လံာ်စီၤပၤခံဘ့ၣ်တဘ့ၣ် 25:13 - Sgaw Karen Common Bible

¹³ ပှၤဘၤဘူၤလိၣ်ဖိတဖၣ်မၤကၢ်လီၤကလဲကွံာ်ထူၣ်တိၢ်ဘီတဖၣ်, ဒီးလ့ၣ်တဖၣ်လၢအအိၣ်လၢယွၤအတၢ်လုၢ်ဟံၣ်အပူၤ, ဃုာ်ဒီးထံဒၢတိၢ်ဘီဖးဒိၣ်, ဒီးအဝဲသ့ၣ်က့ၤစိာ်တိၢ်ဘီခဲ လၢာ်ဆူဝ့ၢ်ဘၤဘူၤလိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 25:13 Iomraidhean Croise

လံာ်စီၤပၤအခီၣ်ထံးတဘ့ၣ် 7:15

စီၤဃူရၣ်အဘံသိန့ၢ်ထူၣ်တိၢ်ဘီခံထူၣ်, တထူၣ်စုာ်စုာ်, အထီအိၣ်ဝဲတဆံဃိးပျၢ်ဒီးအခိၣ်ထိးဝးတရံးအနီၣ်ထိၣ်မ့ၢ်ဝဲ တဆံခံပျၢ်, ဒီးပာ်ဝဲဖဲကျဲစၢၤဆူယွၤအတၢ်လုၢ်ဟံၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 20:17

တၢ်ဆၢကတီၢ်ဟဲလံဝဲလၢတၢ်ကိးမံၤလၢနနူၢ်ပူၤစီၤပူၤ, တၢ်ကိးမံၤဒဲးလၢနပၢ်ဖးဒိၣ်လၢပျၢၤတဖၣ်ပာ်ဖှိၣ်အီၤတုၤမုၢ် မဆါတနံၤအံၤ, ကဘၣ်တၢ်စိာ်ကွံာ်အီၤဆူကီၢ်ဘၤဘူၤလိၣ်န့ၣ်လီၤ. တၢ်တအိၣ်လီၤတဲာ်ဘၣ်နီတမံၤဘၣ်.”

လံာ်စီၤပၤခံဘ့ၣ်တဘ့ၣ် 24:13

ဒီးစိာ်ထီၣ်ကွံာ်ကယဲၢ်တၢ်လုၢ်ဒိၣ်ပှ့ၤဒိၣ်လၢယွၤအတၢ်လုၢ်ဟံၣ် အပူၤဒီးလၢနူၢ်ဧိၤစီၤဧိၤအပူၤတဖၣ်ဆူဝ့ၢ်ဘၤဘူၤလိၣ်န့ၣ်လီၤ. ဒ်ယွၤတဲဆိပာ်စၢၤတ့ၢ်ဝဲအသိးန့ၣ်, စီၤနဘူၤကးန့စၢ်မၤကၢ် ကွံာ်ကယဲၢ်တၢ်အဃၢၤအဃိၢ်ထူတဖၣ်လၢအဘၣ်တၢ်မၤအီၤလၢစီၤပၤ ၡလိၤမိၤဒ်သိးတၢ်ကသူအီၤလၢယွၤအတၢ်လုၢ်ဟံၣ်ပူၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 3:15

လၢယွၤအတၢ်လုၢ်ဟံၣ်အမဲာ်ညါန့ၣ်, စီၤပၤမၢပှၤမၤဒီးပာ်လီၤ ထူၣ်ခံထူၣ်လၢ, တထူၣ်စုာ်စုာ်န့ၣ်အထီအိၣ်ဝဲသၢဆံ သၢပျၢ်လီၤ. ဒီးထူၣ်တထူၣ်ဘၣ်တထူၣ်န့ၣ်အိၣ်ဒီးအခိၣ်ထိးတခါ စုာ်စုာ်လၢအထီအိၣ်ဝဲယဲၢ်ပျၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:18

ကီၢ်ဘၤဘူၤလိၣ်အစီၤပၤဂုာ်န့ၢ်ကွံာ်ယွၤအတၢ်လုၢ်ဟံၣ်အဃၢၤ အဃိၢ်တဖၣ်, တၢ်လုၢ်ဟံၣ်အကျိၣ်ဧိၤစ့ဧိၤ, ဒီးစီၤပၤဒီးပဒိၣ်ပပှၢ်တဖၣ်အတၢ် ထူးတၢ်တီၤ, ဒီးက့ၤစိာ်ကယဲၢ်တၢ်ခဲလၢာ်န့ၣ်, ဆူကီၢ်ဘၤဘူၤလိၣ်လီၤ.

လံာ်တၢ်ဟးထီၣ်ကွံာ် 27:3

မၤန့ၢ်သပၢၤဘံၣ်တဖၣ်လၢတၢ်ကစိာ်ကွံာ်ဖၣ်ဆါလၢအဘၣ်အၢဒီးသိ တဖၣ်အဂီၢ်, ဒီးမၤန့ၢ်နီၣ်တရီာ်တဖၣ်, လီခီဖးဒိၣ်တဖၣ်နီၣ်ကွးတၢ်တဖၣ်ဒီးသပၢၤမ့ၣ်အူတဖၣ်တက့ၢ်. ကယဲၢ်တၢ်အပီးအလီတဖၣ်အံၤကဘၣ်တၢ်မၤအီၤလၢတိၢ်ဘီန့ၣ်လီၤ.

လံာ်ယၡါယၤ 39:6

တၢ်ဆၢကတီၢ်ဟဲဝဲဖဲတၢ်ခဲလၢာ်လၢနနူၢ်ပူၤစီၤပူၤ, တၢ်ခဲလၢာ်လၢနမိၢ်ပၢ်ဖံဖုလၢပျၢၤတဖၣ်ပာ်ဖှိၣ်ပာ်တံၤအီၤ တုၤလီၤလၢမုၢ်မဆါတနံၤအံၤတဖၣ်ကဘၣ်တၢ်စိာ်ကွံာ်အီၤဆူကီၢ် ဘၤဘူၤလိၣ်လီၤ. တမ့ၢ်လၢတၢ်ကအိၣ်တီၢ်နီတမံၤလၢၤဘၣ်.

လံာ်ယံးရမံယၤ 20:5

ယကပျဲစ့ၢ်ကီးအဝဲသ့ၣ်အဒုၣ်အဒါတဖၣ်လၢကဂုာ်ဆူၣ်ပျီဆူၣ် ဝ့ၢ်အံၤအတၢ်ထူးတၢ်တီၤခဲလၢာ်ဒီးဟံးန့ၢ်ကွံာ်ကယဲၢ်အတၢ် စုလီၢ်ခီၣ်ခိၣ်ဒီးအတၢ်ဖိတၢ်လံၤခဲလၢာ်တုၤဒၣ်လဲာ်လၢကီၢ်ယူဒၤ အစီၤပၤတဖၣ်အတၢ်လုၢ်ဒိၣ်ပှ့ၤဒိၣ်တဖၣ်ဒီးစိာ်ကွံာ်တၢ်ခဲလၢာ်န့ၣ် ဆူကီၢ်ဘၤဘူၤလိၣ်လီၤ.

လံာ်သးသယုၢ်တၢ် 1:10

အဒုၣ်အဒါတဖၣ်ဂုာ်န့ၢ်အတၢ်လုၢ်ဒိၣ်ပှ့ၤဒိၣ်လၢအအိၣ်ဒီးအီၤ တဖၣ်ခဲလၢာ်လီၤ. ထံၣ်ဘၣ်တ့ၢ်ဝဲအဒုၣ်အဒါတဖၣ်နုာ်လီၤဆူ တၢ်လုၢ်ဟံၣ်အပူၤ, တၢ်လီၢ်ဖဲယွၤတြီပှၤကလုာ်ဂၤတဖၣ်လၢ အသုတလဲၤနုာ်တဂ့ၤန့ၣ်လီၤ.