လံာ်စီၤပၤခံဘ့ၣ်တဘ့ၣ် 23:36 - Sgaw Karen Common Bible

³⁶ စီၤယဟိယါကံၣ်အသးအိၣ်ခံဆံယဲၢ်နံၣ်ဖဲအဝဲကဲထီၣ်ကီၢ်ယူဒၤ အစီၤပၤအဆၢကတီၢ်ဒီးအဝဲပၢတၢ်လၢဝ့ၢ်ယရူၤရှလ့ၣ်အပူၤတဆံ တနံၣ်န့ၣ်လီၤ. အဝဲအမိၢ်မ့ၢ်ဝဲနီၢ်စဘူဒၤ, စီၤပဒါယၤလၢဝ့ၢ်ရူမၤအဖိမုၣ် န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:36 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 3:15

စီၤယိၤၡံယၤအိၣ်ဒီးအဖိခွါလွံၢ်ဂၤလၢအမ့ၢ်ဝဲစီၤယိဃၤ နၤ, စီၤယဟိယါကံၣ်, စီၤစံးဒကံယၤဒီးစီၤယဟိအါဃးလီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:5

စီၤယဟိယါကံၣ်အသးအိၣ်ခံဆံယဲၢ်နံၣ်ဖဲအဝဲကဲထီၣ်ကီၢ်ယူဒၤ အစီၤပၤ, ဒီးအဝဲပၢတ့ၢ်တၢ်ဖဲဝ့ၢ်ယရူၤရှလ့ၣ်တဆံတနံၣ်န့ၣ်လီၤ. အဝဲမၤတၢ်ဒဲးဘးထီဒါယွၤအကစၢ်ယွၤန့ၣ်လီၤ.

လံာ်ယံးရမံယၤ 1:3

ဒီးအဝဲကတိၤကဒီးတၢ်ဒီးအီၤဖဲစီၤယိၤၡံယၤအဖိခွါစီၤယဟိယါကံၣ် ကဲထီၣ်စီၤပၤအခါန့ၣ်လီၤ. အန့ၣ်ဝံၤအလီၢ်ခံ, ယွၤကတိၤတၢ်ဒီးအီၤအါဘျီတုၤလီၤလၢ စီၤယိၤၡံယၤအဖိခွါစီၤစံးဒကံယၤပၢတၢ်တဆံတနံၣ်အကတီၢ်န့ၣ်လီၤ. လၢနံၣ်အဝဲန့ၣ်ယဲၢ်လါတလါအပူၤန့ၣ်, ပှၤဂီၢ်မုၢ်လၢဝ့ၢ်ယရူၤ ၡလ့ၣ်တဖၣ်ဘၣ်တၢ်စိာ်မၢကဲကုၢ်အီၤန့ၣ်လီၤ.

လံာ်ယံးရမံယၤ 22:18

လၢတၢ်န့ၣ်အဃိ, ယွၤကတိၤတၢ်ဘၣ်ဃးစီၤယိၤၡံယၤအဖိခွါ, ကီၢ်ယူဒၤအစီၤပၤစီၤယဟိၤယါကံၣ်အဂ့ၢ်ဒီးစံးဝဲ, “ပှၤတသူၣ်အုးသးအုးလၢအဝဲ အတၢ်သံအဃိဒီးစံး, တၢ်နးဒိၣ်မးလဲၣ် ယတံၤသကိးဧၢ, တၢ်နးဒိၣ်မးလဲၣ်, နီတဂၤဘၣ်. ပှၤတဟီၣ်တယၢၤလၢအဃိဒီးကိးထီၣ်, ယကစၢ်ဧၢ, ယစီၤပၤဧၢ, နီတဂၤဘၣ်.

လံာ်ယံးရမံယၤ 22:19

အဝဲကအိၣ်ဒီးတၢ်ခူၣ်လီၤအီၤအလၤကပီၤထဲသိးဒၣ်ကသ့ၣ်ယီၤ တဒုန့ၣ်လီၤ. အဝဲကဘၣ်တၢ်တွံၢ်ထုးထီၣ်အီၤ ဒီးကွံာ်ကွံာ်အီၤလၢဝ့ၢ်ယရူၤၡလ့ၣ်အတြဲၤတဖၣ်အချၢန့ၣ်လီၤ.”

လံာ်ယံးရမံယၤ 26:1

ဖဲစီၤယိၤၡံယၤ အဖိခွါ စီၤယဟိယါကံၣ်ကဲထီၣ်စီၤပၤလၢ ကီၢ်ယူဒၤဝံၤတယံာ်ဘၣ်န့ၣ်,

လံာ်ဒၤနံးယ့လး 1:1

လၢကီၢ်ယူဒၤအပူၤဖဲစီၤပၤစီၤယဟိၤယါကံၣ်ပၢတၢ်သၢနံၣ်တနံၣ် န့ၣ်ကီၢ်ဘၤဘူၤလိၣ်အစီၤပၤစီၤနဘူၤကးန့စၢ်ဟဲကဝီၤဃာ်ဝ့ၢ် ယရူၤရှလ့ၣ်ဒီးဒုးတၢ်ဒ်သိးကမၤန့ၢ်အီၤန့ၣ်လီၤ.