လံာ်စီၤပၤခံဘ့ၣ်တဘ့ၣ် 23:12 - Sgaw Karen Common Bible

¹² တၢ်လုၢ်လီၢ်တဖၣ်လၢကီၢ်ယူဒၤအစီၤပၤတဖၣ်မၤထီၣ်က့ၤဝဲ လၢနူၢ်ဧိၤစီၤဧိၤအခိၣ်ဒုးလိၤ, လၢအအိၣ်ဝဲလၢစီၤပၤအၤဃး အိၣ်ဆိးအလီၢ်အဖီခိၣ်န့ၣ်, စီၤပၤယိၤၡံယၤမၤလီၤပှီၢ်ကွံာ်အီၤဃုာ်ဒီးတၢ်လုၢ်လီၢ်တဖၣ် လၢအဘၣ်တၢ်ပာ်ထီၣ်လၢစီၤပၤမနၤၡ့ၤ, လၢယွၤအတၢ်လုၢ်ဟံၣ်အဂၢၤအဂၤခံတီၤအပူၤန့ၣ်လီၤ. အဝဲမၤလီၤကလဲကွံာ်တၢ်လုၢ်လီၢ်တဖၣ်အံၤဆူအက့က့အခီခီ ဒီးတ့ၢ်လီၤအီၤဆူကံဒြိၣ်အတၢ်တြီၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:12 Iomraidhean Croise

လံာ်စီၤပၤအခီၣ်ထံးတဘ့ၣ် 15:13

အဝဲသုးကွံာ်အဖံနီၢ်မၤကၤလၢနီၢ်ပၤမုၣ်အမိၢ်အလီၢ်အလၤ, မ့ၢ်လၢနီၢ်မၤကၤမၤထီၣ်ဟီၣ်ခိၣ်ညၣ်ထ့ၣ်အကစၢ်မုၣ်နီၢ်အၡ့ရၤ အဂီၤတခါလၢအထိၣ်ဂဲၤထီၣ်တၢ်သးကတၢအဃိန့ၣ်လီၤ. စီၤအၤစါမၤဟးဂီၤကွံာ်တၢ်ဂီၤန့ၣ်ဒီးဒွဲၣ်အူကွံာ်အီၤလၢ ကံဒြိၣ်တၢ်တြီၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 10:26

ဒီးဟဲစိာ်ထီၣ်ထူၣ်စီဆှံလၢအအိၣ်ဖဲန့ၣ်ဒီးဆူးထီၣ်ကွံာ် အီၤလၢမ့ၣ်အူန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:4

အဝဲဘှီထီၣ်ပှၤတစူၢ်တနာ်ယွၤအတၢ်လုၢ်လီၢ်တဖၣ်လၢယွၤအတၢ်လုၢ် ဟံၣ်အပူၤ, တၢ်လီၢ်ဖဲယွၤစံးတ့ၢ်ဝဲလၢ, အဝဲကဘၣ်တၢ်ဘူၣ်ထီၣ်ဘါထီၣ်အီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:5

လၢယွၤအတၢ်လုၢ်ဟံၣ်အဂၢၤခံတီၤအပူၤန့ၣ်, အဝဲဘှီထီၣ်တၢ်လုၢ်လီၢ်တဖၣ်လၢတၢ်ဘူၣ်ထီၣ်ဘါထီၣ်ဆၣ်ဧိၤဖီ ဧိၤအဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:4

ဝံၤဒီး, စီၤယိၤၡံယၤဟ့ၣ်လီၤအကလုၢ်ဆူပှၤလုၢ်တၢ်အခိၣ်အဒိၣ် ကတၢၢ်စီၤဃံးလကံယၤ, အဝဲအပှၤလုၢ်တၢ်အခိၣ်စၢၤတဖၣ်, ဒီးပှၤခိးတၢ်အိၣ်မူအိၣ်ဒါဖဲယွၤအတၢ်လုၢ်ဟံၣ်အကျဲစၢၤတဖၣ်လၢ အကဟဲစိာ်ထီၣ်ကယဲၢ်တၢ်ပီးတၢ်လီခဲလၢာ်လၢအဘၣ်တၢ်သူ အီၤလၢတၢ်ဘူၣ်ထီၣ်ဘါထီၣ်ဘဧၤလးအဂီၢ်, ကစၢ်မုၣ်အၡ့ရၤအဂီၢ်ဒီးဆၣ်ဧိၤဖီဧိၤအဂီၢ်, ဆူယွၤအတၢ်လုၢ်ဟံၣ်အချၢန့ၣ်လီၤ. စီၤပၤဒွဲၣ်အူထီၣ်ကွံာ်တၢ်သ့ၣ်တဖၣ်အံၤခဲလၢာ်လၢဝ့ၢ်အချၢ ဘူးဒီးကံဒြိၣ်အတၢ်တြီၤပူၤ, ဝံၤဒီးမၢပှၤစိာ်ထီၣ်ကွံာ်အချါတဖၣ်ဆူဝ့ၢ်ဘ့ၤသ့လးန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:6

ကစၢ်မုၣ်အၡ့ရၤအတၢ်ပနီၣ်လၢအအိၣ်လၢယွၤအတၢ်လုၢ်ဟံၣ်အပူၤန့ၣ်, အဝဲသုးကွံာ်ဝဲဒီးစိာ်ထီၣ်ဝဲဆူဝ့ၢ်အချၢဆူကံဒြိၣ်အတၢ်တြီၤပူၤ, ဒွဲၣ်အူထီၣ်ကွံာ်ဝဲ, တိၢ်လီၤကမူၣ်ဝဲတုၤအကဲထီၣ်ချါဖၣ်ဆါ ဒီးဖှံလီၤဝဲလၢကမျၢၢ်အတၢ်သွၣ်ခိၣ်အဖီခိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:16

စီၤပၤအၤစါသုးကွံာ်အဖံနီၢ်မၤကၤလၢနီၢ်ပၤမုၣ်အမိၢ်အ လီၢ်, မ့ၢ်လၢအဝဲတ့ထီၣ်ဟီၣ်ခိၣ်ညၣ်ထ့ၣ်အကစၢ်မုၣ်အၡ့ရၤအဂီၤတခါလၢ ကမၤကတၢသူၣ်ကတၢသးတၢ်အဃိန့ၣ်လီၤ. စီၤအၤစါကူာ်လီၤကွံာ်တၢ်ဂီၤန့ၣ်ဒီးမၤလီၤကလဲကွံာ်ဝဲဒီး ဆူးကဲၤထီၣ်ကွံာ်တၢ်လီၤကလဲတဖၣ်န့ၣ်လၢကံဒြိၣ်အကစၢၢ်ကဆူး အပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:15

အဝဲသုးကွံာ်ပှၤတခီဘီမုၢ်ဖိအယွၤတဖၣ်ဒီးတၢ်ဂီၤတၢ်ဖီၣ်လၢ အဝဲပာ်လီၤဝဲဖဲန့ၣ်, လၢယွၤအတၢ်လုၢ်ဟံၣ်အပူၤ, ဒီးပှၤတစူၢ်တနာ်ယွၤအတၢ်လုၢ်လီၢ်တဖၣ်လၢအအိၣ်လၢယွၤ အတၢ်လုၢ်ဟံၣ်အိၣ်ဆၢထၢၣ်အတၢ်လူၢ်ဒီခိၣ်မ့ၢ်ဂ့ၤဒီးလၢ တၢ်လီၢ်အဂၤတဖၣ်လၢဝ့ၢ်ယရူၤၡလ့ၣ်အပူၤမ့ၢ်ဂ့ၤန့ၣ်လီၤ. အဝဲစိာ်ကွံာ်တၢ်တဖၣ်အံၤခဲလၢာ်ဆူဝ့ၢ်အချၢဒီးစူးကွံာ်ဝဲန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:5

လၢယွၤအတၢ်လုၢ်ဟံၣ်အဂၢၤခံတီၤအပူၤန့ၣ်, အဝဲဘှီထီၣ်တၢ်လုၢ် လီၢ်တဖၣ်လၢတၢ်ဘူၣ်ထီၣ်ဘါထီၣ်ဆၣ်ဧိၤဖီဧိၤတဖၣ်အဂီၢ်န့ၣ်လီၤ.

လံာ်ယံးရမံယၤ 19:13

ဝ့ၢ်ယရူၤၡလ့ၣ်အဟံၣ်တဖၣ်, ကီၢ်ယူဒၤအစီၤပၤတဖၣ်အဟံၣ်တဖၣ်, ဒီးသပှၢ်ကတၢၢ်ကယဲၢ်ဟံၣ်တဖၣ်လၢပှၤဆိၣ်ကဲၤတ့ၢ်တၢ်နၢမူလၢ အခိၣ်ဒုးအလိၤဆူဆၣ်တဖၣ်အအိၣ်, ဒီးတၢ်လီၢ်ဖဲစပံးထံဘၣ်တၢ် လူလီၤအီၤဒ်တၢ်လုၢ်တၢ်ပာ်တမံၤဆူကစၢ်အဂၤတဖၣ်အအိၣ်, အဝဲသ့ၣ်ခဲလၢာ်ကကဲထီၣ်တၢ်တကဆှီဘၣ်ဒ်တိဖ့းအသိးန့ၣ်လီၤ.”

လံာ်ယံးရမံယၤ 31:40

တၢ်တြီၤဒီတြီၤညါ, ဖဲပှၤအသံတဖၣ်ဘၣ်တၢ်ခူၣ်လီၤကွံာ်အီၤ ဒီး တၢ်တဂိာ်တသီၣ်ဘၣ်တၢ်စူးကွံာ်အီၤ, ဒီးစံာ်ပျီခဲလၢာ်လၢ ထံကျိကံဒြိၢ်ပၢၢ်တုၤလၢ ကသ့ၣ်အတြဲၤလၢ မုၢ်ထီၣ်တခီန့ၣ်, ကမ့ၢ်တၢ်လီၢ်စီဆှံလၢ ယဂီၢ်န့ၣ်လီၤ. ဝ့ၢ်အံၤတဘၣ်တၢ်မၤ လီၤပှီၢ်ကဒီးလၢၤအီၤမ့ၢ်ဂ့ၤ, မၤဟးဂီၤကွံာ်လၢၤအီၤမ့ၢ်ဂ့ၤ နီတစုဘၣ်.”

လံာ်စဖါနယၤ 1:4

ယကစံၣ်ညီၣ်ဝ့ၢ်ယရူၤၡလ့ၣ်အပှၤဂီၢ်မုၢ်ဒီးကယဲၢ်ပှၤအိၣ်လၢကီၢ် ယူဒၤအပူၤခဲလၢာ်န့ၣ်လီၤ. ယကမၤဟးဂီၤကွံာ်ပှၤဘူၣ်ထီၣ်ဘါထီၣ် ဘဧၤလးဖဲန့ၣ်, တုၤလၢပှၤအိၣ်လီၤတဲာ်တ့ၢ်လၢခံကတၢၢ်တဂၤတစုလီၤ. ဒီးပှၤကသ့ၣ်နီၣ်ပှၤဘါတၢ်ဂီၤတၢ်ဖီၣ်အပှၤလုၢ်တၢ်အခိၣ်တဖၣ်လၢ အမၤဘဧၤလးအတၢ်တအိၣ်လၢၤဘၣ်နီတဂၤဒၣ်လဲာ်ဘၣ်.

လံာ်စဖါနယၤ 1:5

ယကမၤဟးဂီၤကွံာ်ကယဲၢ်ပှၤတဂၤလၢ်လၢ်လၢအလဲၤ ထီၣ်ဆူဟံၣ်ခိၣ်ဒီးဘူၣ်ထီၣ်ဘါထီၣ်မုၢ်, လါဒီးဆၣ်တဖၣ်န့ၣ်လီၤ. ယကမၤဟးဂီၤကွံာ်စ့ၢ်ကီးပှၤလၢအဘူၣ်ထီၣ်ဘါထီၣ်ယၤဒီးပှၤ တဖၣ်လၢအအၢၣ်လီၤအီလီၤအသးလၢကတီဒီးယၤဘၣ်ဆၣ်ဒီး မၤတၢ်ဆိၣ်လီၤအသးတဖၣ်လၢကစၢ်မိလးအမံၤအပူၤန့ၣ်လီၤ.

လံာ်သိၣ်လီၤသီလီၤတၢ် 22:8

ဖဲသုဘှီထီၣ်ဟံၣ်အသီတဖျၢၣ်န့ၣ်, မၤလီၤတံၢ်လၢသု ကဒူၣ်ဝးတရံးဟံၣ်ခိၣ်ဒုးအထိးနါဒီးထးဘိတက့ၢ်. အန့ၣ်ဒီး, ပှၤတဂၤဂၤမ့ၢ်လီၤတဲာ်ဒီးသံန့ၣ်, သုမူသုဒါတအိၣ်ဘၣ်လီၤ.