လံာ်စီၤပၤခံဘ့ၣ်တဘ့ၣ် 23:2 - Sgaw Karen Common Bible

² ဒီးအဝဲသ့ၣ်လဲၤသကိးဝဲတပူၤဃီဆူယွၤအတၢ်လုၢ်ဟံၣ်, ဃုာ်ဒီးပှၤလုၢ်တၢ်အခိၣ်တဖၣ်, ဝံတဖၣ်, ဒီးကယဲၢ်ပှၤဂီၢ်မုၢ်ခဲ လၢာ်, ပှၤထူးပှၤတီၤမ့ၢ်ဂ့ၤ, ပှၤဖှီၣ်ဖိယာ်ဖိမ့ၢ်ဂ့ၤန့ၣ်လီၤ. လၢအဝဲသ့ၣ်ခဲလၢာ်အမဲာ်ညါန့ၣ်, စီၤပၤဖးထီၣ်ဝဲလံာ်တၢ်အၢၣ် လီၤအီလီၤဒီဘ့ၣ်ညါ, လၢအဘၣ်တၢ်ထံၣ်န့ၢ်အီၤလၢယွၤအတၢ်လုၢ်ဟံၣ်အပူၤ, လၢအကလုၢ်ဖးဒိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:2 Iomraidhean Croise

လံာ်တၢ်ကဲထီၣ်အခီၣ်ထံး 19:11

အန့ၣ်ဝံၤဒီး, အဝဲသ့ၣ်မၤဘျီၣ်ကွံာ်ကယဲၢ်ပှၤပိာ်ခွါခဲလၢာ်လၢ တၢ်ချၢသ့ၣ်တဖၣ်အမဲာ်ဒ်သိးအသုတထံၣ်န့ၢ်တြဲၤတဂ့ၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 8:9

လၢယွၤအတလါစီဆှံအပူၤန့ၣ်, မ့တမ့ၢ်လၢလၢၢ်ဘ့ၣ်ဘၣ်ခံဘ့ၣ်လၢ စီၤမိၤၡ့ဒၢနုာ်အီၤဖဲကစၢၢ်စံၤနါအလိၤ, ဖဲယွၤမၤတၢ်အၢၣ်လီၤအီလီၤဒီးပှၤအံၣ်စရ့လးဖိဖဲအဝဲသ့ၣ် ဟဲထီၣ်လၢကီၢ်အဲၤကူပတူးအပူၤအခါဘၣ်န့ၣ်တၢ်အဂၤတအိၣ်နီတမံၤဘၣ်.

လံာ်စီၤပၤခံဘ့ၣ်တဘ့ၣ် 22:8

စီၤၡၤဖၣ်ဟ့ၣ်လီၤစီၤပၤအကလုၢ်ဆူစီၤဃံးလကံယၤအအိၣ်ဒီး စီၤဃံးလကံယၤတဲဘၣ်အီၤလၢအဝဲထံၣ်န့ၢ်ယူဒၤအတၢ်သိၣ်တၢ်သီ အလံာ်လၢယွၤအတၢ်လုၢ်ဟံၣ်အပူၤန့ၣ်လီၤ. စီၤဃံးလကံယၤဟ့ၣ်အီၤလံာ်န့ၣ်ဒီးစီၤၡၤဖၣ်ဖးအီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:13

ပှၤတဂၤလၢ်လၢ်, အသးစၢ်မ့ၢ်ဂ့ၤအသးပှၢ်မ့ၢ်ဂ့ၤ, ပိာ်ခွါမ့ၢ်ဂ့ၤ, ပိာ်မုၣ်မ့ၢ်ဂ့ၤလၢအတဘူၣ်ထီၣ်ဘါထီၣ်ယွၤ န့ၣ်, ကဘၣ်တၢ်မၤသံကွံာ်အီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 17:9

အဝဲသ့ၣ်စိာ်ထီၣ်ယူဒၤအတၢ်သိၣ်တၢ်သီလၢယွၤဟ့ၣ်လီၤအီၤအ လံာ်, လဲၤခီဖျိကယဲၢ်ကီၢ်ယူဒၤအဝ့ၢ်ခဲလၢာ်ဒီးသိၣ်လိအီၤဆူပှၤ ဂီၢ်မုၢ်န့ၣ်လီၤ.

လံာ်စီၤနဃ့မယၤ 13:1

တုၤစီၤမိၤၡ့အတၢ်သိၣ်တၢ်သီဘၣ်တၢ်ဖးဖျါထီၣ်အီၤသီၣ်ဒိၣ် ဒိၣ်ဆူပှၤဂီၢ်မုၢ်အအိၣ်ဒီးတုၤဖဲတၢ်ကွဲးအသးတတီၤလၢအမ့ၢ် ဝဲပှၤဧၣ်မိၣ်ဖိမ့ၢ်ဂ့ၤ, ပှၤမိၤအးဖိမ့ၢ်ဂ့ၤတၢ်တဟ့ၣ်ဘၣ်အခွဲး လၢကပာ်ဖှိၣ်အသးဒီးကစၢ်ယွၤအပှၤဂီၢ်မုၢ်ဘၣ်န့ၣ်လီၤ.

လံာ်စီၤနဃ့မယၤ 9:3

ယွၤ, အဝဲသ့ၣ်အကစၢ်ယွၤအတၢ်သိၣ်တၢ်သီလၢပှၤယူဒၤဖိ အဂီၢ်ဘၣ်တၢ်ဖးန့ၢ်အဝဲသ့ၣ်သၢနၣ်ရံၣ်ဝံၤဒီးလၢခံသၢနၣ်ရံၣ် န့ၣ်အဝဲသ့ၣ်တဲလီၤကျဲၤလီၤက့ၤအတၢ်ဒဲးဘးတဖၣ်ဒီးဘူၣ်ထီၣ် ဘါထီၣ်ယွၤ, အဝဲသ့ၣ်အကစၢ်ယွၤန့ၣ်လီၤ.

လံာ်နီၢ်အ့ၤစတၢ် 1:5

တၢ်န့ၣ်ဝံၤအလီၢ်ခံ, စီၤပၤမၤတၢ်အီၣ်တၢ်အီအမူးဖးဒိၣ်တခါလၢပှၤအိၣ်လၢဝ့ၢ်ခိၣ် ဝ့ၢ်ၡူၡၣ်အပူၤ, ပှၤထူးပှၤတီၤမ့ၢ်ဂ့ၤ, ပှၤဖှီၣ်ဖိယာ်ဖိမ့ၢ်ဂ့ၤ, လၢပှၤခဲလၢာ်အဂီၢ်န့ၣ်လီၤ. ဒီးယံာ်ဝဲဒီတနွံညါဒီးဘၣ်တၢ် မၤအီၤလၢစီၤပၤအတၤသၣ်လီၢ်န့ၣ်လီၤ.

လံာ်စီၤယိၤဘး 3:19

ပှၤအဒိၣ်ဒီးပှၤအဆံးအိၣ်ဖဲန့ၣ်, ဒီးပှၤကဲကုၢ်ထူၣ်ဖျဲးထီၣ် ကွံာ်လၢအကစၢ်န့ၣ်လီၤ.

စံးထီၣ်ပတြၢၤ 115:13

အဝဲကဆိၣ်ဂ့ၤပှၤကိးဂၤဒဲးလၢအမၤလၤကပီၤအီၤ, ပှၤအဒိၣ်ဒီးပှၤအဆံးဒ်သိးသိးန့ၣ်လီၤ.

လံာ်ယံးရမံယၤ 34:8

စီၤပၤစံးဒကံယၤဒီး ဝ့ၢ်ရူၤၡလ့ၣ်အပှၤဂီၢ် မုၢ်မၤတ့ၢ်တၢ်အၢၣ်လီၤအီလီၤတမံၤလၢ ကပျၢ်ပူၤဖျဲး

မၤတၢ် 26:22

ဘၣ်ဆၣ်ဒီးတုၤလၢမုၢ်တနံၤညါအံၤကစၢ်ယွၤမၤစၢၤတ့ၢ်ယၤ, ဒီးလၢတၢ်န့ၣ်အဃိယဆၢထၢၣ်ဖဲအံၤဒီးဟ့ၣ်ယတၢ်အုၣ် ယသးဆူပှၤကိးဂၤဒဲး, ဒိၣ်မ့ၢ်ဂ့ၤ, ဆံးမ့ၢ်ဂ့ၤန့ၣ်လီၤ. တၢ်လၢယစံးကတိၤယဲလၢအဂ့ၢ်န့ၣ်, မ့ၢ်တၢ်တမံၤဃီလၢဝံတဖၣ်ဒီးစီၤမိၤၡ့စံးတ့ၢ်ဝဲလၢအကမၤ အသး,

လံာ်သိၣ်လီၤသီလီၤတၢ် 31:26

“ဟံးန့ၢ်လံာ်အံၤလၢအဘၣ်ထွဲဒီးယူဒၤအတၢ်သိၣ်တၢ်သီ လၢကစၢ်ယွၤဟ့ၣ်လီၤဝဲဒီးပာ်လီၤအီၤလၢယွၤ, သုကစၢ်အတၢ်အၢၣ်လီၤအီလီၤအတလါစီဆှံအကပၤ, ဒ်သိးတၢ်န့ၣ်ကအိၣ်ဒံးဝဲဖဲန့ၣ်ဒ်တၢ်အုၣ်အသးတမံၤထီဒါအဝဲ အပှၤဂီၢ်မုၢ်အဂီၢ်အသိးန့ၣ်တက့ၢ်.

လံာ်လီၣ်ဖျါ 20:12

ဒီးယထံၣ်ဘၣ်ပှၤသံတဖၣ်, အဒိၣ်ဒီးအဆံးစ့ၢ်ကီး, အိၣ်ဆၢထၢၣ်လၢလီၢ်ပစိာ်အမဲာ်ညါန့ၣ်လီၤ. လံာ်တဖၣ် ဘၣ်တၢ်အိးထီၣ်အီၤ, ဒီးအန့ၣ်ဝံၤအလီၢ်ခံလံာ်အဂၤ တဘ့ၣ်ဘၣ်တၢ်အိးထီၣ်အီၤ, လၢအမ့ၢ်လံာ်မူတဘ့ၣ်န့ၣ်လီၤ. ပှၤသံတဖၣ်ဘၣ်တၢ်စံၣ်ညီၣ်အီၤဒ်တၢ်လၢအဝဲသ့ၣ် မၤတ့ၢ်ဝဲ, ဒ်အဘၣ်တၢ်ကွဲးနီၣ်တ့ၢ်အီၤလၢလံာ်တဖၣ် အပူၤအသိးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 30:2

ဒီးဖီၣ်န့ၢ်ပှၤပိာ်မုၣ်ပိာ်မၢၤတဖၣ်လီၤ. တမၤသံကွံာ်ပှၤနီ တဂၤဘၣ်. ဘၣ်ဆၣ်ဒီးအဝဲသ့ၣ်က့ၤကိးပှၤကိးဂၤဒဲးဖဲအက့ၤကဒါက့ၤဝဲအခါန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 5:9

ဘၣ်ဆၣ်ဒီးဖဲအလဲၤတုၤဃီၤဖဲန့ၣ်န့ၣ်, ယွၤစံၣ်ညီၣ်စ့ၢ်ကီး ဝ့ၢ်အဝဲန့ၣ်, ဒီးဒုးအိၣ်ထီၣ်တၢ်ပျံၤတၢ်ဖုးဖးဒိၣ်လီၤ. အဝဲစံၣ်ညီၣ်အဝဲသ့ၣ်လၢတၢ်ဆါအချံထီၣ်ဒီးညိးတဖၣ်လၢအဘၣ်လၢ ကယဲၢ်ပှၤဝ့ၢ်ဖိခဲလၢာ်သးပှၢ်သးစၢ်ကိးဂၤဒဲးန့ၣ်လီၤ.