လံာ်စီၤပၤခံဘ့ၣ်တဘ့ၣ် 23:13 - Sgaw Karen Common Bible

¹³ စီၤယိၤၡံယၤမၤဘၣ်အၢဘၣ်သီကွံာ်တၢ်လုၢ်လီၢ်တဖၣ်လၢစီၤပၤ စီၤၡလိၤမိၤဘှီထီၣ်တ့ၢ်ဝဲလၢအအိၣ်လၢဝ့ၢ်ယရူၤၡလ့ၣ်အမုၢ်ထီၣ်, ဒီးကစၢၢ်သ့ၣ်စၤယံးအကလံၤထံးလၢတၢ်ကဘူၣ်ထီၣ်ဘါထီၣ်တၢ်ဂီၤ တၢ်ဖီၣ်လီၤသးဘၣ်အၢတဖၣ်လၢအမ့ၢ်ပှၤစံဒိၣ်ဖိအကစၢ်မုၣ်ဧၤၡ တြိး, ပှၤမိၤအးဖိအကစၢ်ကမိၣ်, ဒီးပှၤဧၣ်မိၣ်ဖိအကစၢ်မိလးအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:13 Iomraidhean Croise

လံာ်စီၤပၤအခီၣ်ထံးတဘ့ၣ် 11:33

ယကမၤတၢ်အံၤမ့ၢ်လၢစီၤၡလိၤမိၤညိကွံာ်လံယၤဒီးဘူၣ်ထီၣ်ဘါ ထီၣ်ပှၤတခီဘီမုၢ်ဖိအကစၢ်တဖၣ်လၢအမ့ၢ်ဝဲ, ကီၢ်စံဒိၣ်အကစၢ်မုၣ်ဧၤၡတြိး, ကီၢ်မိၤအးအကစၢ်ကမိၣ်, ဒီးကီၢ်ဧၣ်မိၣ်အကစၢ်မိလးအဃိန့ၣ်လီၤ. စီၤၡလိၤမိၤတစူၢ်တ့ၢ်ယၤလၢၤဘၣ်. အဝဲမၤကမၣ်တ့ၢ်တၢ်ဒီးတတိၢ် န့ၢ်ဖံးဃာ်ယတၢ်သိၣ်တၢ်သီတဖၣ်ဒီးယတၢ်မၤလိာ်တဖၣ်ဒ်အပၢ်စီၤဒၤ ဝံးမၤတ့ၢ်ဝဲအသိးန့ၣ်ဘၣ်.

လံာ်စီၤပၤအခီၣ်ထံးတဘ့ၣ် 11:5

အဝဲဘူၣ်ထီၣ်ဘါထီၣ်တ့ၢ်ကီၢ်စံဒိၣ်အကစၢ်မုၣ်ဧၤၡတြိးဒီးကီၢ် ဧၣ်မိၣ်အကစၢ်လၢလီၤသးဘၣ်အၢမိလးန့ၣ်လီၤ.

လံာ်စီၤပၤအခီၣ်ထံးတဘ့ၣ် 11:7

လၢဝ့ၢ်ယရူၤၡလ့ၣ်မုၢ်ထီၣ်အကစၢၢ်ဒီခိၣ်န့ၣ်အဝဲမၤထီၣ်တၢ်လီၢ် တတီၤလၢကဘူၣ်ထီၣ်ဘါထီၣ်ကီၢ်မိၤအးအကစၢ်တဖၣ်လၢအလီၤသးဘၣ် အၢ, ကမိၣ်အဂီၢ်, ဒီးတၢ်လီၢ်တတီၤလၢကဘူၣ်ထီၣ်ဘါထီၣ်ကီၢ်ဧၣ်မိၣ်အကစၢ်လၢတၢ်လီၤ သးဘၣ်အၢမိလးအဂီၢ်န့ၣ်လီၤ.

လံာ်စီၤနဃ့မယၤ 13:26

ယစံးဘၣ်အဝဲသ့ၣ်ဒ်အံၤ, “စီၤပၤၡလိၤမိၤမၤတၢ်ဒဲးဘးန့ၣ် မ့ၢ်လၢပှၤတခီဘီမုၢ်ဖိပိာ်မုၣ်တဖၣ်အဃိန့ၣ်လီၤ. အဝဲမ့ၢ်တ့ၢ်ပှၤတဂၤလၢအဒိၣ်န့ၢ်ကယဲၢ်ထံဧိၤကီၢ်ဧိၤအစီၤပၤ အဂၤတဖၣ်တက့ၢ်န့ၣ်လီၤ. ကစၢ်ယွၤအဲၣ်အီၤဒီးဒုးကဲထီၣ်အီၤစီၤပၤလၢကီၢ်အံၣ်စရ့လး ဒီဘ့ၣ်အဖီခိၣ်ဘၣ်ဆၣ်အဝဲလီၤတဲာ်ဆူတၢ်ဒဲးဘးအံၤအပူၤန့ၣ်လီၤ.

လံာ်ယၡါယၤ 44:19

ပှၤလၢအတ့တၢ်ဂီၤတၢ်ဖီၣ်တဖၣ်တအိၣ်ဒီးတၢ်ကူၣ်တၢ်ဆးမ့ၢ်ဂ့ၤ, တၢ်သ့ၣ်ညါနၢ်ပၢၢ်မ့ၢ်ဂ့ၤလၢကစံးဝဲ, “ယဒွဲၣ်အူထီၣ်သ့ၣ်တနီၤလီၤ. ယကုၢ်ကိၣ်တနီၤလၢမ့ၣ်အူကဖးအဖီခိၣ်, ဒီးယကၣ်တၢ်ညၣ်ဒီးယအီၣ်အီၤလီၤ. ဒီးသ့ၣ်လၢအအိၣ်တီၢ်န့ၣ်, ယတ့ထီၣ်တၢ်ဂီၤတၢ်ဖီၣ်တခါလီၤ. ဖဲအံၤ, ယတီၤလီၤယဲလၢသ့ၣ်ကူာ်လာ်တကျီၣ်အမဲာ်ညါလီၤ,” န့ၣ်ဘၣ်.

လံာ်ယံးရမံယၤ 11:13

ကီၢ်ယူဒၤအပှၤဂီၢ်မုၢ်အိၣ်ဒီးအကစၢ်တဖၣ်အါမးဒ်အဝဲသ့ၣ် အိၣ်ဒီးအဝ့ၢ်တဖၣ်အသိး, ဒီးပှၤလၢအအိၣ်ဝဲဆိးဝဲလၢဝ့ၢ်ယရူၤၡလ့ၣ် အပူၤတဖၣ်မၤထီၣ်တၢ်လုၢ်လီၢ်တဖၣ်, လၢတၢ်လုၢ်ထီၣ်ပာ်ထီၣ် တၢ်ဆူအကစၢ်ဘဧၤလးအအိၣ်အဂီၢ်, အါဝဲပှဲၤသိးကျဲအဘိတဖၣ် လၢဝ့ၢ်အပူၤန့ၣ်လီၤ.

လံာ်ယံးရမံယၤ 48:13

အန့ၣ်ဒီး, ပှၤမိၤအးဖိတဖၣ် ကဘၣ်တၢ်မဲာ်ဆှးလၢ အတၢ်နာ်ကမၣ်အကစၢ်ကမိၣ်အဃိ, ဒ်ပှၤအံၣ်စရ့လးဖိတဖၣ် ဘၣ်မဲာ်ဆှးလၢ ဘ့ၤသ့လး, ကစၢ်တဂၤလၢ အဝဲသ့ၣ်နာ်ဝဲအဃိ, အသိးန့ၣ်လီၤ.

လံာ်ယံးရမံယၤ 48:16

ကီၢ်မိၤအးအတၢ်ဘၣ်စံၣ်ညီၣ်ဃါ မနၤသုးဘူး အသးလံ. တယံာ်လၢၤဘၣ်ဒီး အတၢ်ဟးဂီၤကဟဲ တုၤဝဲလီၤ.

လံာ်ယံးရမံယၤ 48:7

ကီၢ်မိၤအးဧၢ, နနာ်လီၤန့ၢ်နဂံၢ်နဘါဒီးနတၢ်ထူးတၢ်တီၤန့ၣ်လီၤ. ဘၣ်ဆၣ်ဒီး အခဲအံၤ, နၤဒၣ်လဲာ်နကဘၣ် တၢ်မၤနၢၤမၤန့ၢ်ကွံာ်နၤန့ၣ်လီၤ. နကစၢ်ကမိၣ်ကဘၣ်လဲၤဆူ တၢ်မၢကဲကုၢ်အလီၢ် ဃုာ်ဒီးပဒိၣ်ပပှၢ်တဖၣ်ဒီး အပှၤလုၢ်တၢ်အခိၣ်တဖၣ်န့ၣ်လီၤ.

လံာ်စဖါနယၤ 1:5

ယကမၤဟးဂီၤကွံာ်ကယဲၢ်ပှၤတဂၤလၢ်လၢ်လၢအလဲၤ ထီၣ်ဆူဟံၣ်ခိၣ်ဒီးဘူၣ်ထီၣ်ဘါထီၣ်မုၢ်, လါဒီးဆၣ်တဖၣ်န့ၣ်လီၤ. ယကမၤဟးဂီၤကွံာ်စ့ၢ်ကီးပှၤလၢအဘူၣ်ထီၣ်ဘါထီၣ်ယၤဒီးပှၤ တဖၣ်လၢအအၢၣ်လီၤအီလီၤအသးလၢကတီဒီးယၤဘၣ်ဆၣ်ဒီး မၤတၢ်ဆိၣ်လီၤအသးတဖၣ်လၢကစၢ်မိလးအမံၤအပူၤန့ၣ်လီၤ.

လံာ်တၢ်ဂံၢ် 21:29

ကီၢ်မိၤအးအပှၤဂီၢ်မုၢ်ဧၢ, တၢ်လီၤပျံၤလၢနဂီၢ်ဒိၣ်မးလဲၣ်. သုဝဲ, ပှၤတဖၣ်လၢအဘါထီၣ်ကမိၣ်ဘၣ်တၢ်စိာ်ကွံာ်သုဆူတၢ်ဟးဂီၤ တဖၣ်အပူၤန့ၣ်လီၤ. သုကစၢ်ဒုးကဲထီၣ်ပှၤအါဂၤလၢပှၤဃ့ၢ်ပူၤဖျဲးအသးဆူတၢ်လီၢ် အဂၤတဖၣ်, ဒီးပိာ်မုၣ်တဖၣ်ကဲထီၣ်ပှၤဘၣ်တၢ်စိာ်မၢကဲကုၢ်အီၤတဖၣ်လၢပှၤ အမိၢ်ဖိအစီၤပၤလံ.

လံာ်ပှၤစံၣ်ညီၣ်ကွီၢ် 10:6

မၤကဒီးတစု, ပှၤအံၣ်စရ့လးဖိတဖၣ်မၤတၢ်ဒဲးဘးထီဒါယွၤ ခီဖျိတၢ်ဘူၣ်ထီၣ်ဘါထီၣ်ဘဧၤလးတဖၣ်ဒီးဧၤၡကြိးတဖၣ်ဃုာ်ဒီး ကစၢ်တဖၣ်လၢကီၢ်စူၤရံ, ကီၢ်စံဒိၣ်, ကီၢ်မိၤအး, ကီၢ်ဧၣ်မိၣ်ဒီးကီၢ်ဖလ့ၡသးန့ၣ်လီၤ. အဝဲသ့ၣ်ညိကွံာ်ယွၤဒီးဆိကတီၢ်တၢ်ဘူၣ်ထီၣ်ဘါထီၣ်အီၤန့ၣ်လီၤ.

လံာ်ပှၤစံၣ်ညီၣ်ကွီၢ် 11:24

မ့ၢ်နအဲၣ်ဒိးမၤန့ၢ်က့ၤအီၤဧါ. တၢ်လၢနကစၢ် “ကမိၣ်” ဟ့ၣ်နၤန့ၣ်နဟံးဃာ်အီၤသ့လီၤ. မ့မ့ၢ်ပဝဲဒၣ်အံၤပကဟံးဃာ် တၢ်ကိးမံၤဒဲးလၢယွၤ, ပကစၢ်ဟ့ၣ်လီၤပှၤန့ၣ်လီၤ.

လံာ်ပှၤစံၣ်ညီၣ်ကွီၢ် 2:13

ဒီးအဝဲသ့ၣ်ဆိကတီၢ်ဘူၣ်ထီၣ်ဘါထီၣ်ယွၤ, ဒီးမၤဘဧၤလးဒီးဧၡတြိးတဖၣ်အတၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:10

အန့ၣ်တစု, အဝဲသ့ၣ်ကိးထီၣ်ဆူယွၤအအိၣ်လၢတၢ်မၤစၢၤအဂီၢ်ဒီး စံးဝဲ, “ပမၤတ့ၢ်တၢ်ဒဲးဘးလံ. အဂ့ၢ်ဒ်အံၤ, ပဃၣ်ကွံာ်ပသးလၢနအိၣ်ယွၤဧၢ, ဒီးဘူၣ်ထီၣ်ဘါထီၣ်ဘဧၤလးဒီးအၤၡတြိးတဖၣ်အတၢ်ဂီၤသိအသး န့ၣ်လီၤ. အုၣ်က့ၤခီၣ်က့ၤပှၤလၢပဒုၣ်ပဒါတဖၣ်အစုပူၤ, ဒီးပကဘူၣ်ထီၣ်ဘါထီၣ်နၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:4

မၤသးဒ်န့ၣ်ဒီး, ပှၤအံၣ်စရ့လးဖိတဖၣ်တၢၤကွံာ်ဘဧၤလးဒီးဧၤၡတြိးအတၢ်ဂီၤတၢ်ဖီၣ်စိးပျၤအသးတဖၣ်ဒီးဘူၣ်ထီၣ်ဘါထီၣ်ထဲ ယွၤတဂၤဧိၤန့ၣ်လီၤ.