာ်ဝဲဒၣ်လၢမုၢ်နၤအခါန့ၣ်လီၤ. အဝဲသ့ၣ်ဟးထီၣ်ကွံာ်လၢစီၤပၤအတၤသၣ်လီၢ်အကျဲ, လဲၤခီဖျိဝဲကျဲစၢၤလၢအဒုးစဲဘူးတၢ်ဒူၣ်ခံခါဒီးဃ့ၢ် ပူၤဖျဲးကွံာ်ဝဲဒၣ်ဆူယၢ်ဒ့ၣ်အတၢ်တြီၤပူၤတခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:4 Iomraidhean Croise

လံာ်စီၤပၤခံဘ့ၣ်တဘ့ၣ် 25:5

ဘၣ်ဆၣ်ပှၤဘၤဘူၤလိၣ်ဖိအသုးမုၢ်လူၤထွဲစီၤပၤစံးဒကံယၤအ ခံ, ဖီၣ်န့ၢ်အီၤ, ဖဲတၢ်ပၢၤခိၣ်ဘူးဒီးဝ့ၢ်ယရံၤဃိ, ဒီးအဝဲအသုးဖိခဲလၢာ်ဃ့ၢ်သဒၣ်ကွံာ်အီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:5

စီၤပၤမၤခၢၣ်သနၢၣ်ထီၣ်က့ၤဝ့ၢ်အတၢ်တြီဆၢဒုၣ်ဒါအလီၢ်တဖၣ်, ခီဖျိတၢ်ဘှီဂ့ၤက့ၤဝ့ၢ်ခိၣ်ဒူ, ဘှီထီၣ်ပှၤခိးတၢ်အလီၢ်တဖၣ်လၢအဖီခိၣ်, ဒီးဘှီထီၣ်ကဒီးတၢ်ဒူၣ်လၢတၢ်ချၢတဒူၣ်န့ၣ်လီၤ. တကးဒံးဘၣ်, အဝဲဘှီဂ့ၤက့ၤတၢ်တြီဆၢဒုၣ်ဒါအလီၢ်တဖၣ်လၢအဘၣ် တၢ်ဘှီထီၣ်တ့ၢ်အီၤဖဲဝ့ၢ်ယရူၤၡလ့ၣ်အတၢ်လီၢ်လၢအလီၢ်လံၤတကပၤ အမုၢ်ထီၣ်, တၢ်လီၢ်လၢတၢ်မၤဃူမၤပှဲၤက့ၤအီၤအပူၤန့ၣ်လီၤ. အဝဲမၢပှၤမၤစ့ၢ်ကီးဘီတဖၣ်ဒီးကတီၤတဖၣ်အါအါဂီၢ်ဂီၢ်န့ၣ်လီၤ.

လံာ်စီၤနဃ့မယၤ 3:15

ဒီးစီၤကိးလဃိစ့ၤအဖိခွါစီၤၡၤလူၣ်လၢအမ့ၢ်ပှၤပၢၤမံး စပၤကီၢ်ဆၣ်ဘှီက့ၤဝဲပဲတရီထံထီၣ်ပၢၢ်န့ၣ်လီၤ. အဝဲမၤထီၣ်တၢ်ခိၣ်ဒုးလၢပဲတြီအကျဲအဂီၢ်ဒီးပာ်ဝဲတြဲၤ တဖၣ်, အနီၣ်ဝံာ်စဲတဖၣ်ဒီးအနီၣ်ဘိတဖၣ်လၢအလီၢ်ဒၣ်ဝဲန့ၣ်လီၤ. ဒီးဖဲနိၣ်ၡံလိၤန့ၣ်ဘှီထီၣ်ဝဲတၢ်ဒူၣ်လၢစီၤပၤအတၤသၣ် လီၢ်အဃၢၤတုၤလီၤလၢဃီလၢအလဲၤလီၤဆူစီၤဒၤဝံးအဝ့ၢ်ပူၤ န့ၣ်လီၤ.

လံာ်ယၡါယၤ 22:11

သုဘှီထီၣ်တၢ်ပာ်ကီၤထံအလီၢ်လၢဝ့ၢ်အအိပူၤဒ်သိးသုကမၤ န့ၢ်ထံလၢအဟဲယွၤလီၤဝဲလၢကွံအလီၢ်လံၤလီၤ. ဘၣ်ဆၣ်သုတကနၣ်ဃုာ်ယွၤလၢအကူၣ်ကျဲၤတ့ၢ်တၢ်အံၤဒီး ဒုးကဲထီၣ်လိၣ်ထီၣ်အီၤ, လၢတၢ်ဆၢကတီၢ်လၢအယံာ်တ့ၢ် မးလံတဂၤန့ၣ်ဘၣ်.

လံာ်ယၡါယၤ 22:3

တချုးလၢသုပှၤခိၣ်ပှၤနၢ်တဖၣ်ခးဘၣ်ပျၢ်တဘိဧိၤန့ၣ်, အဝဲသ့ၣ်, ထွးထီၣ်ဃ့ၢ်ဝဲဒီးဘၣ်တၢ်ဖီၣ်န့ၢ်အီၤခဲလၢာ်လီၤ.

လံာ်ယံးရမံယၤ 32:4

ဒီးစီၤပၤစံးဒကံယၤတပူၤဖျဲး ဝဲဒၣ်ဘၣ်, အဝဲကဘၣ် တၢ်ဟ့ၣ်လီၤကွံာ်အီၤဆူ ကီၢ်ဘၤဘူၤလိၣ် အစီၤပၤ အစုပူၤလီၤ. အဝဲကထံၣ်ဘၣ်အီၤလၢ မဲာ်သကိးမဲာ်ဒီး ကကတိၤဘၣ်တၢ်ဒီးအီၤ ခီဂၤဂၤန့ၣ်လီၤ.

လံာ်ယံးရမံယၤ 34:3

နတပူၤဖျဲးလၢ အစုပူၤဘၣ်. နကဘၣ်တၢ်ဖီၣ်န့ၢ်နၤဒီး ဟ့ၣ်လီၤကွံာ် နၤဆူအဝဲအစုပူၤန့ၣ်လီၤ. နကထံၣ်ဘၣ်အီၤလၢ မဲာ်သကိးမဲာ်ဒီး ကတိၤတၢ်ဒီးအီၤလၢ နနီၢ်ကစၢ်ဒၣ်နဲ, ဝံၤဒီးနကလဲၤဆူ ကီၢ်ဘၤဘူၤလိၣ်လီၤ.

လံာ်ယံးရမံယၤ 38:18

မ့မ့ၢ်နမ့ၢ်တဟ့ၣ်လီၤကွံာ်နသးဘၣ်ဒီး, ဝ့ၢ်အံၤကဘၣ်တၢ်ဟ့ၣ်လီၤကွံာ်အီၤဆူပှၤဘၤဘူၤလိၣ်ဖိတဖၣ်လၢ အကဒွဲၣ်အူကွံာ်အီၤ အစုပူၤဒီး နတထူၣ်ဖျဲးလၢ အဝဲ သ့ၣ်အစုပူၤဘၣ်လီၤ.”

လံာ်ယံးရမံယၤ 4:17

ဒီးအဝဲသ့ၣ်ကကဝီၤဃာ်ဝ့ၢ်ယရူၤၡလ့ၣ်ဒ်ပှၤတဖၣ်လၢအအိၣ်ခိး ပၢၤဃာ်စံာ်ပျီတဘ့ၣ်အသိး, မ့ၢ်လၢအပှၤဂီၢ်မုၢ်တဖၣ်ထီဒါယွၤ အဃိလီၤ. ယွၤကတိၤလံတၢ်လံ.

လံာ်ယံးရမံယၤ 4:29

ဖဲပှၤဒိးကသ့ၣ်တဖၣ်ဒီးပှၤခးချံၣ်ဖိတဖၣ်အတၢ်ကလုၢ်သီၣ်ထီၣ်န့ၣ်, ပှၤကိးဂၤဒဲးကထွးထီၣ်ဃ့ၢ်ကွံာ်ဝဲလီၤ. တနီၤကဃ့ၢ်ဆူသ့ၣ်ပှၢ်ပူၤ, ဒီးအဂၤတနီၤကလဲၤထီၣ်ဆူလၢၢ်လ့တဖၣ်အကျါလီၤ. ဝ့ၢ်ကိးဝ့ၢ်ဒဲးကအိၣ်တ့ၢ်လီၤဖျဲၣ်လီၤဟိ, ဒီးပှၤတအိၣ်ကဒီးလၢၤလၢအပူၤနီတဂၤဘၣ် နီတစုလၢၤဘၣ်လီၤ.

လံာ်ယံးရမံယၤ 44:30

ယကဟ့ၣ်လီၤကီၢ်အဲၤကူပတူးအစီၤပၤ ဖၤရိၤ ဃါပြိၤ ဆူအဒုၣ်အဒါတဖၣ်လၢ အသးအိၣ်မၤသံအီၤအစုပူၤ, ဒ်ယဟ့ၣ်လီၤတ့ၢ်လံ ကီၢ်ယူဒၤအစီၤပၤစံးဒကံယၤဆူ ကီၢ်ဘၤဘူၤလိၣ် အစီၤပၤနဘူၤကးန့စၢ်, လၢအမ့ၢ်အဒုၣ်အဒါဒီး သးအိၣ်မၤသံကွံာ်အီၤတဂၤအစုပူၤ, အသိးန့ၣ်လီၤ.”

လံာ်ယံးရမံယၤ 5:10

ယဆှၢလီၤဒုၣ်ဒါတဖၣ်လၢကကျီလီၤကွံာ် ယပှၤဂီၢ်မုၢ်အစပံးအလီၢ်တဖၣ်, ဘၣ်ဆၣ်ဒီးတမ့ၢ်လၢကဘၣ်မၤဟးဂီၤကွံာ်ဝဲ လၢာ်လၢာ်ဆ့ဆ့ဘၣ်. ယကတဲဘၣ်အဝဲသ့ၣ်လၢကပဲာ်တဲာ်ကွံာ်အဒ့တဖၣ်, မ့ၢ်လၢဒ့တဖၣ်အံၤတမ့ၢ်ယတၢ်ဘၣ်အဃိလီၤ.

လံာ်သးသယုၢ်တၢ် 1:3

ကီၢ်ယူဒၤအပှၤဂီၢ်မုၢ်ဘၣ်တၢ်နီၣ်ထီၣ်ဆူၣ်အီၤယံၤဒီးအဟံၣ် အဃီဒီးကဲထီၣ်ကုၢ်တဖၣ်လၢအစုကတၢၢ်ခီၣ်ကတၢၢ်န့ၣ်လီၤ. အဝဲသ့ၣ်အိၣ်ဝဲလၢထံဂုၤကီၢ်ဂၤတဖၣ်အပူၤဒီး တၢ်အလီၢ်တအိၣ်ဘၣ် နီတပူၤလၢကကိးဝဲလၢအတၢ်ဒၣ်ဝဲဘၣ်. ဘၣ်တၢ်ကဝီၤဃာ်အီၤလၢအဒုၣ်အဒါတဖၣ်ဒီး တၢ်ထူၣ်ဖျဲးအကျဲတအိၣ်နီတဘိဘၣ်.

လံာ်သးသယုၢ်တၢ် 1:6

ဝ့ၢ်ယရူၤၡလ့ၣ်အတၢ်ကဟုကညီၢ်န့ၣ်မ့ၢ်တၢ်လၢအမၤတ့ၢ်အသးတမံၤ လီၤ. အပှၤခိၣ်ပှၤနၢ်တဖၣ်လီၤဂာ်ဒီးတၤဟိဖါလၢအဂံၢ်စၢ်ဘါစၢ်လၢ အသၣ်ဝံၤလီၤဒိအဃိ ဒီးအဂံၢ်အဘါဘူးကလၢာ်ကွံာ်လၢအဘၣ်ဃ့ၢ်ပူၤဖျဲးအသးလၢပှၤခး တၢ်ဖိတဖၣ်အဃိန့ၣ်လီၤ.

လံာ်ယဃ့းစက့လး 12:12

စီၤပၤဖိလၢအပၢအဝဲသ့ၣ်, ကဝံထီၣ်ယိးထီၣ်အတၢ်ဘိၣ်လၢအဖံဘၣ် ခိၣ်လၢတၢ်ခံးတၢ်နၤအကျါဒီးဃ့ၢ်ထူၣ်ဖျဲးကွံာ်ခီဖျိတၢ်ပူၤတပူၤလၢ အဝဲသ့ၣ်ဘၢၣ်ဖျိဝဲလၢအဂီၢ်လၢတၢ်ဒူၣ်အပူၤန့ၣ်လီၤ. အဝဲကကးဘၢအမဲာ်ချံတဖၣ်ဒီးအဝဲကလဲၤဆူလဲၣ်န့ၣ်တထံၣ်ဝဲဘၣ်.

လံာ်ယဃ့းစက့လး 12:14

ယကမၤလီၤပြံလီၤပြါကယဲၢ်ပှၤလၢအအိၣ်လၢအနူၢ်ဧိၤစီၤဧိၤအဂၢၤပူၤ, ဒီးအပှၤဟ့ၣ်ကူၣ်တၢ်တဖၣ်ဒီးအပှၤခိးအသးသမူတဖၣ် ဆူတၢ်လီၢ်ကိးကပၤဒဲး, ဒီးပှၤဂီၢ်မုၢ်ကဃုအဝဲသ့ၣ်လၢကမၤ သံအဝဲသ့ၣ်အဂီၢ်န့ၣ်လီၤ.

လံာ်ယဃ့းစက့လး 12:4

ဖဲမုၢ်ဆါအတၢ်ကပီၤအိၣ်ဒံးဝဲန့ၣ်, ဘိၣ်ထီၣ်နတၢ်ဘိၣ်လၢတၢ်လဲၤ ကဲကုၢ်အဂီၢ်, ဒ်သိးအဝဲသ့ၣ်ထံၣ်ဘၣ်နၤကသ့, ဒီးပျဲအဝဲသ့ၣ်ထံၣ်နဟးထီၣ်လၢဟါခီ, ဒ်နကလဲၤဆူတၢ်ဘၣ်စိာ်မၢကဲကုၢ်အပူၤအသိးန့ၣ်တက့ၢ်.

လံာ်ယဃ့းစက့လး 33:21

လၢပဘၣ်တၢ်စိာ်မၢကဲကုၢ်ပှၤ, တဆံခံနံၣ်တနံၣ်, လါတဆံလါ တလါထီၣ်ယဲၢ်သီတသီန့ၣ်, ပှၤတဂၤလၢအဃ့ၢ်ပူၤဖျဲးထီၣ်လၢ ဝ့ၢ်ယရူၤၡလ့ၣ်ဟဲဝဲ, ဒီးတဲဘၣ်တ့ၢ်ယၤလၢဝ့ၢ်န့ၣ်လီၤကွံာ်လံ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:17

ဒီးယကဃၣ်ဒူချၢယသးလၢသုဒ်သိးသုကဘၣ်တၢ်မၤနၢၤသု ဒီးပှၤလၢအသးဟ့သုကပၢသုလီၤ. သုကပျံၤတၢ်ဖုးတၢ်တုၤဒၣ်လဲာ်ပှၤမ့ၢ်တလူၤသုဘၣ်ဆၣ်, သုကဃ့ၢ်လီၤ.

လံာ်တၢ်ဘူၣ်ထီၣ်ဘါထီၣ် 26:36

ဒီးသုဝဲပှၤလၢအအိၣ်လၢဒုၣ်ဒါအကီၢ်ပူၤတဖၣ်န့ၣ်ယကမၤပျံၤမၤဖုးသုတုၤဒၣ်လဲာ်သ့ၣ်လၣ်ဟူး ဝးအသီၣ်န့ၣ်ကဒုးထွးထီၣ်ဃ့ၢ်သုန့ၣ်လီၤ. သုကဃ့ၢ်ဒ်သုဘၣ်တၢ်လူၤဖီၣ်န့ၢ်သုလၢတၢ်ဒုးတၢ်ယၤအပူၤအသိး, ဒီးသုကလီၤဃံၤဝဲဖဲသုဒုၣ်သုဒါတလူၤဘၣ်သုအခါဒၣ်လဲာ်န့ၣ်လီၤ.

လံာ်စကၤရယၤ 8:19

“တၢ်ဒုၣ်တၢ်အီၣ်တၢ်အီတဖၣ်လၢအဘၣ်တၢ်မၤအီၤလၢလါလွံၢ်လါ တလါ, လါယဲၢ်လါတလါ, လါနွံလါတလါ, ဒီးလါဆံဆဲၣ်လါတလါန့ၣ်ကကဲထီၣ်တၢ်သူၣ်ဖှံသးညီဒီး တၢ်သူၣ်ခုသးခုအဘူၣ်တဖၣ်လၢကီၢ်ယူဒၤအပှၤဂီၢ်မုၢ်အဂီၢ်လီၤ. ဒီးသုကဘၣ်အဲၣ်တၢ်မ့ၢ်တၢ်တီဒီးတၢ်ဃူတၢ်ဖိးန့ၣ်လီၤ.”

လံာ်သိၣ်လီၤသီလီၤတၢ် 28:25

ယွၤကဟ့ၣ်သုဒုၣ်သုဒါတဖၣ်အတၢ်မၤနၢၤလၢသုဖီခိၣ်လီၤ. သုကလဲၤထီၣ်ဒုးအဝဲသ့ၣ်လၢကျိၤကျဲတကျိၤ, ဘၣ်ဆၣ်သုကဘၣ်ဃ့ၢ်ကွံာ်လၢအဝဲသ့ၣ်အအိၣ်လၢကျိၤကျဲခဲလၢာ်အပူၤ, ဒီးကယဲၢ်ပှၤဂီၢ်မုၢ်ခဲလၢာ်လၢဟီၣ်ခိၣ်ချၢကပျံၤဘၣ်ဖုးဘၣ်တၢ် ဖဲအဝဲသ့ၣ်ထံၣ်တၢ်လၢအမၤအသးဒီးသုန့ၣ်လီၤ.

လံာ်သိၣ်လီၤသီလီၤတၢ် 32:30

ဘၣ်မနုၤအဃိပှၤတကထိဂၤဘၣ်တၢ်မၤနၢၤကွံာ်အီၤလၢပှၤတဂၤ, ဒီးပှၤတကလးဂၤလၢပှၤထဲခံဂၤဧိၤန့ၣ်လဲၣ်. ယွၤ, အဝဲသ့ၣ်အကစၢ်ယွၤလဲၤသဒၣ်ကွံာ်အဝဲသ့ၣ်လံ. အဝဲသ့ၣ်အကစၢ်ယွၤလၢအဒိၣ်ဝဲမုၢ်ဝဲန့ၣ်ဟ့ၣ်လီၤကွံာ်အဝဲ သ့ၣ်န့ၣ်လီၤ.