လံာ်စီၤပၤခံဘ့ၣ်တဘ့ၣ် 25:3 - Sgaw Karen Common Bible

³ လၢနံၣ်တနံၣ်ဃီ, လါလွံၢ်လါတလါထီၣ်ခွံသီတသီ, ဖဲန့ၣ်တၢ်သၣ်ဝံၤလီၤဒိအိၣ်ထီၣ်ဝဲနးမး, တုၤဒၣ်လဲာ်ပှၤဂီၢ်မုၢ်ကအီၣ်တၢ်အဂီၢ်တၢ်တအိၣ်လီၤတဲာ်နီတမံၤ လၢၤဘၣ်န့ၣ်,

လံာ်စီၤပၤခံဘ့ၣ်တဘ့ၣ် 25:3 Iomraidhean Croise

လံာ်စီၤပၤခံဘ့ၣ်တဘ့ၣ် 25:2

ဒီးကဝီၤဃာ်အီၤတုၤလီၤလၢစီၤပၤစံးဒကံယၤပၢတၢ်တဆံတနံၣ် အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 6:24

လၢခံတယံာ်ဘၣ်န့ၣ်, ကီၢ်စူၤရံအစီၤပၤဘ့ၣ်ဟဒးဆှၢအသုးမုၢ် ဒီဖုညါထီဒါကီၢ်အံၣ်စရ့လးဒီးကဝီၤဃးဝ့ၢ်ၡၤမရံန့ၣ်လီၤ.

လံာ်စီၤပၤခံဘ့ၣ်တဘ့ၣ် 6:25

လၢတၢ်ကဝီၤဃာ်အံၤအဃိ, တၢ်အီၣ်ကၤဝဲလၢဝ့ၢ်ပူၤနးမးတုၤဒၣ် လဲာ်ကသ့ၣ်ယီၤအခိၣ်တဖျၢၣ်အပှ့ၤမ့ၢ်ဝဲစ့အဘ့ၣ်ဃိးဆံဒီးထိၣ် လွံၢ်အအ့ၣ်လီၤတယၢၢ်တကာ်လွံၢ်ပူတပူန့ၣ်အပှ့ၤမ့ၢ်ဝဲစ့ယဲၢ်ဘ့ၣ် န့ၣ်လီၤ.

လံာ်ယၡါယၤ 3:1

ခဲအံၤယွၤ, ယွၤသ့တၢ်လၢာ်, ကဟံးထီၣ် ကွံာ်တၢ်ခဲလၢာ်ဒီးပှၤကိးဂၤဒဲးလၢ ပှၤဂီၢ်မုၢ်သန့ၤအသးလၢအီၤလၢအအိၣ်ဝဲလၢ ဝ့ၢ်ယရူၤရှလ့ၣ်ဒီးကီၢ်ယူဒၤအပူၤ, ဒီးအဝဲကစိာ်ကွံာ်အတၢ်အီၣ်ဒီးအထံဧိၤနိဧိၤ,

လံာ်ယံးရမံယၤ 19:9

ဒုၣ်ဒါတဖၣ်ကကဝီၤဃာ်ဝ့ၢ်အံၤဒီးကကျဲးစၢးမၤသံအပှၤဂီၢ်မုၢ် န့ၣ်လီၤ. တၢ်ကဝီၤဃာ်အံၤကလီၤပျံၤလီၤဖုးဝဲဒိၣ်မးတုၤဒၣ်လဲာ် ပှၤဂီၢ်မုၢ်လၢဝ့ၢ်ပူၤကအီၣ်လိာ်အညၣ်တဂၤဒီးတဂၤတုၤဒၣ်လၢ အဖိဒၣ်ဝဲတဖၣ်အညၣ်ဒၣ်လဲာ်န့ၣ်လီၤ.”

လံာ်ယံးရမံယၤ 37:21

လၢတၢ်န့ၣ်အဃိ, စီၤပၤစံးဒကံယၤဟ့ၣ်လီၤအကလုၢ်လၢ ယကဘၣ်တၢ်ဒုးဃာ်ယၤဖဲနူၢ်အဂၢၢ်ပူၤန့ၣ်လီၤ. ယအိၣ်ယဲဖဲန့ၣ်, ဒီးတၢ်ဟ့ၣ်အီၣ်ယၤလၢကိၣ်, တနံၤတလိၣ်လၢ အဟဲဝဲ လၢပှၤကုၢ်ကိၣ်အလီၢ်ကိးနံၤဒဲးတုၤကိၣ်ခဲလၢာ်လၢ ဝ့ၢ်ပူၤလၢာ်ကွံာ်တစုန့ၣ်လီၤ.

လံာ်ယံးရမံယၤ 38:2

ယွၤစံးတ့ၢ်ဝဲဒၣ်, “မတၤဂ့ၤမတၤဂ့ၤလၢ အအိၣ်ဆိးလၢ ဝ့ၢ်အံၤအပူၤန့ၣ် ကသံလၢတၢ်ဒုးအပူၤ မ့တမ့ၢ်, လၢ တၢ်သၣ်ဝံၤလီၤဒိအဃိ မ့တမ့ၢ်, လၢတၢ်ဆူးတၢ်ဆါအဃိန့ၣ်လီၤ. ဘၣ်ဆၣ်ဒီး မတၤဂ့ၤမတၤဂ့ၤလၢ အဟးထီၣ်ဒီး ဟ့ၣ်လီၤအသးဆူ ပှၤဘၤဘူၤလိၣ်ဖိ အစုပူၤန့ၣ် တဘၣ်တၢ်မၤသံကွံာ်ဘၣ်. အစှၤကတၢၢ်အသးသမူ ကပူၤဖျဲးဝဲလီၤ.”

လံာ်ယံးရမံယၤ 39:2

ဒီးလၢစီၤစံးဒကံယၤကဲစီၤပၤတဆံနံၣ်တနံၣ်, လါလွံၢ်လါတလါ, ခွံသီတသီအနံၤန့ၣ်, ဝ့ၢ်အခိၣ်ဒူတဖၣ်ဘၣ်တၢ်ဘၢၣ်ဖျိမၤလီၤပှီၢ် ကွံာ်အီၤလီၤ.

လံာ်ယံးရမံယၤ 52:6

နံၣ်တနံၣ်ဃီန့ၣ်, ဖဲလါလွံၢ်လါတလါ, လါထီၣ်ခွံသီတသီအနံၤ န့ၣ်, တၢ်သၣ်ဝံၤလီၤဒိနးမးမၤအသးဒီး တၢ်အီၣ်လၢပှၤဂီၢ်မုၢ် ကအီၣ်တအိၣ်လီၤတဲာ်နီတမံၤလၢၤဘၣ်.

လံာ်ယဃ့းစက့လး 14:21

တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ယကမၢလီၤယတၢ်စံၣ်ညီၣ်အအၢကတၢၢ်လွံၢ်မံၤလၢဝ့ၢ်ယရူၤၡလ့ၣ်အဖီ ခိၣ်, လၢအမ့ၢ်ဝဲတၢ်ဒုးတၢ်ယၤ, တၢ်သၣ်ဝံၤလီၤဒိ, ဆၣ်ဖိကီၢ်ဖိအမံၤတဖၣ်, ဒီးတၢ်ဆူးတၢ်ဆါလၢကမၤဟးဂီၤကွံာ် ပှၤဂီၢ်မုၢ်ဒီးဆၣ်ဖိကီၢ်ဖိတဖၣ်ဒ်သိးသိးအဂီၢ်န့ၣ်လီၤ.

လံာ်ယဃ့းစက့လး 5:10

မၤသးဒ်န့ၣ်ဒီး, မိၢ်ပၢ်တဖၣ်လၢဝ့ၢ်ယရူၤရှလ့ၣ်အပူၤကအီၣ်အဖိ တဖၣ်, ဒီးအဖိတဖၣ်ကအီၣ်အမိၢ်ပၢ်တဖၣ်န့ၣ်လီၤ. ယကစံၣ်ညီၣ်နၤဒီးပှၤလၢအအိၣ်မူလီၤတဲာ်တဖၣ်န့ၣ်, ယကမၤလီၤပြံလီၤပြါအီၤဆူကလံၤကျိၤကိးကျိၤဒဲးန့ၣ်လီၤ.

လံာ်ယဃ့းစက့လး 5:12

နပှၤဂီၢ်မုၢ်သၢပူတပူကသံဝဲလၢတၢ်ဆူးတၢ်ဆါဒီးတၢ်သၣ်ဝံၤ လီၤဒိအဃိလၢဝ့ၢ်ပူၤလီၤ. သၢပူတပူကဘၣ်တၢ်ကျီကွံာ်အီၤလၢနးတဖၣ်လၢဝ့ၢ်အချၢ, ဒီးလၢခံကတၢၢ်သၢပူတပူန့ၣ်, ယကမၤလီၤပြံပြါအီၤလၢကလံၤကျါဒီးလူၤထွဲအဝဲသ့ၣ်အခံလၢ နးတဘ့ၣ်န့ၣ်လီၤ.

လံာ်ယဃ့းစက့လး 7:15

တၢ်ဒုးတၢ်ယၤအိၣ်ဝဲလၢကျဲဘိတဖၣ်အပူၤ, ဒီးတၢ်ဆူးတၢ်ဆါ ဒီးတၢ်သၣ်ဝံၤလီၤဒိလၢဟံၣ်ဃီတဖၣ်အပူၤလီၤ. ပှၤတဂၤဂ့ၤတဂၤ ဂ့ၤလၢအအိၣ်လၢခိန့ၣ်, ကသံဝဲလၢတၢ်ဒုးတၢ်ယၤအပူၤ, ဒီးပှၤတဂၤဂ့ၤတဂၤဂ့ၤလၢအအိၣ်လၢဝ့ၢ်ပူၤန့ၣ်, တၢ်ဆူးတၢ်ဆါဒီးတၢ်သၣ်ဝံၤလီၤဒိကမၤန့ၢ်မၤနၢၤအီၤလီၤ.

လံာ်တၢ်ဘူၣ်ထီၣ်ဘါထီၣ် 26:26

ယကဆိကတီၢ်ကွံာ်တၢ်ဟ့ၣ်လီၤသုတၢ်အီၣ်တၢ်အီတုၤဒၣ်လဲာ် ပိာ်မုၣ်ဆံဆဲၣ်ဂၤကကုၢ်ကိၣ်လၢဖၣ်ကပူၤတပူၤဃီအပူၤလီၤ. အဝဲသ့ၣ်ကစီၤန့ၢ်ဒီးနီၤလီၤသုလၢကိၣ်ဒီးသုကအီၣ်အီၤဘၣ်ဆၣ်သုတဘျဲးအီၣ်ဘၣ်န့ၣ်လီၤ.

လံာ်စကၤရယၤ 8:19

“တၢ်ဒုၣ်တၢ်အီၣ်တၢ်အီတဖၣ်လၢအဘၣ်တၢ်မၤအီၤလၢလါလွံၢ်လါ တလါ, လါယဲၢ်လါတလါ, လါနွံလါတလါ, ဒီးလါဆံဆဲၣ်လါတလါန့ၣ်ကကဲထီၣ်တၢ်သူၣ်ဖှံသးညီဒီး တၢ်သူၣ်ခုသးခုအဘူၣ်တဖၣ်လၢကီၢ်ယူဒၤအပှၤဂီၢ်မုၢ်အဂီၢ်လီၤ. ဒီးသုကဘၣ်အဲၣ်တၢ်မ့ၢ်တၢ်တီဒီးတၢ်ဃူတၢ်ဖိးန့ၣ်လီၤ.”