လံာ်စီၤပၤခံဘ့ၣ်တဘ့ၣ် 22:12 - Sgaw Karen Common Bible

¹² ဒီးဟ့ၣ်လီၤအကလုၢ်ဒ်လာ်အံၤဆူပှၤလုၢ်တၢ်အခိၣ်စီၤဃံးလကံယၤ, ဆူစီၤၡၤဖၣ်အဖိခွါစီၤအဃံကၣ်, ဆူစီၤမံၤကါယၤအဖိခွါ စီၤဧးကဘိၢ်, ဆူကွီၢ်ဘျီၣ်အပှၤကွဲးလံာ်ဒိၣ်စီၤၡၤဖၣ်ဒီးဆူပှၤကွၢ်ထွဲမၤ စၢၤစီၤပၤစီၤဧစါယၤအအိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 22:12 Iomraidhean Croise

လံာ်စီၤပၤခံဘ့ၣ်တဘ့ၣ် 22:14

စီၤဃံးလကံယၤ, စီၤအဃံကၣ်, စီၤဧးကဘိၢ်, စီၤၡၤဖၣ်ဒီးစီၤဧစါယၤတဖၣ်လဲၤဒ်သိးကသံကွၢ်တၢ်လၢပိာ်မုၣ် တဂၤလၢအမံၤမ့ၢ်ဝဲနီၢ်ဃူးလဒါဝံမုၣ်တဂၤလၢအအိၣ်ဆိးဝဲလၢ ဝ့ၢ်ယရူၤၡလ့ၣ်အတၢ်လီၢ်အသီ, အအိၣ်န့ၣ်လီၤ. (အဝဲအဝၤစီၤၡၤလူၣ်လၢအမ့ၢ်စီၤတံးကဝၤအဖိခွါ, ဒီးစီၤဃၢ်ဃၣ်အလံၤခွါန့ၣ်, မ့ၢ်ပှၤပၢၤယွၤအတၢ်လုၢ်ဟံၣ်အဆ့ ကၤဖးထီတဖၣ်န့ၣ်လီၤ.) အဝဲသ့ၣ်တဲဘၣ်နီၢ်ဃူးလဒါလၢတၢ်လၢအမၤတ့ၢ်အသး,

လံာ်စီၤပၤခံဘ့ၣ်တဘ့ၣ် 22:9

အန့ၣ်ဝံၤဒီးအဝဲက့ၤကဒါက့ၤဆူစီၤပၤအအိၣ်ဒီးပာ်ဖျါထီၣ် ဝဲဒ်အံၤ, “နခ့နပှၤတဖၣ်ဟံးန့ၢ်စ့လၢအအိၣ်လၢယွၤအတၢ်လုၢ်ဟံၣ်အပူၤ, ဒီးဟ့ၣ်လီၤဝဲဆူပှၤအခိၣ်တဖၣ်လၢအကွၢ်ထွဲပၢဆှၢဂ့ၤထီၣ်က့ၤ အတၢ်မၤအအိၣ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 25:22

ကီၢ်ဘၤဘူၤလိၣ်အစီၤပၤနဘူၤကးန့စၢ်ဒုးကဲထီၣ်စီၤအဃံကၣ် အဖိခွါဒီးစီၤၡၤဖၣ်အလံၤခွါစီၤကဒါလယၤလၢကီၢ်ယူဒၤ အပဒိၣ်ဖးဒိၣ်, ဒီးပာ်လီၤအီၤဒ်ပှၤအခိၣ်လၢကအံးထွဲကွၢ်ထွဲ ပှၤတဖၣ်လၢအတဘၣ်တၢ်စိာ်ထီၣ်ကွံာ်အီၤဆူကီၢ်ဘၤဘူၤလိၣ်န့ၣ် လီၤ.

လံာ်ယံးရမံယၤ 26:22

သနာ်က့, စီၤပၤယဟိၤယါ ကံၣ်မၢလီၤစီၤဧးကဘိၣ်အဖိခွါ စီၤအ့လနၤသၣ်ဒီး ပှၤအဂၤတနီၤဆူ ကီၢ်အဲၤကူပတူးဒ်သိး ကမၤန့ၢ်က့ၤ စီၤအူၤရံယၤအဂီၢ်န့ၣ်လီၤ.

လံာ်ယံးရမံယၤ 26:24

ဘၣ်ဆၣ်, မ့ၢ်လၢစီၤၡ့ၤဖၣ်အဖိခွါ စီၤအဃံကၣ်အတၢ်မၤ စၢၤယၤအဃိဒီး, ယတဘၣ်တၢ်ဟ့ၣ်လီၤကွံာ်ယၤဆူပှၤဂီၢ် မုၢ်အစုပူၤလၢ တၢ်ကမၤသံယၤအဂီၢ်န့ၣ်ဘၣ်.

လံာ်ယံးရမံယၤ 39:14

ထုးထီၣ်ကွံာ်ယၤလၢ ဃိာ်လၢအအိၣ်လၢ နူၢ်အဂၢၤပူၤန့ၣ်လီၤ. အဝဲသ့ၣ်ပာ်ယၤလၢ စီၤၡၤဖၣ်အလံၤ, စီၤအဃံကၣ်အဖိခွါ, စီၤကဒါလယၤအစုပူၤ လၢကအံးထွဲကွၢ်ထွဲ ကဟုကယာ်ယၤ တုၤယက့ၤတုၤလၢ ဟံၣ်ဂ့ၤဂ့ၤဘၣ်ဘၣ်တစုန့ၣ်လီၤ. ဒီး လၢတၢ်န့ၣ်အဃိဒီး, ယအိၣ်ယဲဖဲန့ၣ်လၢ ပှၤဂီၢ်မုၢ်အကျါန့ၣ်လီၤ.