လံာ်စီၤပၤခံဘ့ၣ်တဘ့ၣ် 23:27 - Sgaw Karen Common Bible

²⁷ ယွၤစံးဝဲဒၣ်, “တၢ်လၢယမၤတ့ၢ်ကီၢ်အံၣ်စရ့လးန့ၣ်ယကမၤကီၢ် ယူဒၤစ့ၢ်ကီးန့ၣ်လီၤ. ယကနီၣ်ထီၣ်ဟီထီၣ်ကွံာ်ယူဒၤအပှၤဂီၢ်မုၢ်လၢယမဲာ်ညါ, ဒီးယကညိကွံာ်ယရူၤရှလ့ၣ်ဝ့ၢ်လၢယဃုထၢတ့ၢ်အီၤဒီးယွၤအတၢ် လုၢ်ဟံၣ်, တၢ်လီၢ်လၢယစံးတ့ၢ်ယဲလၢယကဘၣ်တၢ်ဘူၣ်ထီၣ်ဘါထီၣ်ယၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 23:27 Iomraidhean Croise

လံာ်စီၤပၤအခီၣ်ထံးတဘ့ၣ် 8:29

အံးလီၤကွၢ်လီၤယွၤအတၢ်လုၢ်ဟံၣ်အံၤလၢမုၢ်ဆါဆဲးလၢမုၢ်နၤ, တၢ်လီၢ်အံၤလၢနဃုထၢတ့ၢ်အီၤလၢတၢ်ဘူၣ်ထီၣ်ဘါထီၣ်နၤအဂီၢ် န့ၣ်တက့ၢ်. ဒိကနၣ်ယၤ, ဖဲယဃၣ်ဃီၤယမဲာ်ဆူယွၤအတၢ်လုၢ်ဟံၣ်အံၤဒီးဘါထု ကဖၣ်အခါန့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 9:3

ယွၤစံးဘၣ်အီၤ, “ယနၢ်ဟူတ့ၢ်နတၢ်ထုကဖၣ်န့ၣ်လံ. ယမၤစီဆှံလံယွၤအတၢ်လုၢ်ဟံၣ်လၢနသူၣ်ထီၣ်တ့ၢ်အီၤအံၤ, ဒ်တၢ်လီၢ်တတီၤလၢယကဘၣ်တၢ်ဘူၣ်ထီၣ်ဘါထီၣ်ယၤလီၤစိၤလီၤထီ န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:18

ယွၤအသးဒိၣ်ထီၣ်ပှၤအံၣ်စရ့လးဖိတဖၣ်ဒီးဟီထီၣ်ကွံာ်အဝဲသ့ၣ် လၢအမဲာ်ညါ, ပာ်တ့ၢ်ဒၣ်ထဲကီၢ်ယူဒၤအဘီအမုၢ်ဧိၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:20

ယွၤညိကွံာ်ကယဲၢ်ပှၤအံၣ်စရ့လးဖိခဲလၢာ်စံၣ်ညီၣ်အဝဲသ့ၣ်ဒီး ဟ့ၣ်လီၤကွံာ်အဝဲသ့ၣ်ဆူဒုၣ်အၢဒါသီတဖၣ်အစုပူၤ, တုၤလၢ, လၢခံကတၢၢ်အဝဲနီၣ်ထီၣ်ကွံာ်အဝဲသ့ၣ်လၢအမဲာ်ညါတစု န့ၣ်လီၤ.

လံာ်စီၤပၤခံဘ့ၣ်တဘ့ၣ် 17:23

တုၤလၢ, လၢခံကတၢၢ်ယွၤနီၣ်ထီၣ်ဟီထီၣ်ကွံာ်အဝဲသ့ၣ်လၢအမဲာ် ညါ, ဒ်အဝဲဟ့ၣ်ပလီၢ်တ့ၢ်ဝဲခီဖျိအခ့အပှၤဝံတဖၣ်လၢကမၤဝဲဒၣ်န့ၣ် လီၤ. လၢတၢ်န့ၣ်အဃိကီၢ်အံၣ်စရ့လးအပှၤဂီၢ်မုၢ်ဘၣ်တၢ်စိာ်မၢကဲကုၢ် ကွံာ်အီၤဆူကီၢ်အၤၡူၢ်အပူၤဖဲအဝဲသ့ၣ်အိၣ်ဆိးဒံးဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:11

ကီၢ်အၤၡူၢ်အစီၤပၤဖးဒိၣ်က့ၤကိးပှၤအံၣ်စရ့လးဖိတဖၣ်ဆူ ကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ်အသိး, ဒီးပာ်လီၤန့ၢ်ပှၤတနီၤအလီၢ်အိၣ်လီၢ်ဆိးလၢဝ့ၢ်ဃၤလၤအပူၤ, တနီၤဘူးဒီးထံကျိဃၤဘိၢ်လၢကိစၣ်အကီၢ်ဆၣ်အပူၤ, ဒီးပှၤတနီၤလၢကီၢ်မံးဒယၣ်အဝ့ၢ်တဖၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:13

ယကစံၣ်ညီၣ်ဝ့ၢ်ယရူၤၡလ့ၣ်ဒ်ယမၤဘၣ်ဝ့ၢ်ၡၤမရံအသိး, ဒ်ယမၤဘၣ်ကီၢ်အံၣ်စရ့လးအစီၤပၤအၤဃာ်ဒီးအဝဲအစၢၤအသွဲၣ်တဖၣ် အသိးန့ၣ်လီၤ. ယကတြူာ်ကွံာ်ဝ့ၢ်ယရူၤၡလ့ၣ်အပှၤဂီၢ်မုၢ်စီဖ့ကလ့ၤဒ်လီခီ တဘ့ၣ်လၢအဘၣ်တၢ်ထွါပျီအီၤဒီးပာ်ကျၢၢ်အီထီလာ်အီၤအသိးန့ၣ် လီၤ.

လံာ်စီၤပၤခံဘ့ၣ်တဘ့ၣ် 21:14

ယကပာ်လီၤတဲာ်ကွံာ်ပှၤဂီၢ်မုၢ်လၢအအိၣ်လီၤတဲာ်တဖၣ်, ဒီးဟ့ၣ်ကွံာ်အဝဲသ့ၣ်ဆူအဝဲသ့ၣ်အဒုၣ်အဒါတဖၣ်အစုပူၤ, ပှၤတဖၣ်လၢကမၤနၢၤအဝဲသ့ၣ်ဒီးဂုာ်ဆူၣ်ပျီဆူၣ်အထံအကီၢ်န့ၣ် လီၤ.

လံာ်စီၤပၤခံဘ့ၣ်တဘ့ၣ် 21:4

အဝဲဘှီထီၣ်ပှၤတစူၢ်တနာ်ယွၤအတၢ်လုၢ်လီၢ်တဖၣ်လၢယွၤအတၢ်လုၢ် ဟံၣ်အပူၤ, တၢ်လီၢ်ဖဲယွၤစံးတ့ၢ်ဝဲလၢ, အဝဲကဘၣ်တၢ်ဘူၣ်ထီၣ်ဘါထီၣ်အီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:7

အဝဲပာ်လီၤကစၢ်မုၣ်အၡ့ရၤအပနီၣ်လၢယွၤအတၢ်လုၢ်ဟံၣ်ပူၤ, တၢ်လီၢ်လၢယွၤစံးဘၣ်တ့ၢ်စီၤဒၤဝံးဒီးအဖိခွါစီၤၡလိၤမိၤ လၢအဂ့ၢ်, စံးဝဲ, “ဖဲအံၤ, ဖဲဝ့ၢ်ယရူၤၡလ့ၣ်အပူၤ, တၢ်လီၢ်ဖဲ ယွၤအတၢ်လုၢ်ဟံၣ်အပူၤအံၤ, မ့ၢ်တၢ်လီၢ်လၢယဃုထၢတ့ၢ်ယဲလၢ ကယဲၢ်လီၢ်ကဝီၤခဲလၢာ်လၢအံၣ်စရ့လးအဒူၣ်တဆံခံဒူၣ်အပူၤဒ် အမ့ၢ်တၢ်လီၢ်လၢယကဘၣ်တၢ်ဘူၣ်ထီၣ်ဘါထီၣ်ယၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:28

ကယဲၢ်တၢ်အဂၤလၢစီၤပၤယိၤၡံယၤမၤတ့ၢ်ဝဲန့ၣ်ဘၣ်တၢ်ကွဲးနီၣ် အီၤလၢကီၢ်ယူဒၤအစီၤပၤတဖၣ်အလံာ်တၢ်စံၣ်စိၤတဲစိၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 24:2

ယွၤမၢလီၤသုးဖိအဖုတဖၣ်လၢအမ့ၢ်, ပှၤဘၤဘူၤလိၣ်ဖိ, ပှၤစူၤရံဖိ, ပှၤမိၤအးဖိဒီးပှၤဧၣ်မိၣ်ဖိထီဒါစီၤယဟိၤယါ ကံၣ်လၢတၢ်ကမၤဟးဂီၤကွံာ်ကီၢ်ယူဒၤအဂီၢ်, ဒ်ယွၤစံးတ့ၢ်ခီဖျိအခ့အပှၤဝံတဖၣ်, လၢကမၤဝဲအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 24:3

တုၤယွၤဟ့ၣ်လီၤအကလုၢ်တဘျီဃီန့ၣ်, တၢ်အံၤမၤအသးဒ်သိးကနီၣ် ထီၣ်ကွံာ်ကီၢ်ယူဒၤအပှၤဂီၢ်မုၢ်လၢအမဲာ်ညါမ့ၢ်လၢတၢ်ဒဲးဘး တဖၣ်လၢစီၤပၤမနၤၡ့ၤမၤတ့ၢ်ဝဲအဃိ,

လံာ်စီၤပၤခံဘ့ၣ်တဘ့ၣ် 25:11

ဝံၤဒီးစီၤနဘူစၢ်ရဒၣ်စိာ်ထီၣ်ကွံာ်, ပှၤဂီၢ်မုၢ်လၢအအိၣ်လီၤ တဲာ်ဒံးလၢဝ့ၢ်ပူၤခဲလၢာ်, ပှၤမၤတၢ်သ့ဂ့ၤဂ့ၤလၢအအိၣ်လီၤတဲာ်ဒံးတဖၣ်, ဒီးပှၤတဖၣ်လၢအပာ်လီၤတဲာ်အကီၢ်ဒီးခီနုာ်ဆူပှၤဘၤဘူၤလိၣ် ဖိတဖၣ်အကျါ, န့ၣ်လီၤ.

လံာ်စီၤပၤခံဘ့ၣ်တဘ့ၣ် 25:21

အိၣ်ဝဲလၢကီၢ်ဃမါသးအလီၢ်ကဝီၤပူၤန့ၣ်လီၤ. ဖဲန့ၣ်စီၤပၤမၢပှၤဒိပှၤတီၢ်အဝဲသ့ၣ်ဒီးမၤသံကွံာ်အီၤန့ၣ် လီၤ. လၢတၢ်န့ၣ်အဃိကီၢ်ယူဒၤပှၤဂီၢ်မုၢ်ဘၣ်တၢ်စိာ်ထီၣ်ကွံာ်အီၤလၢ အထံအကီၢ်ဆူတၢ်စိာ်မၢကဲကုၢ်အပူၤန့ၣ်လီၤ.

စံးထီၣ်ပတြၢၤ 51:11

ညိကွံာ်ယၤလၢနမဲာ်ညါတဂ့ၤ, ဒီးဟံးထီၣ်ကွံာ်နသးစီဆှံလၢယၤတဂ့ၤ.

လံာ်ယံးရမံယၤ 15:4

ယကဒုးကဲထီၣ်အဝဲသ့ၣ်လၢတၢ်လီၤပျံၤလီၤဖုးအဒိအတဲာ် တမံၤလၢပှၤဂီၢ်မုၢ်လၢဟီၣ်ခိၣ်ချၢခဲလၢာ်အဂီၢ်, မ့ၢ်လၢ, တၢ်လၢ စီၤဃံးစကံယၤအဖိခွါစီၤမနၤၡ့ၤမၤတ့ၢ်ဝဲလၢဝ့ၢ်ယရူၤရှလ့ၣ်အပူၤ, ဖဲအဝဲကဲကီၢ်ယူဒၤအစီၤပၤအဆၢကတီၢ်, အဃိန့ၣ်လီၤ.”

လံာ်ယံးရမံယၤ 23:20

ဒီးတဆိကတီၢ်ဘၣ်အသးတုၤလီၤလၢတၢ်လၢအဝဲတိာ်လၢကမၤဝဲ တဖၣ်မၤဝံၤဘၣ်က့ၤဝဲခဲလၢာ်တစုန့ၣ်ဘၣ်. လၢမုၢ်နံၤလၢအကဟဲ တဖၣ်အပူၤန့ၣ်, အပှၤဂီၢ်မုၢ်ကနၢ်ပၢၢ်တၢ်အံၤဆှံဆှံန့ၣ်လီၤ.”

လံာ်ယံးရမံယၤ 23:33

ယွၤစံးဘၣ်ယၤ, “စီၤယံးရမံယၤဧၢ, ဖဲယပှၤဂီၢ်မုၢ်အကျါတဂၤမ့ၢ်ဂ့ၤ, ဝံတဂၤမ့ၢ်ဂ့ၤ, ပှၤလုၢ်တၢ်အခိၣ်တဂၤမ့ၢ်ဂ့ၤမ့ၢ်သံကွၢ်နၤ, ‘ယွၤအတၢ်ဝံတၢ်ယိးမ့ၢ်မနုၤလဲၣ်’ န့ၣ်, နဘၣ်တဲဘၣ်အီၤ, ‘နမ့ၢ်တၢ်ဝံတၢ်ယိးလၢယွၤ အဂီၢ်ဒီးအဝဲဒၣ်ကမၤဟးဂီၤကွံာ်နၤ’ န့ၣ်လီၤ.

လံာ်ယံးရမံယၤ 23:39

ယကဟံးထီၣ်ကွံာ်အဝဲသ့ၣ်သပှၢ်ကတၢၢ်ဒီးကွံာ်ယံၤကွံာ်အဝဲသ့ၣ် ဒီးယၤ, အဝဲသ့ၣ်ဒီးဝ့ၢ်လၢယဟ့ၣ်လီၤတ့ၢ်အဝဲသ့ၣ် ဒီးအမိၢ်ပၢ်ဖံဖုလၢပျၢၤတဖၣ်န့ၣ်လီၤ.

လံာ်ယံးရမံယၤ 31:37

ဖဲမုၢ်တနံၤလၢ ပှၤထိၣ်မူကပိာ်လိၤမ့ၢ်သ့, ဒီးဟီၣ်ခိၣ်အခီၣ်ထံး တဖၣ် တၢ်ဃုသ့ၣ်ညါအီၤဒုးမ့ၢ်သ့န့ၣ်ဒီး, အဝဲကညိကွံာ်ကီၢ်အံၣ်စရ့လး အပှၤဂီၢ်မုၢ်, လၢတၢ်လၢ အဝဲသ့ၣ်မၤတ့ၢ်ဝဲခဲလၢာ် အဃိန့ၣ်လီၤ. ယွၤကတိၤလံတၢ်လံ.

လံာ်ယံးရမံယၤ 32:31

ဝ့ၢ်အံၤ အပှၤဂီၢ်မုၢ် မၤသးဒိၣ်ဒီး မၤသးကဲၤထီၣ်ယၤစးထီၣ် မုၢ်တနံၤလၢ ဝ့ၢ်အံၤဘၣ်တၢ်သူၣ်ထီၣ်ဘှီထီၣ်အီၤန့ၣ်လီၤ. ယပာ်လီၤတ့ၢ်ယသးလၢ ယကမၤဟးဂီၤကွံာ်အီၤ,

လံာ်သးသယုၢ်တၢ် 2:7

ယွၤစူးကွံာ်ညိကွံာ်အတၢ်လုၢ်လီၢ်ဒီးကွံာ်တ့ၢ်ကွံာ်အတၢ်လုၢ် ဟံၣ်စီဆှံန့ၣ်လီၤ. ပျဲတ့ၢ်ဝဲဒုၣ်ဒါတဖၣ်လၢကဖှီယာ်ကွံာ်အတၢ်ဒူၣ်တဖၣ်လီၤ. အဝဲသ့ၣ်ကိးပသူထီၣ်တ့ၢ်ဝဲလၢတၢ်မၤနၢၤအပူၤဖဲတၢ်လီၢ်လၢ တဘျီပဘူၣ်ထီၣ်ဘါထီၣ်တ့ၢ်တၢ်အိၣ်ဒီးတၢ်သးခုန့ၣ်လီၤ.