လံာ်စီၤပၤခံဘ့ၣ်တဘ့ၣ် 24:20 - Sgaw Karen Common Bible

²⁰ ယွၤအသးဒိၣ်ထီၣ်ဘၣ်ဝ့ၢ်ယရူၤၡလ့ၣ်ဒီးကီၢ်ယူဒၤအပှၤဂီၢ်မုၢ် တုၤဒၣ်လဲာ်အဝဲနီၣ်ထီၣ်ဟီထီၣ်ကွံာ်အဝဲသ့ၣ်လၢအမဲာ်ညါန့ၣ် လီၤ.

လံာ်စီၤပၤခံဘ့ၣ်တဘ့ၣ် 24:20 Iomraidhean Croise

လံာ်တၢ်ကဲထီၣ်အခီၣ်ထံး 4:16

ဒီးစီၤကၤယံၣ်ဟးထီၣ်ကွံာ်လၢယွၤအမဲာ်ညါဒီးလဲၤအိၣ်ဝဲဆိး ဝဲလၢကီၢ်နိာ်အခီပညီ “တၢ်ဟးဝ့ၤဝီၤ” အိၣ်လၢဧ့ၤဒ့ၣ်မုၢ်ထီၣ်တခီလီၤ.

လံာ်စီၤပၤခံဘ့ၣ်တဘ့ၣ် 22:17

အဝဲသ့ၣ်ညိကွံာ်တ့ၢ်ယၤ, ဒီးလုၢ်ထီၣ်တ့ၢ်တၢ်လုၢ်တၢ်ပာ်တဖၣ်ဆူ ကစၢ်အဂၤတဖၣ်အအိၣ်, ဒီးလၢတၢ်န့ၣ်အဃိထိၣ်ဂဲၤထီၣ်ယတၢ်သးကဲၤထီၣ်ခီဖျိ, တၢ်ခဲလၢာ်လၢအဝဲသ့ၣ်မၤတ့ၢ်ဝဲန့ၣ်လီၤ. ယတၢ်သးဒိၣ်ဘၣ်တၢ်ထိၣ်ဂဲၤအီၤထီဒါဝ့ၢ်ယရူၤၡလ့ၣ် ဒီးတလီၤပံာ်ဝဲဒၣ်ဘၣ်.

လံာ်စီၤပၤခံဘ့ၣ်တဘ့ၣ် 23:26

ဘၣ်ဆၣ်ယွၤအတၢ်သးဒိၣ်ကဲၤထီၣ်ဒိၣ်ထီၣ်လၢအဘၣ်တၢ်ထိၣ်ဂဲၤထီၣ် အီၤထီဒါကီၢ်ယူဒၤခီဖျိတၢ်လၢစီၤပၤမနၤၡ့ၤမၤတ့ၢ်ဝဲန့ၣ်, တုၤခဲကနံၣ်အံၤဒၣ်လဲာ်တလီၤပံာ်ကွံာ်ဝဲဒံးဘၣ်.

လံာ်စီၤပၤခံဘ့ၣ်တဘ့ၣ် 24:1

ဖဲစီၤယဟိၤယါကံၣ်မ့ၢ်စီၤပၤအခါန့ၣ်ကီၢ်ဘၤဘူၤလိၣ်အစီၤပၤ နဘူၤကးန့စၢ်ဟဲနုာ်လီၤဒုးကီၢ်ယူဒၤ, ဒီးလၢသၢနံၣ်အတီၢ်ပူၤန့ၣ်စီၤယဟိၤယါကံၣ်ဘၣ်တၢ်မၢဆူၣ်အီၤ လၢကအိၣ်လၢအဝဲအတၢ်ပၢအဖီလာ်န့ၣ်လီၤ. အန့ၣ်ဝံၤဒီးအဝဲပူထီၣ်တၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 24:3

တုၤယွၤဟ့ၣ်လီၤအကလုၢ်တဘျီဃီန့ၣ်, တၢ်အံၤမၤအသးဒ်သိးကနီၣ် ထီၣ်ကွံာ်ကီၢ်ယူဒၤအပှၤဂီၢ်မုၢ်လၢအမဲာ်ညါမ့ၢ်လၢတၢ်ဒဲးဘး တဖၣ်လၢစီၤပၤမနၤၡ့ၤမၤတ့ၢ်ဝဲအဃိ,

လံာ်ကွဲးနီၣ်တၢ်ခံဘ့ၣ်တဘ့ၣ် 36:13

စီၤပၤစံးဒကံယၤပူထီၣ်ထီဒါစီၤပၤနဘူၤကးန့စၢ်, လၢအမၢဆူၣ်အီၤဒ်သိးအကဆိၣ်လီၤအသးလၢကစၢ်ယွၤအမံၤအပူၤ, လၢအဝဲကဘၣ်အိၣ်ဒီးတၢ်သူၣ်တီသးရၤန့ၣ်လီၤ. အဝဲဂ့ၢ်လိာ်ဝဲဆူၣ်ဆူၣ်ကလဲာ်လၢကပီၢ်ယၢ်လီၤက့ၤအသးဒီးဃၣ် က့ၤအသးဆူယွၤ, အံၣ်စရ့လးအကစၢ်ယွၤအအိၣ်န့ၣ်လီၤ.

စံးထီၣ်ပတြၢၤ 51:11

ညိကွံာ်ယၤလၢနမဲာ်ညါတဂ့ၤ, ဒီးဟံးထီၣ်ကွံာ်နသးစီဆှံလၢယၤတဂ့ၤ.

လံာ်ယံးရမံယၤ 37:2

ဘၣ်ဆၣ်ဒီး, စီၤစံးဒကံယၤမ့ၢ်ဂ့ၤ, အပဒိၣ်ပပှၢ်တဖၣ်မ့ၢ်ဂ့ၤ, ပှၤဂီၢ်မုၢ်မ့ၢ်ဂ့ၤ တစူၢ်ဘၣ်တၢ်ကစီၣ်လၢ ယွၤဟ့ၣ်လီၤတ့ၢ်ယၤန့ၣ်ဘၣ်.

လံာ်ယံးရမံယၤ 52:3

ယွၤသးထီၣ်ဘၣ် ဝ့ၢ်ယရူၤၡလ့ၣ်ဒီး ကီၢ်ယူဒၤ အပှၤဂီၢ်မုၢ်ဒိၣ်ဒိၣ်ကလဲာ်တုၤဒၣ်လဲာ် ဟီထီၣ်ကွံာ်ဝဲလၢအမဲာ်ညါန့ၣ်လီၤ. စီၤစံးဒကံယၤပူထီၣ်တၢ်ထီဒါ ကီၢ်ဘၤဘူၤလိၣ် အစီၤပၤနဘူၤကးန့စၢ်.

လံာ်ယဃ့းစက့လး 19:14

စပံးမုၢ်အထူၣ်မ့ၣ်အူအီၣ်အီၤလီၤ. အဒ့ဒီးအသၣ်တဖၣ်မ့ၣ် အူအီၣ်ကွံာ်အီၤန့ၣ်လီၤ. အဒ့တဖၣ်အဂံၢ်တဆူၣ်ကဒီးလၢၤနီတစု ဘၣ်. တကဲထီၣ်လၢၤစီၤပၤအနီၣ်ထိးဘိတဖၣ်နီတစုလၢၤဘၣ်. အအံၤမ့ၢ်တၢ်သူၣ်အုးသးအုးအတၢ်သးဝံၣ်တယုၢ်န့ၣ်လီၤ. တၢ်အံၤဘၣ်တၢ်သးဝံၣ်အီၤတဘျီဘၣ်တဘျီန့ၣ်လီၤ.

1 ကရံၣ်သူး 1:20

မ့မ့ၢ်ဒ်န့ၣ်ဒီး, ပှၤကူၣ်ဘၣ်ကူၣ်သ့မ့ၢ်ဂ့ၤ, ပှၤသ့လံာ်သ့လဲၢ်မ့ၢ်ဂ့ၤ, မ့တမ့ၢ်ဘၣ်ဒီးပှၤသ့ဂ့ၢ်လိာ်ဘှီလိာ်တၢ်လၢဟီၣ်ခိၣ်တဘ့ၣ်အံၤ အပူၤန့ၣ်အိၣ်ဝဲဖဲလဲၣ်ပူၤလဲၣ်. ကစၢ်ယွၤဒုးနဲၣ်တ့ၢ်ဝဲဒၣ်လၢဟီၣ်ခိၣ်တဘ့ၣ်အံၤအတၢ်ကူၣ်ဘၣ်ကူၣ် သ့မ့ၢ်ဒၣ်တၢ်သူၣ်တဆးသးတဆးန့ၣ်လီၤ.

လံာ်သိၣ်လီၤသီလီၤတၢ် 2:30

ဘၣ်ဆၣ် စီၤပၤစံဃိၣ်တပျဲလဲၤခီဂာ်ပှၤလၢ အထံအကီၢ်ဘၣ်. ယွၤသုကစၢ်ယွၤမၤကိၤအဝဲသ့ၣ်အခိၣ်ဒီး ဒုးပူထီၣ်လီထီၣ်အီၤတၢ်, မ့ၢ်ဒ်သိးပမၤနၢၤကွံာ်အဝဲဒၣ်ဒီး ဟံးန့ၢ်ကွံာ်အလီၢ်ကဝီၤလၢပမၤ န့ၢ်ပာ်စၢၤအီၤခဲအံၤကသ့ဝဲန့ၣ်လီၤ.

လံာ်သိၣ်လီၤသီလီၤတၢ် 29:27

ဒီးလၢတၢ်န့ၣ်အဃိ, ယွၤသးဒိၣ်ထီၣ်ဘၣ်အပှၤဂီၢ်မုၢ်ဒီးဒုး လီၤဘၣ်ကယဲၢ်တၢ်တတၢးတနါတဖၣ်လၢအအိၣ်ကွဲးပာ် အသးလၢလံာ်အံၤအပူၤ, လၢအဝဲသ့ၣ်အထံအကီၢ်အလိၤန့ၣ်လီၤ.

လံာ်သိၣ်လီၤသီလီၤတၢ် 4:24

မ့ၢ်လၢ, ယွၤ, သုကစၢ်ယွၤန့ၣ်မၤအသးဒ်မ့ၣ်အူလၢအကဲၤကပျီၤ အသိးအဃိန့ၣ်လီၤ. အဝဲမ့ၢ်ကစၢ်ယွၤတဂၤလၢအသးက့ၣ်တၢ်န့ၣ်လီၤ.