လံာ်စီၤပၤခံဘ့ၣ်တဘ့ၣ် 23:5 - Sgaw Karen Common Bible

⁵ လၢကီၢ်ယူဒၤအဝ့ၢ်တဖၣ်အပူၤဒီးလၢတၢ်လီၢ်တဖၣ်လၢအအိၣ်ဘူးဒီး ဝ့ၢ်ယရူၤၡလ့ၣ်အပူၤန့ၣ်, အဝဲသုးကွံာ်ပှၤလုၢ်တၢ်အခိၣ်တဖၣ်လၢတၢ်မၤအလီၢ်လၢကီၢ်ယူဒၤ အစီၤပၤဃုထၢပာ်လီၤတ့ၢ်အီၤဒ်သိးကလုၢ်ထီၣ်တၢ်လုၢ်တၢ်ပာ်တဖၣ် ဆူပှၤတစူၢ်တနာ်ယွၤအတၢ်လုၢ်လီၢ်တဖၣ်အဖီခိၣ်, ကယဲၢ်ပှၤလုၢ်တၢ်အခိၣ်တဖၣ်လၢအလုၢ်ထီၣ်တၢ်လုၢ်တၢ်ပာ်တဖၣ်ဆူဘဧၤ လးအအိၣ်, ဆူမုၢ်အအိၣ်, ဆူလါအအိၣ်, ဆူမူဖျၢၣ်တဖၣ်အအိၣ်ဒီးဆူဆၣ်ဧိၤဖီဧိၤတဖၣ်အအိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:5 Iomraidhean Croise

လံာ်စီၤပၤခံဘ့ၣ်တဘ့ၣ် 21:5

လၢယွၤအတၢ်လုၢ်ဟံၣ်အဂၢၤခံတီၤအပူၤန့ၣ်, အဝဲဘှီထီၣ်တၢ်လုၢ်လီၢ်တဖၣ်လၢတၢ်ဘူၣ်ထီၣ်ဘါထီၣ်ဆၣ်ဧိၤဖီ ဧိၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:3

အဝဲဘှီထီၣ်ကဒါက့ၤပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ် တဖၣ်လၢအပၢ်စီၤဃံးစကံယၤမၤဟးဂီၤတ့ၢ်ဝဲန့ၣ်လီၤ. အဝဲဘှီထီၣ်တၢ်လုၢ်လီၢ်တဖၣ်လၢတၢ်ဘူၣ်ထီၣ်ဘါထီၣ်ဘဧၤလးအဂီၢ်, ဒီးမၤကစၢ်မုၢ်အၡ့ရၤအဂီၤတဖၣ်ဒီးဘူၣ်ထီၣ်ဘါထီၣ်ဆၣ်ဧိၤဖီဧိၤ တဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:4

လၢအဝဲအတၢ်ကျဲၤအပူၤန့ၣ်, အဝဲအပှၤတဖၣ်တီၢ်လီၤကလဲ ကွံာ်တၢ်လုၢ်လီၢ်တဖၣ်ဖဲဘဧၤလးဘၣ်တၢ်ဘူၣ်ထီၣ်ဘါထီၣ်တ့ၢ်အီၤ, ဒီးမၤလီၤပှီၢ်ကွံာ်တၢ်လုၢ်နၢမူအတၢ်လုၢ်လီၢ်တဖၣ်လၢအအိၣ်ဘူးဖဲန့ၣ်, န့ၣ်လီၤ. အဝဲသ့ၣ်မၤလီၤကမူၣ်ကွံာ်ကစၢ်မုၣ်အၡ့ရၤအဂီၤတဖၣ် ဒီးကယဲၢ်တၢ်ဂီၤတၢ်ဖီၣ်အဂၤတဖၣ်, ဝံၤဒီးဖှံလီၤကွံာ်တၢ်ကမူၣ်တဖၣ်လၢပှၤဂီၢ်မုၢ်လၢအလုၢ်ထီၣ် တၢ်ဆူအဝဲသ့ၣ်တဖၣ်အတၢ်သွၣ်ခိၣ်အလိၤန့ၣ်လီၤ.

လံာ်စီၤယိၤဘး 38:32

နဆှၢဆၣ်တဖၣ်လၢအကတီၢ်ဒၣ်ဝဲဒီးနဲၣ်ဆၣ်ကဆီဒီးအဖိ တဖၣ်အကျဲဘၣ်ကသ့ဧါ.

လံာ်ယဃ့းစက့လး 8:6

ကစၢ်ယွၤစံးဘၣ်ယၤ, “ပှၤကညီလၢအသံသ့ဧၢ, နထံၣ်ဘၣ်တၢ်လၢအမၤ အသးလံကစီဒီဧါ, ကွၢ်ဃီၤတၢ်လၢအလီၤသးဘၣ်အၢတဖၣ်, လၢကီၢ် အံၣ်စရ့လးအပှၤဂီၢ်မုၢ်မၤဝဲဖဲအံၤ, ဒီးနီၣ်ထီၣ်ကွံာ်ယၤယံၤထီၣ်ယံၤထီၣ်ဒီးယတၢ်လီၢ်စီဆှံန့ၣ်တက့ၢ်. နကထံၣ်ဘၣ်ဒံးတၢ်လီၤမဲာ်ဆှးတဖၣ်အါန့ၢ်ဒိၣ်န့ၢ်ဒံးဒၣ်လဲာ်တၢ် အံၤန့ၣ်လီၤ.”

လံာ်ဟိၤၡ့ 10:5

ပှၤဂီၢ်မုၢ်လၢအအိၣ်လၢဝ့ၢ်ၡၤမရံကပျံၤတၢ်ဖုးတၢ်ဒီး ကသူၣ်အုးသးအုးလၢဂီၤဖံးထူအတၢ်လီၤမၢ်ကွံာ်လၢဝ့ၢ် ဘ့ၤသ့လးအဃိန့ၣ်လီၤ. အဝဲသ့ၣ်ဒီးပှၤလုၢ်တၢ်အခိၣ်တဖၣ်လၢအမၤတၢ်လၢတၢ်ဂီၤတၢ်ဖီၣ် အဂီၢ်ကဟီၣ်တၢ်ယၢၤတၢ်လၢအဃိန့ၣ်လီၤ. အဝဲသ့ၣ်ကဟီၣ်တၢ်ယၢၤတၢ်ဖဲထူကပြုၢ်ကပြီၤတဖၣ်ဘၣ်တၢ်အိးကွံာ် အီၤအခါန့ၣ်လီၤ.

လံာ်စဖါနယၤ 1:4

ယကစံၣ်ညီၣ်ဝ့ၢ်ယရူၤၡလ့ၣ်အပှၤဂီၢ်မုၢ်ဒီးကယဲၢ်ပှၤအိၣ်လၢကီၢ် ယူဒၤအပူၤခဲလၢာ်န့ၣ်လီၤ. ယကမၤဟးဂီၤကွံာ်ပှၤဘူၣ်ထီၣ်ဘါထီၣ် ဘဧၤလးဖဲန့ၣ်, တုၤလၢပှၤအိၣ်လီၤတဲာ်တ့ၢ်လၢခံကတၢၢ်တဂၤတစုလီၤ. ဒီးပှၤကသ့ၣ်နီၣ်ပှၤဘါတၢ်ဂီၤတၢ်ဖီၣ်အပှၤလုၢ်တၢ်အခိၣ်တဖၣ်လၢ အမၤဘဧၤလးအတၢ်တအိၣ်လၢၤဘၣ်နီတဂၤဒၣ်လဲာ်ဘၣ်.