လံာ်စီၤပၤခံဘ့ၣ်တဘ့ၣ် 23:11 - Sgaw Karen Common Bible

¹¹ အဝဲသုးကွံာ်စ့ၢ်ကီးကသ့ၣ်တဖၣ်လၢကီၢ်ယူဒၤအစီၤပၤတဖၣ်ပာ်စီ ဆှံတ့ၢ်အီၤလၢတၢ်ဘူၣ်ထီၣ်ဘါထီၣ်မုၢ်အဂီၢ်, ဒီးအဝဲဒွဲၣ်အူကွံာ်လ့ၣ်ကဟၣ်တဖၣ်လၢတၢ်သူအီၤလၢတၢ်ဘူၣ်ထီၣ်ဘါ ထီၣ်အံၤအပူၤန့ၣ်လီၤ. (တၢ်သ့ၣ်တဖၣ်အံၤဘၣ်တၢ်ပာ်အီၤလၢတၢ်လုၢ်ဟံၣ်အဂၢၤပူၤ, ဘူးဒီးတြဲၤ, ဒီးတယံၤဘၣ်ဒီးပဒိၣ်ဖးဒိၣ်တဂၤလၢအမ့ၢ်စီၤနၤ သၣ်မ့လ့း, အတၢ်အိၣ်တၢ်ဆိးအလီၢ်ဘၣ်န့ၣ်လီၤ.)

လံာ်စီၤပၤခံဘ့ၣ်တဘ့ၣ် 23:11 Iomraidhean Croise

လံာ်စီၤပၤခံဘ့ၣ်တဘ့ၣ် 23:5

လၢကီၢ်ယူဒၤအဝ့ၢ်တဖၣ်အပူၤဒီးလၢတၢ်လီၢ်တဖၣ်လၢအအိၣ်ဘူးဒီး ဝ့ၢ်ယရူၤၡလ့ၣ်အပူၤန့ၣ်, အဝဲသုးကွံာ်ပှၤလုၢ်တၢ်အခိၣ်တဖၣ်လၢတၢ်မၤအလီၢ်လၢကီၢ်ယူဒၤ အစီၤပၤဃုထၢပာ်လီၤတ့ၢ်အီၤဒ်သိးကလုၢ်ထီၣ်တၢ်လုၢ်တၢ်ပာ်တဖၣ် ဆူပှၤတစူၢ်တနာ်ယွၤအတၢ်လုၢ်လီၢ်တဖၣ်အဖီခိၣ်, ကယဲၢ်ပှၤလုၢ်တၢ်အခိၣ်တဖၣ်လၢအလုၢ်ထီၣ်တၢ်လုၢ်တၢ်ပာ်တဖၣ်ဆူဘဧၤ လးအအိၣ်, ဆူမုၢ်အအိၣ်, ဆူလါအအိၣ်, ဆူမူဖျၢၣ်တဖၣ်အအိၣ်ဒီးဆူဆၣ်ဧိၤဖီဧိၤတဖၣ်အအိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 26:18

ဘူးဒီးဘျီၣ်အိၣ်လၢမုၢ်နုာ်တခီန့ၣ်, ပှၤပၢၤတၢ်ဖိအိၣ်လွံၢ် ဂၤလၢကျဲကပၤဒီးအိၣ်ခံဂၤဖဲဘျီၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:5

မ့ၢ်လၢအဝဲမၤဟးဂီၤလၢာ်ကွံာ်ပှၤဘါတၢ်ဂီၤတၢ်ဖီၣ်အတၢ်ဘူၣ်တၢ် ဘါထီၣ်ယွၤအလီၢ်တဖၣ်ဒီးတၢ်ဆူးကဲၤတၢ်နၢမူအတၢ်လုၢ်လီၢ်တ ဖၣ်, လၢကယဲၢ်ကီၢ်ယူဒၤအဝ့ၢ်ခဲလၢာ်အပူၤအဃိအဘီမုၢ်အိၣ်မုာ်အိၣ် ခုၣ်ဝဲလၢအဝဲအတၢ်ပၢအဖီလာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:4

လၢအဝဲအတၢ်ကျဲၤအပူၤန့ၣ်, အဝဲအပှၤတဖၣ်တီၢ်လီၤကလဲ ကွံာ်တၢ်လုၢ်လီၢ်တဖၣ်ဖဲဘဧၤလးဘၣ်တၢ်ဘူၣ်ထီၣ်ဘါထီၣ်တ့ၢ်အီၤ, ဒီးမၤလီၤပှီၢ်ကွံာ်တၢ်လုၢ်နၢမူအတၢ်လုၢ်လီၢ်တဖၣ်လၢအအိၣ်ဘူးဖဲန့ၣ်, န့ၣ်လီၤ. အဝဲသ့ၣ်မၤလီၤကမူၣ်ကွံာ်ကစၢ်မုၣ်အၡ့ရၤအဂီၤတဖၣ် ဒီးကယဲၢ်တၢ်ဂီၤတၢ်ဖီၣ်အဂၤတဖၣ်, ဝံၤဒီးဖှံလီၤကွံာ်တၢ်ကမူၣ်တဖၣ်လၢပှၤဂီၢ်မုၢ်လၢအလုၢ်ထီၣ် တၢ်ဆူအဝဲသ့ၣ်တဖၣ်အတၢ်သွၣ်ခိၣ်အလိၤန့ၣ်လီၤ.

လံာ်စီၤယိၤဘး 31:26

ယတဘူၣ်ထီၣ်ဘါထီၣ်တ့ၢ်မုၢ်လၢအတၢ်ကပြုၢ်ကပြီၤအဃိ န့ၣ်မ့ၢ်ဂ့ၤဒီးလါလၢကယဲၢ်အတၢ်ဃံတၢ်လၤအဃိန့ၣ်မ့ၢ်ဂ့ၤ နီတဘျီဘၣ်.

လံာ်ယဃ့းစက့လး 40:17

ပှၤတဂၤန့ၣ်ဆှၢယၤခီဖျိကျဲစၢၤအတြဲၤဆူတၢ်လုၢ်ဟံၣ်အဂၢၤ ပူၤန့ၣ်လီၤ. ဖဲန့ၣ်ဒၢးတဖၣ်လၢအဘၣ်တၢ်ဘှီထီၣ်အီၤ, လၢအချၢဃံထိးအသးဒီးတၢ်ဒူၣ်လၢတၢ်ချၢတကပၤအိၣ်ဝဲ အဖျၢၣ်သၢဆံဒီးလၢအဝဲသ့ၣ်အမဲာ်ညါန့ၣ်အိၣ်ဒီးတၢ်လီၢ်တတီၤ လၢအဘၣ်တၢ်ဒါအီၤလၢလၢၢ်တဖၣ်,

လံာ်ယဃ့းစက့လး 8:16

လၢတၢ်န့ၣ်အဃိ, အဝဲဆှၢယၤဆူယွၤအတၢ်လုၢ်ဟံၣ်အဂၢၤလၢတၢ်အိ ပူၤတခီလီၤ. ဖဲန့ၣ်, ဘူးဒီးတၢ်လီၢ်စီဆှံအကျဲစၢၤ, လၢတၢ်လုၢ်လီၢ်ဒီးတၢ်ခိၣ်ဒုးထီၣ်ဘးအဘၢၣ်စၢၤန့ၣ်ပှၤကအိၣ်ဝဲ ခံဆံယဲၢ်ဂၤဃၣ်ဃၣ်န့ၣ်လီၤ. အဝဲသ့ၣ်ဒီအချၢလၢတၢ်လီၢ်စီ ဆှံတခီဒီးသကူးလီၤအသးဆူမုၢ်ထီၣ်တခီဒီးဘူၣ်ထီၣ်ဘါထီၣ်မုၢ် လၢအဟဲထီၣ်န့ၣ်လီၤ.

လံာ်သိၣ်လီၤသီလီၤတၢ် 4:19

ပျဲသုဒိးဘၣ်တၢ်လ့ပစီသုလၢသုကဘူၣ်ထီၣ်ဘါထီၣ်ဒီးမၤတၢ် တဖၣ်လၢသုထံၣ်ဘၣ်အီၤလၢမူကပိာ်လိၤလၢအမ့ၢ်, မုၢ်, လါဒီးဆၣ်တဖၣ်, အတၢ်န့ၣ်တဂ့ၤ. ယွၤဟ့ၣ်လီၤတၢ်တဖၣ်အံၤ လၢကယဲၢ်ပှၤဂီၢ်မုၢ်အဂၤတဖၣ်အဂီၢ်ဒ်သိးကဘူၣ်ထီၣ်ဘါထီၣ်ဝဲန့ၣ်လီၤ.