လံာ်စီၤပၤခံဘ့ၣ်တဘ့ၣ် 25:18 - Sgaw Karen Common Bible

¹⁸ လၢန့ၣ်အမဲာ်ညါ, ပှၤသုးမုၢ်အသုးခိၣ်ကျၢၢ်စီၤနဘူစၢ်ရဒၣ်က့ၤ ကိးပှၤလုၢ်တၢ်အခိၣ်အဒိၣ်ကတၢၢ်စီၤစရါယၤ, ပှၤလုၢ်တၢ်အခိၣ်အဒိၣ်ကတၢၢ်ခံဂၤတဂၤစီၤစဖါနယၤဒီးယွၤအတၢ် လုၢ်ဟံၣ်အပဒိၣ်လၢအကါဒိၣ်အဂၤသၢဂၤဒ်ပှၤဘၣ်တၢ်စၢဃာ်တဖၣ် အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:18 Iomraidhean Croise

လံာ်စီၤပၤခံဘ့ၣ်တဘ့ၣ် 23:4

ဝံၤဒီး, စီၤယိၤၡံယၤဟ့ၣ်လီၤအကလုၢ်ဆူပှၤလုၢ်တၢ်အခိၣ်အဒိၣ် ကတၢၢ်စီၤဃံးလကံယၤ, အဝဲအပှၤလုၢ်တၢ်အခိၣ်စၢၤတဖၣ်, ဒီးပှၤခိးတၢ်အိၣ်မူအိၣ်ဒါဖဲယွၤအတၢ်လုၢ်ဟံၣ်အကျဲစၢၤတဖၣ်လၢ အကဟဲစိာ်ထီၣ်ကယဲၢ်တၢ်ပီးတၢ်လီခဲလၢာ်လၢအဘၣ်တၢ်သူ အီၤလၢတၢ်ဘူၣ်ထီၣ်ဘါထီၣ်ဘဧၤလးအဂီၢ်, ကစၢ်မုၣ်အၡ့ရၤအဂီၢ်ဒီးဆၣ်ဧိၤဖီဧိၤအဂီၢ်, ဆူယွၤအတၢ်လုၢ်ဟံၣ်အချၢန့ၣ်လီၤ. စီၤပၤဒွဲၣ်အူထီၣ်ကွံာ်တၢ်သ့ၣ်တဖၣ်အံၤခဲလၢာ်လၢဝ့ၢ်အချၢ ဘူးဒီးကံဒြိၣ်အတၢ်တြီၤပူၤ, ဝံၤဒီးမၢပှၤစိာ်ထီၣ်ကွံာ်အချါတဖၣ်ဆူဝ့ၢ်ဘ့ၤသ့လးန့ၣ်လီၤ.

လံာ်စီၤဧ့စြၤ 7:1

တဘျုးနံၣ်ဝံၤအလီၢ်ခံ, ဖဲကီၢ်ပၤရၣ်အစီၤပၤဖးဒိၣ်စီၤအၢ်တၤ ၡါၡတၤကဲစီၤပၤအကတီၢ်န့ၣ်, ပှၤအမံၤစီၤဧ့စြၤအိၣ်ဝဲတဂၤန့ၣ်လီၤ. အဝဲဒွးကဒါက့ၤအမိၢ်ပၢ်ဖံဖုလၢပျၢၤအတၢ်လီၤစၢၤစးထီၣ်လၢ ပှၤလုၢ်တၢ်အခိၣ်အဒိၣ်ကတၢၢ်စီၤအၤဟရိၣ်ဒ်လာ်အံၤလီၤ. စီၤဧ့စြၤမ့ၢ်စီၤစရါယၤအဖိခွါ, စီၤဧစၤရယၤအဖိခွါ, စီၤဃံးစကံယၤအဖိခွါ,

လံာ်ယံးရမံယၤ 20:1

ဖဲပှၤလုၢ်တၢ်အခိၣ်စီၤအံးမ့ၢ်အဖိခွါစီၤပၣ်ၡဃူၢ်, လၢအမ့ၢ်ယွၤ အတၢ်လုၢ်ဟံၣ်အခိၣ်, နၢ်ဟူတၢ်လၢယစံးကတိၤတဖၣ်ဒီး,

လံာ်ယံးရမံယၤ 21:1

ကီၢ်ယူဒၤအစီၤပၤစီၤစံးဒကံယၤမၢလီၤစီၤမၤလကံယၤအဖိခွါ စီၤပၣ်ၡဃူၢ်ဒီးစီၤမၤစ့ယၤအဖိခွါပှၤလုၢ်တၢ်အခိၣ်စီၤစဖါနယၤဆူ ယအိၣ်, အိၣ်ဒီးတၢ်ဃ့ကညးဒ်လၢလာ်အံၤ, န့ၣ်လီၤ.

လံာ်ယံးရမံယၤ 21:7

ဘၣ်ဆၣ်ဒီးမ့မ့ၢ်နဲဒၣ်, နပဒိၣ်ပပှၢ်တဖၣ်ဒီးပှၤဂီၢ်မုၢ်လၢအ အိၣ်လီၤတဲာ်ဒံးလၢတၢ်ဒုးတၢ်ယၤ, တၢ်သၣ်ဝံၤလီၤဒိဒီးတၢ်ဆူးတၢ်ဆါခဲလၢာ်န့ၣ်, ယကပျဲသုဝဲခဲလၢာ်ဘၣ်တၢ်ဖီၣ်န့ၢ်အီၤလၢစီၤပၤနဘူးကးန့စၢ်, ဒီးသုဒုၣ်သုဒါတဖၣ်လၢသးအိၣ်မၤသံသုန့ၣ်လီၤ. စီၤနဘူးကးန့စၢ်ကမၤသံသုန့ၣ်လီၤ. အဝဲတပျၢ်ဖျဲးသုနီတဂၤမ့ၢ်ဂ့ၤ, တဒုးနဲၣ်အတၢ်သးကညီၤလၢသုနီတဂၤမ့ၢ်ဂ့ၤ န့ၣ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 29:25

အဝဲဆှၢလီၤတ့ၢ်လံာ်ပရၢတဘ့ၣ်လၢအကစၢ် ဒၣ်ဝဲအမံၤအပူၤ, ဆူကယဲၢ်ပှၤဂီၢ်မုၢ်လၢ ဝ့ၢ်ယရူၤ ရှလ့ၣ်အအိၣ်ဒီး ဆူစီၤမၤစ့ယၤအဖိခွါ ပှၤလုၢ်တၢ်အခိၣ် စီၤစဖါနယၤအအိၣ်, ဒီးဆူပှၤလုၢ်တၢ်အခိၣ်အဂၤ တဖၣ်ခဲလၢာ်အအိၣ်လီၤ. လၢလံာ်အံၤအပူၤန့ၣ်, စီၤၡမါယၤကွဲးတၢ်ဆူ စီၤစဖါနယၤအအိၣ်ဒီးစံးဝဲဒၣ်,

လံာ်ယံးရမံယၤ 29:29

စီၤစဖါနယၤဖးန့ၢ် ယၤလံာ်ပရၢန့ၣ်လီၤ, အန့ၣ်ဝံၤဒီး ယွၤစံးဘၣ်ယၤလၢ,

လံာ်ယံးရမံယၤ 34:21

ယကဟ့ၣ်လီၤစ့ၢ်ကီး ကီၢ်ယူဒၤအစီၤပၤ စံးဒကံယၤဒီး အပဒိၣ်ပပှၢ် တဖၣ်ဆူပှၤတဖၣ်လၢ အသးအိၣ်မၤသံအဝဲသ့ၣ် အစုပူၤန့ၣ်လီၤ. ယကဟ့ၣ်လီၤအဝဲသ့ၣ်ဆူ ကီၢ်ဘၤ ဘူၤလိၣ်အသုးမုၢ်ပှၤလၢ အဆိကတီၢ်ဒုးတၢ်ထီဒါသု, အစုပူၤန့ၣ်လီၤ.

လံာ်ယံးရမံယၤ 52:24

အါန့ၢ်အန့ၣ်, စီၤနဘူစၢ်ရဒၣ်လၢ အမ့ၢ်သုးခိၣ် ဖးဒိၣ်, စိာ်မၢကဲကုၢ် ကွံာ်ပှၤလုၢ်တၢ်အခိၣ်အဒိၣ် ကတၢၢ်စီၤစရါယၤ, ဒီးပှၤလုၢ်တၢ်အခိၣ် ခံဂၤတဂၤလၢ အမ့ၢ်စီၤစဖါနယၤ, ဒီးယွၤအတၢ်လုၢ်ဟံၣ်အပဒိၣ် ပပှၢ်လၢအကါဒိၣ်အဂၤသၢဂၤန့ၣ်လီၤ.

လံာ်ယဃ့းစက့လး 11:7

လၢတၢ်န့ၣ်အဃိဒီး, အအံၤမ့ၢ်တၢ်လၢယၤ, ယွၤပၢတၢ်ခဲလၢာ်ကစၢ်, စံးဘၣ်သုန့ၣ်လီၤ. ဝ့ၢ်အံၤမ့ၢ်တၢ်တ့ၤအီၣ်ဖီအီၣ်အသပၢၤတဖျၢၣ်ကစီဒီ, ဘၣ်ဆၣ်တၢ်ညၣ်မ့ၢ်တၢ်မနုၤလဲၣ်. မ့ၢ်တၢ်အစိၣ်တဖၣ်လၢသုမၤသံ တ့ၢ်န့ၣ်လီၤ. သုတအိၣ်ဘၣ်ဖဲအံၤလၢၤဘၣ်. ယကကွံာ်ထီၣ်သုလၢဝ့ၢ်အံၤအချၢလီၤ.