လံာ်စီၤပၤခံဘ့ၣ်တဘ့ၣ် 24:15 - Sgaw Karen Common Bible

¹⁵ စီၤနဘူၤကးန့စၢ်က့ၤကိးကွံာ်စီၤယဟိယါခံၣ်ဆူဝ့ၢ်ဘၤဘူၤ လိၣ်ဒ်ပှၤဘၣ်တၢ်စၢဃာ်တဂၤအသိး, ဃုာ်ဒီးစီၤယဟိၤယါခံၣ်အမိၢ်, အမါတဖၣ်, အပဒိၣ်ပပှၢ်တဖၣ်ဒီးပှၤတူၢ်ဒိၣ်ကီၤဒိၣ်တဖၣ်လၢကီၢ်ယူ ဒၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 24:15 Iomraidhean Croise

လံာ်စီၤပၤခံဘ့ၣ်တဘ့ၣ် 20:18

နနီၢ်ကစၢ်ဒၣ်နဲ, နစၢၤနသွဲၣ်လိၤလိၤတနီၤကဘၣ်တၢ်စိာ်ကွံာ်အီၤ, ဒီးဒုးကဲထီၣ်အီၤလၢပှၤဒ့ဒံၣ်ဖိတဖၣ်လၢကမၤတၢ်လၢကီၢ်ဘၤ ဘူၤလိၣ်အစီၤပၤအနူၢ်ပူၤစီၤပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 24:8

ဖဲစီၤယဟိၤယါခံၣ်ကဲထီၣ်ကီၢ်ယူဒၤအစီၤပၤန့ၣ်အသးအိၣ်ဝဲ တဆံဃိးနံၣ်ဒီးအဝဲပၢတၢ်လၢဝ့ၢ်ယရူၤၡလ့ၣ်အပူၤသၢလါန့ၣ် လီၤ. ဒီးအဝဲအမိၢ်မ့ၢ်ဝဲနီၢ်နဃူၡတၤ, စီၤအ့လနၤသၣ်လၢဝ့ၢ်ယရူၤ ၡလ့ၣ်အဖိမုၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 25:12

ဘၣ်ဆၣ်လၢကီၢ်ယူဒၤအပူၤန့ၣ်, အဝဲပာ်တ့ၢ်ပှၤအဖှီၣ်ကတၢၢ်အကျါ တနီၤလၢအတၢ်စုလီၢ်ခီၣ်ခိၣ်တအိၣ်နီတမံၤ, ဒီးမၢအဝဲသ့ၣ်မၤတၢ်လၢစပံးလီၢ်တဖၣ်ဒီးစံာ်ပျီတဖၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:21

အိၣ်ဝဲလၢကီၢ်ဃမါသးအလီၢ်ကဝီၤပူၤန့ၣ်လီၤ. ဖဲန့ၣ်စီၤပၤမၢပှၤဒိပှၤတီၢ်အဝဲသ့ၣ်ဒီးမၤသံကွံာ်အီၤန့ၣ် လီၤ. လၢတၢ်န့ၣ်အဃိကီၢ်ယူဒၤပှၤဂီၢ်မုၢ်ဘၣ်တၢ်စိာ်ထီၣ်ကွံာ်အီၤလၢ အထံအကီၢ်ဆူတၢ်စိာ်မၢကဲကုၢ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 25:27

ဖဲနံၣ်တနံၣ်လၢစီၤအ့ဝလးမရိဒးကဲထီၣ်ကီၢ်ဘၤဘူၤလိၣ်အစီၤ ပၤန့ၣ်, အဝဲပာ်ဖျါထီၣ်အတၢ်သးကညီၤဆူကီၢ်ယူဒၤအစီၤပၤယဟိၤယါခံၣ်, ခီဖျိတၢ်ပျၢ်ဖျဲးကွံာ်အီၤလၢတၢ်စၢဃာ်အပူၤန့ၣ်လီၤ. တၢ်အံၤမၤအသးဖဲစီၤယဟိၤယါခံၣ်ဘၣ်တၢ်စိာ်ကွံာ်အီၤဒ်ပှၤဘၣ် တၢ်စၢဃာ်အသိးပှဲၤထီၣ်သၢဆံနွံနံၣ်တနံၣ်ဝံၤအလီၢ်ခံ, လါတဆံခံလါတလါထီၣ်ခံဆံနွံသီအနံၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:1

ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ်ဘၣ်တၢ်ကွဲးနီၣ်အမံၤဒ် အဝဲသ့ၣ်အဟံၣ်ဒူၣ်ဃီထၢတဖၣ်အိၣ်ဝဲအသိး, ဒီးတၢ်ဂ့ၢ်ကြၢးသ့ၣ်ညါအံၤဘၣ်တၢ်ကွဲးနီၣ်အီၤလၢကီၢ်အံၣ်စရ့ လးအစီၤပၤတဖၣ်အလံာ်အပူၤန့ၣ်လီၤ. ကီၢ်ယူဒၤအပှၤဂီၢ်မုၢ်တဖၣ်ဘၣ်တၢ်ဆှၢဖျိးကွံာ်အီၤဆူ ကီၢ်ဘၤဘူၤလိၣ်ဒ်တၢ်စံၣ်ညီၣ်လၢအဝဲသ့ၣ်အတၢ်ကမၣ်တဖၣ်အဃိန့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:10

ဖဲတၢ်မဲထီၣ်သီအကတီၢ်တုၤဝဲန့ၣ်, စီၤပၤနဘူၤကးန့စ့ၢ်က့ၤ ကိးစီၤပၤယဟါယါခံၣ်ဒ်ပှၤဘၣ်တၢ်စၢဃာ်တဂၤအသိးဆူကီၢ်ဘၤ ဘူၤလိၣ်ဒီးစိာ်ထီၣ်ကွံာ်ယွၤအတၢ်လုၢ်ဟံၣ်အတၢ်ထူးတၢ်တီၤတဖၣ် န့ၣ်လီၤ. အန့ၣ်ဒီး, စီၤပၤနဘူၤကးန့စၢ်ဒုးကဲထီၣ်စီၤယဟိယါခံၣ်အဖါ တံၢ်စီၤစံးဒကံယၤလၢကီၢ်ယူဒၤဒီးဝ့ၢ်ယရူၤရှလ့ၣ်အစီၤပၤန့ၣ်လီၤ.

လံာ်နီၢ်အ့ၤစတၢ် 2:5

ဖဲန့ၣ်လၢဝ့ၢ်ၡူၡၣ်အပူၤန့ၣ်ပှၤယူဒၤဖိစီၤ ယၤအံၢ်အဖိခွါလၢအမံၤမ့ၢ်ဝဲစီၤမၢ်ဒကဲၤအိၣ်ဝဲဒၣ်န့ၣ်လီၤ. အဝဲမ့ၢ်ပှၤဘၣ်ဃးဒီးပှၤဘံၣ်ယၤမံၣ်ဖိအဒူၣ်လၢအဟဲလီၤစၢၤ လီၤသွဲၣ်လၢစီၤၡံမံၤဒီးစီၤကံၣ်န့ၣ်လီၤ.

လံာ်နီၢ်အ့ၤစတၢ် 2:6

ဖဲကီၢ်ဘၤဘူၤလိၣ်အစီၤပၤနဘူးကးန့စၢ်ဟဲက့ၤစိာ်မၢကဲကုၢ်ကီၢ် ယူဒၤအစီၤပၤယဟိၤယါခံၣ် (အဝဲဒၣ်မ့ၢ်စီၤယံးကၤနံယၤ) လၢဝ့ၢ်ယရူၤၡလ့ၣ်န့ၣ်, ဟဲက့ၤကိးစ့ၢ်ကီးပှၤတဖုဒီးစီၤမၢ်ဒကဲၤအိၣ်ဝဲလၢအဝဲသ့ၣ်အကျါန့ၣ်လီၤ.

လံာ်ယံးရမံယၤ 13:18

ယွၤစံးဘၣ်ယၤ, “တဲဘၣ်စီၤပၤဒီးအမိၢ်လၢအကစံၣ်လီၤလၢ အလီၢ်ပစိာ်တဖၣ်အဖီခိၣ်တက့ၢ်. အဂ့ၢ်ဒ်အံၤအတၢ်လၤကပီၤ အခိၣ်သလုးဃံလၤတဖၣ်လီၤတဲာ်ကွံာ်လၢအဝဲသ့ၣ်အခိၣ်တဖၣ် အလိၤလံန့ၣ်လီၤ.

လံာ်ယံးရမံယၤ 29:2

ယကွဲးတ့ၢ်အီၤဖဲ စီၤပၤယဟိၤယါခံၣ်, အဝဲအမိၢ်, နူၢ်ဧိၤစီၤဧိၤ အပဒိၣ်ပပှၢ်တဖၣ်, ကီၢ်ယူဒၤဒီးဝ့ၢ်ယရူၤရှလ့ၣ်အခိၣ်အနၢ်တဖၣ်ဒီး ပှၤမၤတၢ်စုသ့ခီၣ်သ့ အတၢ်မၤတဖၣ်, ဒီးပှၤမၤတၢ်ဖိလၢ အသ့လီၤဆီ တဖၣ်, ဘၣ်တၢ်စိာ်မၢကဲကုၢ်အီၤဝံၤ အလီၢ်ခံန့ၣ်လီၤ.

လံာ်ယံးရမံယၤ 52:28

အအံၤမ့ၢ်တၢ်ကွဲးနီၣ်ကွဲးဃါ ဘၣ်ဃးပှၤဂီၢ်မုၢ်လၢ စီၤနဘူၤကးန့စၢ် စိာ်မၢကဲကုၢ်အီၤတဖၣ်န့ၣ်လီၤ. လၢအဝဲပၢတၢ်ဒ် စီၤပၤနွံနံၣ်တနံၣ်အပူၤန့ၣ်, အဝဲစိာ်ကွံာ်ဝဲ ပှၤ သၢကထိခံဆံသၢဂၤန့ၣ်လီၤ.

လံာ်ယဃ့းစက့လး 17:13

အဝဲက့ၤကိးစီၤပၤအဒူၣ်ဖိထၢဖိအကျါတဂၤဒီးမၤလံာ်ဃံၤဃာ် တဘ့ၣ်ဒီးအီၤ, ဒီးမၢအဆိၣ်လီၤအသးလၢကတီဒီးအီၤန့ၣ်လီၤ. အဝဲက့ၤကိးပှၤလၢအကါဒိၣ်တဖၣ်ဒ်ပှၤဘၣ်တၢ်ဟ့ၣ်ကီၤလၢတၢ်အုၣ် ခီၣ်အဂီၢ်တဖၣ်အသိး,

လံာ်ယဃ့းစက့လး 17:3

ဒ်သိးအဝဲသ့ၣ်ကသ့ၣ်ညါဘၣ်တၢ်လၢယၤ, ယွၤပၢဘၣ်တၢ်ခဲလၢာ်ကစၢ် စံးဘၣ်အဝဲသ့ၣ်န့ၣ်တက့ၢ်. လံာ်ကြီကြာ်ဖးဒိၣ်အိၣ်ဝဲတဘ့ၣ်လၢအအိၣ်ဒီးအဆူၣ်တဖၣ်လၢအဃံ လၤဒီးအဒံးဆ့ဖးဒိၣ်တဖၣ်လၢအသလၣ်ထီၣ်ဝဲန့ၣ်လီၤ. အဝဲယူၤဝဲဆူလဘၤနိၣ်အကစၢၢ်ကလိတဖၣ်ဒီးမၤကၢ်ကွံာ်သ့ၣ်ဆှိ အ့ရ့းတထူၣ်အစိးနါ,

လံာ်ယဃ့းစက့လး 19:9

အဝဲသ့ၣ်ဒၢနုာ်အီၤဆူကပိၤတဖျၢၣ်အပူၤဒီးက့ၤစိာ်အီၤဆူ ကီၢ်ဘၤဘူၤလိၣ်အစီၤပၤအအိၣ်န့ၣ်လီၤ. အဝဲသ့ၣ်ပာ်အီၤလၢပှၤ ခိးတၢ်ဖိအစုပူၤမ့ၢ်ဒ်သိးအဝဲအတၢ်ကညီၤထီၣ်သုတဘၣ်တၢ်နၢ် ဟူကဒီးလၢကီၢ်အံၣ်စရ့လးအတၢ်လူၢ်တဖၣ်အဒီခိၣ်နီ တစုလၢၤတဂ့ၤန့ၣ်လီၤ.

လံာ်ဒၤနံးယ့လး 1:3

ဒီးစီၤပၤနဘူၤကးန့စၢ်ဟ့ၣ်လီၤအကလုၢ်ဆူအပဒိၣ်ခိၣ်ကျၢၢ် စီၤအၤၡပနးဒ်သိးကဃုထၢန့ၢ်ပှၤသးစၢ်တနီၤလၢအမ့ၢ် စီၤလိၣ်စီၤပၤဒီးပဒိၣ်ပပှၢ်အဒူၣ်ဖိထၢဖိလၢပှၤအံၣ်စရ့လးဖိ လၢအဘၣ်တၢ်စိာ်မၢကဲကုၢ်အီၤတဖၣ်အကျါန့ၣ်လီၤ.