လံာ်စီၤပၤခံဘ့ၣ်တဘ့ၣ် 22:8 - Sgaw Karen Common Bible

⁸ စီၤၡၤဖၣ်ဟ့ၣ်လီၤစီၤပၤအကလုၢ်ဆူစီၤဃံးလကံယၤအအိၣ်ဒီး စီၤဃံးလကံယၤတဲဘၣ်အီၤလၢအဝဲထံၣ်န့ၢ်ယူဒၤအတၢ်သိၣ်တၢ်သီ အလံာ်လၢယွၤအတၢ်လုၢ်ဟံၣ်အပူၤန့ၣ်လီၤ. စီၤဃံးလကံယၤဟ့ၣ်အီၤလံာ်န့ၣ်ဒီးစီၤၡၤဖၣ်ဖးအီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 22:8 Iomraidhean Croise

လံာ်စီၤပၤခံဘ့ၣ်တဘ့ၣ် 22:9

အန့ၣ်ဝံၤဒီးအဝဲက့ၤကဒါက့ၤဆူစီၤပၤအအိၣ်ဒီးပာ်ဖျါထီၣ် ဝဲဒ်အံၤ, “နခ့နပှၤတဖၣ်ဟံးန့ၢ်စ့လၢအအိၣ်လၢယွၤအတၢ်လုၢ်ဟံၣ်အပူၤ, ဒီးဟ့ၣ်လီၤဝဲဆူပှၤအခိၣ်တဖၣ်လၢအကွၢ်ထွဲပၢဆှၢဂ့ၤထီၣ်က့ၤ အတၢ်မၤအအိၣ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 23:2

ဒီးအဝဲသ့ၣ်လဲၤသကိးဝဲတပူၤဃီဆူယွၤအတၢ်လုၢ်ဟံၣ်, ဃုာ်ဒီးပှၤလုၢ်တၢ်အခိၣ်တဖၣ်, ဝံတဖၣ်, ဒီးကယဲၢ်ပှၤဂီၢ်မုၢ်ခဲ လၢာ်, ပှၤထူးပှၤတီၤမ့ၢ်ဂ့ၤ, ပှၤဖှီၣ်ဖိယာ်ဖိမ့ၢ်ဂ့ၤန့ၣ်လီၤ. လၢအဝဲသ့ၣ်ခဲလၢာ်အမဲာ်ညါန့ၣ်, စီၤပၤဖးထီၣ်ဝဲလံာ်တၢ်အၢၣ် လီၤအီလီၤဒီဘ့ၣ်ညါ, လၢအဘၣ်တၢ်ထံၣ်န့ၢ်အီၤလၢယွၤအတၢ်လုၢ်ဟံၣ်အပူၤ, လၢအကလုၢ်ဖးဒိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 23:24

လၢတၢ်ကမၤပိာ်ထွဲတၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢအဘၣ်တၢ် ကွဲးလီၤတ့ၢ်အီၤလၢလံာ်ပူၤလၢပှၤလုၢ်တၢ်အခိၣ်အဒိၣ်ကတၢၢ်စီၤ ဃံးလကံယၤထံၣ်န့ၢ်ဝဲလၢယွၤအတၢ်လုၢ်ဟံၣ်ပူၤအဂီၢ်န့ၣ်, စီၤပၤယိၤၡံယၤသုးကွံာ်ဝဲကယဲၢ်ပှၤအိၣ်ဒီးပှၤသံအကလၤ, ပှၤဖးတၢ်ဟဲဝံဟဲစိာ်တဖၣ်, ကစၢ်တဖၣ်လၢတၢ်ပာ်အီၤလၢ ဟံၣ်ပူၤ, တၢ်ဂီၤတၢ်ဖီၣ်တဖၣ်, ဒီးပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ် အလီၢ်အဂၤတဖၣ်လၢဝ့ၢ်ယရူၤၡလ့ၣ်ဒီးကီၢ်ယူဒၤတၢ်လီၢ်အဂၤတဖၣ် အပူၤန့ၣ်လီၤ.