လံာ်စီၤပၤခံဘ့ၣ်တဘ့ၣ် 25:12 - Sgaw Karen Common Bible

¹² ဘၣ်ဆၣ်လၢကီၢ်ယူဒၤအပူၤန့ၣ်, အဝဲပာ်တ့ၢ်ပှၤအဖှီၣ်ကတၢၢ်အကျါ တနီၤလၢအတၢ်စုလီၢ်ခီၣ်ခိၣ်တအိၣ်နီတမံၤ, ဒီးမၢအဝဲသ့ၣ်မၤတၢ်လၢစပံးလီၢ်တဖၣ်ဒီးစံာ်ပျီတဖၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:12 Iomraidhean Croise

လံာ်စီၤပၤခံဘ့ၣ်တဘ့ၣ် 24:14

စီၤနဘူၤကးန့စၢ်စိာ်ထီၣ်ကွံာ်ဝ့ၢ်ယရူၤၡလ့ၣ်အပှၤဂီၢ်မုၢ်ဒ် ပှၤဘၣ်တၢ်စၢဃာ်တဖၣ်အသိး, ကယဲၢ်စီၤပၤအဖိခွါခဲလၢာ်, ဒီးကယဲၢ်ပှၤတူၢ်ဒိၣ်ကီၤဒိၣ်တဖၣ်, ခဲလၢာ်ပှၤအဂၤတကလးန့ၣ် လီၤ. အဝဲက့ၤကိးဃုာ်စ့ၢ်ကီးဝဲပှၤမၤတၢ်သ့ဂ့ၤဂ့ၤတဖၣ်, အိၣ်ဃုာ်ဒီးပှၤပိာ်ထးဖိတဖၣ်, ပာ်တ့ၢ်ဝဲထဲပှၤဂီၢ်မုၢ်လၢ အဖှီၣ်ကတၢၢ်တဖၣ်လၢကီၢ်ယူဒၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 24:15

စီၤနဘူၤကးန့စၢ်က့ၤကိးကွံာ်စီၤယဟိယါခံၣ်ဆူဝ့ၢ်ဘၤဘူၤ လိၣ်ဒ်ပှၤဘၣ်တၢ်စၢဃာ်တဂၤအသိး, ဃုာ်ဒီးစီၤယဟိၤယါခံၣ်အမိၢ်, အမါတဖၣ်, အပဒိၣ်ပပှၢ်တဖၣ်ဒီးပှၤတူၢ်ဒိၣ်ကီၤဒိၣ်တဖၣ်လၢကီၢ်ယူ ဒၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 24:16

စီၤနဘူၤကးန့စၢ်စိာ်ဖျိးကွံာ်ကယဲၢ်ပှၤအကါဒိၣ်ခဲလၢာ်ဆူ ကီၢ်ဘၤဘူၤလိၣ်ဒီးပှၤခဲလၢာ်ပှၤအဂၤနွံကထိ, ဒီးပှၤမၤတၢ်သ့ ဂ့ၤဂ့ၤအဂၤတကထိအိၣ်ဃုာ်ဒီးပှၤပိာ်ထးဖိတဖၣ်, အဝဲသ့ၣ်ခဲလၢာ်မ့ၢ်ပှၤအဂံၢ်ဆူၣ်ဘါဆူၣ်တဖၣ်လၢအကြၢးဝဲဘၣ်ဝဲ ဒီးတၢ်ဒုးသုးဒုးသံၣ်အတၢ်မၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 24:14

ဖဲတၢ်ဘှီဂ့ၤက့ၤတဖၣ်ဝံၤဝဲန့ၣ်, ထူစ့လၢအအိၣ်တ့ၢ်တဖၣ်ဘၣ် တၢ်ဟ့ၣ်က့ၤအီၤဆူစီၤပၤဒီးစီၤယဟိယဒါဒီးအဝဲသ့ၣ်ကသူဝဲ လၢကမၤက့ၤလီခီတဖၣ်ဒီးတၢ်အဃၢၤအဃိၢ်အဂၤတဖၣ်လၢယွၤ အတၢ်လုၢ်ဟံၣ်အဂီၢ်န့ၣ်လီၤ. ဖဲစီၤယဟိယဒါအိၣ်မူဒံးဝဲအမုၢ်နံၤတဖၣ်န့ၣ်, တၢ်လုၢ်တၢ်ပာ်တဖၣ်ဘၣ်တၢ်လုၢ်ထီၣ်အီၤဒ်တၢ်အလုၢ်အလၢ်အိၣ်ဝဲအသိး ဘၣ်ဆၢဘၣ်ကတီၢ်န့ၣ်လီၤ.

လံာ်စီၤနဃ့မယၤ 1:2

ဒီးစီၤဃနၤနံလၢအမ့ၢ်ယဒီပုၢ်ဝဲၢ်ခွါတဂၤဟဲလၢကီၢ်ယူဒၤ ဃုာ်ဒီးပှၤအဂၤတဖၣ်န့ၣ်, ဒီးယသံကွၢ်အီၤဘၣ်ဃးဒီးဝ့ၢ်ယရူၤၡလ့ၣ်ဒီးပပှၤယူဒၤဖိလၢ အဟဲက့ၤလၢတၢ်စိာ်မၢကဲကုၢ်လၢကီၢ်ဘၤဘူၤလိၣ်တဖၣ်အဂ့ၢ် အကျိၤန့ၣ်လီၤ.

လံာ်ယၡါယၤ 24:6

သတးဒီး, ကစၢ်ယွၤခါလီၤတ့ၢ်တၢ်ဆိၣ်အၢတမံၤလၢဟီၣ်ခိၣ် ချၢလီၤ. အပှၤဂီၢ်မုၢ်တဖၣ်န့ၣ်ဟ့ၣ်တၢ်အပှ့ၤလၢတၢ်လၢ အဝဲသ့ၣ်မၤတ့ၢ်ဝဲအဂီၢ်လီၤ. ပှၤအိၣ်မူတ့ၢ်တဖၣ်စှၤလီၤစှၤလီၤ ဝဲလီၤ.

လံာ်ယံးရမံယၤ 39:10

လၢကီၢ်ယူဒၤအပူၤန့ၣ်, အဝဲပာ်တီၢ်ဝဲပှၤလၢ အဖှီၣ်ကတၢၢ် အကျါတနီၤလၢ အတၢ်ဖိတၢ်လံၤတအိၣ်နီတမံၤဘၣ်, ဒီးအဝဲဟ့ၣ်လီၤအဝဲသ့ၣ်လၢ စပံးလီၢ်တဖၣ်ဒီး စံာ်ပျီတဖၣ်န့ၣ်လီၤ.

လံာ်ယံးရမံယၤ 40:7

ပှၤယူဒၤဖိအသုးခိၣ်သုးနၢ်တနီၤဒီးအသုးဖိတဖၣ်တပာ်လီၤအ စုကဝဲၤဘၣ်. အဝဲသ့ၣ်နၢ်ဟူဘၣ်ဝဲလၢကီၢ်ဘၤဘူၤလိၣ် အစီၤပၤပာ်ထီၣ်စီၤကဒါလယၤလၢကီၢ်အပဒိၣ်ဖးဒိၣ်, ပာ်အီၤဒ်ပှၤကွၢ်ထွဲ ပၢဆှၢပှၤခဲလၢာ်လၢအတဘၣ်တၢ်စိာ်ကွံာ်အီၤဆူကီၢ်ဘၤဘူၤလိၣ်, ပှၤဂီၢ်မုၢ်လၢအဖှီၣ်ယာ်ကတၢၢ်လၢကီၢ်အံၤအပူၤတဖၣ်န့ၣ်လီၤ.

လံာ်ယံးရမံယၤ 52:16

ဘၣ်ဆၣ်လၢ ကီၢ်ယူဒၤအပူၤန့ၣ်, အဝဲပာ်တီၢ်ပှၤဂီၢ်မုၢ်လၢ အဖှီၣ်အယာ်ကတၢၢ်တနီၤ, ပှၤလၢအစုလီၢ်ခီၣ်ခိၣ်တအိၣ်နီတမံၤတဖၣ်, ဒီးအဝဲပာ်လီၤပှၤသ့ၣ်တဖၣ်အံၤ လၢကမၤတၢ်လၢ စပံးလီၢ် တဖၣ်ဒီး စံာ်ပျီတဖၣ်အပူၤန့ၣ်လီၤ.