လံာ်စီၤပၤခံဘ့ၣ်တဘ့ၣ် 22:4 - Sgaw Karen Common Bible

⁴ “လဲၤဆူပှၤလုၢ်တၢ်အခိၣ်အဒိၣ်ကတၢၢ်စီၤဃံးလကံယၤအအိၣ်ဒီး မၤန့ၢ်တၢ်ပာ်ဖျါဘၣ်ထွဲဒီးစ့လၢပှၤလုၢ်တၢ်အခိၣ်အိၣ်မူအိၣ်ဒါတဖၣ်, ဖဲယွၤအတၢ်လုၢ်ဟံၣ်အကျဲစၢၤ, ထၢဖှိၣ်တ့ၢ်ဝဲလၢပှၤဂီၢ်မုၢ်အအိၣ်န့ၣ်တက့ၢ်.

လံာ်စီၤပၤခံဘ့ၣ်တဘ့ၣ် 22:4 Iomraidhean Croise

လံာ်စီၤပၤခံဘ့ၣ်တဘ့ၣ် 12:4

စီၤယိၤအၣ်ကိးဃီၤပှၤလုၢ်တၢ်အခိၣ်တဖၣ်ဒီးဟ့ၣ်လီၤအကလုၢ်ဆူ အဝဲသ့ၣ်လၢကပာ်ဖှိၣ်ပာ်တံၤစ့လၢအဘၣ်တၢ်ဟ့ၣ်အီၤဘၣ်ထွဲဒီး တၢ်လုၢ်တၢ်ပာ်တဖၣ်လၢယွၤအတၢ်လုၢ်ဟံၣ်အပူၤလၢအမ့ၢ်, တၢ်လၢပှၤဘၣ်ဟ့ၣ်အီၤလၢတၢ်လုၢ်တၢ်ပာ်ဘၣ်ဆၢဘၣ်ကတီၢ်တဖၣ်အဂီၢ် မ့ၢ်ဂ့ၤ, စ့လၢအဘၣ်တၢ်ဟ့ၣ်လီၤအီၤဒ်အမ့ၢ်တၢ်သူၣ်အိၣ်သးအိၣ် အတၢ်ဟ့ၣ်တဖၣ်အသိးမ့ၢ်ဂ့ၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 12:5

ပှၤလုၢ်တၢ်အခိၣ်တဂၤဘၣ်တဂၤစုာ်စုာ်အိၣ်ဒီးမူဒါလၢစ့လၢအဘၣ် တၢ်ဟဲစိာ်အီၤလၢပှၤတဖၣ်လၢအဝဲမၤန့ၢ်အီၤတၢ်အဂီၢ်, ဒီးစ့န့ၣ်ကဘၣ်တၢ်သူအီၤလၢတၢ်မၤဂ့ၤထီၣ်က့ၤယွၤအတၢ်လုၢ် ဟံၣ်အဂီၢ်ဒ်အလီၢ်အိၣ်ဝဲအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:18

အန့ၣ်ဝံၤဒီးအဝဲသ့ၣ်မၤလိာ်စီၤပၤဃံးစကံယၤ, ဒီးစီၤပၤဃံးစကံယၤအပဖးဒိၣ်လၢလာ်သၢဂၤဟးထီၣ်လၢကသဂၢၢ် အဝဲသ့ၣ်အဂီၢ်လီၤ. အဝဲသ့ၣ်တဖၣ်မ့ၢ်ဝဲ, စီၤဃံးလကံယၤအဖိခွါစီၤအ့ၤလယါကံၣ်လၢ အမ့ၢ်ပှၤပၢၤစီၤပၤအနီ, စီၤၡ့ၤဘနၤလၢအမ့ၢ်ကွီၢ်ဘျီၣ်အပှၤကွဲးလံာ်ဒီးစီၤအၤစာ်အဖိ ခွါစီၤယိၤအၤလၢအမ့ၢ်ပှၤပၢၤတၢ်ကွဲးနီၣ်တဖၣ်အခိၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 6:13

စီၤဃံးလကံယၤ, စီၤဧစၤရယၤ, စီၤစရါယၤ, စီၤယဃိၤစါဒးတဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:11

စီၤဧစၤရယၤလၢအမ့ၢ်စီၤဃံးလကံယၤအဖိခွါ (ပဒိၣ်အဒိၣ်ကတၢၢ်လၢ တၢ်လုၢ်ဟံၣ်အပူၤ), လၢအပၢ်ဖးဒိၣ်လၢပျၢၤတဖၣ်အကျါအိၣ်ဃုာ်ဒီးစီၤမၡူလၣ်, စီၤမရၤယိးဒီးစီၤအဃံးတူာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 9:19

စီၤၡၤလူၣ်လၢအမ့ၢ်စီၤကိၤရ့အဖိခွါဒီးစီၤအဘံယၤစာ်အလံၤခွါ, ဃုာ်ဒီးအဝဲအဒူၣ်ထၢအဟံၣ်ဖိဃီဖိကဒဲကဒဲလၢပှၤကိၤရးအဒူၣ် ထၢပူၤတဖၣ်, အိၣ်မူဒါလၢတၢ်ပၢၤကျဲစၢၤလဲၤနုာ်ဆူ ယွၤအိၣ်ဝဲဆိးဝဲအလီၢ်အဒဲ, ဒ်အဝဲသ့ၣ်အပၢ်ဖးဒိၣ်လၢပျၢၤ တဖၣ်မၤတ့ၢ်ဝဲ, ဖဲအဝဲသ့ၣ်မ့ၢ်ပှၤအခိၣ်တဖၣ်လၢယွၤသူၣ်ဒဲအလီၢ်အဂီၢ်အသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 8:14

ပိာ်ထွဲထီၣ်တၢ်သိၣ်တၢ်ဘျၢတဖၣ်လၢအဘၣ်တၢ်ပာ်လီၤတ့ၢ်အီၤလၢ အပၢ်စီၤဒၤဝံးအခံန့ၣ်, အဝဲကရၢကရိထီၣ်တနံၤဘၣ်တနံၤအတၢ်မၤလၢပှၤလုၢ်တၢ်အခိၣ်တဖၣ်အ ဂီၢ်, ဒီးလၢပှၤလ့ၤဝံဖိတဖၣ်လၢအမၤစၢၤပှၤလုၢ်တၢ်အခိၣ်တဖၣ်လၢတၢ် သးဝံၣ်ထါသးဝံၣ်တဖၣ်ဒီးလၢတၢ်မၤအဝဲသ့ၣ်အတၢ်မၤအပူၤအဂီၢ် န့ၣ်လီၤ. အဝဲကရၢကရိထီၣ်စ့ၢ်ကီးပှၤပၢၤတၢ်လုၢ်ဟံၣ်တဖၣ်တဖုဘၣ်တဖု လၢအကမၤအဝဲသ့ၣ်အမူအဒါတနံၤဘၣ်တနံၤဖဲတြဲၤဖးဒိၣ်တဘ့ၣ်စုာ် စုာ်, လီၤပလိာ်ဝဲဒီးကစၢ်ယွၤအပှၤကညီစီၤဒၤဝံးအတၢ်မၤလိာ်တဖၣ် န့ၣ်လီၤ.

လံာ်စီၤနဃ့မယၤ 11:19

ပှၤခိးယွၤအတၢ်လုၢ်ဟံၣ်တဖၣ်မ့ၢ်ဝဲ စီၤဧးကူာ်, စီၤတၤလမိၣ်ဒီးအဝဲသ့ၣ်အဘူးအတံၢ်တဖၣ်ပှၤခဲလၢာ်, ပှၤတကယၤနွံဆံခံဂၤန့ၣ်လီၤ.

စံးထီၣ်ပတြၢၤ 84:10

အဂ့ၢ်ဒ်အံၤ, ပအိၣ်ပဆိးလၢနဂၢၤတဖၣ်အပူၤတနံၤန့ၣ်, ဂ့ၤန့ၢ်ပအိၣ်ပဆိးလၢတၢ်လီၢ်အဂၤ အနံၤတကထိတက့ၢ်လီၤ. ယဃုထၢတၢ်ပၢၤကျဲစၢၤအလီၢ်လၢ ယကစၢ်ယွၤအဟံၣ်ပူၤန့ၣ် ဂ့ၤဒိၣ်န့ၢ် ယအိၣ်ယဆိးလၢပှၤတတီတလိၤ အဟံၣ်တဖၣ်အပူၤတက့ၢ်လီၤ.